Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الخميس، 25 سبتمبر 2008

الاعتراض بشده هو القبول بعينه

 

طبعا العنوان غريب او مش غريب الله اعلم

المهم الموضوع و ما فيه

انى من فتره كنت بتكلم مع صديق عزيز جدااا عليه فى تصرف حصل من شخصيه معينه مقربه ليه برضه

صديقى كان رافض المبدأ رفض تام و كان بيقاتل فى اقناعى ان المبدأ مرفوض مرفوض مرفوض يامحسن

و انا كنت بدافع بقتال برضه لانى كنت مقتنعة جدا مش بالمبدأ لا انا مقتنعة ان لكل قاعدة شواذ

و الاسباب اللى حصلت كانت بتقول ان الشخصيه دى من الشواذ عشان كدا كنت بدافع عنها

لقيت صديقى العزيز اللذيذ فجأة و بدون اى مقدمات انتى بجد مقتنعة باللى بتقوليه دى تبقى كارثة و مصيبة لو مقتنعة

قولت وقتها انى اغير الموضوع افضل مانمسك فى بعض و الناس تتفرج

دا كان اول موقف ..نيجى بقى لتانى موقف

برضه كان مع صديقى العزيز اللى فوق دا بس المرة دى

كان نقاش مع افراد كتير و هو كان شايف الموضوع من وجهة نظره وأنا كنت شايفة الموضوع من وجهة نظرى

و الاختلاف فى وجهة النظر يفسد اى قضيه على فكره ...

المهم فضل يدافع و الكل يناقش و ماوصلنش لاى نقطه على الطرف حتى مش وسط

الكل فركش و مشى و انا و هو فضلنا رجع تانى يناقش لكن المرة دى مش لكل قاعدة شواذ

لا الموضوع كان مبدأ و انا فعلا مقتنعة به و هو كالعادة المعترض الدائم

و الايام تظبط العجله بتاعتها و تلف بيها و اذا فجأة ان صديقى العزيز هو اللى عمل بالمبدأ اللى دايما بيرفضه ... و انا اللى كنت بدافع ماعملتش به

الدرس المستفاد بقى من الموقفين ايه ؟؟؟

ان المبدأ الذى ترفضه بشده ... كن على يقين انه سوف يكون من أفضل المبادئ  فى حياتك

ولا انتو ايه رأيكوا ؟؟؟ 

و دمتم سالمين

هناك 84 تعليقًا:

elsha3er يقول...

السلام عليكم لنا ممكن اقولك انتى مين وممكن اقولك اسمك بس انا حسيبك على راحتك نيجى للموضوع انا شايف ان المبدأالذى ارفضه بشدة لن يكون مبدأاصلا فى حياتى لان علية اختلاف لان ممكن فى اى لحظة اطلع انا اللى غلط
مع السلامة يا...........


احمد الشاعر

Sweet Violet يقول...

اولا اشكرك على حفظ خصوصياتى و عارفه انك عرفتنى من اول تعليق عندك بالاسم الجديد ..صح؟؟؟

نيجى للموضوع انا معك ان فعلا المبدأ اللى الانسان يرفضه المفروض مايكونش فى حياته من الاصل لكن صدقنى فى اشخاص كتير و مواقف كتير طبعا انا اختصارتها على اتنين بس عشان البوست مايكونش طويل لكن تأكد بالفعل ان اى انسان لو رفض شئ بشده هو نفسه بيعمله

و بالفعل بستغرب دا و ممكن انا نفسى يحصل معيا كدا

تفتكر ايه السر؟؟؟

بس انا مفهمتش يعنى ايه لان عليه اختلاف و ممكن تطلع غلطان؟؟؟

لانى طبعا مش فاهمه بالتالى هانتظر تفسيرك عشان اقدر ارد

------

يا (ضد التيار) انت نسيت ولا ايه يااحمد ؛)

كل سنه وانت طيب

بنت سيناء.. يقول...

ضد التيار اول زيارة وعجبنى البلوج

بس انتى ما وضحتى الموقف نفسة انا كنت حاسة انى زى الاطرش فى الزفة

لازم توضحى اية هى القضية اللى اختلفتى واختلف هو معاكى فية حتى نقتنع بما ذكرتى فى اخر البوست

مع العلم ان هناك اناس يتمسكون بمبادئهم مهما طال عليهم الزمن مش لازم يعملو زى صديققك

تقبلى مرورى
وكل سنة وانتى طيبة

Yasmine يقول...

عاجبنى اوى اسم البلوج على فكرة
بصى مش عايزة افتى عشان انا مؤخرا ابتديت اشك فى حاجات كتير من اللى كنت مقتنعة بيها..بس البنى ادم اللى ماعندوش مرونة فى قناعاته يبقى بنى ادم غبى
يعنى صديقك اللى بتقولى عليه ده يمكن لما راجع نفسه مرة و اتنين كتشف ان مبداه الاول كان غلط و اقتنع بكلامك و نفذه..بتحصل عادى

فى حاجة كمان اللى بيشوف الموقف من بره غير اللى عايش احداثه من قريب..يعنى صديقك يمكن كان رافض مبدأ معين عشان ما جربش يتحط فى الموقف اللى لازم يطبق فيه كلامه ده لكن لما بتبقى جوه الحدث نفسه موقفك بيتغير مليون درجة صدقينى

كـــيــــــــارا يقول...

ازيك يامحيراني


عارفه لو حطتيتي اغنيه هنا مش هفتحلك مدونه تاني انا بقول اهو مش ناقصه اني اتخض تاني (وش شرير علي الاخر )

نيجي للبوست

ان المبدأ الذى ترفضه بشده ... كن على يقين انه سوف يكون من أفضل المبادئ فى حياتك

-----

كلام جميل

وصديقكك كان بس بيقول ان اقتناعك كارثه ومصيبه لانه مش شايف اكيد الموضوع من كافه النواحي شايفه بس من ناحيه واحده وده غلط

لكن اكيد لما واجه الموضوع من زاويه تانيه نفذ المبدا اللي كان معترض عليه ياسبحان الله


ايه الرغي ده

سلام بقي :)

elsha3er يقول...

يعنى مثلا فى اختلاف على المبدأالفلانى مبينى ومبين واحد حيبقى فى نقاش حتى لو انا مقتنع بس ماينفعش اخده امشى بى فى حياتى لان ممكن اكون انا غلطان فى تقديرى للمبدأنفسه دى حاجة

2 انتى لية بتهربى من اللى فات انا شايف انك غلطانة طبعا لان اللى يخاف من الناس يبقى ما يعش معاهم ماتزعليش اللى انتى عملتيه دة غلط انتى كنتى المفروض واجهتى الدنيا مش تخافى وتغيرى اسمك


احمد الشاعر

elsha3er يقول...

لوكنتى فاكرة ان انتى بهروبك

فى ناس حتبعد عنك وناس يقربولك

لو هم كانو فعلا ناس بيهدمولك

كنتى واجهتى الناس وفى ناس حيصلحولك


احمد الشاعر

Sweet Violet يقول...

بنت سيناء
--------
البوست مش عشان اثبت هل انا صح ام صديقى

هدف البوست هو اللى بيدافع بقتال عن مبدأ هو رافضه و بعدين تلاقيه هو نفسه اللى بيعمله

دا ايه سببه؟؟؟

عشان كدا ماذكرتش سبب الخلاف ولا المبدأ كان عن ايه

و انتى طيبه

و الحمد لله ان البلوج عجبك

Sweet Violet يقول...

banouta masreya
-------------
الحمد لله ان الاسم عجبك (:

انا معكى فى اول حاجه

لكن تانى حاجه معلش انا واحده من الناس ماكنتش جوه الحدث لكن تقمصت شخصيه اللى جوه الحدث

يبقى ليه دايما احنا عندنا سياسه الاعتراض و بس؟؟

من غير مانحاول ندخل فى الحدث كاكل و نشوف التصرف

انتى عارفه كلامك دا فكرنى بواحده كانت دايما بتعترض على حماتها فى تربيه اخت جوزها الصغيرة عايزة اقولك انها دلوقتى هى اللى بتربى بنتها الصغيره بنفس طريقه حماتها اللى هى كانت معترضه عليها

بجد نورتى البلوج

كل سنه و انتى طيبه

Sweet Violet يقول...

كيارا

----------

الحمد لله مالك بس محيراكى فى ايه

ههههههههههههههههههههههه

و كمان اغنيه ايه ياشيخه اللى حطها

بس انا واثقه انى حتى لو عملت اغنيه مش هاتقدرى ماتفتحيش المدونه

لازم هاتفتحيها على الاقل عشان تطمنى عليه ولا ايه؟؟؟

نيجى للبوست

حلو الكلام جداااا

يبقى هنا فى تسرع فى الاعتراض و زى ماقولت لبنوته مصريه بنعترض و بس من غير مانشوف جميع الجوانب قبل مانصدر اعتراضنا

ولا رغى ولا حاجه انتى دايما منورة واتكلمى زى ماانتى عايزة

دايما سلام

Sweet Violet يقول...

احمد الشاعر

------------

كدا وضح الكلام و اتفق معك

نيجى للنقطه التانيه

التغيير مش خوف من الناس لانى لو بخاف من الناس المدونه دى ماكنتش اتعملت من الاساس

و على فكره تغيير الاسم مش عشان ماتعرفش السبب الاساسى فى التغيير انى بعلن انى ضد التيار

البعد مش معناه ان ناس تبعد وناس تقرب

انا قولت سببه ايه انى اخليهم يفتكروا انهم قدروا واريح دماغى عشان اقدر اعيش حياتى براحتى

مقتنعه بحاجه الباب اللى يجى منه الريح سده واستريح

و انا سديت الباب دا

علشان مابحبش كمان حد يرقبنى و احس انى متكتفه

ماشى انا معك ان اللى بيهدم فى ناس اكيد هاتصلح

طيب لما تلاقى اللى المفروض يصلح بيهدم معهم تعمل ايييييه؟؟؟

يبقى اسيب الجمل ليهم و انا ارجع تانى لحياتى

زى مابيقوله ريح واستريح

اما على المواجهه يااااااااااااااه انا وجهت كتير

لكن مافيش اى فايده

واعتقد ان فى حاجات اهم فى حياتى لازم انتبه ليها بقى

مش هاضيع كل حياتى فى مواجهه النتيجه بتاعتها سالب

ولا ايه؟؟؟

مجلة الأم الصغيرة يقول...

أولا مبروك على المدونة
و بشكرك على زيارتك الجميلة لمدونتي
أما عن البوست دا فأنا شايفة إن الموضوع مش بسيط أوي كدا يعني فيه مبادئ ثابتة مهما حصل ماينفعش نغيرها زي الحاجات اللي لو غيرناها حنخالف ديننا أو أخلاقنا
إنما المبادئ اللي أي إنسان بيحطها لنفسه دي أكيد بيغيرها مع مرور الوقت و ممكن فعلا يتصرف عكسها
الاول
تحياتي لك و تقبلي مروري ال

صبرني يارب يقول...

طب انا عندي اقتراح ما دام الكل عارف انتى مين ما تقوليلى عشان انا بليده فىالفوازيرههههههههههه

طب عندي اقتراح تاني

ما تحكيلنا ايه هو المبدا الى اخانقتوا بسببه وقوليلنا مين الى زعلك بس واحنا نعضهولك بدل ما انا تهت منك كده

تحياتي لك ونورتينى وان شاء الله اتابع البلوج بتاعك

SHAPE YOUR LIFE (ABOALI) يقول...

الاختلاف زاى ما انتى عارفة يا جميل سنة كونيه
وهو كمان مزرعة توالد الافكار وتحسينها وتجويدها
بس البعض يؤثر عليه الاخنلاف ده عاطفيا
ويجعلة ممزوج بالعواطف
وهنا الخطأ الفادح
علشان كده فى حاجة اسمها ثقافة الاختلاف والحوار



تايهين يا يابا
فى دنيا الغلابة
مرة نقول دنيا
ومرة نقول غابه
نختلف ونكسر
ونقول بنصلح
بشيىء من الحكمة
نسمع بعض بأنصات
ونحلل ونرسم
طريق فيه بدايل وحلول
بس المتعب فينا
كبر وتحيز
من غير تميز
كل حاجة ليها اسس
بص وتعلم من الرسل
شاور ومشورة
اكيد
هاتتطلع احسن صورة



تحياتى يا ضد ضد ضد التيار
معلش اصلى بسنن


انا ليا موضوع فى مدونتى بعنوان
دعارة العقول هو موضوع قديم
شوفيه ممكن او لا ممكن يفيد

شمس النهار يقول...

كالعاده انا مش فاهمه حاجه عشان كده هتكلم في العموم
المباء الصح لايختلف عليه اتنين ليه لآنه بيكون مع الدين والعرف والتقاليد
واعتقد دول ماعليهمش خلاف لان الرافض لهم خارج عن الجماعه اصلا
يبقه الخلاف علي ايه
مش فاهمه
وطالما انت مقتنعه انك صح ومش بتجملي حد علي حساب مبدئك يبقه خلاص تمسكي بها

shimaa يقول...

قد نجد انفسنا بلحظة ما نفعل ما كنا ننتقده بشدة لأن الظروف قد تبدلت او لأن الكلمات أسهل كثيرا حين تقال لا حين تنفذ

وقد نجد فيما كنا نعترض عليه حل أسهل على أنفسنا

قد يكون الاعتراض بشدة هو القبول بعينه لكنك قلتى ان لكل قاعدة شواذ

فتلك الجملة لن تسرى مع الجميع لان لكل قاعدة شواذ

تحياتى

طـائر الليــل الحـزين يقول...

هاى . ازيك يا قمر لأنى معرفش اسمك
اولا : انا شايفة ان اسلوبك فى الكتابة جميل جدا . بس صدقينى هيكون اجمل لو ابتديتى توضحى المواقف اللى بتتكلمى عنها . وده اكيد مش هيوضح شخصيتك . وانا مؤمنة ان لكل شخص خصصياته اللى يجب علينا اننا نحترمها
donea

رئيس جمهوريه نفسى يقول...

هو المفترض قبل القبول او الرفض ابحث الموضوع من كل جوانبة هل انا لو في الموقف دة حتصرف ازاى لانى فعلا ممكن لما اكون فى موقف انا كنت رفضة حتصرف نفس التصرف
يعنى الموضوع مش قبول ورقض الموضوع ظروف وهى بتحكم على الانسان طبيعة التصرف

كلام على بلاطة يقول...

كل عام وانتن بخير

غير معرف يقول...

ضد التيار

لفت نظرى الاسم قررت ادخل اشوف مين

وعبنى قوى تكون فى بنت ضد التيار بس

السؤال اللى محيرنى

انهى تيار انتى ضدة المشكلة ان فى تيارات كتير فى مجتمعنا ولا انتى ضد كل تيار يخالف مبادئك اللى ممكن تكون سليمة وقد يعتريها الخلل بطبيعتك البشرية

انا قريت البوست المقدمة وعجبنى بس بردو مجاوبتيش على سؤالى المهم البوست ده اللى بعلق عليه مفهمتش منه غير الخلاصة وده المهم رغم ان الحكاية شدتنى وعايز اعرفها

تحياتى

واتمنى متكونيش على طول ضد التيار بس ممكن تحاولى تغيرى التيار وتبقى معاه

Egyptian citizen يقول...

كلامك صح جداا و اني المبدء اللي ممكن
ارفضه دلوقتي ممكن بعدين اقبله و انفذه
و الغلط اننا نتمسك بمبدء معين زي صحبك
و نصر عليه لازم يكون في مرونة في الفكر و نكون عندنا قابلية لتقبل الافكار الغير بشرط لو كانت تنفعنا
و مبادئ الانسان بتتغير باستمرار بتغير
السن او ظروف او افكار جديدة اعرفها
ماكنتش عرفتها قبل كده
و في الاخر بجد موضوعك جميل جداا ربنا يوفقك

الازهرى يقول...

صديقتى العزيزة
مبروك المدونةالجديدة وانتظرك عندى كى نتواصل دائما
هناك نوعان من المبادىء
اولا المبادىء الاساسية للمجتمع شاملة الدين والعرف وما الى ذلك وهذه غالبا لا يمكن المساس بها
ثانيا المبادىء التى كونها الانسان من تجاربه مع الحياة وهذه قابلة للتغيير والتطوير مالمضى فى نهر الحياة

والسلام ختام

Sweet Violet يقول...

قطرات من شواطئ الحياة
-------------

الله يبارك فيكى ياقمر

ولا شكر ولا حاجه انت فعلا من الشخصيات اللى بحبها

انا عارفه ان الموضوع مش بيسط

معكى برضه ان المبادئ اللى بيحطها الانسان لنفسه ممكن تتغير مع الوقت

لكن برضه للأسف المبادئ الثابته فى اشخاص بتغيرها

و يكون حجتهم ان هى دى الدنيا

منورنى دايما ياقمر

Sweet Violet يقول...

صبرنى يارب

------------
ههههههههههههههههههه

صدقينى مااقصد فزورة ولا حتى اتعب حد فى التفكير ولا حاجه

بس عموما ممكن تقولى انى انا ضد التيار ..قولتلك الحل اهو (:

هههههههههههههههههههههههههههه

ليه بس تتوهى الموضوع كله مش انى مختلفه على المبدأ معين

الموضوع عام يعنى اللى بيبقى رافض مبدأ معين ليه هو نفسه اللى بيعمله؟؟؟

ان شاء الله يتم التواصل بينا

بجد نورتى بتعليقك الخفيف (:

Sweet Violet يقول...

aboail
--------

الاختلاف مزرعه توالد الافكار وتحسينها معك فى دا

لكن ليه بنعترض دايما على اللى احنا اساسا بنعمله

وقتها الاختلاف هايكون لمجرد الاختلاف مع الرأى الاخر فقط

عجبنى مووووووووت كلامك على فكره

تلاته ضد وبتقول بتسنن

امال لو بتتكلم عادى هاتقول كام ضد D:

هاعمل عمليه تفتيش على مدونتك واشوف الموضوع

كل سنه وانت طيب

Sweet Violet يقول...

شمس النهار

----------------

الكلام جميل و فعلا كل واحد المفروض يتمسك بالمبدأ بتاعه مدام مقتنع

و مدام مش بيضر

لكن انا هنا بتكلم ليه بنرفض مبدأ او تصرف حد عمله

رغم اننا احنا اللى بنعمله

ليه الانسان اللى بيرفض مبدا بيرجع هو نفسه اللى بيعمل به؟

يارب اكون وضحت وجهه نظرى

منورة دايما

Sweet Violet يقول...

شيماء طلعت
------------

قد نجد فيما كنا نعترض عليه حل أسهل على أنفسنا

ممكن تكون هى دى الاجابه

يعنى بنحلل لنفسنا اللى بنرفضه على غيرنا

و فعلا لكل قاعده شواذ

اشكرك على مرورك و تعليقك

كل سنه وانتِ طيبه

Sweet Violet يقول...

طائر الليل الحزين

----------------

الحمد لله بخير

ربنا يخليكى يارب والحمد لله ان اسلوبى عجبك

الموقف انا شايفه انه مش مهم لان انا بتكلم عام مش بتكلم لاثبات صحه

كلامى او صحه كلام صديقى


لان انا بقول ان صديقى اللى اعترض على مبدأ هو نفسه اللى عمله

و دا بيحصل مع كتير مش مع صديقى بس

اللى بيعترض على حاجه وبشده هو نفسه اللى بيرجع يعملها

اتمنى تكون الامور كدا وضحت

منورة ياقمر

Sweet Violet يقول...

رئيس جمهوريه نفسى

------------------

اتفق معك و بشده

بس اعتقد اننا بقينا نعترض لمجرد الاعتراض

اصبحنا شعب معترض حتى على الامور العاديه اللى بنعملها

دون اى تفكير فى كل الجوانب و هل الاعتراض على حق ام لا

بجد منور بتعليقك ومرورك

Sweet Violet يقول...

كلام على بلاطة
-----------

و حضرتك طيب

Sweet Violet يقول...

المحارب المتيم
---------------

رغم انى تهت فى الكلام بس نمسكه واحده واحده

ضد اى تيار

زى ماقولت فى البوست اللى فات اى تيار يبدل المعانى الحلو فى حياتنا

التيار الكدب والخداع والخيانه و النفاق ...الخ

التيار اللى ماينفعش يكون من مبادئ حياتنا

انا كدا جوبت على السؤال بتاعك عن الموضوع اللى فات

نيجى فى البوست دا

طيب مدام فهمت الخلاصه ماقولتش رأيك بقى

ليه الانسان اللى بيعترض بشده على مبدأ هو نفسه اللى بيعمله؟؟؟

الحكايه اعتقد مش هاتفيد الموضوع بالعكس هاتخلى محدد

و انا بتكلم فى الموضوع دا عام مش خاص

عن الاعتراض لمجرد الاعتراض

حاولت اكون مش ضد التيار و أغير لكن ماقدرتش واعترف انى فشلت

لكن اكيد لو فى تيار هاقدر اغيره هحاول اكيد اغيره و اكون معه مش ضده

اشكرك على تعليقك و مرورك


كل سنه وانت طيب

Sweet Violet يقول...

Egyptian citizen

-----------------

معك بس للأسف زى ماقولت اننا بقى عندنا الاعتراض شئ اساسى زى الميه والهوا

مانقدرش نعيش من غيره

و فعلا الواحد المفروض يشوف هل المبدأ دا لو انا كنت مكان الشخص هتصرف زيه ولا لأ

و وقتها نشوف ان كنا هانعترض ولا لأ

الحمد لله ان الموضوع عجبك

و اشكرك جداااا على مرورك

Sweet Violet يقول...

الازهرى

------------
الله يبارك فيك

و ان شاء الله هايتم التواصل بينا

للأسف دلوقتى مابقاش فى فرق بين المبادئ الاساسيه و المبادئ اللى احنا بنصنعها لنفسنا

كله بيتغير حسب الموقف الشخصى

و دا بيبقى ليه مبرارات كتير اى نعم مش مقنعه بس الانسان للأسف بقى يقنع نفسه و يحاول يقنع غيره عشان مايبقاش غلطان

بقينا نكابر فى حاجات كتير غلط و نمشى مع التيار

اشكرك على مرورك الاول فى المدونتى

و ان شاء الله مايكونش الاخير

كل سنه وانت طيب

Beram ElMasry يقول...

سيدتى . سيدى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

Sweet Violet يقول...

Beram ElMasry

-------
وحضرتك طيب

(:

elsha3er يقول...

شدى حيلك عايزين بوست جديد

يا............ايو نسيت اة افتكرت ضد التيار ههههههههه انا بهزر

احمد الشاعر

☼♫♪ عمــاد الدين يــوسف ☼♫♪ يقول...

عزيزتي ضد التيار
اسمحيلي اختلف معاكي فالاجتماع على شئ او رفضه هو في المقام الاول مسألة مبدأ
والي معندوش مبدأ يبقى اساسا شاذ
تحياتي

Mina يقول...

ساعات كتيرة قوي بيكون الواحد متمسك بمبدأ معين وبيدافع عنه قوووووي وممكن يتخانق علشانه مش لانه مقتنع بيه
انما بس لانه مايصحش انه يخسر معركة في الكلام
مايصحش انه يكون بيتناقش مع حد والطرف التاني يقنعه
كدة يبان انه ضعيف
ممكن تقري الموضوع ده وهاتعرفي انا قصدي ايه
http://efta72lbak.blogspot.com/2008/08/blog-post_08.html
تحياتي واهلا بيكي مرة تانية في عالم التدوين بشخصيتك الجديدة

حـــــ الــجــنــة ـــــور يقول...
أزال المؤلف هذا التعليق.
حـــــ الــجــنــة ـــــور يقول...

السلام عليكم
حبيبتي المبدأهو المبدأو عمرو مايتغير إلا إذا كان من الأساس مبني على الغلط
يعني ممكن إنتي متمسكه بمبدأك بس بإيمان ضعيف وكمان صديقك نفس الشي
وأول ماوقعتو في الإختيار كان طبيعي إن مبادءكم لتنين تتغير لأنكم مكنش في مبدأ من الأساس
بس هي مواقف دايما نتعارض فيها والله المستعان
سعيده بمروري لمدونتك الجميله لي هي زي صاحبتها
كل لحضه ونحن إلى الله أقرب
عيد مبارك للجميع
معذره حذفت التعليق لي قبل كدا صار لخبطة كلام والدنيا صيام تقبلي تحياتي حبيبتي

البنت الشقيه يقول...

عندك حق
بس برضو زى ما قولتى لكل قاعده شواذ

وانا لو فعلا طبقت الحكايه دى عليا

هلاقى انها صحيحه

تحياتى
البنوته الشقيه

Hossam يقول...

سلام عليكم
اول زيارة ليا عندك ومن موضوعك مش هتبقى اخر زيارة
لان موضوعك جامد جدا وفعلا ده بيحصل لكتير من الناس
بس بالنسبة ليا اكتر دعوة بدعيها ان ربنا يهدينى للصح عشان كده كل مواقف حياتى مش بحسبلها وبخلى ربنا هو اللى يدخل سعتها وصدقنى احسن الف مليون مرة من التخطيط
تقبل مرورى
سلام

احمد قطب يقول...

له الحمد العنوان جامد

بس الموضوع واختلاف الراى عاوزين نراجع عليهم شويه


لان فى كلام كتير انت الى غلطان مش صديقك

انت تسال والكمبيوتر يجيب يقول...

الأحت صاحبة المدونه
تحيه طيبه وكل عام وانت بخير وصحه وسعاده انت والأسره
نحن اول برنامج أذاعى فى الشرق الأوسط عن النت والمدونات ويذاع من أذاعة مصر الرئيسيه يوميا صباحا عدا الجمعه ويعود بعد العيد ان شاء الله
مررنا بمدونتك بالصدفه ووجدناها الحقيقه جديره بالأهتمام...وتستحق ان نشير اليها فى برنامجنا الأذاعى ..لأن بها فقرات يمكن ان تكون موضوعا لحلقات فى البرنامج ...نرجو الا يكون لديك مانع...ثانيا يسعدنا ان تشاركى انت وزوار مدونتك بالراى فى الأسئله التى نطرخها فى مدونة البرنامج وتكون هذه الآراء موضوعا لحلقات فى برنامجنا
المدونه
http://netonradio.blogspot.com
وموقعنا وبه كافة التفاصيل
http://dear.to/cairo

nona يقول...

ضد التيار
فى ناس ماشية بمبدا انا اعترض اذن انا موجود
و تلاقيها بتعترض على اى حاجة حتى لو صح او غلط
انا ممكن اعترض على راى او مبدا حد تانى بس فى نفس الوقت لية ما اديش نفسى فرصة و اشوف وجهة نظر الطرف الاخرى يمكن استفيد منها
و كل سنة و انتى طيبة
بس تعالى قوليلى اية الحكاية باة انتى مين بالضبطت

بنت سيناء.. يقول...

توصلى بالسلامة

ragabhpl يقول...

احيانا الواحد بيكون مقتنع ان رايه ده بس هو اللى صح وباقى الاراء خطأ

رغم انه لو سمع لباقى الاراء ممكن يجدها متفقه معه او ممكن يعرف انه كان على خطأ

لازم يكون عندنا سعة صدر

وقبول الرأى والرأى الاخر

كما قال الشافعى
راينا صواب ويحتمل الخطأ ... ورأى غيرنا خطأ ويحتمل الصواب


دعواتك

elsha3er يقول...

كل عام وحضرتك بخير
ومافيش حاجة جديدة ولا ايه

احمد الشاعر

romansy يقول...

قانون جديد فى علم النفس
اشكرك عليه
بس ع العموم
كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

أ / أحمد عبد المنعم يقول...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "

ولد مصري يقول...

اولا كل سنه وانت طيبة

ثانيا انا جاي اعمل بالتوصية

ثالثا بخوصوص قاعدة ارشميدس اللي حضرتك ضربتيها في ساعة صفا الا وهي "ان المبدأ الذى ترفضه بشده ... كن على يقين انه سوف يكون من أفضل المبادئ فى حياتك" طبعا انا مختلف معاكي (لاول مرة) لان المفروض ان البني آدم لا يرفض مبدأ الا إذا كان ضد مبادئه الشخصية والتي تمثل جزء من تكوينه وغالبا هذه المبادئ تغرس فينا منذ الصغر كجزء من التربية ومعنى أننا نرفض هذا المبدأ فمعناه انه مخالف لما قد نشأنا وتربينا عليه

الا إذا كان رفض المبدأ لمجرد الإعتراض الغير محسوب فطبعا ده بيكون خارج نطاق الخدمة او أنه لا يعتد به في وضع النظريات

لكن .. هناك وجهة نظر احترمها حتى مع اختلافي معها

عيد سعيد

تحياتي

Jack Sparrow يقول...

الفكرة كائن هلامي لا يعرف معنى للثبات

يقول احمد خالد توفيق في روايته اسطورة الافاعي الصفحة رقم 16 على اليمين تالت سطر

إن العقل البشري يعمل ببطء و لكن بثقة
سرعان ما يتحول حمض الكبريتيك الحارق الى ملح كبريتات النحاس المسالم
و تتحول اكثر الافكار نفورا الى العقل
الا افكار بديهية و حلول معقولة جدا

يمكن ده اكبر دليل على ان صاحبك طبيعي و جدا

كل سنة و انت طيبة

Unknown يقول...

كل سنه وانتى طيبه الاول
ومش دايما ان الانسان يعمل بمبدأ هو مش مقتنع بيه لكن دى لحكمة وظروف معينه دمتى بخير

مدونتك كتيييير جميله
انا سعيده انا بمر هنا
وانا جايه النهارده ادعوكم لزيارة مدونتى المتواضعه
وادعوكى لحضور اول اجتماع لمدونى الشرقيه .. والى هيكون فى الزقازيق
فى النادى الاجتماعى فى شارع مدير الامن فى القوميه يوم الاحد 5 اكتوبر
وبانتظاركم يا ريت تشرفونا والدعوه عامة للجميع يشرفنا حضوركم يعنى لازم تحضروا لمزيد من التفاصيل زوروا ...http://goharyblog.blogspot.com/
منتظرين تشريف الجميع

مجلة الأم الصغيرة يقول...

أنا جيت تاني عشان أقولك كل سنة وانت طيبة و متميزة دايما و بألف خير :)

Dr Ahmed Said@Black Armor يقول...

الحياة مليئة بالمتناقضات ومسألة المبدأ والالتزام بيه ..يجده كثير من الناس عسيرا
ولكن يجب ان نكون منفتحين على جميع الاراء مع الالتزام بخصوصيتنا
كل سنة وانتى طيبة

نـــــور يقول...

اولا ازيك وكل سنه وانتى طيبه
عيد سعيد عليكى يارب
فى حاجه بقى
انا اتفق معاكى ان لكل قاعده شواذ
وان اختلاف الراى لا يفسد للود قضيه
انما حكايه ان المبدأ اللى ترفضه اوى ممكن تعمل بيه وتتفق معاه ويبقى من مبادئك دى مقدرش اقول فيها اه
لسبب هو انى مجربتش لحد دلوقتى اخالف مبدأى ابدا
لكن مين عارف بكره فيه ايه؟؟؟

تحياتى جدا

مـجـنـووون يقول...

سيدتي الفاضله

حاجه أنا أتعلمتها من الحياة ، قبل ما أفرض علي الناس حاجه أو أطلب منهم يعملوا حاجه ، أحط نفسي مكانهم وأشوف لو كنت مكنهم كنت حعمل أيه

علشان كده في حاجه اسمها فقه الواقع والي الصحابه كانوا بيعملوا بيه

****************

أنا أعتقد أن نقاشك مع صديقك مكنش نقاش علي موضوع ولكن نقاش علي أثبات ذات ، وعلشان كده ما توصلتم لصيغه مشتركه بينكم

************

رائي صح ويحتمل الخطأ ورائي غيري خطأ ومحتمل الصواب

تقبلي مروري
مجنووون

وميض ابتسامة يقول...

طبعا الزمن كفيل بتغيير افكارنا وده شىء وارد ومعروف ..فالاشياء التى رفضناها ورفضنا حتى مجرد مناقشتها على اساس انها مبدأ ..قد!! تتغير وقد!! لاتتغير ... المهم فى الموضوع هو مدى يقينك وتمسكك بهذا الفكر من عدمه..هذا بالاضافة الى متغيرات الحياه والرتم السريع الذى يلاحقنا بل ويسبقنا بمراحل

موضوع ظريف وفى كلام كتير ..تحياتى
والمدونة رائعة

Sweet Violet يقول...

elsha3er
----------

ههههههههههههههه

ايه حكايه الزهيمر معك لالالالا مافيناش من كدا

و اسفه لتاخيرى فى تنزيل بوست بسبب السفر

Sweet Violet يقول...

عمــاد الدين يــوسف
---------------

انا معك فى كلامك

لكن فى اشخاص من كتر ماعندهم الاعتراض بقى مبدأ اساسا

بعد مايعترضه ويرفضه المبدأ يرجعه يعملوه للأسف

اشكرك على مرورك

Sweet Violet يقول...

Manamino
------------

يعنى برضه هارجع و اقول الاعتراض عشان الاعتراض فقط

يعنى بمقوله

انا اعتراض اذا انا موجود

و للأسف الاشخاص اللى كده هما اللى غيروا حاجات ومعانى كتير فى الزمن

دا

قريت الموضوع و فهمت قصدك

اهلا بيك انت فى المدونه نورت

Sweet Violet يقول...

حـــــ الــجــنــة ـــــور

----------------

و عليكم السلام ورحمه الله وبركاته

انا معكى ان المبدأ عمره مايتغير

لكن لكل قاعده شواذ

يبقى المفروض قبل مانعترض نشوف الاول هل الاعتراض دا على حق ام لا

بدل مانعترض و بعد كدا لما نبقى فى الموقف نفسه نعمل اللى اعتراضنا عليه

انا اسعد بمرورك بالمدونه

و كل سنه وانت طيبه

ومعلش انها جت متأخر لظروف سفرى

ولا يهمك على التعليق المهم انك نورتى بتعليق تانى

Sweet Violet يقول...

البنت الشقيه

--------------

مافهمتش يعنى انتى مش شواذ القاعده

ولا من اللى بيعترض على مبدا ويرجع يعمله؟؟؟

منتظرة التوضيح


منورة ياقمر

Sweet Violet يقول...

Hossam
----------
و عليكم السلام ورحمه الله وبركاته

ان شاء الله مش هاتبقى الاخيره

(:

معك اننا لازم ندعى ربنا انه يهدينا للصح

لكن برضه لازم نخطط لحياتنا و بعدها نتوكل عشان مايبقاش تواكل

ربنا ادنا عقل للتفكير يبقى لازم نستخدمه صح مش نسبها كدا

ولا ايه؟؟؟

سعيده بمرورك

و ان شاء الله يتم التواصل الدايم

Sweet Violet يقول...

الفرعون المصرى

----------------

الصراحه مافهمتش تعليقك

نراجع ازاى؟؟؟

و كلام ايه اللى انا غلطانه فيه مش صديقى؟؟؟

انا زى ماقولت قبل كدا

انا هنا مش بطلب اثبات صحه كلامى ولا كلام صديقى

انا هنا بتكلم عام عن الاعتراض لمجرد الاعتراض

و عن المبدأ اللى نرفضه و احنا نفسنا اللى بنعمله

اتمنى توضيح التعليق اكتر لانى بجد مافهمتش

Sweet Violet يقول...

CAIROCOMPUTER
--------------

ان شاء الله يتم الزياره

Sweet Violet يقول...

nona

------------

معكى ان فى ناس كتير ماشيه كدا

و ممكن على فكره يكونوا بيفكره فى الكلام بعد كدا

لكن مش قدام الشخص اللى كانوا بيتناقشوا معه

لان مايصحش طبعا يكونوا غلط وهو اللى ينتصر

للأسف بقى الحوار عندنا معركه

و انتى طيبه رغم انها متأخر منى ):

انا ضد التيار D:

ماشيها ضد التيار بثوبها الجديد

Sweet Violet يقول...

بنت سيناء
------------

الحمد لله وصلت اهو

بجد اشكرك على سؤالك

Sweet Violet يقول...

ragabhpl

-------------

فعلا كل واحد بيبقى شايف ان هو وبس اللى صح

و لما تلاقيه اتحط فى موقف معين كلامه يتغير 180 درجه

عن ماكان معترض و المبرارات تطلع

اشكرك على مرورك الجميل

Sweet Violet يقول...

elsha3er
----------
و انت طيب

معلش بقى انها متأخر

):

اشكرك على السؤال يااحمد

Sweet Violet يقول...

romansy

------------------
قانون فى علم النفس مره واحده

(:

طبعا دا مش قانون ولا حاجه

لان فى ناس لسه متمسكه بالمبادئ مابتغيرهاش مهما كانت الظروف

لكن برضه مابتعترضش بشده على اى مبدأ و السلام

و انت طيب

بجد منور دايما

Sweet Violet يقول...

أحمد
-----------
و حضرتك طيب

Sweet Violet يقول...

ولد مصرررررررررررررررررررررى
--------------------
اولا وانت طيب

ثانيا انا كنت واثقه ان الوصيه فى ايد المصرى (:

ثالثا بقى مين ارشميدس دا ؟؟؟

على فكره بقالك كام تعليق بتقول كلام كبير ماينفعش كدا

بلاش احراج بقى ):

انا عارفه و معك فى كلامك

لكن انا بتكلم على اللى يرفض و بعد كدا هو اللى ينفذ

و دا ممكن يكون تحت بند الاعتراض لمجرد الاعتراض فقط زى ماقولت قبل كدا

او بند امشى مع التيار و دا الشخص اللى ماعندوش مبدأ من الاساس فى

حياته

و الاتنين زى ماقولت خارج نطاق الخدمه

عيد سعيد متأخر ):

Sweet Violet يقول...

Jack Sparrow

-----------------
انا ماقرتش الروايه دى الصراحه

بس عنوانك مايتوهش و سهل

يعنى ان شاء الله هاوصلها

(:

نيجى بقى لموضوع ان صديقى طبيعى

سواء هو او غيره نتكلم عموما

المفروض اننا بنعيش بمادئ فى حياتنا ماينفعش نغيرها

لان دينا و مجتمعنا مش هايتقبل التغيير دا

يعنى مثلا لو قولنا ان واحد رافض مبدأ الخيانه و اتحط فى موقف لازم يخون ويبع

مبدائه عشان يمشى مع التيار

وقتها لو عمل كدا هانقول انه طبيعى؟؟؟؟

ماعتقدش

و هرجع اقول لكل قاعده شواذ

و فى مبادئ قابله للتغيير فعلا وفى مبادئ ماينفعش تتغير حسب الظروف

و انت طيب

بجد منور المدونه

Sweet Violet يقول...

اسماء جمعه بنت الشمس

------------------
و انت طيبه

فى اشخاص بالفعل مابتعملش كدا

لكن الاشخاص اللى تغير المبادئ بتاعتها دايما بيعملوا كدا

فى مبادئ ثابته المفروض انها ماتتغيرش مهما كانت الظروف

و فى بعض الافكار من الممكن تتغير مع الظروف

كان نفسى اكون معكم بس للأسف لسه جايه من السفر

و كمان مش ساكنه فى الشرقيه ):

اتمنى لكم وقت سعيد

Sweet Violet يقول...

قطرات من شواطئ الحياة

-------------------
و انتى طيبه

بجد نورتى المدونه بتعلقيك التانى

و اسفه لتأخيرى فى الرد عليكى

Sweet Violet يقول...

Dr.A.S. black armor

------------

معك فى كلامك

لكن للأسف هارجع واقول

ان بعض الاشخاص بيعترضه للاعتراض

او لانهم بيظهروا انهم اصحاب مبدأ لكن فى الحقيقه

مبدائهم الوحيد فى الحياه انهم يمشوا مع التيار

و انت طيب

Sweet Violet يقول...

habiba
------------
و انتى طيبه (:


ان شاء الله لما تعترضى على مبدأ مش هاتعمليه

مدام انتى مؤمنه بمبدائك ايمان قوى

منورة ياقمر

Sweet Violet يقول...

مجنووون
---------

وانا زيك بالفعل اتعلمت ان قبل مااصدر اى حكم او كلام

بحط نفسى الاول مكان الشخص و اشوف هاتصرف ازاى وبعد كدا اتكلم

**********

رغم انى هنا بتكلم عموما لكن لو جيت اتكلمت فى النقاش بينى وبين صديقى

لا ماكنش من ناحيتى على الاقل اثبات ذات اكتر من انه توضيح للموقف

و ان لكل قاعده شواذ و انى تقمصت الشخصيه اللى كان على اساسها

النقاش

و بالتالى دفعت لكن لما لاقيت الاعتراض بشده سكت افضل لانى لقيت ان

الكلام مش هايوصل لحل

لكن اللى انا استغربته انه هو نفسه اللى عمل المبدأ اللى رفضه

نرجع تانى للعموم هو او غيره فى كتيييير بالفعل بيرفضه مبدأ وبيرجعوا يعمله

اشكرك على مرورك وتعليقك

Sweet Violet يقول...

وميض ابتسامة
------------

اشكرك على كلامك اللى اتفق معك فيه

و فعلا حسب الايمان بالمبدأ بيكون تصرفنا

و صاحب المبدأ عمره مايغيره مهما كانت متغيرات الحياه

اما اللى معندوش مبدأ فدا هو اللى بيمشى مع التيار

اشكرك مره اخرى على تعليقك ومرورك

ولد مصري يقول...

حمدا لله على السلامة

ان شاء الله تكون الرحلة كانت ظريفة وانبسطتي فيها

بالنسبة لأرشيميدس يا ستي فده يبقى حارس المرمى الجديد بتاع الزمالك وكان عمل قاعدة خشب وسماها باسمه علشان يستريح عليها بعد التمرين

حضرتك انا طول عمري كلامي كبير بس ياكش يعني الواحد مابيحبش يقول كلام مجعلص علشان طلاب محو الأميه يفهموه (اي خدمة)

بالنسبة للي يرفض وبعدين ينفذ فممكن يكون اكتشف انه كان غلطان وانا شايف ان دي مافيهاش حاجة ان الانسان يرجع عن رأيه مادام اكتشف ان فيه افضل منه

يعني

على اي حال حمدا لله على السلامة مرة تانية وكل سنه وانتي بخير وسعادة

تحياتي

Sweet Violet يقول...

بتاع نادى الزماااااااااااااالك قولتلى بقى

و ليه ان شاء الله مايبقاش بتاع الاهلى هه

طبعا لان الاهلى فيها حراس اجمد P-:

ماشى ياعم نبقى ناخد دورة عندك فى الكلام الكبير مقابل الدورة اللى هاتخدها

ايوة امال ايه فيد واستفيد

الله يسلمك و انت بصحه وسلامه يارب

و دايما كدا منور ضد التيار

أحلى حياة يقول...

تصدقي فعلا ان دا ساعات كتير اوي بيبقى صح وهو اللي بيحصل فعلا

غير معرف يقول...

السلام عليكم و رحمة الله و بركاته

اهلا sweet :

أتيتُ لا أعلم من أين أتيتُ .. دا بالضبط الذى ينطبق علىَ الان .. فبالفعل وجدت نفسى قدراً مستغرقاً ف القراءه ما بين السطور ...


أشد ما لفت انتباهى هو عنوان التدوينه و التى احييك جداا لاختياره ..

دعينا ف البدايه نتفق ع ان هناك قواعد و اسس و لكل قاعده شواذ .. و ان اتفقنا او اختلفنا ع هذا الشوذ فسيظل شوذاً و لا يمثل ابداً القاعدة بل يعد خرقاً و نقضاً لها ..

اذا فالقاعده تقول :
الرجال يعرفون بالحق .. و عكسها شاذ عن القاعده ..

و دا مطبق ع كل مناحى الحياة ..

لذلك فالاقدام ع ما يخالف القاعده او المبدأ ليس ابداً دليلاً ع حجيه الامر و التسليم به او تغير الموقف لكن قد يكون مثلا فالكلام ولو كان بالحق قد يضر اكثر مما ينفع فحين ان القاعده "قول الحق ولو ع نفسك "


...

كثيرا ما راق لى تدوينتكم

دمتم كما تودون :-)