Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الأربعاء، 15 أكتوبر 2008

تاج سبعاوى وصل يارداله

اول تاج لمدونه ضد التيار من صديقتى الجميله صاحبه مدونه doneaal7ob

أذكـــــــــر ستة أسرار قد لا يكتشفها من يقابلك لأول مره!!!

انا بسبب السؤال دا بالأخص سألت اصحابى كلهم عن الاسرار دى ..يعنى الاجابه للأمانة مغشوشة

1- مجنونه جداااااااااا بمعنى الكلمه : و دا طبعا مابيكونش ظاهر

لانى فى اول مقابله ببقى هاديه جدااا لحد بس ماخد على الجو و بعدين جنانى بيشتغل

2- صبورة جدااااااااا : ممكن اصبر على الحاجه حتى لو سنين عادى جدا ...

اصحابى بسبب الصفه دى نفسهم يولعوا فيا انا نفسى اوقات بتخنق من نفسى بسببها

3- لغز يصعب حله : ودا طلع عليا بسبب الحيرة فى تحليل شخصيتى و على فكره صفه الصبر دى سبب برضه ان الكل بيشوفنى لغز ..

اولا انا اللى يعرفنى فى الاول بيحس انه عارفنى من سنين و دا بيدى انطباع للى قدامى انه عرفنى كشخصيه

لكن بعد كدا بيحس انه تايه ..دايما اصحابى يقولولى اللى يفتكر انه فهمك يبقى مافهمش حاجه

دايما ردود افعالى و تفكيرى و مناقشاتى و كل حاجه فيا بتبقى غير متوقعه بالمرة

دا رأيهم مع انى شايفه انى عاديه خالص

4- دماغى ناشفة جداااا : لا تقولى زى الحجر لان الحجر ممكن يتكسر و لا تقول زى العيش المحمص لأنه برضه ممكن يتكسر

اما دماغى صعب كسرها ..اوقات  بتبقى ناشفة عليا انا كمان و ببقى عايزة اخبطها فى الحيطة لكن بخاف على الحيطة لتتكسر

5- خدومة: بحب أخدم القريب و حتى البعيد يعنى لو فيه فى ايدى حاجة ممكن أعملها مش هتردد لحظة

حتى لو كانت معرفتى بالشخصية دى معرفة سطحية بس مابهداش إلا لما أكون فكرت فى حل أو أى حاجة تخدم الانسان ده

الصفه اللى جايه دى مش مغشوشة لان من النادر ان حد يعرفها

6- بعشق لغة العيون : الصفه دى بالأخص من الصعب حد يكتفشها حتى لو بعد سنين مافيش بس غير اصحابى المقربين ليا اللى عارفينها

لانى اوقات بتعامل معهم بيها لكن غير كدا ماحدش يعرفها نهائى و مابحبش الصراحة اعرفها لحد..

و بجد الصفه دى سببت مشاكل كتييير مع  بعض الاشخاص و صدمتنى فى ناس كتييييير

من صغرى و انا مقتنعة ان كل حاجه فى الانسان ممكن تكدب ماعدا العيون و القلوب و بما ان القلوب ملك صاحبها

بالتالى من الصعب تعرف جواها ايه لكن العيون ملك اللى قدامك و من السهل تعرف بتقول ايه لكن طبعا لازم تكون بتفهم فى لغتها

سبع حاجات نفسك تعملهم!!!!

1- الحج

2- إن ربنا يتمملى بخير فى موضوعى

3-أعمل حاجة يكون بابا و ماما فخورين بيها و حبيبى طبعااااااا

4-أرجع أتلم مع أصحابى من تانى لأن مشاغل الحياة فرقتنا كتير

5-فى شخصية بجد نفسى اقابلها فى الحقيقة و ان شاء الله قريب يحصل

6-عايزة أبنى بيتى زى ما أنا بحلم بيه

7-أربى ولادى تربية صالحة ان شاء الله

سبع حاجات معرفتش تعملهم!!!!

هما هما نفس السبع حاجات اللى نفسى اعملهم و لسه ماعملتش منهم حاجة خالص

سبع حاجات دايما بتقولهم !!!؟

1-و الله!!!!!!! (ودى دليل على تركيزى للى قدامى)

2-شوف ازاااااى!!!!! (لما اسمع حاجة من حد وماكونش مستوعباها او مش مصدقاها اصلا)

3-سلمون بالزيت (دى بقولها لما حد بيقولى سلام او سلاموز)

4-طب ايه؟ (دى بقى لما اكون مش فاهمة حاجة او حد قال كلمة وسكت والمفروض انى افهم)

5-لا حول و لا قوة إلا بالله (على طريقة انور السادات / دى لما اشوف حاجة او اسمع حاجة  ماتدخلش العقل)

6-كركر و اللمبى (دى لما حد يقول نكتة بايخة او اى حاجه المفروض انى اضحك عليها وأنا ماليش نفس)

7-تيب (دى لما حد يكلمنى فى موضوع و عارفه مثلا ان الكلام مالوش لازمه بختصر و اقول كدا )

سبع مشكلات فى حياتك ممكن تحلهم بالفلوس!!!

 ماعنديش مشكله فى حياتى حلها الفلوس .. لما يكون فيه ابقى اقولكم

 سبع أماكن بتحبها!!!!!

1-شرم الشيخ

2- مرسى مطروح

3-اسكندرية

4-العريش

لان العامل المشترك بينهم هو بحرهم و هواهم و انا بحبهم جدا

5-البلد

6-بيتنا

7-الحسين

 سبع أشخاص بحبهم غير بابا وماما واخواتى!!!

1-حبيبى طبعا ربنا يرجعهولى بالسلامة

2-انسانة غالية جدا عليا و رغم بعدها عنى لكن دايما بدعى ربنا انها تكون سعيدة فى المكان اللى هى فيه

3-اصحابى اللى بجد بحبهم اوى

4-انسانة كان ليها مكانة عالية عندى بس للأسف ماحفظتش على المكانة دى لكن بردو انا حبيتها و بالتالى مش قادرة اكرهها و بدعى ان ربنا يهديها لنفسها

بس كده .. غير شباب و بنات و اطفال العيلة اللى طبعا بموت فيهم

 سبع حاجات بتحبهم قوى!!!!

1-البحر

2-الكتب

3-الهدوء

4-المناقشات الثقافية

5-افلام الخيال العلمى

6-الترحال

7-استكشاف كل ما هو جديد

 سبع مدونات بتحب تقرالهم!!!!

طبعا مش هقول الفيفوريت اللى عندى لأنها كلها فى الريدر بتاع جوجل و محدش هيقدر يشوفه غيرى

بس عموما المدونات اللى دايما بتابعها هى دى اللى بحبها و هما اكتر من سبعة

 اهدى التاج لمين بقى؟

رومانسى التفاؤل

 نونااااااااااا

ولد مصرى

Manamino

 

 و دمتم سالمين

هناك 91 تعليقًا:

كـــيــــــــارا يقول...

اوووووووول تعليق

كـــيــــــــارا يقول...

انا حجزت اهو التعليق الاول والتاني هقرا وهرجع ارد عليكي بس مش تزعلي لو اتاخرت بجد لان مودي النهارده غريب ولسسه مش رديت علي اي مدونات النهارده

سلاموز

Sweet Violet يقول...

هههههههههههههههههههههه

ايه ياكيارا انتى واقفه على الباب ولا ايه

بجد دايما بتنورى باول تعليق ربنا مايقطعها العاده دى

ولا يهمك ياقمر المهم انك نورتينى ولما تكونى فى مود حلو انا منتظركى

ربنا يارب يبعد عنك اى وحش ويسعدك دايما


سلمون بالزييييييييييييت D:

Desert cat يقول...

جميلة صفة لغة العيون دى
شكلك رقيقة جدا بس برضه الرقة لا تتنافى مع نشوفية الدماغ
:)

*الطالبة عفو الله *زوزو يقول...

ايه الجمال دة
بجد بجد صفاااات هايلة
بس الي عجبني كثير لغة العيون بموووووت فيها
بس المشكلة ان اغلب صحاب مش بيحب البص في العين
بجد مبسوطة اني عرفتك

romansy يقول...

شكرا يا ضد انك اهديتى ليه التاج
كلامك جميل واحلامك اجمل
بس انا ممكن اقولك حاجه
شخصيتك محيرانى على راى كيارا
قلبك كبير قوى
بتحبى شرم الشيخ
وبتحبى الحسين
والاتنين مشتركين فى حاجه واحده بس
السياح
اما بخصوص لغه العيون فكلامك صح فيها
العين مش بتكدب
بيقولو فضحتنى عيونى
يارب يرجع ليكى حبيبك بالسلامه
وتقابلى الشخص اللى نفسك تقابليه
وتعملى كل اللى نفسك فيه
ااااااااااامين
كل تاج وانتى طيبه
وعقبال تاج العروسه يا قمر
بس مش يكون تاج سبعاوى

mohamed ghalia يقول...

إجابات رائعة
وشخصية أروع
سعيد

جدا بمعرفة مدونتك حضرتك
تقبلى تحياتى
ودمتى بود

shimaa يقول...

تحففففففففففففة ردودك

صادقة جدا وطالعة من جواكى اوى
ربنا يحققلك كل اللى بتتمنيه ويحافظ على نقاء قلبك

دمتى بخير

mahasen saber يقول...

اكتر حاجه عجبتنى انك فى سؤال الاسرار سالتى اصحابك بجد عجبنى تفكيرك...
واختياراتك للاماكن لذيذه بحر بحر بحر البحر ده فعلا معشوق الملايين ...
شخصيتك شكلها كده جميله وحبوبه ووفيه قوى وبتصونى العشره حتى ولو مره...
ربنا يباركلك فى خطيبك ويرجعه ليكى بالسلامه وربنا يكتبلك حياه زوجيه جميله ومستقره وتكونوا سبب لدخول بعض الجنه...

الفارس الملثم يقول...

اجاباتك جميله اوي , وفعلا شكلك شخصيه محيره مممممممممم

كان في حد اعرفه مان مؤمن بلغة العيون, بس انا شايف ان العيون كتير بتخدع واكيد مش اي حد يفهمها

ربنا يحققلك كل اللي تتمنيه ..

تحياتي دائما

elsha3er يقول...

الحمد لله انه وصل وبجد اجاباتك واقعية وجميلة ربنا يوفقك

احمد الشاعر

خواطر ليست عابرة يقول...

في حياتي ما لقيت حد عند قدرة علي تحليل نفسه بمثل هذه المقدرة
إجاباتك فعلا جميلة جدا
أنا واحد من الناس أضناني البحث في جوانب شخصيتي
أسئلة وأجوبتك كانت كاشفةعن معاني كثيرة

Hosam Yahia حسام يحيى يقول...

:)


اجابات حضرتك جميله جدا

ربنا يسعدك يارب

وينولك ماتتمنينه

Empress appy يقول...

هو طالما بتحبى العريش يبقى انتى برائه ونسيتى انها هاديه مووووووووووت
بس فيها قناديل اللهى تقرص المحافظ
بس بما انك مجنونه انضمى للحزب يا حبيبتى

tarek alghnam يقول...

اجاباتك رائعه
ويارب يحقق كل احلامك وامالك
بجد استمتعت بردودك
تقبلى تحياتى
ودمتى بود

Unknown يقول...

ردودك جميله
(:

عجبتني اوي لغة العيون

blue-wave يقول...

حلوة اوى اجاباتك
وخصوصا الدماغ الناشفه دى
معرفش ليه بتعجبنى الصفه دى فى البنت:))
وربنا يارب يتمملك موضوعك على خير ويرجعلك حبيبك بالسلامه
سلامون بالزيت:))

الازهرى يقول...

عزيزتى الجميلة

اجابات جميلة ومنطقية
ومن الواضح اننا نتفق فى اننا
- لغز يصعب حله : ودا طلع عليا بسبب الحيره فى تحليل شخصيتى و على فكره صفه الصبر دى سبب برضه ان الكل بيشوفنى لغز ..

لاننى يقال لى نفس الشىء

تحياتى وربنا يتمم لكم موضوعكم على خير ويقربلكم البعيد
بالمناسبة كيارا هتعمل زى عند ايمى تحجز اول وثانى تعليق وبعدين على الفاضى
انا طبعا بهدى النفوس

كـــيــــــــارا يقول...

ايه ده بقي

ايه الناس اللي بتجيب في سيرتي دي من ورايا ليه كده يازهري هنزعلوا كده عمال تلف في المدونات وةبتهدي النفوس انا رديت علي البت ايمي واهو برد عشان شركات اولمبيك شكلها اشتغلت

اما بالنسبه لضد التيار

امشي يابت انتي من هنا متدخليش البلوج بتاعك ده تاني

هههههههههههههههه


شفتي بقي بطردك من بلوجك ههههههههه


كديده كديده

جد بقي

تاج حلو موت وعجبني نشوفيه دماغك بس والنبي بلاش تهدي الحيطه خليها مش مكسوره عشان اللي في البيت عندك مش مهم انتي المهم هما

امشي بقي من وشي وبرا البلوج

SHAPE YOUR LIFE (ABOALI) يقول...

ضد التيار
لما نمشى ضد التيار
لازم ها تكون فيه عيون
تراقب كل شيىء يتحرك بسكون
عجبنى انى لسه فى لغة اسمها العيون
عين بتلمع من العبقرية
وعين من الكذب هاتكون معلون
وعين فيها السحر واحيانا جنون
وعين فيها الجمال والبسمه والسرور
وعين مدوره واحيانا مكعوره
بس المؤكد انى العيون فنون
وانا بحب العين خصوصا نظرة الحنون
خلى بالك من عينك
يا بدر البدور



سبيك انتى ايه سحر العيون ده

رابطة مدوني الدلتا يقول...

جميلة لغة العيون ونادرا ما يفهمها ويتعامل بها احد

ربنا يرجعهولك بالسلامة يارب

________________________________

رحلة تضامن مع حملة المدون خالد الصاوي ضد قضية يوسف والي

تزايدت أعداد المصابين بالسرطان في مصر في الفترة الأخيرة بشكل بشع بحيث التبس الامر علي كثير من الناس عن اذا ما فاق عدد المصابين بالمرض الأصحاء أم لا انشغل الجميع بالبحث عن العلاج وبانشاء مستشفيات ومعاهد خاصة بالاورام أورام الكبار والاطفال وانشغل العلماء بالبحث العلمي لاكتشاف أسباب الاصابة بالمرض الا أن الجميع أجمع علي أن من أهم الاسباب الرئيسية للاصابة بالمرض هو المبيدات الكيميائية التي انتشرت في مصر في الفترة الاخيرة لتسميد وهرمنة المحاصيل الزراعية التي زادتها حجما وزادتنا نحن مرضا وهما وحزنا بفقدان كل يوم غالي وعزيز لدينا وانطلقت قضية المبيدات المسرطنة التي صاحبت فترة تولي الوزير السابق يوسف والي وزارة الزراعة وقامت الدنيا وهاجت وماجت للمطالبة بمعاقبة المسئول الذي بسببه وبسبب استيراده المبيدات من أشد الدول كراهية لنا وحلمها الرئيسي هو القضاء علينا اسرائيل أصابنا ما كان ثم هدأ كل شيء وكالمعتاد تم تقديم كبش فداء ليتحمل النتائج كلها ويفلت صديق السلطة من الحساب والمثول أمام الشعب للعقاب لا بل ويترك ليمارس عمله ويدمر أكثر وأكثر

ثم جاء النداء في صورة مريض بهذا الداء ولكنه بارادة من حديد تحدي الضعف والمرض وقام من سريره ليقف في ساحة الشرفاء ليعلن أنه مادام الموت قادم فليأتي ولسان حالي صارخا لن أتركك تهنأ يامن حرمتني من متعة الحياة يامن زرعت في قلبي خوفا علي مستقبل الابناء ليحشد حملة ضخمة للمطالبة بمحاكمة يوسف والي ليعلن أن دوائه ليس بالكيماوي وانما بالاقتصاص للجميع من جالب الداء

وأعلنا نحن رابطة مدوني الدلتا في اجتماعنا الاخير عن انضمامنا لحملته ومساندته اياها وتم تكليف كل من المدون يوسف الشافعي ورامز عباس بزيارة الاستاذ خالد للاطمئنان عليه أولا ومشاركته الوجدانية والمعنوية ثم اعلان انضمامنا معه في حملته للتنديد بمحاكمة يوسف والي والحق يقال لم يتأخرا كل منهما عن الذهاب ولم يترددا في بذل الجهد والمال من أجل الذهاب فباسم الرابطة أتوجه لهم بخالص الشكر والاجلال وعادا لنا بهذا الحوار الذي أطلقا عليه

حــــــــــــــــــــــــــــــــــــــــــوار التضــــــــــــــــــــــــــــــــــــــامن

س1-في البداية بنرحب بحضرتك وبالفعل أسعدتنا زيارتك فهي ليست زيارة صديق عزيز وزميل غالي فقط
ولكنها زيارة لأنسان يمتلك ارادة فولاذية وحب للأخرين
ج1-أولا: أنا في غاية السعادة لتحملكم مشقة وحضوركم الي هنا.واشكرك علي هذة الاستهلالة الطيبة ولكن الارادة لصيقة بنا
من خلال ايماننا بالله سبحانه وتعالي ومن خلال معطيات جيلي الذى نشأ في خلال أخريات سنوات نكسة 67 وتحدى ارادتنا
الشعبية بكل معوقاتها حتي العبور العظيم .

س2- طالعت منذ فترة نداء لك علي موقع هموم نت تقول فيه أنك بصدد رفع دعوى قضائية علي يوسف والي
وزير الزراعة السابق؛ فما هي النتائج التي تتوقع .

ج2- أولا: مازالت أبحث عن حقوقيين لديهم من الجرأة لرفع مثل هذة القضية لانهم لن يواجهو يوسف والي فقط
بل سيعبرون بي وأعبر بهم كل الخطوط الحمراء وأخطبوط الحكم في مصر.........أما عن النتائج المرجوة من ذلك هو أن أضع
مؤسسات الحكم في مصر في موقف يظهرأمام الشعب موقفها ومعدنها الحقيقي فهل فعلا هم مع سيادة القانون والديمقراطية
الحقيقية التي يتشدقون بها ليل ونهار أم انهم شركاء في التستر علي هذة الجرائم التي تمت ومازالت تتم ضد شعبنا المغلوب علي أمره
واضافه الي أنني أريد القصاص الذى شرعه لنا المولي عزوجل ثم تعويد المواطن المصري علي المشاركة والايجابية
في المطالبة بحقوقه ومحاسبه المسئولين أين كانوا علي جرائمهم وقد تتحقق هذة النتائج اولا تتحقق ويبقي لي شرف المحاولة وارضاء ربي وضميري...

س3-هناك أحكام براءة لرجال النظام أمثال هانيء سرور(شركة هيدلينا) وممدوح اسماعيل(شركة السلام للنقل البحري)
فهل تتوقع أن يتخلي النظام عن والي أم يحميه بشكل فج وفاضح

ج3-بالنسبة لقضايا العبارة وقضايا الدم الملوث تعامل النظام بشكل يحمل التبجح وعدم اللا مبالاة واللا مسئولية تجاه هذا الشعب وبنفس الطريقة حاول النظام وأد فكرة تقديم يوسف والي للمحاكمة فأنا أحاول أيقاف والي في ساحة المحكمة وهذا أول مكسب اما كونه سيحصل علي البراءة من عدمها فهذا مرجعه للقضاء المصري ولكن كل ذلك يكشف للموطن العادى عيوب السلطة الحاكمة اضافة الي انها
تزيد من السخط الشعبي علي هذا النظام وتجعل شعبيته تتراجع حتي وسط مريديه من أعضاء الحزب الوطني نفسه
وأعتقد أن كم الاستقالات الاخيرة بالحزب توضح لنا مؤشر شعبية النظام الحاكم وفقدانه مصداقيته رغم امتلاكه كل مقومات الأعلام ومؤسسات تعمل لصالح ولتثبيت أركانه في الحكم.

س4- هل استعنت باحدى مراكز حقوق الأنسان، بشكل أوضح هل لديك مساندة قانونية وأن لم يكن لديك فمن تتوقع مبادرتة في قضية قومية كقضية (المبيدات المسرطنة)

ج4-أتصلت ببعض المراكز الحقوقية لمساندتي في القصاص لحق هذا الشعب ولكن استشعرت أن لديهم بعض الحسابات الاخري في تعاملهم مع السلطة من حيث التصدى لبعض القضايا وقد يكونوا معذورين في ذلك لانهم يعملون تحت سقف الخطوط الحمراء لا فوقها وكما قلت سابقا انني لا أبغي المساندة بقدر ماأبغي كشف وفضح النظام أمام الرأيء العام المصري والعالمي .

س5- ما هي خططك كمريض نتاج أدخال المبيدات المسرطنة؟؟؟؟؟
ج5-هذة الحملة التي أقودها من أهدافها وقف التطبيع مع العدو الصهيوني وخاصة في مجال الزراعة والتي ثبت للجميع سوء نيته في التعامل معنا اضافة الي أن اعتمادنا علي تفوق اسرائيل زراعيا قد أدى لاختفاء بذور لمحاصيل زراعية مصرية أصلية مما يهدد الزراعة المصرية بالخطر ويجعلنا دائما في احتياج لهذا الكيان الصهيوني..

س6-هل تتوقع تجاوب روابط المدونين وتجاوب مرضي السرطان مع الوقفة الأحتجاجية؟؟
ج6-اعتقد ان المدونين بدأو في التفاعل الحقيقي لقضايا شعبهم قطعكما هذة المسافة الطويلة والحضور لزيارتي يدل علي تجاوب المدونين
لقضايا وهموم شعبهم ،أما بخصوص مرضي السرطان فأعتقد أن تجاوبهم ذا فاعلية كبيره لما يعانوه من ألام تمنعهم من الحضور .

س7-علي ضوء ذلك هل هناك توقعات أن يصل صوتكم للرأيء العام المصري والعالمي؟
ج7-نعم لأن العالم أصبح قرية صغيرة بسبب التقدم في وسائل الأتصالات المسموعة والمرئية وانتشار الصحف فهذة هي الضربة القوية التي نعتمد عليها في ايصال صرختنا الي العالم.

س8- من جانب أخر هل تود قول شيء بالنسبة للمعاملة العلاجية مع مرضي الأورام.
ج8-للأسف الحجم الذي ينفق علي ميزانية الصحة في مصر هو 5% بدلا من 25% وذلك يؤدى بالضرورة الي اخفاق المؤسسات العلاجية
التابعة للدولة في تنفيذ المهام العلاجية لها بالاضافة لوجود مافيا العلاج والاطباء في القطاع الخاص أدى كل ذلك الي أرهاق المريض
ماديا ومعنويا واصبح من يملك نفقة العلاج يحصل عليه ومن لا يملكه فيحرم من الحياة،اضافة الي أن هناك دورة روتينية سواء في
التأمين الصحي أو العلاج علي نفقة الدولة تعطل المريض من الوصول الي التشخيص المبكر لحالته وأنشد أن يكون هناك
جهاز خاص داخل هذة المؤسسات يسرع في تسهيل الكشف والفحص والعلاج لأصحاب الامراض المزمنة أو القوية والخطيرة مثل مرضي
السرطان والكبد والقلب والسكر والضغط لأن المريض عندما يخوض هذة الأجراءات يعاني الاحباط والتوتر مما يزيد حالته سوءا ويجب
مراعاه الحالة النفسية والمعنوية للمريض أولا وأن توضع في الاعتبار لانها هي المقوم الاساسي في مقاومته لهذة الامراض.

س9- ماالذى تتوقعه من رابطة مدوني الدلتا وبظنك في هذة المحاولات التي تقوم بها ماذا تريد من رابطة
مدوني الدلتا أن تساندك فيها؟
ج9- أولا أشكر رابطة مدوني الدلتا بالاصالة عن نفسي وعن شعب مصر لهذا الموقف الشريف ،وحضوركم كممثليين لها
وهذا يدل علي أن هذة الرابطة في الفترة الاخيرة اتجهت اتجاها حقيقيا وشريفا في التعبير عن قضايا شعبها لا عن موقف ايدلوجي
لجماعه معينة بل هو موقف لصالح هموم هذا الشعب واتمني ان يكون للرابطة دور في مساندتنا في قضيتنا عن طريق
المشاركة الاعلامية والتواجد أثناء الوقفة الاحتجاجية ليكونوا صوتا معبرا عن حال شعبها.

وهذا هو نص البيان الموجود علي مدونة الاستاذ خالد الصاوي



عاجل ---------- بيان مرضي السرطان للدعوة لوقفة احتجاجية
" ولكم في القصاص حياة يا أولي الألباب "باسم مرضى السرطان في مصر وباسم كل الذين يعانون الآلام
والتوترات الجسمية والنفسية والمادية نطالب بالقصاص من وزير الزراعة السابق
يوسف والي حيث أنه هو المسؤل الأول عن دخول المبيدات المسرطنة
إلى شعبنا وبعلم منه وهذا يعد قتلا مع سبق الإصرار والترصد
ونجد تخاذلا من السادة المسؤلين في تقديمه للمحاكمة ونحن نسأل لصالح من
عدم تقديمه للمحاكمة وعدم القصاص منه ؟ هل أرواح شعبنا رخيصة لهذا الحد ؟
هل آلامنا سهلة وبسيطة ؟
لذلك ندعوكم لوقفة احتجاجية يوم الاثنين الموافق 20 /10/ 2008
أمام دار القضاء العالي الساعة الثامنة صباحا ونرجو من كل مواطن شريف

معد الحوار :رامز عباس


مسجل الحوار:يوسف الشافعي


ومن هنا تناشد رابطة مدوني الدلتا كل مدون شريف كل أب يخشي علي صحة أبنائه كل أم تحلم باشراقة أمل تراها في عيون أبنائها أن تشارك الاستاذ خالد الصاوي حملته من يستطع المثول أمام دار القضاء العالي فليفعل ومن يستطع أن يكتب فليكتب ولنعلنها جميعا لا للفساد والفاسدين

بنت النيل يقول...

السلام عليكم ورحمة الله وبركاتة


اجابتك كلها واضحة

بس معرفشى لية حسيت فيها بغموض

اول مرة ادخل مدونتك

وجميل اوى التاج السبعاوى الا عرفنى على ضد التيار اكتر

دومتى بخير

بنت النيل

لحظة تأمل يقول...

اللى صريح بالشكل ده
مش هتكون شخصيته غامضة لانه دايما واضح

مدونة جميلة لشخصية اجمل

تحياتى

طـائر الليــل الحـزين يقول...

صديقتى . محررة مدونة ضد التيار . وحشتينى . وانا عارفة ان تعليقى اتأخر . بس واللهى ظروف . ما علينا . بس انتى ردودك جميلة قوى . ودليل على شخصية طيبة . وعلى فكرة انا بعشق لغة العيون . فعلا عشان زى ما انتى قولتى مافيهاش كدب . ويارب ربنا يتمملك موضوعك على خير . ويكرمك بزرية صالحة . وانا سعيدة عشان التاج خلانى اعرفك اكتر مع ان فى اسئلة عندى مش موجوده فى التاج . بس اكيد هيكون لينا مع بعض وقفة تانية احلى من التاج

عاشقة القمر يقول...

اجابتك جميل ربنا يرجع ليك حبيبك باسلامه وتجمع وانتي واصحابك تاني
يكتب لك الحج

عاشقة القمر يقول...

اجابتك جميل ربنا يرجع ليك حبيبك باسلامه وتجمع وانتي واصحابك تاني
يكتب لك الحج

مـجـنـووون يقول...

صفات جميله وأماني أكثر من رائعه

**************
بالنسبه لصفة الصبر أن بعتقد أنها ميزه مش عيب ، تكهري أنك تبقي زي سيدنا ايوب ؟؟

***********
أما بالنسبه لصفة مجنونه فبحكم أني مجنون فبقولك أنها صفه جميلة قوي وبجد هي الي تنفع في الزمن ده

*************
واااااااااااااااء يعني مش بتحبي مدونتي
تيب تيب لك يوم يا ظالم

************

تقبلي تخاريفي
مجنووون

nona يقول...

باة كدة منك للى كلت دراع جوزها
باة عشان بحبك تروح تهدينى التاج يا ستى انا بحبك من غير الهدايا بتاعتك دية
عموما انت لازم تجاوبى التاج الاى عندى الاول و ماليش دعوة انك جاوبتية قبل كدة دة كان فى المدونة القديمة اما الجديدة لسة
يلا قوم جاوبى التاج بتاعى الاول بدل ما اكسرلك دماغك الناشفة دية ههههههههههههههههههههههه

nona يقول...

نيجى باة للتاج
انا باة بحب صفاتك دية قوى الجنون و الدماغ الناشفة ولغة العيون و موضوع خدومة دية باة تعالياى عشان استغلك باة مش احنا اصحاب برضة خخخخخخخخ

اما باة باقى الكلام جميل جدا و يسلام على البحر يا ضد التيار ربنا يرزقك ببيت على البحر بس ابقى اعزمينى فية

ربنا يحققلك كل احلامك و يجمعك مع من احببتى ويرزقك الذرية الصالحة قولى امين

Sweet Violet يقول...

Desert cat

-------------
رقيقه و جدااااا كمان

ربنا يخليكى يارب

و فعلا نشوفيه الدماغ ملهاش دعوة برقه ابدااااااااااااا

(:

Sweet Violet يقول...

الطالبة عفو الله

---------------

فى فعلا بعض الاشخاص لغه العيون بالنسبه ليهم لغه ليس لها وجود

مع انها احلى لغه بجد بحبها مووووت

ربنا يديم بينا التواصل (:

Sweet Violet يقول...

رومانسى التفاؤل
-----------

العفو العفو دا اقل واجب (:

ااااااااااه يانى على كلمه محيرانى

اشوفك عروسه يارب ياكيارا عشان تبطلى تنشرى فيرس الحيره دا

هههههههههههههههه سياحه ؟؟؟؟

تخيل انا مافكرتش فيها كدا

بس نظريه برضه السياحه خير لبلدنا لازم نشجعها D:

اه والله صدقت ياما العيون بتفضح ناس كتييييير

اللهم اميييييييييييييين

ههههههههههههههههههه لالالا ربنا يبعد عنا تاجات سبعاوى

Sweet Violet يقول...

mohamed ghalia
-------------

الحمدلله ان المدونه عجبتك

(:

Sweet Violet يقول...

شيماء طلعت

---------------

امييييييييييين يارب

و يحققلك احلامك ويرجع الغايب بالسلامه

Sweet Violet يقول...

mahasen saber

----------------

الصراحه انا لقيت فعلا انى الاجابه هاتكون صادقه اكتر لو سألت اللى يعرفنى

فعلا البحر معشوق الملايين

اللهم امين

Sweet Violet يقول...

الفارس الملثم

---------------

عاااااااااااااااااااااااااااااا

محيره ليه بس

هى بتخدع اللى مابيعرفهاش بالتالى بيترجمها غلط

اما اللى يعرف لغه العيون مابيتخدعش فيها ابدا

اللهم امين

بس برضه عايزة اعرف بقى انا ليه محيره

عاااااااااااااااااااااااااا

Sweet Violet يقول...

احمد الشاعر

---------------

اللهم امين

واهلا بعودتك من جديد

وماتتأخرش تانى علينا

Sweet Violet يقول...

خواطر ليست عابرة

-------------------

لالالالا تصحيح مش انا اللى حللت نفسى دول اصحابى D:

امممممممم معانى كتير ؟؟؟

حلوة يعنى ولا وحشه ؟؟؟

عشان الواحد يعرف يصلح من نفسه لو فى صفه كدا ولا كدا ):

Sweet Violet يقول...

حسام يحي

------------------

اللهم امين

(:

Sweet Violet يقول...

آبى

-------------

ايه دا ايه دا هو الواحد كان متهم ولا ايه؟؟؟

طيب الحمد لله اخدت برائه من قبل الاتهام D:

ههههههههههههههه ليه بس تقرصه يابنتى المحافظ الجديد بيقولوا مظبطها لحد الان

بس الاقناديل دى اعرف انها بتبقى فى اخر سبعه لنص تمانيه يعنى مش على طوووووول

الله الله الله

هانضم للحزب مره واحده

بس تعالى هنا حزب ايه بالظبط ؟؟؟

البرنامج الحزبى لو سمحتى ايوة الواحد لازم ينضم على نور

D:

Sweet Violet يقول...

tarek alghnam

----------------
اللهم امين

(:

Sweet Violet يقول...

esraa

-------------

الحمد لله انها عجبتك

يارب تكونى انتى كمان بتتعملى بيها

Sweet Violet يقول...

blue-wave

----------------

بتعجبك الدماغ الناشفه؟؟!!!!!!!!!!

لا بقى انا عايزة اعرف السبب

اول مره اسمع شاب بيقول ان الصفه دى بتعجبه

اللهم امين

هههههههههههههههههههههههههههههههه سلمون باللمون

P-:

Sweet Violet يقول...

الازهرى

----------------

الحمدلله لقيت حد زيى (:

اللهم امين

ههههههههههههههه ايوة عارفه انا بموضوع بهدى النفوس دا

تجى تحجز و تنام بعدها و فين و فين بقى لما حد يفتكر يصحيها

هههههههههههههههههههههههههه

انا هاخليكى ياكيارا تنسى كلمه محيرانى اللى طلعتيها عليه P-:

Sweet Violet يقول...

كيارا

---------------

يااااااااااه حمدلله على السلامه انتى صحيتى امتى P-:

عايزة تطردينى من مدونتى

لا ياهانم مش انا ابدا اللى يتعمل معه كدا ياامينه

اذا كنتى مش قادره على السى السيد قولى

لكن بلاش تطلعى اللى بيعملو عليكى هنا P-:

ههههههههههههههههههههه

مش مهم انا ؟؟؟؟؟؟؟؟؟؟؟؟؟؟

ماشى ماشى بكره تقولى ولا يوم من ايامك ياضدضه ياحبيبتى

ههههههههههههههههههههه

مش هامشى بقى و ادى قاعده

Sweet Violet يقول...

ابو على

---------------

انا عارفه ايه سحر العيون دا؟؟

دا انت جبت كل العيون فى كلامك

هههههههههههههه حتى المكعورة

الا دى بتبقى شكلها ايه؟؟؟

بس سيبك انت مين بدر البدور حد معنا هنا؟؟؟؟

Sweet Violet يقول...

رابطة مدونى الدلتا

------------

فعلا نادره

اللهم امين

بس ايه كووووووووووووووول الكلام دا

انا اول ماشفته جالى زغلله فى العين و تربسه فى الدماغ

ربنا معكم يارب

Sweet Violet يقول...

بنت النيل

--------------

و عليكم السلام ورحمه الله وبركاته

واضحه و غموض ؟؟؟؟

غموض فى ايه بالظبط ؟؟؟

عموما اى سؤال زياده عن التاج ممكن تسأليه لو حابه

اهلا بيكى فى اول مره و يارب ماتكون الاخيره

Sweet Violet يقول...

لحظه تأمل

------------
انا بقول كدا برضه انى مش غامضه بس اصحابى بقى مصممين

اعمل فيهم ايه بس ):

ربنا يخليكى يارب

و الحمد لله ان المدونه عجبتك

Sweet Violet يقول...

طائر الليل الحزين

-------------------
انتى اللى وحشانى

يارب تكون الظروف اللى منعتك تكونى معنا خير

ولايهمك على التأخير

اللهم امين

اكييييييييييييد لانى بجد عايزة اتعرف عليكى انتى كمان

و انا تحت امرك ياقمر فى اى سؤال (:

و لو مافيش مشكله الاميل بتاعى فى البروفايل ممكن تبعتى عليه ميلك وانا

اضيفك

Sweet Violet يقول...

عاشقة القمر

--------------

اللهم امين

اشكرك على دعوتك الجميله

سراج يقول...

لغة العيون هي الأصدق، طبعاً بعد سؤال القلب.. تحياتي

Sweet Violet يقول...

مجنوووووووووووووووووووووون

---------------------

لا طبعا ماكرهش

لكن انا لما بتخنق منها لما بكون صابره على حاجه او حد ماينفعش الواحد يصبر عليه

لان الصبر وقتها تضيع للوقت وللاعصاب

**************
اكييييييييييد هى اللى تنفع فى الزمن دا

******************
ايه دا لييييييييه قولت كدا بس

و ربنا انت من المدونات اللى بتبعها

دا مين اللى ظالم دلوقتى ):

ماشى ماشى

ليك يوم ياظالم زى مابتقول

**********

اهلا بتخاريفك فى المدونه (:

Sweet Violet يقول...

نونااااااااااااااااا

-----------------
هههههههههههههههههههههههههههههه

حرام عليكى انا مش كل يوم اجيب دراع بقى

دا ايه الظلم دا ):

ياسلام ياسلام

على اساس انك ماسبقتيش فى الهديه

لا اكسرى ارحم بقى لانك مش هاتعرفى هههههههههههههههههههه

P -:

سمكه واحده يقول...

اول مره ليا في مدونتك
واحلي حاجه انك بتحبي اسكندريه
كمان الترحال حلو اوي الانسان لما يحب الترحال من بلد لبلد
كمان انك بتحبي انسانه ليكي رغم واضح ان في حاجه انكسرت بينكوا بس مكرهتهاش بتدعلها بالهدايه بجد اجابه بسيطه وسلسه وتنم عن شخصيه بسيطه وجميله ولا اييييييه
تحياتي
سمكه

Sweet Violet يقول...

عودة اخرى مع نونااااااااااااااااا

الحمدلله يعنى بتحبينى لولولولولولى

ههههههههههههههههه طبعا طبعا استغلى زى ماانتى عايزة

اللهم اميييييييييييين

بس بقولك ايه استغلى براحه بقى بلاش ظلم

عاااااااااااااااااااااااااااااااا

Sweet Violet يقول...

سراج

-------------

اكييييييييييييد

(:

Sweet Violet يقول...

سمكه وحده
--------------
اهلا بيكى فى اول زياره

امممممممم انتى من اسكندريه شكلك صح؟؟؟

لا انا بقى اللى اسأل ولا اييييييه مش انتى ):

اشكرك على كلامك الحلو و زيارتك الاولى

و يارب دايما التواصل دائم (:

Butterfly يقول...

هههههههههه
اجاباتك حلوة اوى
ربنا يتمملك بخير وينولك اللى فى بالك

elsha3er يقول...

اتأخرتى علينا اسمى دة تقل

احمد الشاعر

Sweet Violet يقول...

Butterfly

----------
اللهم امييييييييييين

اشكرك ياقمر على دعوتك و زيارتك

Sweet Violet يقول...

احمد الشاعر

------

تقل؟؟؟؟؟؟ و اتأخرت ؟؟؟؟

ابدا دا انا موجوده اهو و كل شويه اروح اطمن عليك الاقيك مش موجود

مين اللى بيتأخر ؟؟؟؟

Unknown يقول...

السلام عليكم ورحمة الله تعالى وبركاته
زيارة اولى واخيرة!!!!!!!!!!!!!!!!
هههههههههههههههههههههههه
أنا بهزر وكمان بأشد الانتباة
حاجات كده زى شغل السيما والذى منه
اصل لو قلت زيارة اولى وحتكرر حأبقى زى كل الناس وانا وأعوذ بالله من قول انا متفردة اه وحياتك حاجةكده لوحدى ملهاش زى !.المهم انا بدحرج الصباحات
ولما ارجع من الشغل نكمل الكلمات
لكن على السريع الكلام اللى هنا عجبنى
وانا من النوع اللى مابيعجبه حاجة الاالاالا الا الا الا الا الا الممتازززززة

dr. Ahmed Sakr يقول...

ما شاء الله على الإجابات المقنعة

وشخصيتك مش محيرة ولا شئ

ولغات العيون من أعظم اللغات وما بتذكذب ولا بتخون لأنها بتظهر اللى موجود بالقلب والعقل

وكمان إجاباتك ما شاء الله عليها

Mina يقول...

اولا اجابتك جميلة جدا وبتدل علي شخصية جميلة ورقيقة وقوية (مفترية يعني ) هههههه
وعجبني قوي موضوع لغة العيون
وحبك لحبيبك (ربنا يرجعهولك بالسلامة يارب)
وكمان موضوع الصبر ده حلو قوووووووووووي (انا عكسك تماما )
والجنون ده بقي اجمل حاجة في الزمن ده (لابد من شوية جنون مقصود علشان الواحد مايتجننش عليطول)
تحياتي ليكي ومتشكر قوووووووووووي علي اهدائك التاج ليا
بس اعذريني بقي مش هاقدر اجاوب عليه دلوقتي (اصل تاجين في الراس توجع )
بس اوعدك هاجاوبه بعد شوية كدة
وتاج مقبول يا قمر
تحياتي

طوبه فضه وطوبه دهب يقول...

فعلا لغه العيون بجد مش اى حد يفهمها لان ما بيفهمهاش غير الاشخاص اللى عندها احساس مرهف لان فعلا الحاجه الوحيده فينا اللى ما بتكدبش ويارب يرجع لك حبيبك بالف سلامه ونفرح بيكم قريب تحياتى حبيبتى

Empress appy يقول...

حزب المجانين يا حبيبتى شروطه تبقى مجنونه ههههههه
انا اي حد بيحب العريش بيطلع برائه من الخيانه العظمي علشان فيه ناس مش بتحبها
بس المحافظ مش قادر يسيطر على القناديل مع انهاتعتبر العريش من اجمل وانطف المياه فى مصر
وبعدين يا مصيبه سجلى الباس وورد فى ورقه بره لو نسيتها اكتبى ميلك وقولى له نسيت الباس وورد هيبعتها لكي على الميل

hossam7 يقول...

ياريتني جيت بدري

بس انا دخلت بالصدفه


بس هاكون مداوم عليها

لانها فيها تميز

شباب روش طحن يقول...

غريبة كلنا عندنا حاجات نفسنا نعملها والغريب أكتر إننا ما عملناش منها حاجة لحد الوقتي

مواصفات شخصيتك جميلة خاصة موضوع لغة العيون ده بالرغم أنه صعب ينشأ بين أتنين لسه متعرفين علي بعض جديد لكنه بين الأصدقاء القدامي بيبقي مشكلة حاجة قوية جدا

Sweet Violet يقول...

norahaty
-------------

و عليكم السلام ورحمه لله وبركاته

ههههههههههههههههههههههههه

ياقهلا ياقهلا و احلى صباح ليكى ياقمر

و منتظرة رجوعك و الحمد لله ان الكلام عجبك

Sweet Violet يقول...

الحشرى - سيد يونس

-----------------

فعلا عمرها مابتكدب ولا بتخدع

اشكرك على كلامك و زيارتك (:

Sweet Violet يقول...

Manamino

-----------------

ههههههههههههههههههههههههههه

مفتريه مره واحده

عاااااااااااااااااااااااااااااااااااا

ماشى نصبر شويه عليك و لايهمك

و اشكرك على قبول الهديه (:

بس انا مش مفتريه بقى

عااااااااااااااااااااااااا

Sweet Violet يقول...

طوبة ذهب و طوبة فضة

-----------------

اللهم امين

ربنا يخليكى على كلامك الحلو دا و دعوتك

نورتى ضد التيار

Sweet Violet يقول...

آبى

--------------

ههههههههههههههههههههههههه

الله الله دا انا كدا موافقه جداااااااااااااااااا

بحب انا الاحزاب دى و بالاخص ان يكون من اهم شروطها الجنون

اممممممم اعتقد ان الناس اللى مش بتحبها دى تبقى مش عاشقه

الهدووووء

مش لما يظبط المحافظه يبقى يظبط القناديل

فعلا العريش هوا و ميه رائعيييييييييييييين

مش لما كنت افتكر الاميل الثانوى الاول عشان اعرف ارجع الباسورد

اسكتى امبارح كان يوم وحشششششششش

بس الحمد لله الجهاز رجع ليا بالسلامه

فعلا اللى يخرج من جهازه يضيع حساباته

Sweet Violet يقول...

hossam

-------------

المهم انك جيت

ان شاء الله تنور على طول ضد التيار

Sweet Violet يقول...

شباب روش طحن

-----------

ان شاء الله هانعمل بس يكون عندنا اصرار و اكيد هانقدر

معك ان من الصعب ان اتنين لسه متعرفين جديد يفهموا بعض من خلال العيون

لكن من السهل انك تكشف اللى قدامك حتى لو لسه متعرف عليه جديد من

خلال العيون انه صادق او لأ

الســـاحر يقول...

ربنا يحققلك السبع حاجت اللى بتتمنيهم
ويحققلك كل اللى نفسك فيه
ويارب تكونى سعيده

Sweet Violet يقول...

الساحر
-----

اللهم امين


اشكرك على زيارتك ودعوتك

و يارب انت كمان تكون سعيد (:

احمد على نصار يقول...

كتبتك رد قبل ده وضاع فى الترجمه باين (لوست ان ترانسليشن)

هيييييه : وما الدنيا الا سيرك قومى

كبير اه واللهى كبير.
اه منكو انتو يا بنات تحبو تعملو من الحبه قبه وكبه وكده لكن لى سؤال القصه هى من وحى خيالك يعنى ابداع شخصى ليكى ولا واقع وحصل فى وقت ما
فى كل الحالات اقول لصاحبتك مش حتقدرى تغيرى حاجه اعملى كما قال الرائع برنارد شو : سر تعاستنا ان احنا عندنا الوقت اللى نقول فيه احنا سعداء ولا تعاسنا خليها تحاول تبقى روشه طحن وعلى طريقه الجماعه دول انهى تعليقى ب قشطه يا مان( مان ايه بس ده ناسى انك بنت)لكن تمشى كده وكده

ولد مصري يقول...

شوف إزاي!!!

معلش هقتبسها من حضرتك

يعني انا ابقى طافح الكوته في الشغل وادخل عندك متأخر وبقدم رجل وأأخر التانية وألاقي سيادتك لطشاني بتاج في نفوخي

طب ايه؟!! (إقتباس تاني)

ينفع الكلام ده

على العموم تاج مقبول

تيب (الاقتباس التالت والأخير)

تحياتي

ولد مصري يقول...
أزال المؤلف هذا التعليق.
ولد مصري يقول...
أزال المؤلف هذا التعليق.
ولد مصري يقول...
أزال المؤلف هذا التعليق.
ولد مصري يقول...
أزال المؤلف هذا التعليق.
ولد مصري يقول...

معلش كنت عمال أرد على تعليقات في مدونتي واكتشفت إني بكتب عندك

واضح ان الشاي باللبن بتاع النهاردة الصبح كان فيه حاجة

تحياتي

Sweet Violet يقول...

احمد على نصار

--------

ولا يهمك المهم انه وصل فى الاخر

و رديت عليه هناك (:

Sweet Violet يقول...

ولد مصرى

---------

دا ايه الناس اللى داخله تقتبس منى دى

ماشى ياسيدى اقتبس زى ماانت عايز بس ابقى عد الجمايل هه

كترت على فكره و ماينفعش كدا ... بعد كدا هاعمل حجز على المدونه لحد ماتدفع اللى عليك

كويس انك معترف انك متأخر و كمان بتقدم رجل وتأخر رجل

امممممممممممم شكلى انا اللى هفرض غرامه على التاخير

---------

سيبك بقى من اللى فوق انا بشوف الكومنتات فى الميل لقيت ردودك موووووووت من الضحك

قولت هو فى ايه هو انا فتحت طريق مباشر على مدونتك ولا ايه ههههههههههههههههههههههههه

بس طبعا فهمت ايه اللى بيحصل عندى من ردك الاخير

شاى بلبن برضوا ولا انت كنت ناوى تعمل سطو على المدونه


لالالالالالالالالالالالالالا ضد التيار ضد اى سطو

و كمان بطلوا بقى اللبن اللى بتشربوا دا


لو سمحت حق الكام كومنت اللى اضافه دول و بسرعه و كمان حق الحذف برضه

ولد مصري يقول...

غرامة على التأخير

يعني كمان معاملات ربوية

أعوذ بالله

أنا هعترف لك بالحقيقة وأمري لله

بقى يا ستي الموضوع وما فيه إني بقالي كتير مادخلتش عند حد ولا حتى المدونة عندي

قوم لقيت ناس كتير سايبة تعليقات عندي وناس كتير منزلين بوستات جديدة

فأنا بقى استعنت على الشقى بالله وفتحت مدونتي وكمان تلت أربع مدونات

وبقيت أكتب بإيديه ورجليه علشان ألحق أكتب تعليقات في أسرع وقت فطبعا حصل اللي حصل

يعني مافيهاش حاجة لما الواحد يهيس مرة من نفسه

حضرتك لسه ضريبة التعليقات والحذف بيناقشوها في مجلس الأمة ولا أنتي عايزة تطبقيها قبل ما تتفرض

مش دافع هه

تحياتي

Sweet Violet يقول...

اممممممممممم

بص هو انا بقالى كام يوم مش مرتاحه ليك اساسا فيك حاجه مش مريحانى مش عارفه ايه هى بس سيباك براحتك لحد ماتيجى بس و قولت جايز ارتاح واعرف فيك ايه

لكن انت جيت و ماعرفتش فالصراحه بقى الغرامه دى غيظ منك يعنى هاتدفع يعنى هاتدفع

اما بقى موضوع المدونات اممممممممم يعنى انت مش عايز تعمل سطو على المدونه بتاعتى ؟؟؟؟ امممممممممممم ماشى نقبل الاعتراف بتاعك رغم انى عارفه انك حاطط عينك على مدونتى من بدرى و عايز تخطفها منى بس لبعدك انا بقول اهو

هما يتناقشوا براحتهم دول يومهم بقرووووووون يعنى اسيب احفادى هما اللى يطبقوا و ملحقش اتهنى على كام قرش و لا ايه

مش معامله دى

و كمان غرامه على المعامله اللى مش عجبانى هه

ويالدفع يالاعتراف انت فيك ايه

هاتختار ايه بقى ؟؟؟؟؟؟؟؟؟؟؟؟؟

ولد مصري يقول...

أختار الدفع طبعا

حاكم العبد لله مابينطقش الا في المناسبات

أمال انا بحب التدوين ليه

علشان أكتب اللي مابقدرش أقوله

هدفع وأمري لله

شوفي حسابي بقى كام دلوقتي

تحياتي

Sweet Violet يقول...

علشان أكتب اللي مابقدرش أقوله

هدفع وأمري لله

ايييييييييييييه التناقد اللى فى الكلام داااااااااااااااااااااااا

بقى انت بتقول تكتب اللى مابتقدرش تقوله يعنى المفروض تعترف تروح قايل انك هاتدفع

هاشد فى شعرى منك دا ايه دا ياخواتى

خلاص مدام مش عايز تقول و تفضل غيظنى كدا

هاحسبلك كل حاجه بس هه انتقام بقى و مش هاعفو عنك (وش متغاظ)

انتظر بقى الديون اللى عليك كوووووووووووووولها