Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الخميس، 23 أكتوبر 2008

هو دا ينفع ؟؟؟

اول امبارح و انا بتجول فى المدونات كان فى بوست بيتكلم عن الاسلام و الديانات الاخرى الموضوع كان قيم جداااا

 لكن و انا بشوف التعليقات لفت نظرى تعليق مدون كان غريب جداااا بيتكلم فى الدين و اصوله لحد كدا كويس

جيه فى الاخر راح متكلم بسخرية عن الديانات الاخرى

طيب هو دا ينفع ؟؟؟؟

نفس المدون لاحظت انه متعصب و بينتقد المدونين بشكل هجومى جداااا و باسم الدين برضه ..

طيب هو انا لما انتقد النقد دا و اغلط كدا فى كاتب الموضوع بصلح من فكره ؟؟؟ لا بقلب الدنيا لحرب ؟؟؟

امبارح اتفجأت بمدونه المفروض انها بتدعى للدين الاسلامى اشوف المواضيع ألاقيها كلها سخريه من الديانات الاخرى...

طيب مش هى برضه الديانات الاخرى دى ربنا هو اللى منزلها ؟؟؟ ينفع نسخر من كتاب ربنا نزله ؟؟؟

بغض النظر بقى عن صحة الكتاب ولا لأ ..بس مايصحش اننا نسخر ولا ايه ؟؟؟؟

ماهو برضه اصحاب الديانات الاخرى ياجماعه عندها ايدين و نت

يعنى صاحب التعليق ممكن يدخل واحد يروح مدافع عن دينه و بنفس الطريقه بتاعته و وقتها هايغلط فى الدين الاسلامى صح ولا غلط ؟؟؟

و ممكن برضه حد من الديانات الاخرى اللى صاحب المدونه بيسخر منها يروح هو كمان عامل مدونه و يسئ للدين الاسلامى رد على المدونه دى صح ولا لأ ؟؟

ربنا سبحانه وتعالى نهى عن كدا فى كتابه الكريم

"وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ"

ياجماعه الدين مش تعصب و خناق و سخريه .. بلاش احنا اللى نفتح بأيدينا باب الهجوم على الدين الاسلامى

****************

النقطه التانيه اللى بجد انتشرت بطريقه مهووووله اللى هى السخط على البلد بكل اللى فيها ..

انا عايشه فى البلد و مش حابه احوالها لكن دا مش سبب انى افضل ليل نهار هاتك يا غلط فيها ...

بعض المدونين بنتقدوا البلد بشكل مهين قوى انا عارفه انك صعبان عليك حال البلد

و نفسك تصلحها بس هل الاصلاح هايجى باظهار العيوب بدون حلول ؟؟؟؟

اصل مدام انا بنتقد شئ يبقى شخصيه واعية و فاهمه يبقى المفروض برضه اقدم حلول

ولا هو الوعى دلوقتى  بقى انتقاد و ياريت انتقاد بشكل كويس لا بشكل متعصب قووووى و بس

اهو انا بفرغ شحنه الغضب اللى عندى و مش مهم التأثير بتاعها رايح فين

طيب مانكون واقعين شويه لما انا اكتب نقد بالشكل دا عن بلدى و اظهرها بالصورة دى

و يجى واحد من اى بلد تانيه يروح خابط قصيده هجاء فى مصر ..

وقتها انت هاتعمل اييييييييييييه ؟؟؟؟ اكيد هاتتعصب و هاتروح غلطان فيه و فى اهله لان ازاى يغلط فى بلدى .. طيب ازاى ؟؟؟

ماهو مش غلطان اذا كان انت يابن البلد دى نازل غلط فيها يبقى بتلومه ليه ..

ولا ماشى بالمثل ادعى على ابنى و اكره  اللى يقول امين ؟؟؟

فى بعض المدونات كانت معترضة بشده عن حال مصر و بشوف التعليقات لقيت تعليق كان صحبه صعب عليه الحال

و متهيألى كان نفسه يطلع اللى فيه النصيب و المشكله انى لما دخلت البروفايل لقيته  مش مصرى

طيب بالله عليكوا ينفع كدا ؟؟؟؟

ياجماعه احنا مش قاعدين فى قاعدة منغلقة و عاملين بنتكلم ...

احنا فى ناس بتشوفنا من جميع انحاء العالم ..

ماينفعش نعترض و ننقد بالشكل الهدام دا

هايجى حد يقولى يعنى اسكت ماتكلمش و ابقى سلبى ماهو دا اللى جايبنا لورا ...

هاقوله لا انا ماقولتش كدا و كمان هى الايجابية انك تنتقد بدون حلول ؟؟؟

الايجابية انك تنزل هاتك ياشتيمه فى البلد و الناس و بس  ؟؟؟

طيب هاتستفاد ايه لما تعمل كدا ؟؟؟ هل كدا انت غيرت ؟؟؟

ياريت فعلا اللى بينزل بوستات كدا فى البلد يقولى فين الايجابية اللى هو عاملها دلوقتى ؟؟

هاتلاقى مافيش اى حاجه حصلت ..إلا انى عرضت بلدى و اهلى للسخريه و خلاص

انتقد بس بأسلوب صح ..اتكلم و قول حلول عشان تثبت انك واحد واعى و مثقف و ايجابى مش حد بيتكلم و خلاص

و لا انتوا ايه رأيكم ؟؟؟

و دمتم سالمين

هناك 120 تعليقًا:

طـائر الليــل الحـزين يقول...

ضد التيـــار ....
اخيرا اول تعليق معاكى .
هكمل قراية عشان الموضوع ده جامد وارجعلك

طـائر الليــل الحـزين يقول...

ضد التيار .....
انتى فعلا ممتازة . الموضع ده جامد جدااا
عشان الاخوة الزملاء اللى بيعلقوا على موضوعات تخص الدين . بجد بيهرجوا ولازم بقى يعرفوا ان كده مش صح لاء وكمان ربنا نهانا عن كده ولكم دينكم وليه دينى والدين لله والوطن للجميع . المفروض الاخ الزميل لو مش عاجبه الموضوع ميعلقش . بدل ما يتسبب فى سوؤ تفاهم ممكن يسبب كارثة . الدين الاسلامى اهم تعاليمه اليسر والتفهم والنصح بطريقة سليمة . مش باللى هما بيعملوه . زكمان الناس اللى بتغلط فى البلد . هى البلد ذنبها ايه . واللهى مصر دى احلى بلاد الدين . بس ربنا يرحمها من السادة المسؤلين اللى بيخربوها بأفعلهم وأطمعهم . ربنا ينجيها ويحميها . ده احنا خير جند الارض . ويارييت نعمل دعوة ننصح فيها السادة الزملاء انهم لما يحبوا يعلقوا فى موضوع يخص الدين او البلد . يتكلموا بطريقة لائقة . لان الاتنين مينفعش الاستخفاف بيهم او السخرية منهم .
تحيـــاتى ليكى يا حبيبتى على موضوعك الجميل ..........

romansy يقول...

عندك حق يا ضد
مش يبقى كلام وبس
الموضوع جميل ومرتبط بالكلام نحو عالم تدوين افضل

غير معرف يقول...

السلام عليكم ورحمة الله وبركاته

أولاً : جزاكم الله خيراً على موضوعكم المهم

ثانياً : نقطة الأديان كما قلت وكلامك صحيح بشكرك عليه
وبعدين الآيه التى إستشهدت بها فى موضعها

ثالثاً : موضوع مصر والصورة السيئه

أنا والله كنت لسه بفكر فى الموضوع ده إمبارح وكنت هكتب نفس الكلام بتاعك

إحنا كلنا شيفين ما يحدث فى مصر
فعلاً الوضع سيئ جداً

بس فيه خير كتير جداً فى المجتمع
وإحنا كناس وعيين ومثقفين لازم ندى للناس أمل فى بكره
لازم نظهر الحاجات الكويسه

فيه معنى لمقوله
تحدث عن الخير ينشتر ... وأكتم الشر يندثر

SHAPE YOUR LIFE (ABOALI) يقول...

اضع اول حروف الكلمات
واقرء براحتى
واتكلم عن الاهات
استعنا على الشقا بالله
ماحنا ضد التيار

saragebaly يقول...

اوووول تعليق

هقرا وارجع

تحياتي

SHAPE YOUR LIFE (ABOALI) يقول...

هههههههه
كنت فاكر نفسى اول تعليق
وبعد ما كتبت التعليق لاقيته صعق فى الطريق
اوكيه
نبدء من جديد
بصى يا ضد التيار
انا لاحظت المواضيع اللى انتى بتتكلمى فيها
ودى موجودة من ايام الازل وبدء الخلق
وتخيلى انى فى ايام زمان اختلفوا هل القراءن مخلوق ام لا
يعنى وجود هذا التنوع من الاراء
ظاهرة صحية
هو بس اللى ممكن تاخذية على الشخص
هو تحيزه لفكره حتى لو ظهر انه غلط
الامام الشافعى يقول
لو جادلت مائة عالم لغلبتهم
ولو جادلت جاهل واحد لغلبنى

ده علشان الجاهل ينط من حتة لحته
وموضوع لموضوع وهكذا
فلا تقلقى نفسك يا اختى
واعلمى ان برقيك انتى فى شخص قلمك
هو الذى يجعل هذا الغثاء والطفع الجلدى يقل ثم يزول

الموضوع الكلام فيه يطول
ويظهر انى اتكهربت
نكمل فى كابل كهربى اخر ان شاء الله

تقبلى تحياتى

سيبك انتى
ابتسمى فاءن البسمة عنوان الحياه
وانتى شكلك جميل اقوووووووى وانتى بتتبتسمى

العصفورة قالتى

شهرزاد يقول...

عزيزتي
" أن نضيء شمعة خير من أن نلعن الظلام"
مقولة جميلة تنطبق على ما قلتيه في البوست
إنها قمة السلبية أن نسخط ونتذمر من دون ان نتحرك خطوة للأمام
والله لا يغير ما بقوم حتى يغيروا ما بأنفسهم
وووأكيد السلبية والتعصب مش بينفعوا أبدا
ومش هيعملوا أي خطوة إيجابية للأمام
بوست قوي
تحيتي

موناليزا يقول...

والله انتى جبتى الخلاصة
ربنا يكرمك

EMMY BABY يقول...

اهى اهى اهى اااااااااااااااااه انا كنت هنا ومكنش فى ولا تعليق بس ربنا يسامحة بلوجر بقى مرضاش يحط التعليق

بجد الموضوع فعلا مهم جدا

بالنسبة لموضوع التعصب الدينى ده مش من اخلاق الاسلام وكمان احنا لازم نحترم الاديان التانية علشان نوريهم قد ايه دينا متسامح لابعد حد مينفعشى ابدا نشتم فى دين اخر

اما موضوع كره البلد والله انا بحزن لما بلاقى حد بيشتم فى البلد واهالى البلد والمسؤلين بدون وجه حق لمجرد انه هو اصلا فاشل وحاسس بالضياع

ايمى

ربنا يهدى المسلمين جميعا يارب العالمين

معاكى حق فى كل كلمة قلتيها فى الموضوع

تحياتى

بدل مايشتم فى البلد يقول ايه المشكلة باسلوب متحضر وايه الحلول الواقعية من وجهة نظره لحلها مش هكلم لمجرد الكلام

saragebaly يقول...

يا خسسسسسارة
كنت مفكرة اني اول تعليق بس للاسف
جت الحزينة تفرح ملقتلهاش مطرح

..........

بالنسبة للبوست
الموضوعين اهم من بعض

اولآ : الدين والاساءة للدين الآخر
مش معنى اني مسلمة او صاحبة دين معين اني اهين الديانات اآخرى واكتفي بأني متبعة بأمور ديني وبتكلم عن ديني حلو اوي وفي منتهى اللباقة والأدب
لاء طبعا دة ديني امرني اني احترم الديانات الآخرى وربنا قال لكم دينكم ولي دين
وبعدين انا لما اسئ للدين الآخر منا كدة بعكس نظرة مسيئة لديني
وبعدين زي ما انتي قولتي لما انزل مدونة اساءة للديانات الآخرى طيب مهو صاحب الدين من باب الغيرة على دينه هينزل هو كمان اساءة لديني ولله والرسول ولعياذبالله
واكون انا بدل ما اجمع حسنات عن نشر ديني اكون شيلت ذنب ووزر محدش هيكون اده
الرسول نفسه كان في طريقه للدعوة الاسلامية كان لازم بيحترم الديانات التانية واصحابها ومكنش بيكون فيه ولا تشدد ولا تعصب واعتقد ان احنا مش هنكون احسن من الرسول ولا بنغير على ديننا اكتر منه
وكان كمان بيتقبل اساءتهم واذيتهم بالفعل والقول الحسن
يبقى احنا دلوقتي اللي نقدم الاساءة ؟؟!!!!!!
الدين مش صلاة وصيام وكلمتين بقولهم وخلاص
الدين والخوف عليه بيكون في الأخلاق والمعاملة


اما بالنسبة للموضوع التاني واللي للاسف الشديد اصبح ظاهرة وموسم بعض المدونات هو (( مصـــــــر ))
للاس بقى اللي مش عارف ينزل ايه في المدونة ولا يكتب ويتكلم عن ايه يقوم منزل بوست يبهدل فيه البلد،، طيب ليه؟؟!!
بلدنا فيها عيوب وانا متفقة على كدة بس برضو مش نبهدلها كدة وبعدين لما نيجي نبص لعيوبها ماهي فيها مميزات مش موجودة في بلاد تانية بس للاسف احنا بقينا مش عايزين نبص للميزات
وليه نعد نشتم في بلدنا ليه مش نحاول نصلح ونستعين بالصبر والصلاة ونتوكل على الله


الدين والبلد موضوعين غاية في الاهمية يا ضد
آسفة على الأطالة
تقبلي مروري وفائق احترامي وتقديري

سارة

Ahmed Mohamed يقول...

بالنسبه للدين فالايه الكريمه كافيه جدا "وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ"
رغم ان في مدونات كتيره ومواضيع ومنتديات وحجات كتيره متخصصه في الاهانه والاستهانه بالدين الاسلامي
وبلاقيهم بيتكلمو مع نفسهم بردو
وكنت هعمل بوست عن انت بتشكك في دين
روح لشيخ لقديس لحاخام يا يقنعك يابلاش بس متقعدش تكتب من دماغك وانت اهبل متعرفش حاجه وبتقنع نفسك انت وبس
........
بالنسبه للتدوين السلبي
يكفي اني اشوف حاجه غلط واقول عليها
وميلزمنيش اني اصححها عشان انا مش ليه سلطه تنفيذ ومش شرط يكون عندي حل
ادينا بنعمل الي علينا والمسؤل هوه الي يتصرف
ماهوه كمان منقولش حلوه بلادي السمره
وفي ناس بتموت كل يوم وناس مش لاقيه تاكل ولما ظابط يقتل حامل مش عايزه الواحد يشيل في نفسه ويقول لاء اتصرفو اعملو اي حاجه بس المهم ميجيش اليوم ده عليه واقف واشوف امي او اختي بتموت عشان ابن حيوان ضرابها والاسم ظابط

وكمان منقولش البلد باظت وهيه فعلا بايظه ونسكت لازم نقول كمان بس فيها حجات حلوه كتير
وهذا اضعف الايمان
وكل واحد واسلوبه وبعدين احنا اساسا مفضوحين للعالم كله دا السياح الاجانب بيتعلمو عربي خصوصا وهما نازلين مصر تجنبا للتحرش تجنبا للنصب تجنبا للاحتيال

ازاي الناس كلها شايفانا عريانين واحنا شايفين نفسنا لابسين احسن لابس
قريتي قصة الملك الصيني ؟؟؟؟

Ahmed Mohamed يقول...

نسيت اقول معلش في ناس كتيره قوي بل مؤسسات كتيره
دورها الوحيد
التهليل والتطبيل
انا مش ضد النقد البناء
بس الي معندوش حل ميهمووووووووش
يكفي انه قال ان في حاجه غلط في البلد
تاني
وهذا اضعف الايمان وده فرض عين مش فرض كفايه

elsha3er يقول...

اولا النقطة الاولى

انا معاكى طبعا فى كل كلمة وان الديانات الاخرى لازم يكون ليها احترمها والرسول قال استوصو بالاقباط خيرا فا انا معاكى طبعا


ثانيا انا النقطة التانية حقول لا تعليق لان ممكن اكون انا مع الناس اللى انتى قلتى عليهم اعرف وارد

احمد الشاعر

سمكه واحده يقول...

فعلا يا ضد بجد موضوعك مهم
النقطه الاولي ان اتهام والسب والغلط في الديانات الاحري ملهوش اي لزمه واسلوب غلط جدا


النقطه الثانيه فعلا بجد والله معاكي كل الحق هنفضل نشتم ونشوه الصوره لحد امتي واحنا مش بنعمل حاجه تفيد لازم يكون نقد وايجابيه

دمتي بخير

سمكه

mohamed ghalia يقول...

فعلا مش جاجة كويسه إننا ننتقد الأديان بالطريقة دى
وكمان متفق معاكى
موضوع إنى الناس بقيت تنتقد البلد وكأنها بتتكلم عن إسرائيل مش بيتكلموا عن بلدنا مصر
تحياتى
دمتى بود

الازهرى يقول...

صديقتى العزيزة

اتفق معك فى الموضوعين شكلا وموضوعا
وان كنت اريد ان اعمم الكلام على كل المدونات التى تنتقض باسلوب لا يتناسب مع الاتفاق الضمنى للمدونين بان يكون متحضرا

تحياتى على الموضوع الجميل

DR.HAMAS يقول...

نتمنى أن تتعلم مجتمعاتنا

فن الحوار الراقى

بعيدا عن السباب

و عن التشنجات

كدة هنتطور كتير

لكن الأمر يحتاج إلى تربية شعب



د.حماس

Sweet Violet يقول...

طائر الليل الحزين

----------------
نورتى اول تعليق (:

بصى موضوع التعليق طبعا كل واحد ليه الحق لما يلاقى حاجه معترض عليها

ينقدها لكن باسلوب صح مش بالسخريه

موضوع الدعوة هايبقى صعب لان للأسف فى ناس بتفكرها قيود عليهم

و للأسف برضه لما حاولنا نتكلم و نناقش بدأ الهجوم والتجريح فى بعض المدونين

اشكرك ياقمر على تعليقك (:

Sweet Violet يقول...

رومانسى التفاؤل

------------

احمد اشكرك على تشريفك

و ياريت فعلا نبطل كلام و بس

Sweet Violet يقول...

بركاوى

--------------
و عليكم السلام و رحمه الله و بركاته

وإحنا كناس وعيين ومثقفين لازم ندى للناس أمل فى بكره
لازم نظهر الحاجات الكويسه

معك طبعا اننا لازم نظهر الكويس و برضه نظهر الغلط لكن مع الحلول

او بطريقه كويسه مش بأسلوب ماينفعش نهائى

Sweet Violet يقول...

ابو على

-------------

ههههههههههههههه بعتذر بشده للى حصل

لكن لانى ماكنتش موجوده عملت الاشراف عشان اقدر اتابع

الاختلاف شئ و انى اتكلم بأسلوب غير لائق شئ تانى

مش معنى انى مختلفه معك يبقى اسخر منك او اعلن هجوم عليك .. ولا ايه؟؟

انا مش ضد الاعتراض كااعتراض انا ضد الاسلوب

Sweet Violet يقول...

شهرزاد

--------------

إنها قمة السلبية أن نسخط ونتذمر من دون ان نتحرك خطوة للأمام

هو دا فعلا اللى عايزة اقوله

نورتى ضد التيار (:

Sweet Violet يقول...

موناليزا

------------
و يكرمك ياقمر (:

Sweet Violet يقول...

emmy baby

---------------

فعلا بلوجر كان الخدمه غير متاحه لفتره و عاملها معيا انا كمان ):

المشكله ان فى ناس فاكره انها لما تتكلم و تعترض بس يبقى دى الايجابيه

مع انه لو شاف هايلاقى انه مجرد كلام و بس و ممكن بيه يعرض دينه و بلده للإساءة

----
ربنا يهدى المسلمين جميعا يارب العالمين


اللهم امين

Sweet Violet يقول...

saragebaly

----------------

ههههههههههه

ان شاء الله تنورى المره الجايه اول تعليق (:

-----
الدين مش صلاة وصيام وكلمتين بقولهم وخلاص
الدين والخوف عليه بيكون في الأخلاق والمعاملة
--------
فى ناس فاكره ان التعصب الدينى دا غيرة على الدين

مايعرفش انه كدا هو نفسه اللى بيعرضه للإساءة

-------------

للاسف احنا بقينا مش عايزين نبص للميزات
وليه نعد نشتم في بلدنا

------------
فعلا هى دى المشكله اننا بقينا نشوف السلبيات اللى فى البلد

مابقناش نشوف اى حاجه حلوة فيها و ياريت لما بنعرض السلبيات بنعرضها بطريقه صح مع الحلول

فى البعض ماشى بمبدأ الاعتراض لمجرد الاعتراض فقط

----------

منورة ياقمر و اهلا بوجهه نظرك و تعليقك (:

الميكروباص يقول...

شوفي
بالنسبة للمدونات التي تسخر من الملل الأخرى فهذه مدونات لها طراز خاص مثل المواقع التي تهاجم الدين الاسلامي، يعني هي متخصصه في الأمور دي والرد على هؤلاء الذين يسخرون من ديننا بغير علم، فهذا هو مجال تخصصها، كما أن هناك مدونات متخصصه في الصور وأخرى متخصصه في السياسه فقط هناك من هو متخصص في تفنيد كتب أصحاب الملل الأخرى، يعني العمليه عملية تخصصات
...
ثانيا: بالنسبة لموضوع الانتقاد انتي عندك حق فيه ولا كلام يُقال بعد كلامك

Sweet Violet يقول...

__—¤¤AhMeD.3LaM¤¤—__

-------------------

بالنسبه للتدوين السلبي

يكفي اني اشوف حاجه غلط واقول عليها
وميلزمنيش اني اصححها عشان انا مش ليه سلطه تنفيذ ومش شرط يكون عندي حل
ادينا بنعمل الي علينا والمسؤل هوه الي يتصرف

------

دا على اساس ان المسؤول اللى انت بتتكلم عليه قاعد ليل نهار منتظر بوستات المدونين؟؟؟؟

و على اساس برضه ان كل مشاكل مصر اللى بيعرضها المدونين فى ايد المسؤول بس؟؟؟؟

انا معك انت مالكش سلطه تنفذيه فى بعض القضايا لكن انا بقول عرض حلول مش تنفيذ

هو مش فى فرق برضه بينهم ولا ايه؟؟؟؟

طيب لما حضرتك تعرض الغلط دا بشكل مهين للبلد اللى هو من الاساس ماحدش من المسؤولين هايشوفه يبقى كدا انت ايجابى؟؟؟

هانقول انت شايف غلط و مش عارف ليه حل طيب اعرضه بشكل صح و لا بطريقه غلط ؟؟؟

و مدام انت مايلزمكش انك تصححه يبقى غيرك برضه مايلزموش و يبقى كل واحد يقول يلا نفسى و خلاص ماهو احنا مايلزمناش .. و هل كدا صح ؟؟؟؟

لو انت مش هاتبدأ من نفسك يبقى ماتلمش المسؤولين ....لما اراعى ضميرى الاول ابقى اطلب من الغير يراعى ضميره .. ولا ايه؟؟؟

---------------------
ماهوه كمان منقولش حلوه بلادي السمره
وفي ناس بتموت كل يوم وناس مش لاقيه تاكل ولما ظابط يقتل حامل مش عايزه الواحد يشيل في نفسه ويقول لاء اتصرفو اعملو اي حاجه بس المهم ميجيش اليوم ده عليه واقف واشوف امي او اختي بتموت عشان ابن حيوان ضرابها والاسم ظابط

-------------------
اولا ليا تعقيب على الشتيمه ..ممكن حضرتك كنت تتكلم من غير ماتذكرها ماكنتش هاتنقص من معنى كلامك حاجه

نيجى بقى فى الكلام انا مابقولش اننا نغنى و نقول بلادى يااحلى البلاد يابلدى

انا قولت انى عايشه فيها و عارفه اللى بيحصل لكن برضه ايه الافادة فى تنزيل بوست مهين للبلد؟؟؟؟

يعنى انت كدا شلت الظابط من مكانه و اخد جزاءه ؟؟؟؟

و تفتكر لما تقول لأ اتصرف و بطريقه غلط حد هايتصرف؟؟؟؟

ماهو زى مااحنا بنطلب بالتحضر فى التعامل لازم احنا كمان نعترض بطريقه متحضره و لا ايه ؟؟؟؟

-----------------------

وكمان منقولش البلد باظت وهيه فعلا بايظه ونسكت لازم نقول كمان بس فيها حجات حلوه كتير

--------------

يعنى انا انزل شتيمه فى البلد و بعدين اقول لكن برضه فيها حاجات حلوة..انت مش شايف ان فى تناقد؟؟؟؟

يعنى منين انا بنتقد بشكل هجومى و شرس و بطريقه غير متحضره و برجع اقول فيها حاجات حلوة؟؟؟

ولا انزل بوست شتيمه فى البلد و بعده بوست مدح فى البلد برضه مش دا تناقد ؟؟؟

اعترض لكن باسلوب صح عشان يوم لما تقول ان البلد حلوة يبقى كلامك صح مش متناقد .. ولا ايه؟؟؟؟
------------
وهذا اضعف الايمان

اضعف الايمان لما انتقد باسلوب متحضر و ماطرحش حلول مش اضعف الايمان انى انتقد باسلوب متعصب و برضه ماطرحش حلول...صح ولا لأ؟؟؟

----------------

وكل واحد واسلوبه وبعدين احنا اساسا مفضوحين للعالم كله دا السياح الاجانب بيتعلمو عربي خصوصا وهما نازلين مصر تجنبا للتحرش تجنبا للنصب تجنبا للاحتيال

-------------

و هو برضه المسؤولين هما اللى بيعملوا كدا فى السياح ؟؟؟؟

المسؤولين هما اللى وصلوا الفكره دى للسياح؟؟؟؟

طبعا انا قولت المسؤولين لانك بتقول سلطه تنفذيه ...يعنى المسائله مش مسائله ضمير و لا سلوك فرد ...لا المسائله دلوقتى بقت السلطه التنفذيه

عشان كدا انا بعترض فقط و مايلزمنيش انى اصحح و اقول حلول

----------------

ازاي الناس كلها شايفانا عريانين واحنا شايفين نفسنا لابسين احسن لابس

-----------

قصدك عاملين زى النعامه ... المهم

لو هانقول دا تكمله لكلامك بتاع السياح يبقى دا عيب افراد مش سلطه تنفذية

---------------
قريتي قصة الملك الصيني ؟؟؟؟

----------

ماليش فى القصص بس ان شاء الله ابقى اشوفها

------------------
(نسيت اقول معلش في ناس كتيره قوي بل مؤسسات كتيره
دورها الوحيد
التهليل والتطبيل)


(انا مش ضد النقد البناء
بس الي معندوش حل ميهمووووووووش
يكفي انه قال ان في حاجه غلط في البلد)
--------------
انا وضحت فوق وجهه نظرى فى الجزء دا

لكن انا ليا سؤال ..لما الواحد يفضل يتكلم وينتقد و يشتم مش دا برضه يبقى تهليل و تطبيل ؟؟؟؟

----------------------------
بالنسبه للدين فالايه الكريمه كافيه جدا "وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ"



رغم ان في مدونات كتيره ومواضيع ومنتديات وحجات كتيره متخصصه في الاهانه والاستهانه بالدين الاسلامي
وبلاقيهم بيتكلمو مع نفسهم بردو
وكنت هعمل بوست عن انت بتشكك في دين
روح لشيخ لقديس لحاخام يا يقنعك يابلاش بس متقعدش تكتب من دماغك وانت اهبل متعرفش حاجه وبتقنع نفسك انت وبس

-----------

طبعا الكلام دا المفروض انى كنت ارد عليه فى الاول بس معلش كان لازم ارد فى الاخر

طبعا انا ضد اللى بيقعد يتكلم فى الدين دون علم

لكن انت هنا بتقول انك كنت هاتنزل بوست تنتقد فيه اللى بيعمل كدا

و تقوله مدام مش عارف يبقى تروح تسأل بدل ماانت ماتعرفش حاجه و بتشكك فى الدين

ماهو برضه ممكن يكون منتظر حد ذو علم يجاوبه ....ليه بقى معترض عليه؟؟؟؟؟؟؟؟؟

هو عقله بيقوله ان فى حاجه محتاجه توضيح راح منزلها و مش ملزم انه يصحح لان دا من اختصاص علماء الدين .. يبقى نسكت و مانعترضش لحد مارجال الدين يرضوا عليه

هل دا صح؟؟؟؟؟؟؟

Sweet Violet يقول...

احمد الشاعر

-------------

مش فاهمه الصراحه يعنى ايه انت من الناس دول؟؟؟

انا هنا بتكلم عاااااااااااام مش خاص كلامى مش موجه لحد

انا شفت ظاهره و بتكلم عليها و بتناقش فيها ليس إلا

مش المقصود هنا هجوم على اشخاص بعينهم

ارجو اكون وضحت هدف البوست

Sweet Violet يقول...

سمكه وحده

--------------

سواء فى الدين او على البلد

لازم فعلا يكون النقد صح و ايجابى مش سخريه و تشويه و بس

Sweet Violet يقول...

mohamed ghalia

------------

مش غلط النقد لكن الغلط اسلوب النقد نفسه

تحياتى (:

Sweet Violet يقول...

الازهرى

------------
الكلام بالفعل عام مش خاص ماهو احنا لما ننتقد باسلوب متحضر و صح

بالتالى هانتعامل كدا فى باقى المواضيع

Sweet Violet يقول...

د.حماس
-------------
ماعتقدش ان فى تعليق اقدر اقوله

غير انك فعلا جبت الخلاص

Sweet Violet يقول...

لورنس العرب

-------------
انا معك ان فى بعض المدونات و المواقع ايضاً

متخصصه فى الرد على يسخرون من ديننا

لكن المواقع و المدونات دى بترد صح بتعرفهم الدين صح

مش بتستهزاء بالاديان الاخرى

انا بتكلم عن الفئه اللى بتسمى التعصب الدينى غيرة على الدين

يعنى لما ارد على السخريه بسخريه يبقى كدا انا وصلت لايه؟؟؟

هانفضل بقى نرد على بعض و نجرح فى الاديان و خلاص

معلش مش معك ان المدونات اللى بتسخر من الاديان الاخرى

داخل مجال التخصص للرد على الهجوم الموجه للدين الاسلامى

نوسه وريمان فى هاكونا مطاطا يقول...

السلام عليكم

عندك حق فعلا

بالنسبه لمووضع الاستهزاء بالديانات الاخرى

احنا كده ممكن نضطرهم انهم يستهزؤا بدينا برضه ويتكلموا بالباطل عن الاسلام زى ما حصل فى كتير من المدونات

كـــيــــــــارا يقول...

اول امبارح و انا بتجول فى المدونات

---------

ايه الناس اللي مبتتلمش في مدونتها دي بتتجولي ليه ايه الناس الحشريه دي ياباي عليكي

------------

كان فى بوست بيتكلم عن الاسلام و الديانات الاخرى الموضوع كان قيم جداااا

لكن و انا بشوف التعليقات لفت نظرى تعليق مدون كان غريب جداااا بيتكلم فى الدين و اصوله لحد كدا كويس

جيه فى الاخر راح متكلم بسخريه عن الديانات الاخرى

طيب هو دا ينفع ؟؟؟؟

----------

اوبااااااااااااااظ سخريه اولا الدين منزل من عند ربنا وربنا قال لكم دينكم وليا ديني كمان مش ينفع نسخر من اي دين لانه سماوي احنا نوضح دينا ايه وبشكل مهذب لكن مش نسخر من دين غيرنا

----------------

نفس المدون لاحظت انه متعصب و بينقد المدونين بشكل هجومى جداااا و بأسم الدين برضه ..

------------

مش عارفه ليه كل حاجه وباسم الدين الناس بتعملها يعني انا فاكره مدرس الفيزيا كان كل حاجه بيحللها باسم الدين وبيفسر اي شي بيعمله باسم الدين واي حد بيوجههله رد اكن بيجيب ايات برده ويقول ده دين

ليه بنحور كلام ربنا ونفسره علي مخيلتنا ونقول باسم الدين طبعا انا فاهمه قصدك بالهجوم اللي باسم الدين لكن جه في بالي مدرس الفيزيا وانا بقرا كلامك

------------
طيب هو انا لما انتقد النقد دا و اغلط كدا فى كاتب الموضوع بصلح من فكره ؟؟؟ لا بقلب الدنيا لحرب ؟؟؟

----------

واي حرب هتلاقي كل واحد جهز سكاكينه واسلحته ومتاهب للرد علي التاني واولعي يادنيا بقي
------------

النقطه التانيه اللى بجد انتشرت بطريقه مهووووله اللى هى السخط على البلد بكل اللى فيها ..

------------

اووووووووووووووه ليه كده بس ياضد
دايما بتجيبي اللي يشليني ياضد

ليه بس ياضد يرضيكي كده ياضدد

طيب مش هغنيي واقول ضد ياضد ياضد ياضد وهاقول علي ياعلي ياعلي ياعلي

الا هو مين علي

اي اي طب خلاص بلاش ضرب هرجع للموضوع

--------------


بتفكريني بحوار كان دار بيني وبين واحد في منتدي كنت مشتركه فيه

وقولتله في ناس مستنيه الثغره اللي تدخل بيها

وناس بتقرا وتشوف حال البلد عن طريق عيون شبابها

يعني

لما نزلت بوست التعليق متروك لكم


http://nimo2007.blogspot.com/2008/09/blog-post_15.html

وقلت ان في ناس مستنيه الكلمه

علي فكره الاندلس وقعت بسبب شبابها وتفكيرهم

ياجماعه انا مش عاوزه اخرج عن نطاق كلامك بس بجد كل حرف بنقوله ضد البلد والله ضرره اكبر واكبر لان دي صورتنا برا

وبكلامنا اللي فيهم تهجم مش هنحل حاجه

بالعكس ممكن اتكلم بشكل واعي وبيودي لنفس الفكره مش دايما اشوف الدنيا سودا

اشوف حل او اسعي انا للحل

الموضوع في طريقه الناس
مش كله سلطه تنفيذيه

في احنا في طريقتنا احنا اعتقد ان مثلا الزباله اللي في الشارع

المسئول مش هو اللي بيرميها

احنا اللي بنرميها

يبقي مش نقول البلد وسخه ومليانه زباله ولا ايه ياضد

معايا في الخط ياضدد ولا تهتي مني ياضد

------------



تحياتي ليكي ياضدد

وضد ياضد ياضد ياضد

اي خدعه

Sweet Violet يقول...

حسام وريمان فى هاكونا مطاطا

------------
و عليكم السلام و رحمه الله و بركاته

للأسف احنا مابنتعلمش يعنى بيتكرر الحدث و برضه بنفضل زى مااحنا

Sweet Violet يقول...

كيــــــارا

-------------

ايه الناس اللي مبتتلمش في مدونتها دي بتتجولي ليه ايه الناس الحشريه دي ياباي عليكي

------------
ايوة ايوة دا على اساس انك مش اول و تانى و تالت و احتمال رابع تعليق فى كل المدونات

ولا عشان بس اتأخرتى المره دى خلاص هاننسى

اااااااااااه يانونا فينك تيجى تفكريها

----------

مش عارفه ليه كل حاجه وباسم الدين الناس بتعملها يعني انا فاكره مدرس الفيزيا كان كل حاجه بيحللها باسم الدين وبيفسر اي شي بيعمله باسم الدين واي حد بيوجههله رد اكن بيجيب ايات برده ويقول ده دين

ليه بنحور كلام ربنا ونفسره علي مخيلتنا ونقول باسم الدين طبعا انا فاهمه قصدك بالهجوم اللي باسم الدين لكن جه في بالي مدرس الفيزيا وانا بقرا كلامك

----------------
مش عارفه ايه الناس اللى جايه تحكى قصه حياتها هنا دى

شتت فكرنا بقى بذكرياتك P-:

نتكلم جد هو فعلا للأسف فى بعض الاشخاص بقوا يفسروا الدين على هواهم

ربنا يهديهم

------------

اووووووووووووووه ليه كده بس ياضد
دايما بتجيبي اللي يشليني ياضد

ليه بس ياضد يرضيكي كده ياضدد

طيب مش هغنيي واقول ضد ياضد ياضد ياضد وهاقول علي ياعلي ياعلي ياعلي

الا هو مين علي

اي اي طب خلاص بلاش ضرب هرجع للموضوع

--------------
تخيلى بسببك انا هاشيل من قاموسى الضاد و الدال

ارحمييييييييييييينى كرهت اسمى

كل دى ضدضاد بذمتك كنتى بتقوليها ازاى و انتى بتكتبى

------------------

يبقي مش نقول البلد وسخه ومليانه زباله ولا ايه ياضد

معايا في الخط ياضدد ولا تهتي مني ياضد

تحياتي ليكي ياضدد

وضد ياضد ياضد ياضد

اي خدعه

----------------

منك للى كلت دراع جوزها

عاااااااااااااااااااااااااااااااااااااااااااااااااااااااااااااااااااااااا

كرهته خلاااااااااااااااااااااص


----------------
وبكلامنا اللي فيهم تهجم مش هنحل حاجه

بالعكس ممكن اتكلم بشكل واعي وبيودي لنفس الفكره مش دايما اشوف الدنيا سودا

اشوف حل او اسعي انا للحل
-----------

طبعا كلامك صح و دا فعلا اللى عايزة اوصله

شمس النهار يقول...

انا معك في كل كلمه قولتيها وكتبتيها
طول عمري اقول حل 99%من مشاكلنا تتحل بالاخلاق
نتعلم ازاي نحترم بعض وساعتهاهنعرف نتناقش ونتحاور مع بعض بحترام
ونحترم الرأي والرأي الاخر
ونتعلم لما نختلف مانخشش في مهاترات
ومانسخرش من بعض
وانت نفسك تعرضتي للمضايقه وقفلتي المدونه
والحمد لله رجعتي تاني
انا نفسي دخل عندي شخص منتحل شخصيه اخري وترك تعليق لايمت بصله لهذه الشخصيه المحترمه
لما دخلت علي البروفيل عرفت انه مش هي
مسحت التعليق وانتها
واي تعليق غير لائق نمسحه وخلاص
ماندهوش اكبر من حجمه
الخير لازم ينتصر دي الفطره
لوكل الشرفاء اغلقوا مدونتهم هيفضل مين
ياريت نستمع لصوت العقل شويه
والمدونين الشرفاء يتربطوا اكتر من كده
ونهمل اي مدونه او تعليق غير لائق

Ahmed Mohamed يقول...

مجمل كلامي لما بنعترض علي شئ مش بيكون قصدنا عرض القضيه في شكل اعتراض
واسلوب الاعتراض متفق مع حضرتك انه لازم يكون بشكل متحضر بس مع مين ؟؟
وضروري منربطش بين المسؤلين وبين مصر كا ارض وتاريخ ومناطق حلوه دا غلط خالص

تعالي علي التحضر
نعارض بتحضر واحنا بننضرب علي قفانا كل يوم في فسم شرطه ((اسال مجرب))
نعارض بتحضر واحنا بيدخل علينا الفجر ناس غريبه بأسم الشرطه للتفتيش ومعهمش اذن نيابه حتي
((اسال مجرب))

نعارض بتحضر ازاي واحنا ياما مقتولا او مشنوقا او غريقا او محروقا او مدهوسا تحت الانقاض (اكيد سمعتي عن كده)

نعارض بتحضر ازاي واحنا بنقف تلت عمرنا في انتظار الاتوبيس ولو ركبناه ولا قدر الله وعرفنا حتي نقف فيه وربنا سلم ووصلنا بالسلامه يا اما نتسرق يا اما يتحرش بينا (يمكن عندك عربيه)

نعارض بتحضر واحنا بننضرب في مظاهره كل الي عملناه بنقول لاء لاء لاء مش عايزين كفايه علي كده
(انا مش عضو في حركة كفايه علي فكره)

هاتيلي حد اعترض علي حاجه بتحضر او مش بتحضر ومترماش في السجن سواء في مصر او في بلاد تركب الافيال
..........
انا مش مع اننا نشتم بالسب والقذف دا انا ضد كده جدا ويمكن اكتر منك
بس عرض الاعتراض وطريقته لازم تتوافق مع حكومه ومسؤلين مش متحضرين ووكالينها والعه..احنا دوله بوليسيه حضرتك يعني التعامل معانا عن طريق
هما العساكر واحنا الحراميه وضروري الحرميه يكونو محتاجين ربايه ويتربو من اول وجديد وهما الحمد لله مش مقصرين في الحته دي
.............
انا قلت بالرغم بمعني انهم مش منتظرين اننا نغلط فيهم او في دينهم
هما بيغلطو من غير حاجه ودورنا محاولة تصحيح الي بيقوله مش الرد عليهم بالسب والقذف يعني انا دخلت موقع لاقيت واحد والله منزل اكتر من مية سؤال او مأتان سؤال عن الاسلام والتشكيك فيه
رغم اني في جامعة الازهر قررت ماردش علي سؤال واحد واخليه يروح للي بيعرف عني وقلتله
روح اسال شيخ في كل الاسئله دي
عشان ميبقاش التشكيك الي انت بتعمله ده
موجه ناحيه واحد وبس

بالنسبه للظابط الي شتمته اقوله
حقك عندي ياعم (ايام سوده..قصدي ايام سوري))

لو يضايق حضرتك اني اعلق ع الموضوع مرتين يبقي لازم اقول لحضرتك تقبلي مروري وتحياتي في هذه المره

EMMY BABY يقول...

هههههههههههههههههههههههههههههههه

هو تعليقى اتلغبط كدة ليه فى جملة اتبدلت مكان اسمى

ربنا يهديك يا بلوجر يابنى

dalia يقول...

شكرا يا ضد التيار على اثارة هذا الموضوع
المشكلة أن في ناس فاكره أن الحرية يعني فوضى وده موجود في النت والجرايد والتليفزيون وفي الشارع ، وديننا لم يدع للكراهية بل للسلام وحتى في الجدال مع الديانات الاخرى ربنا قال لينا جادلوهم بالتي أحسن \
تقبلي مرورى الاول لمدونتك

mahasen saber يقول...

الاديان السماويه ثلاث ولا رابع لهما ده اولا ....ومينفعش نغلط فى اى دين منهم لانهم نزلوا من عند الخالق عز وجل
..........
ومينفعش عشان ادافع عن دينى اغلط فى دين تانى
......
..وادعوا اليى سبيل ربك بالحكمة والموعظة الحسنه.. ..
..

mahasen saber يقول...

الاديان السماويه ثلاث لا رابع لهما
..مينفعش عشان ادافع عن دينى الظ فى الدين التانى
......
..وادعوا الي سبيل ربك بالحكمة والموعظة الحسنه..
.........

Eman Eltaher يقول...

الموضوع ف غاية الأهمية بجد
لانه بيمس الدين السماوى اللى بينتمى إليه البشر سواء كان الدين الإسلامى او المسيحى او اليهودى
ما عدا ذلك فهيا اديان نستطيع اننا نتكلم فيها و نقول انها مش من عند
ربنا لكن الحذر كل الحذر انه الإنسان يسخر من ديانه شرعها الله

لكى تحياتى

elsha3er يقول...

لا طبعا انا مش قصدى انك اتهمتينى شخصيا بس يعنى انا كنت اعرف هل انا من الناس دى فى وجهة نظرك عشان يعنى كله عندى يعتبر شعر سياسى

احمد الشاعر

Sweet Violet يقول...

شمس النهار

---------
نتعلم ازاي نحترم بعض وساعتهاهنعرف نتناقش ونتحاور مع بعض بحترام
ونحترم الرأي والرأي الاخر
ونتعلم لما نختلف مانخشش في مهاترات
ومانسخرش من بعض

طبعا معاكى حق فى كلامك ده
اكيد لازم نحترم بعض ونبدأ بنفسنا علشان نلاقى نتيجة

Sweet Violet يقول...

__—¤¤AhMeD.3LaM¤¤—__

--------------
مجمل كلامي لما بنعترض علي شئ مش بيكون قصدنا عرض القضيه في شكل اعتراض
واسلوب الاعتراض متفق مع حضرتك انه لازم يكون بشكل متحضر بس مع مين ؟؟
وضروري منربطش بين المسؤلين وبين مصر كا ارض وتاريخ ومناطق حلوه دا غلط خالص
...................................................

مش معنى ان فى فرد سئ او غير متحضر ان الكل بالشكل ده
واكيد فى كل الاحوال مطلوب مننا التعامل بتحضر لان احنا واجهة البلد دى
واحنا اللى بنعطى انطباع ليها سواء بالسلب او الايجاب
......................................


تعالي علي التحضر
نعارض بتحضر واحنا بننضرب علي قفانا كل يوم في فسم شرطه ((اسال مجرب))
نعارض بتحضر واحنا بيدخل علينا الفجر ناس غريبه بأسم الشرطه للتفتيش ومعهمش اذن نيابه حتي
((اسال مجرب))

نعارض بتحضر ازاي واحنا ياما مقتولا او مشنوقا او غريقا او محروقا او مدهوسا تحت الانقاض (اكيد سمعتي عن كده)

نعارض بتحضر ازاي واحنا بنقف تلت عمرنا في انتظار الاتوبيس ولو ركبناه ولا قدر الله وعرفنا حتي نقف فيه وربنا سلم ووصلنا بالسلامه يا اما نتسرق يا اما يتحرش بينا (يمكن عندك عربيه)

نعارض بتحضر واحنا بننضرب في مظاهره كل الي عملناه بنقول لاء لاء لاء مش عايزين كفايه علي كده
(انا مش عضو في حركة كفايه علي فكره)
................................

خلاص خلينى معاك فى الكلام ونعارض باسلوب شرس وغير متحضر
هل كده محدش هينضرب على قفاه فى قسم الشرطة؟
هل كده زوار الفجر هيختفوا؟
اعتقد ان احنا بردو بالطريقة دى ماقدمناش اى حل
هلى كده احنا محدش فينا مات مقتول ولا مشنوق ولا مهروس ولا محروق ولا غريق ولا مدهوس تحت الانقاض؟
اولا انا معنديش عربية و والله انا واحدة فى المستوى المتوسط
لكن اللى انت بتقوله ده يبقى احنا كدا صلحنا الاعتراض و محدش فينا ولا بيتسرق ولا بيتحرش بيه؟
ودى بردو سلوك فرد يعنى لما نعترض عليها ندى حلولها يعنى مش نعترض وبس
اعتقد ان المظاهرات دى اضعف وسيلة لتفجير الطاقة اللى جوه الناس
بدل ما احنا بنقول اضعف الايمان ونعترض ونسكت وخلاص
على الاقل هيشوفوا اننا معترضين ولكن بشكل متحضر واعتقد انى بتكلم عن المظاهرات السلمية اللى هى بتخص الناس المتحضرين
اللى بيتكلموا بثقافة معروفة لينا وبالتالى بيتسمعوا كويس وفى اوقات كتير المظاهرات بتيجى من وراها حلول وان كانت بسيطة
اما بقى المظاهرات بتاعت الضرب فده بيكون االمتظاهرين اللى بيتشابكوا مع الامن
يعنى الامن مش بيضرب وخلاص
وياما مظاهرات اتعملت بطريقة صح والامن هو اللى بيأمنها مش بيضرب فيهم
يعنى لما نحب نتظاهر فنتظاهر بشكل حضارى مش بهمجية
.............................................................
هاتيلي حد اعترض علي حاجه بتحضر او مش بتحضر ومترماش في السجن سواء في مصر او في بلاد تركب الافيال
........................................

انا وناس كتير اوى اعترضوا وبتحضر وماترموش فى السجن
وخلينى مع كلامك اعترض بتحضر او مش بتحضر اترمى فى السجن
يبقى ليه نعترض بهمجية طالما فى الحالتين مرمى فى السجن
.....................................................................

انا مش مع اننا نشتم بالسب والقذف دا انا ضد كده جدا ويمكن اكتر منك
بس عرض الاعتراض وطريقته لازم تتوافق مع حكومه ومسؤلين مش متحضرين ووكالينها والعه..احنا دوله بوليسيه حضرتك يعني التعامل معانا عن طريق
هما العساكر واحنا الحراميه وضروري الحرميه يكونو محتاجين ربايه ويتربو من اول وجديد وهما الحمد لله مش مقصرين في الحته دي

...............................................................

هو احنا ليه عايزينها توصل لحرب بين الحكومة والمسئولين وبين الشعب؟
دى كده هتقلب لحرب اهلية فى يوم من الايام وكده يبقى ناكل بعض بقى والبقاء للأقوى
وبكده ولا هنصلح ولا هنعمل اى حاجة خالص
ويبقى الحال على ما هو عليه
ويا ريت يفضل على ما هو عليه بالعكس بيزيد للأسوأ
...................................................

انا قلت بالرغم بمعني انهم مش منتظرين اننا نغلط فيهم او في دينهم
هما بيغلطو من غير حاجه ودورنا محاولة تصحيح الي بيقوله مش الرد عليهم بالسب والقذف يعني انا دخلت موقع لاقيت واحد والله منزل اكتر من مية سؤال او مأتان سؤال عن الاسلام والتشكيك فيه
رغم اني في جامعة الازهر قررت ماردش علي سؤال واحد واخليه يروح للي بيعرف عني وقلتله
روح اسال شيخ في كل الاسئله دي
عشان ميبقاش التشكيك الي انت بتعمله ده
موجه ناحيه واحد وبس
..............................................

انا بصراحة مش فاهمة يعنى دلوقتى احنا نرد ولا مانردش
نعترض ولا مانعترضش؟
ده مش كلامى ده اللى انا استشفيته من كلامك فبالتالى انا بسال
وبعدين لو ماكنتش انت ترد على واحد زى ده اللى هو منزل البوست اللى بتقول عليه ...مين يرد؟
ماشى خليه يروح لحد يفهم اكتر منك زى مابتقول بس على الاقل من باب الغيرة على الدين
حتى لو كانت معلوماتك محدودة صدقنى هتدور على ردود تقنعه فبالتالى هيروح هو من نفسه يدور عن صحة كلامك
ساعتها هتكون انت عملت حاجة وصلحت شئ المفروض اننا نصلحه
وده بقى لا محتاج ضرب ولا شتيمة يعنى ربنا اللى قال لا اكراه فى الدين
ومتهيألى انت فى الازهر واحنا كمسلمين اللى المفروض نشد الناس دى للصح
ونفهمهم الغلط من الصح ولا ايه؟
............................................


بالنسبه للظابط الي شتمته اقوله
حقك عندي ياعم (ايام سوده..قصدي ايام سوري))
................................................

عموما الكلمة دى هاخدها بالنية الحسنة
لكن انا حبيت الفت نظرك اننا نبدأ بنفسنا وزى ما احنا معترضين انهم بيشتموا فينا
فالمفروض كمان اننا مانشتمش فيهم
لان ابسط مافيها ان الدين نهانا عن كده ولا ايه؟
.......................................

لو يضايق حضرتك اني اعلق ع الموضوع مرتين يبقي لازم اقول لحضرتك تقبلي مروري وتحياتي في هذه المره
...................................
لا مايهمكش ده موضوع نقاش مفتوح للكل وتقدر ترد حتى مليون مرة ولو عايز تعلق على ردود حد كمان
ولو اى حد عايز يعلق على الردود دى فدى مناقشة مفتوحة للجميع

Sweet Violet يقول...

emmy baby

----------------
ههههههههههههههههههههههههههه

انا بردو لاحظت كده بس مارضتش اعلق
لان بلوجر بيعملها فيا انا كمان كتير
وربنا يهديه زى ما انتى بتقولى

Sweet Violet يقول...

dalia
----------
المشكلة أن في ناس فاكره أن الحرية يعني فوضى وده موجود في النت والجرايد والتليفزيون وفي الشارع ، وديننا لم يدع للكراهية بل للسلام وحتى في الجدال مع الديانات الاخرى ربنا قال لينا جادلوهم بالتي أحسن
............................................................

اه ما هو ده اللى بنتكلم فيه يعنى الاعتراض بحرية ولكن بشكل حضارى
.............................
تقبلي مرورى الاول لمدونتك
..................................
نورتى المدونة بزيارتك الاولى
وان شاء الله ماتكونش الاخيرة

Sweet Violet يقول...

mahasen saber
-----------

الاديان السماويه ثلاث ولا رابع لهما ده اولا ....ومينفعش نغلط فى اى دين منهم لانهم نزلوا من عند الخالق عز وجل
----

انا معاكى فى كلامك اننا ماينفش طبعا نغلط فى اى دين من الاديان السماوية
لان كلها رسايل نزلت من الله سبحانه وتعالى
لكن عندى ملحوظة صغيرة هما اكتر من تلات اديان
هم الاسلام والانجيل والتوراة والزبور والصحف
ولكن اللى موجودين فى حياتنا دلوقتى تلاتة فماينفعش نقول انهم تلاتة لا رابع لهم

Sweet Violet يقول...

eman eltaher
-------------

اولا نورتى المدونة

وانا معاكى اننا مانسخرش من ديانة شرعها ربنا
لكن كمان مانسخرش من عقائد تانية حتى لو كنا غير مؤمنين بيها

وهعيد الاية تانى
"وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ

Sweet Violet يقول...

احمد الشاعر

-----------------
ماعتقدش ان انا فى مرة اعترضت على شعر ليك الا تقريبا مرة واحدة
وانت وصلتلى وجهة نظرك لكن بردو انا معترضة ان انت تتكلم عن شخصك
انا بتكلم عامة وكنت عايزة اسمع وجهة نظرك فى الموضوع ككل ومش من زاوية واحدة او وجهة نظر واحدة

ولد مصري يقول...

كالعادة داخل متاخر

ما علينا غلوش غلوش


المهم

أولا تصحيح بسيط لا يوجد شئ إسمه "أديان سماوية" لأن الدين السماوي واحد وهو دين الإسلام والدليل على ذلك قول الله تعالى "إِنَّ الدِينَ عِندَ اللهِ الإِسْلام وَمَن يَبْتَغِي غَيْرَ الاِسْلامِ دِينَاً فَلَن يُقْبَلَ مِنْه" وقول الله تعالى "أَمْ كُنتُم شُهَدَاءَ إذْ حَضَرَ يَعْقُوبَ الموَتُ إذْ قَالَ لِبَنِيهِ مَا تَعْبُدُونَ مِن بَعْدِي قَالُوا نَعْبُدُ إلَهَكَ وَإلَهَ آبَائِكَ إبْرَاهِيمَ وَإسْمَاعِيلَ وَإسْحَقَ إلَهَاً وَاحِدَاً وَنَحْنُ لَهُ مَسْلِمُون" وقوله تعالى "...مِلّةَ أَبِيكُمْ إبْرَاهِيمَ هُوَ سَمَاكُمُ المُسْلِمِينَ مِن قَبْلُ..."

ثانيا لنا في رسول الله أسوة حسنه فالرسول صلى الله عليه وسلم لم يتهكم على قريش بالرغم من عبادتهم للأوثان ولم يأمر الصحابة بالتهكم عليهم لأن هذا التهكم لأن الهدف الأساسي كان دعوة غير المسلم للدخول في الإسلام وهذه الدعوة لن تتم إذ بدأت بالتهكم على إعتقاد الغير وإن فسد

ثالثا أتفق معك تماما في عدم السخرية من دين الآخر لأن هذا سيدفعه للتهكم من الإسلام وإستشهادك بالآية في مكانه

رابعا بالنسبة لمصر فاسمحيلي بداية اكتب بالعاميه لان دي بقى ماينفعش فيها كلام فصحى

بقى إننا نشتم في حكومة بلدنا ونسب ونلعن فيها كوم وإن حد من بره يدوس على طرف مصر كوم تاني

أيوة لازم نتكلم ونقول المشاكل ونطلع كل اللي جوانا بس احنا هنا بنعترض عن الأشخاص مش بنعترض على البلد في حد ذاتها لأن بلدنا عزيزة علينا جدا وغالية علينا جدا وإن كنا بنعترض على أفعال المصريين فده علشان عاوزنهم يبقوا أحسن شعب في العالم وبنكتب عن أفعالهم علشان نوعي بعض ومش هتنفع التوعية بدون توضيح المشكلة

مش دور المدونين إنهم يحطوا حلول أمال الوزراء والمحافظين فايدتهم إيه .. اللي أعرفه إن المدير بيختاروه مدير علشان يحط حلول لمشاكل المكان اللي بيديره ولو مش عارف يحل يبقى يقعد لنا على جنب ويجي مكانه واحد تاني يقدر يعرض حل وينفذ الحل اللي بيعرضه

وبعدين لا مؤاخذه هو حضرتك برضه مش "ضد التيار" ولا أنا غلطان في "العلوان"

معلش يظهر النمرة غلط

تحياتي

Purplewaves يقول...

لا مينفعش :)))
مينفعش نبقى مسلمين على حق ونقلل من شأن الأديان التانية ومعتنقيها، مش معنى اني متدين اني اغلط في غيرى بالعكس ده الإسلام بيدعو للتسامح وقبول الآخر ومينفعش اننا نكون متعصبين ضد حد

وبرده مينفعش طول الوقت نفضل نغلط في البلد ونتكلم عن المشاكل اللي فيها وعيوبها، نكون إيجابيين ونقدم حلول، لكن المشكلة اننا أوقات بنحس ان الحلول اللي احنا هنقدمها محدش هينفذها وان كلامنا محدش هيسمع ليه عشان كده بنفضل نقول السلبيات وبس من غير حلول

ياريت فعلا كل الناس اللي بتحب البلد ونفسها حالها يتصلح تقدم حلول، انا عارفه ان الحكومة هي اللي في ايدها كل حاجة وان عليها جزء كبير ، لكن الناس برده عليها جزء ممكن نكتب عن السلوكيات اللي مش عاجبانا وازاي نصلحها

تحياتي

Yasmine يقول...

مشكلتنا الازلية رفض الاخر..كل واحد بيعين نفسه رقيب على الناس..ده كافر و ده مؤمن..ده كويس و ده وحش..يعنى مش فاهمة مش افيد بدل الشتيمة و التريقة و التقليل من خلق الله ان الواحد يشوف نفسه و يقرا اكتر عن دينه لانى واثقة و متاكدة ان كتير من اللى بيمشوا يفتوا دول لا عندهم ادلة ولا يعرفوا عن دينهم اكتر من كلمتين حفظينهم عشان يتمنظروا بيهم..
و بعدين ما هو شيء بديهى ان كل واحد هيكون شايف دينه هو الاصح و الاكمل مش محتاجة ادلة ولا براهين..لكن مش معنى ده انى امشى اكفر غيرى بدل ما اشتغل على دماغى انا و عقلى انا عشان ابقى صورة مشرفة لدينى

بالنسبة للى بيتريقوا على البلد انا كنت كاتبة بوست زمان اسمه حوار مع مواطن سلبى..للاسف كل واحد من دول ماشى يشتم و الحل الوحيد فى نظره هو الهجرة.. تساليه دورت على شغل يقولك لا مستنى على القهوة..طيب بتنتخب يقولك لا ما هو مافيش فايدة فى الانتخابات ..هو فعلا مافيش امل بس مش فى البلد..فيهم هم

فشكووول يقول...

يا ضد التيار : ازيك
فعلا يا بنتى الناس اللى بتكتب عن الاسلام وبتهاجم الاديان الاخرى مخطئه كثيرا . لان الهجوم ممكن ينقلب عليك .. مع ان الاديان السماويه الاخرى تكمل الدين الاسلامى ( أمن الرسول بما انزل عليه من ربه والمؤمنين كل امن بالله وملائكته وكتبه ورسله لا نفرق بين احد من رسله وقالوا سمعنا واطعنا غفرانك ربنا واليك المصير .. الايه ) عشان كدا لما يحصل اساءه للاسلام والرسوم المسيئة وخلافه احنا المسلمين ما نقدرش نرد هذه الاسائه بمهاجمة دين المسيئ لاننا ببساطه نؤمن به ونؤمن برسوله . اما من ناحية نقد البلد بدون وضع الحلول فدعينى اختلف معك .. هل نحن المعنيون بالحلول ام الحكومه .. هل نحن نملك تنفيذ الحلول التى نضعها ام الحكومه ..المفروض اننا اخترنا الحكومه لكى تضع لنا الحلول وما علينا نحن الشعب الا اتباع الحكومه وتنفيذ سياستها وحلولها .. وبعدين نحن لا نملك الاجهزه التنفيذية ولا الاجهزه التشريعية ولا بقية الاجهزه .. الحكومه هى التى تملكها .. اذن عليها هى الحل ونحن نسير معها فى طريق الحل .. اذا رأينا ان الحل يحقق مصالح البلد.. وبعدين يابنتى مين اللى بيسمع الحلول اللى احنا بنقترحها .

"عبير النجار "نيجار يقول...

اولا بشكرك لتشريفك لمدونتي بالزياره
وبجد كلامك جميل وانا معاكي في كل اللي قلتيه اهم حاجه إحترام الآخر عارفه لما نحترم غيرنا اكيد هيحترمونا وهيبصولنا بصه تانيه ،
وبالنسبه للبلد العيب في البشر مش في البلد و نشر الروح دي هي اللي بتجيب احباط للشباب اللي بجد البلد محتاجاهم
والله الموضوع كبير ومش عارفه اتكلم في ايه ولا ايه،
بجد موضوع احييكي عليه

سراج يقول...

أحييك على أختيارك لهذا الموضوع المهم
إن مشكلتنا هي في جمود عقولنا على ما وجدنا عليه آباءنا وكأنه قرآن مقدس(فلو كان آباءنا يعبدون أصناماً -والعياذ بالله- لعبدنا أصنامهم)، وياليتنا أكتفينا بذلك بل شرعنا بتكفير كل من يخالفنا، إن لم يقبل بطرحنا سواء كان فكرياً أم عقائدياً.. متناسين أن الدين ماكان لينشره النبي الأكرم(ص) بثلة قليلة من صحبه الكرام إلا بمكارم أخلاقهم، كانت أخلاقهم هي من تتحدث وإلا مجتمع بقسوة الجاهلية الذي يأد بناته كيف يمكن أن تنشر الدعوة الأسلامية فيه، خلاصة القول أننا يجب أن يكون رسولنا للآخر هي أخلاقنا التي تتحدث نيابة عنا.. موفقين

elsha3er يقول...

عارفة لية انا سألتك انا منهم ولا لأ عشان انا خايف اكون منهم من غير ماحس او انى اكره بلدى وانا مش حاسس وفاكر ان دة حب ليها خايف لا تحاسب بحاجة انا كان نفسى تبقى ثواب ليا مش عقاب ودين فى رقبتى مش لان انا واخد المسأله شخصية وربنا يوفق كل واحد بيحاول يصلح حال بلدنا

احمد الشاعر

son's egypt يقول...

السلام عليكم
السخرية من الاخر شئ يعاب عليه
ربنا قال لكم دينكم ولي دين

Butterfly يقول...

أنا مش هتكلم كتير وخصوصا انى عاوزه أنام :)
بس أنا متفقه جدا مع كلامك
تحياتى

Unknown يقول...

اصل الايمان بالاسلام هو الايمان
بالدينات السماوية السابقة
واحترامها وعدم المساس بها
واصل الدعوة للاسلام الحكمة والموعظة الحسنة والقدرة على الاقناع بادب واحترام
موضوع مهم جزاك الله خيرا عليه
تحياتى لك

Sweet Violet يقول...

ولد مصرررررررررررررى

------------

كالعادة داخل متاخر

ما علينا غلوش غلوش
..............................

لا عادى ماتغلوش بقى عندى مناعة من التأخير بتاعك
لما نشوف اخرتها وبردو انا لسه عند كلمتى ماشى؟
...............................................
أولا تصحيح بسيط لا يوجد شئ إسمه "أديان سماوية" لأن الدين السماوي واحد وهو دين الإسلام والدليل على ذلك قول الله تعالى "إِنَّ الدِينَ عِندَ اللهِ الإِسْلام وَمَن يَبْتَغِي غَيْرَ الاِسْلامِ دِينَاً فَلَن يُقْبَلَ مِنْه" وقول الله تعالى "أَمْ كُنتُم شُهَدَاءَ إذْ حَضَرَ يَعْقُوبَ الموَتُ إذْ قَالَ لِبَنِيهِ مَا تَعْبُدُونَ مِن بَعْدِي قَالُوا نَعْبُدُ إلَهَكَ وَإلَهَ آبَائِكَ إبْرَاهِيمَ وَإسْمَاعِيلَ وَإسْحَقَ إلَهَاً وَاحِدَاً وَنَحْنُ لَهُ مَسْلِمُون" وقوله تعالى "...مِلّةَ أَبِيكُمْ إبْرَاهِيمَ هُوَ سَمَاكُمُ المُسْلِمِينَ مِن قَبْلُ..."
.........................

محدش انكر ولا اعترض ان الدين عند الله هو الاسلام
وبعدين كل الاديان من عند الله وهى رسايل بس بترتيب معين واخرها وختامها هو الاسلام
....................................................

ثانيا وثالثا معاك حق فيهم

نيجى بقى لرابعا

طب ازاى يعنى هو مسموح لينا نشتم ونسب ونلعن عادى؟ طيب ما هو اللى هييجى من بره
اقل حاجة هيعملها هيسب ويلعن ويشتم اكيد اذا كان اهل البلد نفسهم بيشتموا ويسبوا ويلعنوا علناً كده قدام الكل
عايزهم هما ييجوا اللى هما بقى من بره البلد هما اللى يدافعوا عن البلد
تفتكر ساعتها هيقولوا علينا بنحب مصر؟ ماعتقدش

ماشى معاك نعترض على افعال الاشخاص لكن باسلوب حضارى شوية مايسيئش للبلد ولا كمان يطلع شكل الناس اللى منها بالشكل ده
وماعتقدش اننا لما نهاجم الناس كده هيتعدلوا ويصلحوا من نفسهم بالعكس
هيروحوا هما كمان شاتمين ولاعنين وسابين تصرفات الغير والناس المثقفة
ونبقى ماعملناش حاجة ولا صلحنا حاجة غير اننا شتما واتشتمنا
وانا هنا ماقلتش اننا مانعرضش المشكلة لكن الاسلووووووووب
انا بقول نعترض لكن بشكل واسلوب حضارى ماينقلش الصورة بالشكل المهين ده
........................................

مش دور المدونين إنهم يحطوا حلول أمال الوزراء والمحافظين فايدتهم إيه .. اللي أعرفه إن المدير بيختاروه مدير علشان يحط حلول لمشاكل المكان اللي بيديره ولو مش عارف يحل يبقى يقعد لنا على جنب ويجي مكانه واحد تاني يقدر يعرض حل وينفذ الحل اللي بيعرضه
......................................................

لو ماكانش فى دور للمدونين يبقى احنا اللى نقفلها بقى ونقعد على جمب
ماهو المسئولين والوزرا مش هيعملوا حاجة لوحدهم لازم الناس تساعد ويكون عندها استعداد للتغيير
ومش معقول احنا مالناش اى دور لان لو مالناش دور ماكناش اتناقشنا دلوقتى فى حالنا وحال البلد
.......................................................................

وبعدين لا مؤاخذه هو حضرتك برضه مش "ضد التيار" ولا أنا غلطان في "العلوان"

معلش يظهر النمرة غلط

تحياتي
.............................
اوبااااااااااا انت ناوى بردو تودينى انا اللى فى داهية؟
لا يا استاذ مش انا اللى بنزل عيد مبارك عليكم والمواضيع دى
انا قلتلك من الاول عندك انا ماليش دعوة بحد
ماتحاولش تاخدنى فى التنظيم بتاعك انا بقول اهوه


وبردو انا لسه عند كلمتى ها والعداد بيعد

نياهاهاهاهاهاهاهاهاهاها

Sweet Violet يقول...

Purplewaves

-----------
انا متفقة معاكى جدا فى رأيك وأحييكِ عليه

حقيقى لازم نقول رأينا ونحاول على بقدر الامكان اننا ندى حلول

ونبطل ننقد على الفاضى وبس

Sweet Violet يقول...

banouta masreya

----------

بصراحة انتى جبتى كده من الاخر
وكلامك كله سليم جدا
ويارب بقى نتعلم نصلح نفسنا الاول علشان نلاقى حلول ونتائج فى الاخر

بس ماقلتيش بردو ايه اللى حصل فى معهد الموسيقى العربية D:

Sweet Violet يقول...

fashkool

--------
يا ضد التيار : ازيك

الحمد لله ازى حضرتك
-------------

انا معاك فى اننا ماينفعش نهاجم الاديان الاخرى لان ده فعلا بيعمل انقلاب علينا
لكن اسمحلى اختلف معاك فى النقطة التانية لان الدين الاسلامى اخر الرسالات اللى نزل بيها سيدنا محمد
يعنى هو المكمل لباقى الاديان وليس العكس وربنا اللى قالنا
الدين عند الله الاسلام

*تصحيح الاية
آمن الرسول بما أنزل إليه من ربه والمؤمنون كل آمن بالله وملائكته وكتبه ورسله لا نفرق بين أحد من رسله وقالوا سمعنا وأطعنا غفرانك ربنا واليك المصير
.................................................................

عشان كدا لما يحصل اساءه للاسلام والرسوم المسيئة وخلافه احنا المسلمين ما نقدرش نرد هذه الاسائه بمهاجمة دين المسيئ لاننا ببساطه نؤمن به ونؤمن برسوله .
------
اولا اللى اهانوا الرسول ورسموا الرسوم المسيئة ليه صلى الله عليه وسلم
هما مش تحت دائرة الاديان اللى بنتكلم عنها واتفق معاك اننا ماينفعش نهاجمهم بالاساءة مش لننا مانقدرش نسئ ليهم لاء لان ديننا هو اللى امرنا بكده
وفى وسائل تانية نهاجمهم بيها ومنهم يعرفوا ويفهموا مين هو محمد صلى الله عليه وسلم
وساعتها مش هيكرروا الاساءة مرة تانية
لان رد الاساءة باساءة مش هيوصلنا لحل
............................................

هل نحن المعنيون بالحلول ام الحكومه .. هل نحن نملك تنفيذ الحلول التى نضعها ام الحكومه ..

المفروض اننا اخترنا الحكومه لكى تضع لنا الحلول وما علينا نحن الشعب الا اتباع الحكومه وتنفيذ سياستها وحلولها .. وبعدين نحن لا نملك الاجهزه التنفيذية ولا الاجهزه التشريعية ولا بقية الاجهزه .. الحكومه هى التى تملكها ..

---------------
ما احنا عارفين اننا مانملكش اننا ننفذ حلول لكن على الاقل نطرحها ونتشاور فيها
مانكونش سلبيين وراضيين بسياسة الامر الواقع
والا يبقى مالوش لزمة كلامنا هنا ولا فى اى مكان
كل واحد يرضى باللى هو فيه ويسكت

ملحوظة بس صغيرة مين قال اننا اخترنا الحكومة اصلا؟
ومعلش يعنى اسمحلى ربنا خلقنا مخيرين ولسنا مصيرين
يعنى ماينفعش نفضل قاعدين كده ومستنيين الحلول من عند الحكومة وكمان مش من حقنا نعترض
لا هنقول حاضر واللى انتوا شايفينه
وساعتها هنكون بجد شعب سلبى جدا من الدرجة الاولى ويعملوا بقى اللى هما عايزينه سواء صح او غلط
----------
اذن عليها هى الحل ونحن نسير معها فى طريق الحل .. اذا رأينا ان الحل يحقق مصالح البلد..
--------------
طب ولو لقينا الحل اللى بيقدموه مابيحققش المصالح بتاعتنا هنعمل ايه؟
هنسكت بردو؟
--------
وبعدين يابنتى مين اللى بيسمع الحلول اللى احنا بنقترحها
-----------
ومين قال ان الحكومة مابتسمعش الحلول دى؟
صوت الشعب بيوصل لأى مكان وبيتسمع حتى لو محدش أخد بيه لكن على الاقل يبقوا عارفين ان فى ناس تعبانة ومعترضة على حاجة معينة
بطريقة واعية متحضرة مش زى مابيقولوا علينا اننا شعب همجى وغاوى تشنيع ومشاكل على الفاضى

------


واشكرك على زيارتك الاولى واتمنى ماتكونش الاخيرة

نورت ضد التيار (:

Sweet Violet يقول...

نيجار

----------

الشرف ليا انا انك شرفتينى فى ضد التيار

اتفق معاكى فى كل كلامك
وعموما خدى راحتك واتكلمى فى اللى عايزة تقوليه
المدونة تحت امرك والموضوع مفتوح للنقاش

نورتى بزيارتك الاولى اللى هتكون مش اخيرة ان شاء الله

Sweet Violet يقول...

سراج

------

احييك على رأيك
واتفق معك فيه جدا
واكيد لو اتخذنا مكارم اخلاق رسولنا الكريم لكانت اوضاع كثيرة تغيرت

شرفت ضد التيار برأيك

Sweet Violet يقول...

احمد الشاعر

------

اكيد كل واحد ليه وجهة نظر ومنها بيوصل اللى عايز يقوله
واكيد كلنا بنخاف على البلد مش عايزة كلام
وطالما انت شايف ان سلوكك متحضر يبقى انت واجهة كويسة للبلد ودى وسيلة تعبيرك عن اللى بيحصل فيها بتحضر وبدون تشنيع
يبقى فين الغلط هنا؟ وايه الغلط فى كده؟

Sweet Violet يقول...

son's egypt

-------

وعليكم السلام ورحمة الله وبركاته

السخرية من الاخر شئ يعاب عليه
ربنا قال لكم دينكم ولي دين
----
خير الكلام ما قل ودل
واكيد مفيش كلام بعد كلام ربنا
شرفت ضد التيار

Sweet Violet يقول...

Butterfly

-------

اشكرك على تأييدك لكلامى

وتصبحى على خير بقى D:

Sweet Violet يقول...

نهر الحب

------

كلام سليم جدا واتفق معاكى فيه

جزانا واياكم كل خير

نورتى ضد التيار

ba7re يقول...

على فكرة احنا بس اللى كده
كل زمايلى فى الشغل اجانب
كلهم بيحترموا التزامنا بالصلاة فى جماعة
لا و احيانا هما اللى بيقولنا يالا ميعاد الصلاة
قوموا صلوا

و فى الاول و الاخر كل حاجة فى الدنيا رسالة و دعوة
و تنطبق عليها لو كان فظا غليظ القلب لانفضوا من حوله
فاصل الدعوة احترام الاختلاف
لان الدعوة لا تاتى الا لاقناع مختلف
و لا يمكن اقناعه بالعنف

احمد على نصار يقول...

ايه ده ياضد انتي بتنزلي بوست كل يوم ولا ايه فكرتيني بواحد صاحبي كان بينزل جديد كل نص ساعه وطبعا كانت النتيجه معروفه انه قفل المدونه تماما وشمعها بالشمع الأحمر ناوياها ولا ايه / ندخل في الجد برغم ان زعلان: بصي انت قلتي انك عايشه في البلد ومش تعوذي انك تكوني سلبيه وتنقدي لكن من غير تجريح - شوفي لا النقد ولا التجريح حايغير حاجه والحل الوحيد انك تستكيني وتسبيها تخرب وتخرب وتخرب لحد ماتخرب تماما وساعتها نروح كلنا نشوفلنا بلد نضيفه نبتدي فيها من جديد يازميله انما تصليح ماافسده الغير والأمل في ان البلد ينصلح حالها وتكون احسن بلد فإنسي ياعمرو خلينا واقعيين يا ضوضي اي اصلاح ده لما تعرفي ان ابن نظيف ريس الوزر عنده ٢٤ سنه ومرتبه ١١ الف دولار في الشهر// بيس يامان

لحظة تأمل يقول...

ازيك يا ضد

متاخرررة جدااا

بس بعد الكلام ده مقدرش اقول غير عندك كل الحق

اوقات بنحتاج نبص لنفسنا ونهتم بكلامنا قبل ما ننتقد
ونحاول نصلح نفسنا الاول

دمتى بكل حب

أختكم فى الله يقول...

عندك حق والله

موضوعك فى منتهى الاهمية

لفت النظر لحاجة مهمة جدا جدا

جزاك الله خيرا

غير معرف يقول...

بجد الموضوع هايل كويس انك اتكلمتي فيه لانه فعلا انتشر وبيكون ردنا عليه " لا تعليق "

اصلا الاسلام بيدعونا اننا نحترم الديانات الاخري وبعدين ديننا دين التسامح مش الكره والتعصب
في ناس غلط بتوصل فكره اصلا غلط عن ديننا بالهمجيه والتهليل اللي بيعملوه :(
شئ محزن بجد

موضوعك التاني دا بقي اصلا بقي زي ما تقولي كدا مش مجرد ظاهره لا دي عاده :( :(
بس نفسي أسأل سؤال
هي البلد مالها
ماهي هي
مصر هي مصر
اتغيرت في ايه !!!!

اللي اتغير حاجتين تلاته مالهومش دعوه بالبلد
شوية بني ادمين خلاص هنكره البلد!!

دايما مواضيعك جامده
سامحيني علي تقصيري بس الكليه واخده وقتي جامد

تحياتي

غير معرف يقول...

السلام عليكم
بوست جامد جدا وبيرفع واقع حقيقى وموجود
طبعا كلنا للاسف ممكن فى بعض الاوقات نكون هذ الرجل بس القصة اننا نقدر نعمل كنترول على نفسنا بس طبعا مش مقبول باى حال اننا نغلط فى اى ديانة اخرى انا اقصد الالخ التانى الساخط دائما على البلد ماهى بلد بنت .....شوفتى بقى كنتى هتخلينا ندخل فى مووود الراجل ده ازاى ههههه

تحليلك حميل دمتى لنا بخير ويلا سلام

نـــــور يقول...

ازيك
متشكره اوى عل سؤالك الدايم عنى ربنا يخليكى يارب
اسفه لانى مش بقدر اجى دايما بس والله الظروف

بخصوص الجزء الاول من موضوعك باختصاراللى بيعرف دينه كويس مايعملش كه ابدا لسبب بيط هو ان دينه بيحترم الاديان التانيه

والجزء التانى انا لازم اعبر عن رأيى اه بس الايجابيه مش انى اشتم واجرى او انتقد تصرف وخلاص انما كل واحد عليه بنفسه يعنى تنتقد غلط وماتعملوش ولو كنت بتعمله تبطله كده يبقى قول براحتك وارش الناس للاخطاء لفت نظر ممكن تكون السبب فى اصلاحها ويبقى ليك الاجر انما مش اشتم واجرى
تحياتى دايما ودمت بخير

منه مرتجى - عازفة الأوتار يقول...

كلامك جميل و عقلانى و واقعى كمان
بالنسبة للأديان
فمش من حقنا نسخر من دين حد خصوصا لان الاديان دى سماوية
و زى ما مش حتقبل سخرية على دينك غيرك مش حيقبلها على نفسه
الاصل فى الحوار الهدوء و النقاش الحضارى
منكرش انى سعات فى مناقشة بتعصب و ممكن الجأ للسخرية لما الاقى اللى ادامىبيهرفط بكلام ملهوش اساس من الصحة
و ده ديما بيحصل معايا فى الحوار مع الشيعة لانهم محسوبين عليا مشلمين
بس بصراحة بفقد اعصابى امام الاتهامات القذرة اللى بيوجهوها لأشرف الصحابة و لأمنا عائشة
بس الوضع مختلف هنا لانهم مسلمين زينا زيهم و اى كلام بيقولوه محسوب علينا

لكن بردو الصح اننا نحاول نكون اهدى و احكم فى نقاشاتنا


بالنسبة لمصر فانا قبل كدة كنت واقعة فى الغلط ده فعلا
عملت موضوع متجدد فى احد المنتديات عن التعذيب فى السجون المصرية لان الموضوع استفزنى و اثارنى جدا
لكن عضو معايا فى المنتددى لفت نظرى لان المنتدى بيدخله ناس مش مصريين و ده عيب فى حقنا
و ساعتها هو خلانى اخد بالى من حاجة كنت مش مدياها اهتمام من كتر ما انا كنت متعصبة من اللى بيحصل فى السجون المصرية
و فعلا بطلت انزل فى الموضوع ده تانى
لانى حسيت ان اى حد مش مصرى لو دخل و انتقد فعلا مش حسكتله
فعلى ايه انا اشهر ببلدى و بعدين احارب اللى بيعلقوا على كلامى



بشكرك على كلامك الجميل و اسلوبك الرائع فى الكتابة
دمتى بكل ود غاليتى

☼♫♪ عمــاد الدين يــوسف ☼♫♪ يقول...

عندك حق
انا عن نفسي بنتقد كتير ، ولما الاقي نفسي هسرح بلحق الموضوع
بس برضو اللي بيعمل كده اكيد محروق من الاوضاع قوي وضروري يعبر عن اللي جواه بدل اللامبالاه لكن ضروري برضو يراعي تقديم حل ولو من باب الشعور بالمسؤليه

MaNoO يقول...

طريقة عرضك للأحداث مميز جدا بجد

بالنسبة لموضوع الديانات ده جهل منالأسرة أولا ومن المجتمع ثانيا لازم نربى اولادنا على احترام الغير فى كل حاجة
حتى لو مخلفين معاه اما السخط على البلد الناس اخدتها موضة الكل بيغلط ويشتم وممكن والله لو سالتيه بتغلط ليه هيقولك معرفش

بنوتة يقول...

فعلا كلامك كله صح و بالذات فى مسألة الدين قال الرسول صلى الله عليه وسلم (حب لاخاك ماتحب لنفسك)و(الدين المعاملة)و قال تعالى (وجادلهم بالتى هى أحسن)و (أدعو الى سبيل ربك بالحكمة والمو عظة الحسنة)و طبعا الايات واضحة وصريحة وتنهى عن أى اسأة للاديان الاخرى
وبالنسبة للحديث عن سلبيات مصر بشكل مبالغ فيه أنا ضد السلبية وضد الهمجية والعشوائية ممكن نتكلم عن السلبيات بس باسلوب نوضح فيه أن ده من باب حبنا وخوفنا على مصر مش لمجرد الضحك والاستهزاء و برده ممكن نتكلم فى مواضيع تانية كتيرة جدا يعنى ميبقاش كل انشغالنا فى هذا الأمر فقط (أن الله لا يغير ما بقوم حتى يغيروا مابانفسهم)
تحياتى على الطرح الجميل للموضوع

elsha3er يقول...

على فكرة انا زعلان منك خالص عشان اتأخرتى علينا وعاملة المدونة التانية مش اى حد يدخل عليها ليه


احمد الشاعر

kmt يقول...

السلام عليكم ورحمة الله وبركاته

معاكي في كل حرف قولتيه
بس مين يفهم ومين يحس

تحياتي
الي اللقاء

*الطالبة عفو الله *زوزو يقول...

الموضوعين الاثنين الي انتي تكلمتي فيهم مهمين اوي اوي اوي
بجد اشكرك اوي على انك اتكلمت فيهم
بالنسبة للموضوع الاولانية
فعلا معك حق مينفعش التعصب و السخرية من الديانات الاخرى
و الي بيعمل كدة ميفتكرش كدة يعني انه بيتصر لدينه الاسلام دة بالعكس بيسيئ له
يعني لو واحد مش مسلم شاف مسلم قاعد يسب و يشتم فيه و لا في ديانته حيكره الاسلام و حيبقى له حق انه يرد الاساءة بالاساءة
لما نشوف اساءات لينا نغضب اوي و احنا نسيء ليهم يبقى عادي
لا ابدا
و بعدين بعد النظر على دة كله احنا نتبع شرع ربنا اذ قال
"وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ

نجي للموضوع الثاني

انا مش مصرية بس من المواضيع الي تكتبت عن مصر اخذت فكرة عليها
انتو عندكم حرية اوي انكم تقولو الي انتو عاوزين عن البلد و الحكومة بس دة ميعنيش انكم تنزلو بقمتها اوي كدة
ممكن تكون في دول عربية تانية حالها زي حال مصر بس اهلها مبيكتبوش عليها وحش اوي يمكن عشان ملهمش حق او يمكن عشان واعيين و عرفين انهم ينزلو من قمتها مش حيفدهم بشيء
الكثير حيقول احنا ما بنكتبش غير الواقع
اوكي ماشي بس عاوز تكون ايجابي جيب حلول للوضع الي فيه مصر
مش نتشرو و تسود الصورة اكثر و بس
امال فين الحل و كدة تبقى بتسيء لبلدك مش يتنفعه

ربنا يبارك فيك اختي
و يا رب يجيب موضوعك ده صدى
دمتي في حفظ الله

شخـا بيــط مـحـجـوب يقول...

اولا تسمحيلى اكون صديق جديد على مدونتك

ثانيا الغريب ان مدونتك اسمها ضد التيار يعنى المفروض انتى ابو النقد

ثالثا بالنسبة لموضوع التعصب الدينى انا شايف ان اللى بيتكلم بتعصب شديد ربما يكون مش فاهم حاجة بس بيتعصب وخلاص ولو هو فاهم دينة صح مش هيئول كدة علشان لا نفرق بين احد من رسلة والاديان كلها لله عز وجل ربما يغير الانسان على دينة عندما يتحدث الجهلة من الاديان الاخرى مثل سب الرسول علية السلام ولاكن لايجب علينا سب دينهم او رسولهم هذا هو ديننا واخلاقنا

تحياتى ليكى وسعيد لمرورى بمدونتك الرائعة ويسعدنى زيارتك لمدونتى

شخابيط mahgoub

ghorBty يقول...

السلام عليكم والرحمه

ما شاء الله عليك طبعا عندك حق في كل كلمه

ديننا دين تسامح وكمان انتشار في شرق اسيا بمعامله التجار المسلمين واخلاقهم

والدين المعامله

والرسول بيقول انما بعثت لاتمم مكارم الاخلاق
الدين هو الاخلاق حتي مع غير المسلمين والسب والكلام الغير لائق ما يخرجش ابدا من فم قال لا اله الا الله محمد رسول الله

بس تقولي ايه الله يهدي

وكمان مشكله الانتقادات علي البلد طيب هي البلد دي مش عباره عن افراد طيب يا ريت نهتم ازاي نصلح الافراد دول علشان حال البلد يصلح
هنفضل نشتم وندعي علي المسئولين مش هناخد اي حاجه وبعدين من اعمالكم سلط عليكم كل واحد يتقي الله في نفسه علشان ربنا يرحمنا ويحكم علينا من يخشاه

وبرضوه ربنا يهدي

ghorBty يقول...

صحيح
اتمني منك زياره مدونتي

سوف اتشرف كثيرا بك

السلام عليكم

مـجـنـووون يقول...

بجد موضوع أكثر من رائع

والنقطة الي عجبتني قوي في الموضوع أن الواحد يقول العيب بس ميسكتش عليه يحاول يلاقي له حل علشان يبقي شخصية أجابية

زي ما بتحصل مشكله وتلاقي واحد زعلان ومضايق أو بيزعق وبيغلط . حينفعه بحاجه الي بيعمله ده ؟؟؟

لكن لو هو فكر في المشكله ودرسها كويس وحاول يلاقي لها حل أفضل ما يغلط ويعلي صوته

تقبلي مروري
مجنووون

حنين القلب يقول...

ايه يا بنتى البوست الجامد ده
اولا عيب اوى ان الانسان يغلط فى الاديان التانيه لان المفروض ان كل الاديان من عند ربنا ومنزله على انبياء ورسل يعنى يجب احترامها انما مش تبقى متعصب لدينك وتغلط فى باقى الاديان وزى ما انت قولتى التانين اكيد مش هيسكتوا واكيد هيغلطوا برضه فى دينا يبقى الحل الاحترام بينا
ثانيا
عندك حق المفروض اللى يطرح مشكله يحط ليها حلول والا هيبقى لازمه الكلام فى المشكله ايه
بس الصراحه فيه مشاكل حلها مش فى ايدينا ولا ينفع ان احنا نحط لها حلول ويبقى لازم تدخل من الحكومه علشان تتحل انما لما نلاقى الكل حاطط ايده فى ميه ساقعه وبيحول الفلوس على بره يبقى حرام ولازم نقف وقفه بجد
وكده يبقى مش بنشوه صورة بلدنا لالا
احنا كده بنحاول نفوق الناس اللى مجوعنا
بس بجد تسلم ايديك

Sweet Violet يقول...

ba7re

---------

الاجانب غير طبعا اللى بيظهر فى الاعلام بيتعملوا مع الفرد بشخصيته و علمه فقط

بس للأسف احنا بقينا نقلد اللى بيظهر فى الاعلام وانه متعصب فقط و بنعمل زيهم

الدعوة او اقناع الاخر بوجهه النظر عمرها فعلا ماتيجى بالعنف

Sweet Violet يقول...

احمد على نصار

------------

كل يوم ؟؟؟؟؟؟؟؟؟!!!!!!!!!!!!!!

انت مش واخد بالك من التاريخ ولا ايه؟؟؟

الحمدلله مش ناويه اشمعها ولا حاجه (:

زعلان ؟؟؟؟

ايييييييييييييييييييييه كل الاحباط اللى حسيته فى التعليق بتاعك ده؟؟؟

موضوع ابن نظيف دا الله اعلم بيه الصراحه لانى اول مره اسمعه

لكن مدام كده يبقى ليه معترضين على البلد وهاتك ياغلط فيها؟؟؟

مانسكت بقى لحد ماتجيب درافها بنفسها ..ياترى هى دى الواقعيه؟؟؟

البلد مش حكومه و بس استاذى الفاضل

البلد شعب و حكومه و لو الشعب قال كده يبقى الحكومه مش ملامه

Sweet Violet يقول...

لحظـــــة تــأمــــــل

------------
الحمد لله ياقمر

ولا يهمك فى التاخير المهم انك جيتى (:

طبعا معكى فى كلامك لازم نصلح الداخل و بعدين ننقد الخارج

دمتِ بكل ود (:

Sweet Violet يقول...

أختكم فى الله

------------

جزانا واياكم كل خير

منورة ضد التيار (:

Sweet Violet يقول...

hager za3bal

----------------

طبعا معكى فى كلامك

لا بعتب على كلمه لا تعليق

المفروض لما نلاقى كدا نعترض و نفهم وجهه نظره و نفهمه وجهه نظرنا

عشان يكون فى ايجابيه ولا ايه؟؟؟؟

ربنا معكى فى الدراسه ويوفقك (:

Sweet Violet يقول...

جمعاوي

-----------

هههههههههههههههههههه

على فكره انا تهت فى التعليق بتاعك

بس عموما لازم نخرج من مود العصبيه و ندخل فى مود المناقشه الهادئه

منور ضد التيار فى زيارتك الاول (:

Sweet Violet يقول...

حبيبه

--------------
الحمدلله

لا شكر على واجب احنا اخوات يابنتى

و ان شاء الله الظروف تعدى على خير و تبقى معنا على طول و مش تتأخرى

طبعا معكى حق فى كل كلمه قولتيها

Sweet Violet يقول...

عازفة الأوتار

-------------

انا معكى طبعا ان فى بعض الاوقات بيفقد الانسان اعصابه

لكن على قدر الامكان المفروض فعلا لازم نمسك انفعالاتنا عشان نقدر نوصل لحل فى النقاش

"فعلى ايه انا اشهر ببلدى و بعدين احارب اللى بيعلقوا على كلامى"

ياريت فعلا كل واحد ياخد باله من النقطه دى

انا اللى بشكرك على زيارتك (:

Sweet Violet يقول...

عماد الدين يوسف

-------------
انا معك ان اللى بيعمل كدا بيبقى محروق و مضايق من الوضع

لكن فى اسلوب حاضرى المفروض نقدم اعتراضنا بيه مش شرط بقى يكون فى حلول

بس ماعترضش بشكل مهين للبلد و كمان ماقدمش حلول

سيبك انت نورت ضد التيار (:

Sweet Violet يقول...

manoo

--------------

بالنسبة لموضوع الديانات ده جهل من الأسرة أولا ومن المجتمع ثانيا لازم نربى اولادنا على احترام الغير فى كل حاجة

-----------
معك فى النقطه دى قووووى

----------------

حتى لو مخلفين معاه اما السخط على البلد الناس اخدتها موضة الكل بيغلط ويشتم وممكن والله لو سالتيه بتغلط ليه هيقولك معرفش

------------

انا معك انها بقت موضه مع ان الموضه بتروح لكن الموضوع دا بيزيد مش بيقل

لكن فى ناس بتبقى عارفه للأسف هى بتعترض على ايه و برضه اسلوبها بيبقى مستفز لأبعد الحدود

Sweet Violet يقول...

joliet

-----------
معكى حق فعلا فى كل كلامك

و مافيش كلام بعد كلام ربنا

اشكرك ياقمر على زيارتك الاول لضد التيار (:

Sweet Violet يقول...

احمد الشاعر

------------

اسفه فعلا على التأخير فى المتابعه بس بجد ظروفى اقوى منى

اعذرنى بس ان شاء الله هارجع اتابع من جديد لكن حالياً دماغى مهنجه ):

المدونه التانيه لانها خواطرى الخاصه جداااا عشان كدا مش فاتحها

اتمنى انك تقبل عذرى

Sweet Violet يقول...

kemet

------------

بس مين يفهم ومين يحس


اللى عايز يغير فعلا هو اللى هايسمع و يفهم (:

Sweet Violet يقول...

الطالبة عفو الله

--------------

طبعا معكى حق فى كل كلمه قولتيها بخصوص الاساءة للدين

موضوع البلد فعلا احنا عندنا حريه التعبير لكن للأسف فى بعض الاشخاص بتستخدمها غلط

او فاهمين حريه التعبير غلط

"و يا رب يجيب موضوعك ده صدى "

و دا اللى انا اتمنى فعلا

اشكرك ياقمر على وجهه نظرك و تعليقك الجميل (:

Sweet Violet يقول...

شخـابيــط مـحـجـوب

--------------
اولا تسمحيلى اكون صديق جديد على مدونتك
-------------------
اهلا بيك طبعا فى المدونه (:

-------------
ثانيا الغريب ان مدونتك اسمها ضد التيار يعنى المفروض انتى ابو النقد

---------------

هههههههههههههههههههههههههه

الاسم دا عامل مشكله كبيره على فكره معيا ):

بس مش معنى انى بنتقد اللى بينقد البلد بالشكل المهين انى مع التيار

لا انا مش عاجبنى حال البلد بالفعل لكن يوم ماانقد يبقى بايجابيه مش السلبيه اللى بنشوفها عند البعض

------------------
الثا بالنسبة لموضوع التعصب الدينى انا شايف ان اللى بيتكلم بتعصب شديد ربما يكون مش فاهم حاجة بس بيتعصب وخلاص ولو هو فاهم دينة صح مش هيئول كدة علشان لا نفرق بين احد من رسلة والاديان كلها لله عز وجل ربما يغير الانسان على دينة عندما يتحدث الجهلة من الاديان الاخرى

--------------------
فعلا اللى بيتعصب فى الدين بيبقى جاهل امور دينه من الاساس

-------------------
مثل سب الرسول علية السلام ولاكن لايجب علينا سب دينهم او رسولهم هذا هو ديننا واخلاقنا

-------------
اسمحلى هاخد اقتباس من ردى علىfashkool

لتوضيح النقطه دى
-----------
ولا اللى اهانوا الرسول ورسموا الرسوم المسيئة ليه صلى الله عليه وسلم
هما مش تحت دائرة الاديان اللى بنتكلم عنها واتفق معاك اننا ماينفعش نهاجمهم بالاساءة مش لننا مانقدرش نسئ ليهم لاء لان ديننا هو اللى امرنا بكده
وفى وسائل تانية نهاجمهم بيها ومنهم يعرفوا ويفهموا مين هو محمد صلى الله عليه وسلم
وساعتها مش هيكرروا الاساءة مرة تانية
لان رد الاساءة باساءة مش هيوصلنا لحل

--------------------
اشكرك على زيارتك الاولى لضد التيار

و ان شاء الله يتم التواصل (:

Sweet Violet يقول...

ghorBty
--------------

انتى فعلا قولتى المفيد فى الموضوع

"بس تقولي ايه الله يهدي "

اللهم امين

اشكرك على زيارتك و ان شاء الله هايتم التواصل بيننا (:

Sweet Violet يقول...

مجنوووون

-------------

لكن لو هو فكر في المشكله ودرسها كويس وحاول يلاقي لها حل أفضل ما يغلط ويعلي صوته

-------------

فعلا اتفق معك و بشددددده

نورت ضد التيار (:

Sweet Violet يقول...

حنين القلب

---------------
بس الصراحه فيه مشاكل حلها مش فى ايدينا ولا ينفع ان احنا نحط لها حلول ويبقى لازم تدخل من الحكومه علشان تتحل انما لما نلاقى الكل حاطط ايده فى ميه ساقعه وبيحول الفلوس على بره يبقى حرام ولازم نقف وقفه بجد
وكده يبقى مش بنشوه صورة بلدنا لالا
احنا كده بنحاول نفوق الناس اللى مجوعنا

--------------

معكى طبعا ان فى بعض المشاكل بتبقى من اختصاص الحكومه

و طبعا لازم نعترض و لكن باسلوب متحضر عشان نقدر نفوق

مش باسلوب مهين يجيب الاحباط للى بيشوفه

نورتى ياقمر ضد التيار (:

فشكووول يقول...

الله ينور عليكى ( ما نكونش سلبيين وراضيين بالامر الواقع ) هى دى .. بس ازاى واحنا شايفين الشوم والعنين اللى بتطلع شرار وعلى العموم انتى فشكلتينى خالص وطلعتى كل كلامى فشكله .. انا متفق معاكى والله .. وكلامك كله اتفاق معى كلامى .. سلام

Unknown يقول...

جميل جدااا فعلا

يعني نقدر نقول ان موضوعك بيتكلم عن ادب النقد وادب طرح المشكلات

انت صاحب فكرة .. جميل جدا .. دافع عنها بكل ما تملك لكن بدون تجريح او اهانة للأفكار الأخرى

مشكوورة بشدة

الرومـيصاء يقول...

اولا هو ده ينفع
لا مينفعش
وادعوا الى سبيل ربك بالحكمه والموعظه الحسنه
وهناك الكثير من الدول والبلدان اسلم
اهلها زرافات ووحداننا
من اخلاق وتعاملات التجار المسلمين معهم
ده مش معناه اننا نهدم عقيده الولاء والبراء
لا
ده معنا اننا نتعامل بأخلاق اللاسلام
اما موضوع السب والشتم فى البلد
فأحنا كلنا بنحب البلد دى
وبنحب انها تكون احسن من كده
بس برضه ياضد نعزر الناس دى الى بتتكلم
طب هتعمل ايه تموت من الغيظ
احنا مش بنقول ان ده صح
بس حال البلد جد بقى وحش
ربنا يولى علينا من يصلحنا
امين
دمتى بحفظ الله

طوبه فضه وطوبه دهب يقول...

فعلا كلامك قمه العقل والوعى فعلينا ان نصلح من افكارنا علينا ان نكون اكثر ايجابيه بالعمل ليس بالكلام فقط فنحن ابناء هذا الوطن واقصى اماله فيجب الا ننسى روح الانتماء فى زحمه الاخطاء تحياتى لكى ولرجاحه رايك

محمود ابوالعزم يقول...

الموضوع الاول اكيد مش محتاج لتعليق
اكيد لازم نحترم الجميع
انا تعليقي على الجزء التاني

فيه حاجه نفسي اقولها
احنا ياجماعه مابكرهشي مصر
احنا بنكره حكومه مصر
وفرق كبير اوي مابين الاتنين
اوعي حد يخلط الأمور

شكرا جزيا على موضوعك الجميل

Sweet Violet يقول...

fashkool
-----------
بس ازاى واحنا شايفين الشوم والعنين اللى بتطلع شرار
------
و هل النقد الهدام هيخلصنا من الشوم و العنين اللى بتطلع شرار؟؟؟

------------
وعلى العموم انتى فشكلتينى خالص وطلعتى كل كلامى فشكله

---------
رغم انى حاولت برضه افهم المعنى بتاع فشكله بس للأسف ماعرفتش برضه ):

بس عموما احنا هنا نقاش و بنتكلم عن وجهات النظر بدون فشكله "لو المعنى مش حلو"

و بفشكله "لو المعنى كويس"

نورت مره اخرى ضد التيار (:

Sweet Violet يقول...

نور

----------

فعلا الهدف من الموضوع وصل صح ليكى

اشكرك على زيارتك الجميله (:

Sweet Violet يقول...

الروميصاء
---------
س برضه ياضد نعزر الناس دى الى بتتكلم
طب هتعمل ايه تموت من الغيظ
احنا مش بنقول ان ده صح
بس حال البلد جد بقى وحش

-------
انا عارفه و الله ان حالها بقى وحش جداااااااااا

لكن برضه نعرض اعتراضنا باسلوب كويس مش يهين فى البلد و الناس

ولا ايه؟؟؟؟

Sweet Violet يقول...

طوبة ذهب وطوبة فضة

-------------

اتمنى فعلا اننا نبدأ نعمل مش يبقى مجرد كلام و بس

تحياتى لكِ

Sweet Violet يقول...

أوراق ٌ لها قلوب

--------------

فيه حاجه نفسي اقولها
احنا ياجماعه مابكرهشي مصر
احنا بنكره حكومه مصر
وفرق كبير اوي مابين الاتنين
اوعي حد يخلط الأمور

---------

معك طبعا اننا معترضين على حكومه البلد

بس للأسف الاعتراض بشكل يجيب احباط للكل

و تم الخلط بالفعل مابين كره الحكومه و كره البلد

اشكرك على زيارتك الاولى لضد التيار (: