Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الخميس، 30 أكتوبر 2008

مش لاقيه عنوان لأنه مجرد كلام و بس

فتحت الاجندة بتاعتى اشوف الواجب اللى كان مطلوب منى اعمله من بدرى

وهو الآتى :

* مبقاش عبيطة و اعيش حياتى و أفكر فى نفسى و بس

* الصراحة كلمه تتمحى من قاموسى "عشان مبقاش عبيطة برضه"

* عدم مراعاة شعور الاخرين

* الكدب الطريقه الوحيدة للوصول الى أحلامى

* أتلون كما الحرباء عشان اكسب قلوب الاخرين

بس للأسف معملتش الواجب دا

أعذرونى يا أساتذة الحياة  ..فاأنا تلميذه فاشلة

ـــــــــــــــــــــــــــــ

لما تلاقى شخص عزيز عليك بيتعذب و انت اللى صنعت عذابه بأيدك

و تلاقى نفسك فرحان و ضميرك مرتاح "مات"

لما تتلذذ بآلام الاخرين و تتفنن فى زيادة هذه الآلام

فأهلا بك في عالم السيكوباتيين

ــــــــــــــــــــــــــ

لما ألاقى الكدب متغلف بالصدق ..وقتها بفتكر كلمه عادل امام "صادق ياكداب"

طيب لما ألاقى الصدق متغلف بالكدب ... ياترى يتقال عليه ايه ؟؟؟

_______________

لما ألاقى شخص دايما تصرفاته بتناقض بعضها ..واحتار اقول هو كويس ولا وحش

مش عارفه ليه بفتكر وقتها محمد سعد بمقولته الشهيرة "ياواد يابت"

ـــــــــــــــــــــــــــــ

لما ألاقى كل المبادئ اللى فى الحياة اتقلبت للنقيض بتاعها ...

و لازم عشان اعيش فى ارض الواقع اعمله

اعذرونى مضطرة اخد اول ميكروباص طالع على ارض الاحلام

ـــــــــــــــــــــــــــ

 لما ألاقى المنافقين اصبحوا هم العقلاء فى هذا الزمن ..

و لابد ان اصبح من العقلاء

اعذرونى لا احب العقلاء ... و افتخر بكونى مجنونه من المجانين

ـــــــــــــــــــــــــــــــــــ

لما يتقال عليه هبله عشان ماخنتش قلبى ولا ضميرى ..

أقر و اعترف امام الجميع انى عاشقه هذا الهبل

ــــــــــــــــــــــــــــ

لما الانسان اللى بيحافظ على مشاعر الاخرين يتقال عليه قاتل

و الانسان اللى بيفكر فى نفسه و بس يتقال عليه قتيل

فانا اعتز بكونى سفاحه من الدرجه الاول

________________

و دمتم سالمين

هناك 110 تعليقات:

طـائر الليــل الحـزين يقول...

حبيبتى ضد التيـــار
الله عليكى بجد . وبصراحة كل الواجب اللى مكتوب فى الاجندة واجب غلط ومش صح . حتى لو كان فى ناسس حوالينا بتعمل كده .
احنا عمرنا ما هنكون كده.
بس انا بسقفلك يا تلميذة يا فاشلة . عشان فشلك فى الاجب ده . دليل على تفوقك فى عكسها . الله عليكى .
بجد انا بموت فيكى
تحيــــــاتى لضد التيار

Sweet Violet يقول...

طائر الليل الحزين
-------

صديقتى الجميله منورة بأول تعليق (:

و انا كمان بافتخر بانى تلميذه فاشله فى الواجب دا

انا اللى بموت فيكى (:

Mona Shereif يقول...

وانا مش لاقيه رد ارد بيه
يعنى كده اول ما ازوك اخبط فى الموضوع ده

بس قوليلى هو انتى بتتأسفى ليه؟
be yourself
كبرررررررررررى

اتمنى تكونى بخير بعد ما كتبتى الكلام ده

غير معرف يقول...

لما تلاقي نفسك بتكتبي البوست ده تبقي فهمتى الدنيا
لما تلاقي نفسك فهمتى الدنيا قدامك حلين
الدخول فى نوبات اكتئاب
او الطناش
بس فى حل وسط الطناش مع الحفاظ على مبادئك
يعنى تفضلى زى ما انتى وتنفضي لاي حاجه تانيه هتبقي احسن كتير


ملحوظه
الوصفه مجربه وتعمل بنجاح
تحياتى

وردشان smilyrose يقول...

لما تلاقى نفسك مصدق شئ وبعد سنين تلاقى

كله كدب وبرغم كل دا تلاقى نفسك متهم

بالكدب يااااااااااااااااه

لما تقدم الحب وتلاقى الخيانة وتلاقى

نفسك متهم بالخيانة يااااااااااااه

لما ولما ولما

ولما مش تلاقى نفسك وتلاقى الدنيا مريرة

وطعم المرار ملوش حدود وتدور على

مكان تحس فيه انك انسان ومش تلاقيه

تروح فين وانت صعب التغيير

لأنك لسه جواك انسان

ابدعتى يا صديقتى

ولكنك ضغطى على جرح قلبى

وجاتيه ينزف من جديد

smilyrose

روح الحب الصادق

خواطر ليست عابرة يقول...
أزال المؤلف هذا التعليق.
خواطر ليست عابرة يقول...

صديقتي / ضد التيار
أحسنت صنعا أنك معملتيش الواجب ده
طنشي
كبري الجمجمة
عيشي علي ذكري واجبات أخري جميلة قمتي بأدائها

تحياتي لك أيتها التلوذة الشاطرة انك بتعرفي تميزي ايه اللي تعمليه وايه اللي مينفعش يتعمل من واجبات

Yasmine يقول...

مش قادرة ما ابقاش صؤيحة..بحاول ابقى مجاملة شوية..لكن منافقة اهه ده اللى مش ممكن ابدا على راى الست :)

السيكوباتيين ما قابلتش منهم كتير..بكتشفهم بدرى بدرى و بلغيهم من حياتى كانهم ما دخلوهاش اساسا

الكذب فى كل حالاته و اشكاله و الوانه ضعف..و انا عمرى ما احب احط نفسي فى موقف ضعف

المتناقض منافق برضه
بس نفاقه اهون شوية لانه ممكن يعلق على موقف ما بانه مش عاجبه مثلا او ينتقد صاحب الموقف لانه مش شايف الموضوع من نفس الزاوية..لكن لما يتحط فى نقس الوضع بيرجع يتصرف بنفس الطريقة اللى انتقدها فى الحالة دى هيكون متناقض يعذره جهله و سطحيته

خدينى معاكى..مش عشان انا مثالية لكن عشان ما بعملش غير اللى انا مقتنعة بيه و ده ما بقاش يعجب ناس كتير للاسف

الانانى دايما عنده طرقه عشان يعيش فى دور الضحية الغلبانة..متوقعة ايه من شخص كل العالم بتاعه بيدور حوالين كائن واحد اللى هو نفسه؟طبيعى ما تقلقيش كلنا عندنا منهم فى حياتنا

كـــيــــــــارا يقول...

بااااااااااااااااطل

بااااااااااااااااااااااطل


باااااااااااااااااااااااطل

جواز بهانه من محمدين

باااااااااااااااااااااااطل

الا مين بهانه


اه اه ومين محمد ين بالمره

--------------

ردتهالك ياعتريس يوه اقصد ياضد

------------

ال ضد ال

انتي الفيوزات كولها معاكي

---------

شويه جد بقي

انا افتخر اني تلميذه فاشله
مع ان الايام دي التلامذه الشاطره هي اللي بتقدر تحافظ علي نفسها ومبتتجرحش

لكن


انا من موقعي هذا

اقول ان كل ناجح في هذا المجال

بااااااااطل

ايه الهبل والتهيس اللي انا فيه ده

معلش اصلي سمعت انا مش عارفني :-P

romansy يقول...

عزيزتى ضد التيار

احييك ايتها التلميذه الفاشله على تلك الفشل فى الحياه والنجاح مع نفسك

احييك ايتها المجنونه على هذا الجنون الذى نادرا ان نراه فى عالمنا هذا الذى مات فيه الضمير واحساس القلب

احييك ايتها القاتله على تلك المشاعر
التى قتلتى بها البشر
فما اجمل القتل بين يدكى

فكونى انت نفسك
ولا تنظرى خلفك
مهما كانت الظروف

شمس النهار يقول...

لما تحسي وتتيقني من ان احساسك صح
تعرفي ان ده وقت الحديث الشريف
امسك عليك اهلك واغلق عليك بابك
والقابض علي دينه كالقابض علي جمر النار
وارجع واقول الدين والاخلاق

شبــ اون لاين ـــاب يقول...

طبعا لازم تكونى طالبه فاشله

لان كل الكلام اللى كان ف الاجنده

كلام عبيط و مينفعش انك تعمليه

انا مش رايئ ترمى الاجنده و متفكريش فى الكلام اللى فيها تانى


-------------------------------
كان معك من امام الكيبورد
واحد مخه لاسع شويه
شبـــ اون لاين ــــاب
الاسكندريه
-----------------------------

momken يقول...

كل كلامك حكم والله

البوست حلو اوى

بشوف فيه اشخاص بعينهم ونامعينين

تسلم ايدك

تحياتى

Unknown يقول...

كلامك صح
الواجب هو اللي غلط

الازهرى يقول...

صديقتى العزيزة

للاسف كالعادة انت على حق

وانضم اليك فى وجهة نظرك وان كنت قد اخترت الحل الاخر عند اسامة
وهو الطناش لما يقوله الناس والالتزام بما انا عليه

تحياتى

الرومـيصاء يقول...

عارفه ياضد انتى حاسه ليه كده
علشان احنا بقينا فى اخر الزمن
كل القواعد والحقائق اتعكست
ودى نبوئه للرسول صلى الله عليه وسلم حين قال(انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة "
عرفتى ليه انتى حاسه بكده
دمتى بحفظ الله

SHAPE YOUR LIFE (ABOALI) يقول...

علشان كده انتى
ضد التيار
وجزاءك نهر وانهار
وشجر واشجار
وثمر واثمار
وحب واشعار
ومصاحبة الاخيار
فى جنة الاطهار
مع الحفظه والابرار
ورب هو الغفار


تحياتى
سيبك انتى
مافيش احلى من ابتسامه تنورى بيها وجهك دلوقتى

الميكروباص يقول...

عندما تفهم جميع الأمور التي تجري حولك إما أن تصمت أو تعاني من الاكتئاب الشديد
أحسن حل انك "تتوهمي" انك مش فاهمه عشان هاتتعبي

لحظة تأمل يقول...

اعتبرى نفسك اخدتى اول ميكروباص طالع على ارض الاحلام

ومتكونيش الا نفسك واتمسكى بمبادئك لغاية ما تكون هى الواقع

اوعى تعملى الواجب ده ابدا

تحياتى

kmt يقول...

السلام عليكم ورحمة الله وبركاته

بصي ما تبعيش دماغك لحد
وكوني ما تحبين حتي لو لم يرضي البني آدمين

تحياتي
الي اللقاء

مجلة الأم الصغيرة يقول...

" مضطرة اخد اول ميكروباص طالع على ارض الاحلام "
لا لا لا لا لا إنت لسا بتركبي ميكروباسات ؟؟ إحنا مش قولنا في البوست اللي قبل اللي فات نبطل بقا و البنت قالتلك " ما كنتش أعرف عنك كدا أبدا " مالها البي أم بتاعت دادي ؟؟ ولا بلاش البي أم لا دادي يزعل
قوليلي بقا مالها الليموزين ؟؟ جميلة و صغيوووورة و رخييييييصة
بهزر بهزر لا تاكلوني ;-)

لو اللي بتقولي عليه ده يخليكي تلميذة فاشلة .. فأنا أول الراسبين !!!!

shimaa يقول...

كم انت رائعة

دمتى بكل خير ادام الله عليك قلبك النابض وضميرك الحى

سمكه واحده يقول...

اقلك علي حاجه الانسان لما يبقي طيب وحنين ورقيق وبيخاف علي شعور الاخر واقل حاجه تزعله وتخليه يشيل الهم ولو حتي ميعرفش الشخص ده او قريب منه ويوكن بيخاف علي الناس كانهم اخواته او حد قريب منه ويتقال عليه عبيط
بجد يبقي اجمل عبيط في الدنيا وعلي الاقل هيكون عند ربنا حاجه جميله ولنفسه مش مهم يستني رأي اخرين كفايه انه متصالح مع نفسه ومفيش حقد ولا غيره ولا حسد ديما هيكون سعيد جدا جدا
عارفه
ليتك تحلو والحياه مريره
وليتك ترضي والانام غضاب
واذا صح منك الود فالكل هين
وكل الذي فوق التراب تراب
بس كده كل حاجه الانسان يعملها لله سبحانه وتعالي
تحياتي معلش طولت عليكي
يا تلميذه فاشله واحلي واطيب فاشله
سمكه

mohamed ghalia يقول...

لما يتقال ده يبقى سيبك من إلى بيتكلم واعمل الصح والى يرضى ربنا
تحياتى

نـــــور يقول...

انا كمان
وبعلو الصوت انا تلميذه فاشله
اعتز بانى واحده من المجانين
وافخر بأن واحده من امهر السفاحين

ويمكن دول اللى خلوا ازمات حياتى مابتنتهيش

هونى عليك
لالن ليس كلنا هذا الرجل

وميض ابتسامة يقول...

مازلت المفضلة عندى .. انا مش عارف اية كمية الاحاسيس والمشاعر النبيلة والاختيارات الصعبة من عروض الحياة

دائما اختياراتك فى الامور الفاصلة تؤكد انك تسبحين ضد التيار

ولكن لماذا العقل لغة المنافقين وقد خلقه الله زينة لنا ... نعم اتفق معك انه من الجائز استخدامه كأداة للنفاق ..ولكنه ليس دليلا على نفاق الجميع ..!!

عزيزتى لسنا ملائكة .. خذى من كل انسان احسن ما فيه وتعاملى مع هذا الجانب المضىء .. واتركى له عمله الاسود ليهنأ به وحده الا ان كان يهمك امره فوجب عليك تقديم النصيحة والمحاولة فمن الجائز ان يشفى على يديك

يسعدنى دائما صداقتك

blue-wave يقول...

ياااااااااااااااة
كام جمله بسيطه بس صعبه اوى

غير معرف يقول...

ضد التييييييييييار

معلهش حرف اليياء علق

انتى عارفة الناس اليومين دول صنفين

صنف عقلاء وهم الذين خرجوا بشهادة رسمية من مستشفى المجانين بأنهم عقلاء وبقية الاخرين الذين ليس معهم شهادة تثبت صحة عقلهم لذلك فأغلب البشر مجانين الا المجانين

تحياتى على جنونك القدوة

Sweet Violet يقول...

Sometimes

--------------
معلش بقى ياقمر جت فيكى كدا (:

المره الجايه ان شاء الله تلاقى موضوع حلو تلاقى رد تقوليه (:

و الله كبرت بس برضه مافيش فايده

اما عن الاسف فالازم برضه لما متقدريش تعملى حاجه لحد تقولى اسفه

جايز يفكر شويه ويرجع عن التفكير الغلط

منورة ياقمر ضد التيار

Sweet Violet يقول...

اسامه عبدالعال
--------------

حلو الحل الوسط ده

نجرب و نقولك بس انت ماقولتش الوصفه ناجحه بنسبه كام ؟؟(:

منور ضد التيار

Sweet Violet يقول...

smilyrose

-------------
صديقتى العزيزة

اسفه انى ضغط على الجرح

بس من بعد اللى بشوفه و البوستات بتاعتك اللى بجد بحس انى انا اللى بقولها

لدرجه انى بجد توهمت انى صحبه شخصيتين واحده هنا و وحداه عندك

فاانتى برضه فى تعليقك جبتى سبب كتابه البوست ده

بعتذر لتانى مره انى ضغط على جرحك

Sweet Violet يقول...

خواطر ليست عابرة
-------------

اشكرك على النصيحه

و انا بالفعل بكبر لكن برضه بيجى لحظات لازم اكتب بدل مانفجر

منور ضد التيار

Sweet Violet يقول...

banouta masreya
-----------------
اكيد الواحد ممكن يكون مجامل لكن مش لدرجه النفاق

مع انى مبعرفش اجامل للأسف ):

الحمدلله انك ما قابلتيش كتير منهم و انك بتعرفى تكتشفيهم بدرى

لكن فى منهم صعب الكشف الا بعد مده او فى مواقف معينه

اكيد الكذب ضعف لكن تخيلى بقى لما حد يقولك دى كذبه شريفه

بالله عليكى وقتها تقولى ايه ؟؟؟..قوة فى ثياب الضعف

بس ماتفكرينش بقى )):

المتناقض اختلف معكى انه منافق هو ماعندهوش ثقه فى النفس ليس الا

عشان كده تلاقى التصرفات عكس بعض

تعالى معيا اهو نونس بعض فى ارض الاحلام

يعنى انا اللى مثاليه ؟؟؟ ماهو اكيد فيه عيوب برضه ماانا بشر

لكن برضه فى اسس و مبادئ عارفينها و ماينفعش تتبدل

عجبنى قوى وصفك للأنانى لان بالفعل هو كده..و المشكله بقى انه ممكن يصدق نفسه انه ضحيه بالفعل

و النوع ده بجد بيجلى شلل منه

بالفعل كلنا عندنا منهم و يارب نترحم بقى منهم

ربنا يهدى

Sweet Violet يقول...

كيـــــــــــــارا

---------------
ههههههههههههههههههههههههههههههههه

ماشى رديها براحتك بينا بوستات ياجميل D:

انتى مش عارفه مين بهانه و محمدين؟؟؟!!!!

يابنتى دى قضيه شاغله الرأى الخاص

لالالا من الواضح انك مابتشوفيش اخبار الدقيقه

على فكره انا ماكنتش اعرف عنك كده خاااااااااااااالص

---------
طبعا كل الفيوزات معيا حسبى بقى لتتكهربى D:

------------
انا من موقعي هذا

اقول ان كل ناجح في هذا المجال

بااااااااطل

-----------
قصدك فاااااشل

ايه يابنتى هو انتى لسه خارجه من الفيلم و لا ايه

نصيحه اخويا بحته

ادخلى يافؤاده الفيلم و ماتطلعيش تانى

--------------
معلش اصلي سمعت انا مش عارفني :-P


اوباااااااااااااااااا انتى بتسمعى الحاجات دى؟؟

لالالالالالالالالالالالالالالالا

انا مش عارفنى انا تت منى و الكلام ده

لالالالالالالالالالالالالالالا

اوه نو مش معقول بجد يابنتى فى اغانى جديده طالعه

بطلى الابيض و اسود ده

P-:

Sweet Violet يقول...

رومانسى التفاؤل

------------

نعم يشرفنى انى تلميذة فاشلة ولو كان هذا هو الفشل
اذن فلنتخذه مبدا فى حياتنا

شرفتنى بتواجدك الكريم

Sweet Violet يقول...

شمس النهار

-------
لا تعليق بعد كلامك
اكيد سليم جدا فعلا لو اتبعنا الدين والاخلاق واقتدينا برسولنا الكريم
حاجات كتير هتتعدل واولها احنا

نورتينى بتواجدك فى ضد التيار

Sweet Violet يقول...

شبــ اون لاين ـــاب

------
للاسف الكلام اللى فى الاجندة ده مش كلامى
هى دى الحياة وهو ده اللى موجود هنا
يعنى للاسف لو حتى رميت الاجندة فاحنا عايشين ده لانه واقع ولمسينه
لكن على قد مابنقدر بنكون طلبه فاشلين

دايما منور فى ضد التيار (:

Sweet Violet يقول...

momken
---------

انا مبسوطة ان البوست عجبك
----
بشوف فيه اشخاص بعينهم ونامعينين

بس هو يعنى ايه الكلمة الاخيرة دى؟
---
اشكرك على مرورك لضد التيار (:

Sweet Violet يقول...

esraa
--------------------

مش كده بردو والنبى؟

Sweet Violet يقول...

الازهرى
---------------------------
وانا كمان انضم فى اختيار الحل بتاع اسامة

بس هو ليه للاسف؟ هو انت مش عايز يكون عندى حق ولا ايه؟

مش معامله دى على فكره )):

Sweet Violet يقول...

الروميــــــصاء
------------------------
صدق رسول الله صلى الله عليه وسلم

عرفت انا ليه حسه بكده

فى رعاية الله

Sweet Violet يقول...

aboali
--------------------------------
اخجلتم تواضعنا

على رايك الواحد يبتسم احسن

شرفت ضد التيار

Sweet Violet يقول...

انت تسال والكمبيوتر يجيب
----------------

شكرا على الدعوة

و ان شاء الله نيجى نزوركوا قريب

Sweet Violet يقول...

لورنس العرب
-----------------------------
لاء احنا لا هنصمت ولا هنعانى من الاكتئاب الشديد
ليه مانحاولش ان احنا نغير ونبقى ايجابيين
لازم اقول لنفسى انى فاهمة وماتوهمش انى مش فاهمة
لانى لازم اعرف اللى بيجارى الامور ان ده غلط جايز يرجع لدماغه

دايما منور بتواجدك فى ضد التيار

Sweet Violet يقول...

لحظة تأمل
-------------

حاضر مش هعمل الواجب ده خالص

واكيد مش هكون الا نفسى

نورتى ضد التيار (:

Sweet Violet يقول...

kemet
---------------------------
وعليكم السلام ورحمة الله وبركاته

وكوني ما تحبين حتي لو لم يرضي البني آدمين

ايوة ايوة عجبتنى الجملة دى

انا هعمل كده

نورتينى (:

Sweet Violet يقول...

قطرات من شواطئ الحياة
------------------

معلش بقى يا ابله مش هعمل كده تانى
اللى فيه داء مايبطلوش
الميكروباصات بتجرى فى دمى
بس خلاص حرمت حرمت هبقى اخد البى ام بتاعة ماى مام
الليموزين دى بتاعت الفقرا
احنا مش بنأجر احنا بنشترى الرولزرايس
هو كان هانى شاكر احسن منا ولا كان هانى شاكر احسن منا؟
هه بس
هزرى براحتك مش هناكلك ولا حاجة
عموما انا لسه متغدية

ويشرفنا اننا نكون من الفاشلين الراسبين
نورتينى يا قمر

Sweet Violet يقول...

شيماء طلعت
-----------------

وجودك هنا فى ضد التيار ده شرف ليا ده اولا

ثانيا بقى انا اللى بجد بحييكى على قرارك اللى اخدتيه

رغم انه حرمنا من الحديث معاكى فى المدونة

لكن حقيقى انا احترمت فيكى القرار ده جدا

بس يا ريت تبقى تطمنينا عليكى باستمرار

بجد انتى حد حلو اوى

Sweet Violet يقول...

سمكه وحده
-----------------------------
طبعا يا ريت الدنيا كلها عبط ده يعنى لو كان العبط كده

اكيد لازم نخلص اعمالنا كلها لوجه الله الكريم

اعتقد وقتها الحياة هتبقى جميلة

ولا طولتى ولا حاجة يا قمر التعليقات تحت امرك (:

Sweet Violet يقول...

mohamed ghalia
----------------

مش كده برضه؟

انا برضه قلت كده

منور (:

Sweet Violet يقول...

habiba
----------------

نعم كلنا نعتز ونفتخر اننا مجانين وفاشلين

ربنا مايجيب ازمات فى حياتنا ابدا

نورتى يابيبه ضد التيار

Sweet Violet يقول...

وميض ابتسامة
-------------------------------
اخجلتم تواضعنا

انا ماكانش قصدى كده انا بقول انه بيقال على المنافقين انهم عقلاء
وبيتاخد منهم المواعظ والحكم والراى الراجح
لذلك افتخر بانى مجنونة

محدش قال اننا ملايكة
وسواء كان يهمنى امره او لاء فواجب علينا اننا نبين الجانب الصح
علشان الكل يمشى عليه

اهلا وسهلا بيك صديق دائم لضد التيار (:

Sweet Violet يقول...

blue-wave
-----------------

معاك يا عمرو انها صعبة

بس الحقيقة دايما كده ... و ده واقع حسينه ولمسينه

نورت ضد التيار (:

Sweet Violet يقول...

المحارب اليتيم
-------------------

صلحوا الكيبوردات بقى بتاعتكوا

ده ايه ده؟ D:

مبدئيا كده الناس المجانين اللى بره هما اللى دخلوا المجانين اللى جوه
قوم ايه بقى؟ لما خرجوا اللى جوه لبره قلبوا الموازين بره وعدلوا الموازين جوه

سيبك انت بس برضه القصيدة عاجبانى (:

نورت ضد التيار

ويلا بقى اتجنن زيى مش انا جنونى قدوة D:

طوبه فضه وطوبه دهب يقول...

اختى العزيزه لما كل هذا التشائم ولماذا كل تانيب النفس ولومها فانا معك الدنيا اصبحت ممتلئه بالفساد والاشخاص المزيفه التى ترتدى الاقنعه ويصفق لها على الصدق وكل لسان حالها يشير الى الكذب ولكن تذكرى ان بين كل هؤلاء من هم مثلك يعانون انهم مازالوا يتمسكوا بالمبادىء والاخلاق من عندهم صدق مع انفسهم قد يضيعوا فى زحام الضلال وكثره الفساد الا انهم حقا موجودين فاعلمى انكى لستى وحدك واعلمى اكثر انكى لا تعاملى الخلق انما تعاملى رب المخلوقات من يطلع على سرك وعلانيتك ويعلم ما تخفى الصدور فتمسكى بالحق وكونى مطمئنه ولا تلومى نفسك ابدا تحياتى عزيزتى

Butterfly يقول...

ياااااااااااه كأنك بتوصفينى وبتقولى كل اللى جوايه
بجد الله عليكى وبنا يكرمك
وأحسن حاجه اننا ميبقاش عندنا واجب لة كان كده.
تحياتى

كـــيــــــــارا يقول...

امشي يابت من هنااااااااااااااا


مش عاوزه اشوفك في البلوج ده

لا الا هيجيله ماس وكل الكهربا هتولع فيه

هه بس

nona يقول...

بصى يا ضد
بما انك اسمك ضد التيار فاكيد هتكونى ماشية عكس الناس وبما ان دية مبدائك يبقا الناس هما الاى غلط
و لو كان الفشل يبقا بنظامك يبقا اهلا بالفشل و يلعن تيت النجاح
اعملى الاى انتى شايفة صح و الاى مرتاح ليكى ضميرك و سيبك من الناس لاننا عمرنا ماهنرضى الناس
تعرفى انى رغم كنت بحب الشغل جدا و مدمنة بس كنت بتعب من التعامل مع الناس و كنت ساعات بحس انى هبلة و عبيطة بس لما قعدت فى بيتنا و بطلت اخرج استريحت قوى لانى بقيت فى دنيا لوحدى و بقدر اختار منها الاى اتعامل معهم
و ادينى اختارتكم انتوا
فاهلا بعالم ليس فية خداع البشر و لا قوانينهم حتى لو كنت هعيش فى عالم يحكمة الجنون
على اقل المجنون مش بيكدب ومش بيخادع ومش بينافق
اية رايك نفتح مستشفى خاصة للمجانين امثالك و امثالنا
ديما جوزى يقولى الدنيا وحشة وانتى ماتعرفهاش و انا كعادة اعترض و اغضب و ازعل بس بينى و بين نفسى اقول اة فعلا الناس مش ملايكة زاى ما انا فاكرهم حتى اقرب الناس ليكى
اية كل الرغى دة يلا امشى من هنا يا بت
حاضر خلاص ماتزقيش انا ماشية اهوة
وهقول عليكى لماما

Desert cat يقول...

مجتمع يعانى من حالة شيزوفرانيا حاده
فتجدى من يبكى ويشكى همه لانه مظلوم
وفى نفس الوقت هو يظلم الاضعف منه
وتجدى من يشكو اليكى مر الشكوى من التعسف فى العمل او فى نفس الوقت يقهر من تحت يده
حالة منتشرة ومتفشيه فى مجتمع حله الوحيد اعادة التأهيل

(صندوق الدنيا) يقول...

الحمد لله انك ما عملتيش الواجب ده
لان في أفخاخ كتيره
ربنا يلهمك رشدك ويشرح صدرك يا رب

ذو النون المصري يقول...

و لا انا لاقي اي تفسير لاي موقف من هذه المواقف
لان النفوس فعلا اتغيرت او ربما مش قادرين نشوف كويس
و جايز النفوس السيئه قدرت تتجمع مع بعضها لكن الاخيار فاشلين في التجمع فاثر الاشرار اوضح لاتحادهم

Geo Amr يقول...

ياريت المجتمع كله بيكون تلاميذ فاشلة زيك فى عمل هذا الواجب علشان نرتاح ونعيش فى حب وود بين الناس

*الطالبة عفو الله *زوزو يقول...

السلام عليكم

شوفي يا حبيبتي احنا بقينا عايشين في زمن فعلا انقلبت فيه الموازين

الصح بقى غلط و الغلط هو الصح

و الناس كدة كدة مش يتريحك

الحياة بقت صعبة و الاصعب مافيها عقول ناسها

ربنا يهدينا و يبعد عنا كل شر

اوعي تعملي الواجب يا سارة

لو على كدة خلينكي كسولة

مش حيفيدك حل الواجب في حاجة

ربنا يبارك فيك

دمتي في حفظ الله

Sweet Violet يقول...

طوبة ذهب و طوبة فضة
------------
اختى الغاليه اشكرك على النصيحه الجميله

و عارفه ان فى ناس كتير مثلى لكن للأسف من كتر ماالوحش بقى كتير

هما تاهوا وسط الزحام و منتظرة بالفعل اقابلهم

و اكيد هافضل متمسكه بالاسس و المبادئ اللى اتربينا عليها

تحياتى لكِ

Sweet Violet يقول...

Butterfly
---------------------------
اولا انا مبسوطة انى قدرت اوصل للى جواكى

بس عايزة اقولك ان مفيش اختيار بالنسبالنا ان يكون فى واجب زى ده او لاء

لانه للاسف موجود فعلا ولكن احنا اللى علينا اننا نرفضه ومانحلوش

نورتى ضد التيار

Sweet Violet يقول...

كيارا
-------
انتى اللى تمشى من هنااااااااااااااااا

ايه ده البيت بيت ابونا والبت كيارا تيجى تطردنا؟

مش معاملة دى

وبعدين هو انتى بتشوفينى هنا فى البلوج؟ هنكدب بقى هنكدب؟ هه

-------
لا الا هيجيله ماس وكل الكهربا هتولع فيه
---------
بس ألا هو ايه ده ياختى؟

الترجمة هتيجى امتى

مش فاهمة حاجة انا

وانا كمان هه بس

P-:

Sweet Violet يقول...

nona
----------
لاء بقى استنى هنا
انا ضد التيار انا مش ضد الناس ايه ده الظلم ده؟؟؟

ماتدخلوش الضضات فى بعضها الله بقى

عاااااااااااااااااااااااااااااااااااا

ما انا بعمل اللى انا شايفاه صح هو انتى شوفتينى عملت الواجب ولا ايه؟

مش معامله دى على فكره

عااااااااااااااااااااااااااااااااااااااا

بس عندى ملحوظة صغننة

العالم انا معاكى انه مجنون وزى مافيه الكويس فيه الوحش ولو كان الوحش اكتر شوية

لكن العالم التانى ده اللى اخترتى تكونى فيه لوحد ومعانا

صدقينى مش كله كمان كويس يعنى اكيد هتلاقى برضه

اللى هينافق واللى هيخون واللى بيكدب لانهم هما دول اللى فى الحقيقة

يمكن بالعكس كمان الواقع والناس اللى بتعامليهم انتى لمسة التعامل ده

اما هنا بتتعاملى مع كلام مكتوب و الله اعلم طالع من القلب ولا من الكيبورد

وبعدين مش تطرديكى من هنا انا اللى اقول مين يمشى ومين يقعد ايه ده

بالنسبة لمستشفى المجانين فأنا مستنيه اسبقينى وانا وراكى على طول

نورتينى ياقمر

Sweet Violet يقول...

desert cat
-----------

هو ده حال الدنيا وهما دول البشر

وكلنا بشر مش ملايكة يعنى مش شيزوفرينيا ولا حاجة

نورتى ياجميل ضد التيار

Sweet Violet يقول...

أم البنين
------------

الحمد لله دايما ربنا بيلهمنا الصواب

نورتينى فى ضد التيار

Sweet Violet يقول...

ذو النون المصرى

------------

الصراحة يعنى انت جبت خلاصة الموضوع بتحليلك ده

حقيقى نورتنى فى ضد التيار

Sweet Violet يقول...

geo amr

------------

اه والله يا ريت علشان نرتاح بقى

نورت ضد التيار

Sweet Violet يقول...

الطالبة عفو الله
-----------

معاكى فى كلامك ده

بس مش معاكى فى انى سارة مين قالك انى سارة

انا ضد التيار و الله )):

نورتى ضد التيار يا قمر

فى رعاية الله (:

غير معرف يقول...

بجد دي تقريبا اول مره ليه هنا
بس مبسوطه بك قوي كويس انك بليده
ومعرفتش تعملي الواجب كنت ازعل لو عملتيه
واحب اقولك حاجه
عيشي حياتك ياحبيبتي زي ماانت عايزها
ومتحليش حد او حاجه في يوم من الايام يجبرك ان تعشيها بشكل تاني لان هتكتشفي في الاخر ان محدش خسر غيرك
وان ش اء الله تفضلي بليده كده

nado يقول...

اختارى ميلادك وجنونك اختارى حتى اسمك اختارى حلمك اوعى تحبطى شوفى اللى عينك شايفه وقابك حاسه ....سعيده بمعرفتك وبصدقك
دومتى صادقه ابدا

Unknown يقول...

ربما تلك مرتى الاولى لا اعلم فقد اصبت بالنسيان الدائم منذ نزف ذكرياتى على الاوراق ولا اعلم الكثير ولكننى سابقى لبعض الوقت .. نعم نفشل لاننا داخلنا ذلك الانسان .. والانسان قل كثيرا مع غموض ماهيه كلمه آدميه



عالم السيكوباتيين هو عالم حرفى بين الاه والتلذذ بها .. السيكوباتيين هنا وهناك ولكن اين انت منهم

هل ذلك النائم على الارصفه مودع الطرقات وحامل الصفات الغجرية ربما ..




طيب لما الاقى الصدق متغلف بالكدب ... ياترى يتقال عليه ايه ؟؟؟

هذا ما نسميه الاقنعه البارعه فى التصور رغم اننا اقنعه وهذا ما يحزننى



مش عارفه ليه بفتكر وقتها محمد سعد بمقولته الشهيرة "ياواد يابت"


دائما ما نخلق اول قناع ونترك المهمه هو فهو قادر على اختلاق العديد من الاقنعه وقادر على ان يمحى ماهيتنا فتلك البراعه فى الاداء والصدق المستميت فى ادعاء الكذب



لما الاقى كل المبادئ اللى فى الحياه اتقلبت للنقيض بتاعها ...

و لازم عشان اعيش فى ارض الواقع اعمله




اعذرونى مضطرة اخد اول ميكروباص طالع على ارض الاحلام


ليس من العيب ان نظل بارض الاحلام .. ان كان مسماها فى عالمك احلام ربما فى عالمى هى واقعى الذى اعيشه بعيدا عن مسميات ذلك العالم الذى لم يبهرنى يوما ولن .. فالمبادىء سيدتى هو ايكونه البحث التى تكمن فى قاع التصرف .. فان ذعبت الايكونه ذهبت معها حتى المقدمات فامكثى فى عالمك



لما الاقى المنافقين اصبحوا هم العقلاء فى هذا الزمن ..

و لابد ان اصبح من العقلاء




اعذرونى لا احب العقلاء ... و افتخر بكونى مجنونه من المجانين


لكى الحق ان تفتخرى فان اعقل العقلاء مجنون



لما يتقال عليه هبله عشان ماخنتش قلبى ولا ضميرى ..




أقر و اعترف امام الجميع انى عاشقه هذا الهبل

لكى منى :)




لما الانسان اللى بيحافظ على مشاعر الاخرين يتقال عليه قاتل




و الانسان اللى بيفكر فى نفسه و بس يتقال عليه قتيل




فانا اعتز بكونى سفاحه من الدرجه الاول

ايتها الرقيقه درتى بين الاحداث وبين الكلمات والسطور ووجدت ذلك القلب الطاهر الذى يحمله جسد ارتجف من اوجاع عالمنا ورايت تلك النظرة الحاشرة الى ما ندعوهم ادميين .. رايت الحزن ينجرف فى عينيك والغضب حائر بين الطرقات ..
كل ما عليكى هو ان تكونى وبئسا لعالم لا يعترف ..

لك منى وردة واتاسف على التاخير :)

اقصوصه يقول...

اعتقد الواجب صعب!!

انا عن نفسي لو كان مفروض علي

ما اعتقد اني بقدر احله بطريقه صحيحه!

تقبلي مروري

مـجـنـووون يقول...

بجد موضوع خطير

بس مش عارف حاسس انك متشائمه زياده عن اللزوم

انتي أعملي بأصلك وبالي يريحك ضميرك

وسيبك من الدنيا كلها

مش مهم الي في الأرض يرضوا عنك او تريحيهم

المهم الي موجود في السماء الي في يوم من الايام حنروح له

حيقبل الي كنا بنعمله والا لا

يا رب اجلعنا من الذين يخافون يوم لقائك

تقبلي مروري
مجنووون

Soul.o0o.Whisper يقول...

السلام عليكم و رحمة الله و بركاته


أولا بأشكرك جدا على الزيارة الجميلة

ثانيا فى عالم أصبحت فيه القيم و المثل هو الوضع الشاذ عن القاعدة

إذن فلنثبت أننا الشواذ عن القاعدة ، فلابد أن تكون مميزا D:

بصراحة أنا بأحييكى ، و بأفضل بردوا أنى أكون رفيقتك فاللى قررتيه



خالص تحياتى

بنت مصريه يقول...

الله
الواجب بتاعك جميل قوى
احييكى

صباح الصباح يقول...

للاسف الحياة بقت مولد كبير واللى يلحق يخطف ويجرى ودوس على كل الناس حتى حبايبك

الازهرى يقول...

العزيززة ضد التيار

للاسف كنت اعنى بها
اننى اتمنى لو كان العكس هو الصحيح
وليس المعاملة

وطبعا لاحظتى اننا ماهدتش النفوس
المرة دى

تحياتى

احساس لسه حى يقول...

عزيزتى
مش لازم افكر فى اللى حوليه اكتر من نفسى لازم نفسنا تكون غاليه علينا دايمن اكتر واهم من اى حد

الصراحة دايمن بتوجع بس تفتكرى مش بتستريحى لما تكونى صريحه وواضحه


الكدب هيوصلك لاول الطريق بس عمره ما هيوصلك لاخره

اه فى ناس تعرف وتتفنن فى تغير وجوها

وفى ناس متعرفش تعيش الا بوجها الاصلى حتى ما تغير وانقلابات روح هذا القلب

بيفضل الوجهه واحد بروح واحده


ساعتها هعرف انه مش عزيز عليه وان معزته دى وهم اخترعته جوايا

كتير مننا بيجمله صدقهم بشويه كدب

وده اسمه خداع

وكلنا ليه تقلبات وجوانا كل شئ

قولى ده انسان بخيره وشره

لما تلاقى المبادئ اتغيرت والنفاق هو السايد

بعوم دايمن ضد التيار واحاول اخترقه


والهبل لو بالطريقه دى يبقا احساس جميل حافظى عليه واصدقى فيه

ودايمن فى ناس بتقلب الحقايق

وانتى حولى بقه


تتمسكى باى حقيقه متاكده منها حتى لو اتغيرت الحقايق

تمسكى بحقيقتك يا تتغيرى انتى وتعيشى بروح غيرك انتى


البوست حلو وفيه كلام جميل

ولو هتكلم هتكلم كتير

انا قصرت

تحياتى

سلام

نوسه وريمان فى هاكونا مطاطا يقول...

السلام عليكم

بجد بجد الله عليكى

روعه البوست ده

مع تحياتى

ريمان

mahasen saber يقول...

تقولى ايه؟ تقولى مرحبا بك فى الجانب الغير مرغوب فيه من الحياه
وتقولى لروحك خليكى فوق كل البشر وفوق التصرفات والخزعبلات الحياتيه دى
وتخلقى لروحك عالم خاص تتعاملى فيه مع كل البشر من منطلق تصرفاتك واخلاقك ومبادئك انتى
........
ويا ضد الدنيا اكتر شئ ملياها الالوان والناس بتحب تلعب بالالوان قوى بس للاسف فيه كتير بيلونا بيها وشهم

رئيس جمهوريه نفسى يقول...

اعتقد انك مش لوحدك اللى فى المعانه دى كلنا بشى او باخر بنعانى بنفس الطريقة وللاسف مش قادرين نصلح الكون ولا قادرين نسايرة فغالبا يا بنقف يا بنمشى ببط

r يقول...

شوفى مش دايما الغلط اللى حوالينا يدفعنا لنطبقه ليه ما نكون الاستثناء فى العالم الغلط دا
ليه ما نكونش الكلمه الصح فى الكتاب كله
انا عارفه ان الواحد ساعتها هيلاقى نفسه وحيد جدا
لانه ما استغلش الفرصه صح وما خدش زى غيره ما خد ويمكن سرق كمان الفرحه واكتر من التانيين
بس يفضل حاجه واحده ان الاثم هو ما حاك فى صدرك وما دام الضمير مرتاح
بقوللك مرتاح مش ميت
يبقى خليها على الله وسيبك من واجبات الحياه مش الاجنده بس
كلماتك للاسف صحيحه جدا
سلمتى

م/ الحسيني لزومي يقول...

شارك في الحملة الشعبية للقيد بالجداول الانتخابية واعو غيرك
ضع بنر الحملة علي مدونتك
البنر موجود علي مدونتي

Sweet Violet يقول...

mayada
-------

اهلا بيكى فى اى وقت وان شاء الله مش تكون الزيارة الاخيرة

ايوة انا كمان مبسوطة علشان انا بليدة

وانا معاكى فى كلامك وماتخافيش عليا

مش هكون غير نفسى

وان شاء الله كلنا نبقى مش شاطرين

نورتى ضد التيار

Sweet Violet يقول...

nado
----------

انا الاسعد وان شاء الله مش هأحبط

واكيد انا اللى هختار بالفعل

نورتى ضد التيار

Sweet Violet يقول...

البحث عن انا شئ جنونى
--------------

أسعدتنى زيارتك الاولى وأعجبنى تحليلك للواجبات المفروضة علينا من قبل العالم

الذى لم يعد يعرف معنى الانسانية ومبادئها وانقلبت فيه كل الموازين



هذا ما نسميه الاقنعه البارعه فى التصور رغم اننا اقنعه وهذا ما يحزننى

طبيعة الانسان هى التلوين بين اكثر من قناع

ولكن تختلف هنا بين انسان واخر بمعنى

الانسان الذى يتلون حسب الموقف الذى يقابله

وليس معنى التلوين هنا انه يدعى شخصية او جزئية غير موجودة بداخله

ولكن الوضع هو سيد الموقف

بغير ذلك الانسان الذى يتعمد التلوين والتشكيل بأكثر من قناع

لهدف غير سامى او دعنا نقول انها طبيعته

وفى النهاية كلنا انسان مع اختلاف الحس الداخلى لكل شخص فينا

وهنا تظهر البراعة فى الأداء والكذب


نعم سأظل هنا فى عالمى سواء كان أحلام أو واقع

ولكنى اخترت ان يكون هذا هو عالمى مثلك انت ايضا

مع اختلاف المسميات

ولكن وصفى له بأنه ارض احلام ذلك لان من حولى يطالبون بنزولى الى ارض الواقع

وتغييرى الاسس والمبادئ فبالتالى اصبح عالمى عالم احلام بالنسبة لهم

نعم بئسا لعالم لا يعترف بقواعده الاساسية

فساد الغموض وانقلبت كل المعانى


اخى العزيز لا داعى للاسف فتواجدك يمحو اى اسف بيننا

Sweet Violet يقول...

اقصوصه
---------

انا معاكى انه صعب اكيد

لكن ده نتمنى اننا كلنا مانحلوش اصلا

نورتى ضد التيار

Sweet Violet يقول...

مجنووون
--------

مش عارفة ليه وصلك احساس انى متشائمة

بالعكس انا قلت ماعملتش الواجب ومؤمنة اكيد انى صح مش غلط

واكيد اهم شئ هو رضى ربنا علينا

نورت ضد التيار

Sweet Violet يقول...

Soul.o0o.Whisper
--------------

وعليكم السلام ورحمة الله وبركاته

انا اللى بشكرك على زيارتك يا قمر

اهلا بيكى معايا رفيقة

نورتى ضد التيار

Sweet Violet يقول...

بنت مصرية
------------

جميل !!!!!!!

انتى شايفة كده يعنى ؟؟!!!

Sweet Violet يقول...

صباح الصباح
----------

انا معاك ان الحياة كده

بس المهم اننا مانبقاش كده

ونحاول نعدلها مش نمشى معاها

نورت ضد التيار

Sweet Violet يقول...

الازهرى
--------

شكرا لتوضيحك لكن انا عارفة انه ماكانش قصدك كده

انا بس كنت بهزر لانك ماهدتش النفوس المرادى

اتمنى تكون بخير

Sweet Violet يقول...

احساس لسه حى
---------

شكرا ليك لكن انا مش شايفة ان سيرتى جت فى الموضوع

**********
مش لازم افكر فى اللى حوليه اكتر من نفسى لازم نفسنا تكون غاليه علينا دايمن اكتر واهم من اى حد
-----
اولا انا مش متفقة معاك فى النقطة دى

يعنى ايه لازم نحب نفسنا اكتر ومش مهم اى حد تانى

معاك ان نفسنا غالية علينا لكن كمان لازم نحب بعض زى مابنحب نفسنا

الصراحة اكيد بتوجع لكن لازم نكون صرحة مهما كانت عواقبها

الغريب ان الانسان الصادق يجمل صدقه بالكدب فده مالوش مسمى

وممكن يكون انسان بيسبح مع التيار لكن مش قادر علشان كده انا ارفض انه يتقال عليه خداع

لكن برضه مش عارفه هيكون اسمه ايه

واكيد هتمسك بحقيقتى مدام انا ضد التيار

نورتنى فى تعليقاتى واتكلم براحتك

Sweet Violet يقول...

حسام وريمان فى هاكونا مطاطا
----------------

نورتى ضد التيار يا قمر

Sweet Violet يقول...

mahasen saber
-------------
ويا ضد الدنيا اكتر شئ ملياها الالوان والناس بتحب تلعب بالالوان قوى بس للاسف فيه كتير بيلونا بيها وشهم
----

للأسف فعلا فى ناس كده

فعلا انا بعمل كده و بتعامل من منطلق مبادئ الحمدلله

مش بقولك ضد التيار D:

نورتى ضد التيار

Sweet Violet يقول...

رئيس جمهورية نفسى
------------

انا معاك اكيد مش هنصلح الكون لكن كلها محاولات

علشان لا نقف ولا نمشى ببطء

نورت ضد التيار

Sweet Violet يقول...

بسنت
-------

انا معاكى ان الغلط اللى حوالينا يدفعنا اننا نطبقه

علشان كده انا قلت انى تلميذة فاشلة لانى مش هطبقه

انا شايفة ان الانسان وقتها مش هيكون وحيد لان اكيد مش هو لوحده الصح

اكيد فى ناس منهم واكيد هيقابلهم لسه فى امل فى الزمن ده

انا فعلا سايبانى من واجبات الاجندة اللى هى للاسف واجبات الحياة

نورتى ضد التيار

Sweet Violet يقول...

م/الحسينى لزومى
----------

ان شاء الله هبقى اروح اشوف الحملة دى بتتكلم عن ايه

شرفت ضد التيار

الفتى الحزين يقول...

لو دى مواصفات الطالب الفاشل
يبقى صدقينى هتلاقى معظم اللى على النت عموما فاشلين
لكن فى الواقع
نادر جدا انك تلاقى حد فاشل

شخـا بيــط مـحـجـوب يقول...

عزيزتى ضد التيار تحياتى ليكى
اولا عندك حق فعلا الدنيا اصبحت كدة فعلا انعدم منها كل شيى صح واصبح كل الواجب اللى مكتوب فى الاجندة هو دة الواجب الصح والمفروض لاكن الصح اننا منعملوش حتى لو هنتعب واكيد هنتعب ونكون احنا فى الاخر غلط لانك بالتاكيد هتكونى فى متحركة ضد التيار
تحياتى ليكى
وتقبلى مرورى
شخابيط MAHGOUB

شمس النهار يقول...

دخلت المدونه عندك لاقيتك عامله واحده كمان
ممكن اعرف عملتيها ازاي
عشان عايزه اعمل واحده تابعه
لمدونتي زيك كده
ارجوا ان تكتبي لي بالتفصيل اعمل ايه

EMMY BABY يقول...

ضد التيار

معرفشى انا مالى انهاردة علطول التعليق رقم مية وحاجة

ااااااااااه كل ده علشان غبت شوية

مفروض كنت تسيبلى مكان انا زعلانة بقى هه

بصى بقى والله انا عارفة ان الدنيا بقى فيها المنافقين والكدابين وكل اللى انتى بتقوليه

لدرجة انى اكتشفت برضه انى هبلة ومجنونة

بس صدقينى والله زى مافى كتير وحشين فى كتير احلى

انا عارفة ان الدنيا بقت رمادى بس احنا لازم نكون احنا وبس ومنخليش الاسود يبهت على الابيض ويبقى رمادى

لعلمك بوست جميل مش مجرد كلام وخلاص

تحياتى يا اجمل ضد التيار

ايمى

Sweet Violet يقول...

نقسى اكون بركان غضب
----------
عارفه ان فى الواقع من النادر اننا نلاقى حد فاشل

لان سبب الواجب فاهو الناس اللى فى ارض الواقع

لكن صدقنى انت حتى النت كتير قوى بيعملوا و يفتخرون بذلك للأسف

Sweet Violet يقول...

شخـابيــط مـحـجـوب
------------

لو التعب هايجى من عدم حل الواجب

فاهلا بالتعب

Sweet Violet يقول...

شمس النهار

-----------
شموسه حبيبتى بعت الاميل تانى

لو ماوصلش هاضيف الشرح فى التعليق عندك

لو مافيش اى مشاكل (:

Sweet Violet يقول...

emmy baby

------------

لالالا ماتزعليش المره الجايه لما تغيبى هايتم حجز تعليق ليكى مخصوووووص

بس احنا لازم نكون احنا وبس ومنخليش الاسود يبهت على الابيض ويبقى رمادى

ماهو عشان كده قولت انى فااااااااااااشله

الحمدلله ان البوست عجبك (:

تحياتى ليكى ياقمر