Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الثلاثاء، 28 أبريل 2009

أنا أسفة

و مين قال ...
اني حزينة .. انا فرحانة و بغني
و مش فارقة ويايا
مين فارق / مين موجود
.........

و ضى العين اهو منور و مش مطفي
و مش بتحايل على الضحكة
عشان تطلع .. و أداري فيها احزاني
ده انا ضحكي كمان عالي .. و سناني اهى باينة
من كتر الفرحة اللى ملياني

و مين قال اني مش خاينة
طب اسأل قلبي هيقولك
دى خانتني و صانت عقل "قاسي"
ظاهر قوة خافي ضعفي
و دايس قوووى على جرحي

و مين قال طريق الحزن عنواني
ده فرحي ويايا من صغري
و الحزن تايه عن بابي
.......

و مين قال اني مابكدبشي
لا انا بكدب و كدبي باين فى كلامي
و بتصنع كمان قوة
و انا أضعف حتي من ضعفي

و عيني بردو حرقاني 
و دموعي معنداني

و بتحايل ليها تنزل تطبطب على خدي / تحضني
لكن بردو مافيش فايدة

و دقات القلب بتبطء و مش قادرة اتنفس
فبترجا يلم النبض المتفرفت على جرحي

يرد يقولي .. و ايه الفايدة ؟!
ماروحك خلاص ضاعت منك و مش راجعة

و نفس الاحساس جيه تاني
ف يوم مافرقت الجدة دموعي و قلبي عندوني
و روحها ودعت روحي و خادتها

جت ترجع تاهت مني .. و كان حلمي
لما اشوف انا عينها
ترجعلي روحي من تاني

لكن فارقت و فارق حلمي وياها
و صمت دموعي يحرقني و يسألني
طب فرقوا ليه ؟!!
........

فاستغفر و اجري أتوضا و اصلي
و فى السجدة اتحايل على ربي
تجيني فى حلمي تحضني
ابوس ايدها / اعاتبها

ليه يا امي تفرقي قبل ماتزوري
قلب كان نفسه يكون جنبك
و يشرب من حنان قلبك
ماهو حكي كتير عنك / وحسيتك
و كان حلمي اني اقابلك و اسمع
" بت انتي " و افرح بيها مدام منك
لكن هو مايقولهاش

و بدعي كمان تتقابل هي و الجدة
يجولي في حلمي نتسامر
اناكفهم / اضحكهم .. و نتفارق
على وعد بميعاد تاني
فى حلم جديد

و بدعي انه يسامحني
عشان ابعد من السما عنه
و خايفة اقرب يجي يسند على كتفي
و انا مش قادرة اسندني
فيقع مني

ما انا طول الطريق ماشية و بعاني
من فراق جدة  .. و مافوقتش
خبطت ف فراق غالية

وقعت

و مش قادرة اقوم تاني

أنا أسفة

هناك 72 تعليقًا:

Soul.o0o.Whisper يقول...

ضد ؟؟؟!!!!...


فى ايه ؟؟؟

هو اللى فهمته صح؟؟؟



بصى هأتصل بيكى حالا

Soul.o0o.Whisper يقول...

ضد حبيبتى


ربنا يرحمها و يحسن مثواها يارب

عليكى بالدعاء لها كتير
اعملى الحاجات اللى كانت بتحبها

و هونى عليكى حبيبتى
إن شاء الله ربنا يرحمها و يغفر لها
و يوسع مدخلها

و يقر عينك برؤيتها فى منام جميل





خالص دعائى لها
و لكى

صبرني يارب يقول...

حرااااااااام عليكى يا ضد

ايه الاكتئاب الى على الصبح ده منك لله خلتينى هاعيط

الله يرحمها يارب ويصبرك ويهديكى

مش هاعيط دلوقتي ماليش مزاج

♥نبع الغرام♥♪≈ يقول...

السلام عليكم ورحمة الله وبركاته
حبيبتى الغاليه
هونى عليك بجد أبكتنى كلماتك
معلهش الحمد لله على كل حال
ودوام الحال من المحال
ربنا يرحمها ويغفر لها ويجعل الجنه مثواها اللهم أمين يارب العالمين

موقف الفراق من اصعب واقسى المواقف التني نمر بها
شعور صعب يمزقنا من الداخل ........
الفراااااااااااااااق مهما تعددت اللاوصاف تبقى النتيجة واحدة وهب فرقة الاحباب
عند الفراق نبكي ونحزن ونصرخ وقد نبكي ونصرخ ونتالم بصمت
صمت يقتلنا
نبكي من غير دموع
الحمد لله
حبيبتى تزعليش نفسك وادعى ليها بالرحمه
تقبلى تحياتى
أختك ايناس

♥نبع الغرام♥♪≈ يقول...

أكيـــــد المـــــــوت حـــــق على الجميـــــــــع أخـــــــوي..

اللهـــــــم لا إعتــــــــراض..


لكــــــن..

يصعــــب علينـــــــا فـــــــراق انســــــان غـــــالي مايتبــــدل بكنــــوز الدنيـــــا..

مـــش كـــــل مــــن فــــارقنــــــا ،،، نقــــدر نبدلـــــه..

صعــــــب جـــــــــدا..


اســـــأل مجــرب.. ولا تســـــــــأل طبيـــــب..


وفي الأخيـــــــر..


خلــــق الإنســــــــان من تــــــراب..

ومصيـــــره الرجـــــوع إلـــــى التــــــــــراب..

أرواحنــــــا ليســـــت ملكــــــا لنــــــــا..

بــــــــل لله سبحـــــــانه وتعــــــــالى
تحياتى

dalia يقول...

حبيبتي ضد
ربنا يصبر قلبك ويعينك على بعد امك عنك صدقيني البعد مش بيكون بالجسد وانما بالروح وتعلقك فيها بيكون بالدعاء وصلة ارحام اقاربها واصدقائها وبالتقرب الى الله بالصبر حتي يجمعك الله بيها في الجنة ربنا يجعلك من الصابرين والفائزين
البقاء لله

شبــ اون لاين ـــاب يقول...

مهما قوه الفراق

يجب علينا الاستمرار

حتى نفارق نحن الحياه




-------------------------
كان معكم من امام الكيبورد
واحد مخه لاسع شويه
شبــــ اون لاين ـــاب
الاسكندريه
--------------------------

المعتصم يقول...

بسم الله الرحمن الرحيم
السلام عليكم ورحمة الله وبركاته
..........
لله مااعطى ولله مااخذ
وانا لله وانا اليه راجعون

نسأل الله ان يرحمها ويغفر لها ويسكنها فسيح جناته
ونسأله ان يلهمكم الصبر على الفراق وتحمله

ادعيلها واقرى قرأن كتير

MaNoOoSh يقول...

لا حول ولا قوة الا بالله
ربنا يرحمها برحمته الواسعة ويثبتها على ايمانها ويغفرلها
ويصبرك على الفراق.. انا عارفة ان مفيش كلام بيصبر الواحد فى موقف زى دة
بس انا هدعيلك وادعيلها فى الصلاة مع دعواتى لجدي وجدتى الله يرحمهم
ربنا يصبرك ويقوى ايمانك ويلهمك الصواب ويبعد عنك الحزن.

غير معرف يقول...

لا حول و لا قوة إلا بالله
البقاء لله يا ضد ربنا يرحمها و يغفر لها و يسكنها فسيح جناته
ربنا يرحمها
معلش كله فى ميزان حسناتك

perlina يقول...

:(
الله يرحمها و يغفرلها و يجمعك بيها ف الجنه ان شاء الله ...

ادعيلها و اعملى كل اللى هى كانت بتحبه ..



تحياتى : لؤلؤة

romansy يقول...

اللهم ارحم امواتنا جميعا واموات المسلمين يارب العالمين
اللهم استجب دعاءنا يا ارحم الراحمين

marmar يقول...

الى ارق من البشر ضدتي
كلامك وجعني اوي وخلاني ارتجف من الخوف كل الي عليكي تعمليه تصبري وتدعيلها بالرحمة وتطلبي من ربنا يغفرلها اي حاجه عملتها ويصبرك يارب
احنا هنا كلنا صحابك وحبايبك أرمي حمولك عليا ياحبيبتي لو احتجتيني في اي وقت وصدقيني هتلاقي اختك جمبك
شدي نفسك ومش تضعفي ابدا وخليكي قوية وقولي لنفسك كلنا لها والحمدلله على كل حال

mohamed ghalia يقول...

وقعت

و مش قادرة اقوم تاني

فى ايه يابنتى
هو إنتى مفكرى انتى لوحدك ولا ايه
لا بقى انتى معاكى أخوات هنا ياكلوا الظلط علشانك
كل دول مش عاجبينك
كل واحد ممكن يمر بفترة حزن بس المهم إنه يعدى
ربنا يسعدك يا ضد ويكرمك
وترجعى أقوى من الأول

princess يقول...

ان لله وان اليه راجعون مش عارفة اقولك ايه
بس ده اختبار من ربنا وان شاء الله تعديه
قلبى معاكى

غير معرف يقول...

البقاء لله ياضد
ربنا يرحمها ويجعل مثواها الجنه
البقاء لله

Kiara يقول...

جيت اقول هتوحشينىىىىىىىىىىىىىىىى بس مش هقدر اقول كومنت علي البوست بجد

saragebaly يقول...

لا حول ولا قوة الا بالله

لله ما اعطى ولله ما اخذ

انا لله وانا اليه راجعون

ربنا يصبرك ويقوي قلبك

ويجعله اخر فراق في حياتك

ويجمعك مع احبابك في جنات الفردوس الاعلى
ربنا يكتبها من اهل الجنة ويثبتها عند السؤال
ويغفر لها جميع ذنوبها ويجعل قبرها روضة من رياض الجنة

لا اله الا الله
ربنا معاكي

Butterfly يقول...

ربنا يرحمها ويجعل مسواها الجنه ان شاء الله
انا بجد عيطت
ربنا يصبرك
أنا عارفه ان الموضوع مش سهل
بس ربنا معاكى ان شاء الله

نـــــور يقول...

ياحبيبتى

معلش ربنا يصبر قلبك
بس عايزة اقولك بجد لازم تقفى
ومن غير اعتذار
وبطلى استهبال
خيانه ايه بقى اللى بتحكى فيها والختمه الشريفه مافهمت
انا بخونك يابت؟ !!

وبعدين هو انا غبيه ولا البوست اللى مكلكع شويه وفيه حاجه انا مش فاهماها؟
انتى متلخبطه ولا انا اللى غبيه ومعدومه التركيز؟!!

ألـــــــوان الحيــــــــاة يقول...

لله مااعطى ولله مااخذ
وانا لله وانا اليه راجعون
ربنا يرحمها و يحسن مثواها يارب
انتى قويه وان شاء الله هتعدى المحنه دى على خير

maha zein يقول...

ربنا يرحمها ويفسح لها مدد بصرها جنات النعيم
ربنا يصبرك
كلنا هنروح لاحبائنا ومتانا
بس يا تري اعمالنا هتخلينا نقابلهم في الجنة ولا نبعد عنهم

ان شاء الله احسبك في الجنة مع من تحبين

Unknown يقول...

السلام عليكم
كيف حالك
هونى على نفسك اختى لله ما اعطى وله ما اخذ الله يفرغ عليك صبرا
ويرزقها الجنة ان شاء الله

رحلتنا في الحياة يقول...

كلماتك مؤلمة جدا ليه بس كده معلش الرسول صلى الله عليه وسلم قال
ان العين لدمع والقلب ليحزن وان لفارقك ياابراهيم لمحزنون
ربنا يرحمه ويغفر لها ويسكنها فسيح جناته يارب ويصبرك وقولى اللهم اخلفنى فى مصيبتى واجرنى خيرا منها
ربنا يصبر قلبك يارب

حاسوباتيه يقول...

الله يرحمها يارب ويدخلها الجنه يارب يصبرك يا حبيبتي

aMr saYed يقول...

with my apologize

i have No coMMent

الله يرحمهم بجد انا هقولك حاجة تطمنك هما ففي مكان احلى كتير من هنا مفهوش زحمة ولا خنقة ولا اي حاجة بس بجد فيه جملة اتقالتلي زمان ولسه بتتردد في ودلني

ربنا مبيجبش حاجة وحشة ابدا

اللهم يلهمك الصبر والسلوان وادعيلها بالرحمة
مش عارف اعلق

اسف

blue-wave يقول...

ربنا يرحمهم جميعا
ويصبر قلبك يارب

غير معرف يقول...

اول مرة ادخل المدونة
واظاهر ان وشي وحش
الحمدلله علي كل حال
واللي فهمتة وفاة والدة حضرتك
اللهم اسكنها الجنة
وارض عنها يالله
ولكي الصبر
والعمل

شمس النهار يقول...

الحقيقه انا مش فهمانه حاجه بس ان شاء الله بكره اتكلم افهم

شمس النهار يقول...

الحقيقه انا مش فهمانه حاجه
بس ان شاء الله بكره اتكلم افهم

Sweet Violet يقول...

سوووووول
--------
اللهم امين

ياريت فعلا اقدر اعرف اللى كانت بتحبه ايه و اعمله

و بجد اشكرك على اهتمامك و اتصالك

و بعتذر بجد على الخضه اللى عملتها ليك

ربنا يخليكى ليا يارب

Sweet Violet يقول...

صبرنى يارب
-----------
معلش ياقمر و بعد الشر عنك من العياط

اللهم امين

نورتى (:

Sweet Violet يقول...

عاشقة الاحزان
-------------
و عليكم السلام و رحمة الله و بركاته

اللهم امين

و اشكرك على كلامك

نورتى (:

Sweet Violet يقول...

dalia
---------
اللهم امين

اشكرك على تواجدك الدائم (:

Sweet Violet يقول...

واحد مخه لاسع شويه
-------------

معاك فى كلامك

لكن اوقات بيكون قوة الفراق اكبر من قوة الانسان نفسه

و بياخد فتره لحد مايقدر يكمل تانى فى الحياة

نورت (:

Sweet Violet يقول...

المعتصم
-----------
و عليكم السلام و رحمة الله و بركاته

اللهم امين

بدعى و بقرأ ليها قرآن هى و جدتى الحمدلله

اشكرك على دعائك و مرورك (:

Sweet Violet يقول...

منوش
-----------

اللهم امين

اشكرك على دعواتك و مرورك

ربنا يخليكى ليا ياقمر (:

Sweet Violet يقول...

انا و دماغى
------------
اللهم امين

اشكرك على المرور و ربنا معاك فى الامتحانات

(:

Sweet Violet يقول...

perlina
------------

اللهم امين

ان قدرت اعرف ان شاء الله هعمل

نورتى (:

Sweet Violet يقول...

رومانسى التفاؤل
------------
اللهم امين

نورت (:

Sweet Violet يقول...

مرمر
-----------
بعتذر عن الوجع اللى سببه كلامى ليك ):

بدعلها بالرحمة و المغفرة و انه يصبر احبابها على الفراق

وشكرا بجد على كلامك ياقمر ربنا يخليكى ليا يارب

نورتى (:

Sweet Violet يقول...

محمد
-----------
ربنا يخليكوا ليا يارب

يارب و يسعدك يامحمد

نورت (:

Sweet Violet يقول...

princess
-------------
يسلملى قلبك ياقمر

نورتى (:

Sweet Violet يقول...

mayada
------------
اللهم امين

نورتى (:

Sweet Violet يقول...

كيارا
-----------
انتى اللى دايما وحشانى ياجميلة

منورانى (:

Sweet Violet يقول...

saragebaly
------------
اللهم امين

اشكرك على دعواتك

نورتى (:

Sweet Violet يقول...

Butterfly
--------------
اللهم امين

و بعتذر ان الكلام نزل دموعك

نورتى ياجميلة (:

Sweet Violet يقول...

نــــــــور
-------------
طيب انا ارد ازاى بعد (بطلى استهبال ) دى ؟؟؟!!!!

و الله ضحكتينى جتك الفرحه فى قلبك روحى كده

يابنتى ابقى اقرى التعليق كويس و انتى تفهمى

مايبقاش مخك شرقاوى كده

هو الاتنين متلخبطه و انتى معدومة التركيز

الكلمه التانيه ماعرفش بقى كل واحد عارف نفسه مش توقعينى فى غلط ((:

و الله وحشنى قلقى عليكى و صحيانك (:

نورتى ياقمر و ربنا مش يجيب خيانه بينا

Sweet Violet يقول...

* Alwaan *
--------------
اللهم امين

نورتى ياجميله (:

Sweet Violet يقول...

مها
-------
اللهم امين

اشكرك ياجميله على دعوتك

و مبروك ليك و ربنا يثبتك على الطاعه دائما

نورتى (:

Sweet Violet يقول...

نهر الحب
----------
عليكم السلام ورحمة الله وبركاته

اللهم امين

ويصبر احبابها على فراقها

نورتى (:

Sweet Violet يقول...

ايوشة
---------
عليه افضل الصلاة و السلام

اللهم امين


"اللهم اجرني في مصيبتي و اخلفني خيرا منها "


اشكرك على دعواتك

نورتى (:

Sweet Violet يقول...

حاسوباتية
----------
اللهم امين

نورتى (:

Sweet Violet يقول...

aMr tA3LaB
--------------

الحمد لله في السراء والضراء وطبعا ربنا مبيجبش لحد حاجة وحشة

اشكرك على تعليقك و مرورك

نورت (:

Sweet Violet يقول...

blue-wave
-------------
اللهم امين

نورت (:

Sweet Violet يقول...

هعزف لنفسى
-----------
اللهم امين

نورت بزيارتك الاولى و ان شاء الله مش تكون الاخيرة

يعنى وشك مش وحش (:

Sweet Violet يقول...

شموسة
----------
دى حالتى حاليا فقط لاغير

و ان شاء الله لما تصحى نتكلم

دايما منورانى (:

وحي القلم يقول...

إنا لله وإنا إليه راجعون
رحمها الله رحمة واسعه وأسكنها فسيح جناته

أحساس لسه حى...كلام من جوه روح لكل روح يقول...

عزيزتى

الله يرحمها ويغفر لها وللمسلمين جميعا

لاتحزنى فقد تركت دنيا وذهبت لاحلى دنيا

ارتحت من هم لتعيش فى النعم

ادعلها وقولى يا رب

تحياتى

سلام

قلب ينبض لله يقول...

بصي ربنا يصبرك ويرحمها يارب

بس ماتتأسفيش علشان أنتي تقادري تكوني أول كلام في البوست خالص وماتكونيش بتكدبي

بلوجك جميل جدا وكلامك رائع بجد

:)

ألـــــــوان الحيــــــــاة يقول...

مش فاهمه انا بصراحه اي حاجه

يعنى ايه حالتك النفسيه كده ؟

يعنى فى حد الا قدر الله اتوفى ولا هى طالبه معاكى نكد

فهمينا الله يكرمك يا اخت مش متعوده منك على كده ابتااااا

Sweet Violet يقول...

مصعب صلاح
-----------
اللهم امين

اشكرك على الزيارة

Sweet Violet يقول...

احساس لسه حى
-------------
يااااااااارب

اشكرك على كلامك و زيارتك

Sweet Violet يقول...

قلب ينبض لله
-----------
مش عارفه بس اعتقد صعب اكون اول كلام فى البوست

الحمدلله ان البلوج عجبك

نورتى ياجميلة

Sweet Violet يقول...

* Alwaan *
---------
لا مش طالبه نكد ولا حاجه

و انتى كنتى فاهمة صح فى اول تعليق ليك على فكرة

كلمه حالتى النفسية انا قولتها لان الوفاة مش كانت اول لما نزل البوست

لكن انا مع صدمه الخبر و ضحكى على عقلى ان كل شئ تمام

حصلى الحالة اللى انا كاتبها دى بس

يارب اكون قدرت اوصل معنى حالتى النفسية

منورانى ياقمر (:

الازهرى يقول...

انا لله وانا اليه راجعون
رحمها الله رحمة واسعة واسكنها فسيح جناته

**************************
و عيني بردو حرقاني
و دموعي معنداني

عارف شعورك لانى من زمن جربته وفضلت كتير واقف مكانى
لكن فى النهاية اتعلمت انى ارجع اعيش من تانى واطوى احزانى جوايا
لان الحياة برضه ماشية سواء معايا او من غيرى

ربنا يصبرك يا رب

اسف متأخر لكن ظروفى الله اعلم بها

مامة مازن يقول...

يا الله والله ابكيتينى وفكرتينى بكل غالى فارق وسابنا
لكن هى دى سنة الحياة وكلنا مسيرنا لكده ولا يبقى من بعدنا الا العمل الصالح والسيرة الحلوة
اختصيهم حبيبتى بصالح دعاكى
وربنا يجمعك بيهم فى الجنة ان شاء الله


يسعدنى جدا جدا زيارتك لمدونتى البسيطة
وهذه ان شاء الله ليست اخر مرة ازورك
ستتجدد زيارتى لكى طالما فى العمر بقية
تحياتى واحترامى

Sweet Violet يقول...

الازهرى
-----------
ولا يهمك ياازهرى ربنا يكون فى عونك

نورت (:

Sweet Violet يقول...

مامة مازن
-------
اللهم امين

و بعتذر ان الكلام نزل دموعك وفكرك ):

نورتى بزيارتك للمدونة و طبعا يسعدنى التواصل مع حضرتك (:

لحظة تأمل يقول...

انا اسفة بجد لانها متاخرة
انا لسه شايفة البوست دلوقتى

ربنا يرحمها ويرحم جميع امواتنا ويجعل مثواهم الجنة ويلهمك الصبر

غير معرف يقول...

ربنا يرحمها ويرحم جميع اموات المسلمين يارب :(

بجد اسفه علي تقصيري بس انا كنت شبة منقطعه بسبب الامتحانات

Mina يقول...

يااااااااااااااااااااه يانورا
يااااااااااااااه
ايه القسوة دي
وايه الرقة دي
انا اول مرة اشوفها
بس بجد بجد
انا مابطلتش عياط طول ماباقراها
وقريتها ييجي عشر مرات ورا بعض