Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الثلاثاء، 2 يونيو 2009

أحبك ... بقت لازمة بايخه

عرض stop

ايوة فعلا كلمة احبك بقت لازمة


لما تلاقى شخص مابيهتمش بيك ولا بمشاعرك .. ويجى يقولك أحبك .. تبقى لازمة بايخه
لما تلاقى شخص دايما بيستهزاء باهتماماتك وأفكارك .. ويجى يقولك أحبك .. تبقى لازمة بايخه

لما تلاقى شخص وجودك زى عدمه بالنسبة ليه .. ويجى يقولك أحبك ..تبقى لازمة بايخه

لما تلاقى شخص كل اهتمامه نفسه وبس وأنت مجرد شخص بيرتاح معك فقط .. ويجى يقولك احبك .. تبقى لازمة بايخه

لما تلاقى شخص دايما فعله معك بيخالف كلامه  .. ويجى يقولك أحبك ... تبقى لازمة بايخه

لما تلاقى شخص مايحبش يظهر حبه ليك امام الجميع .. ويجى يقولك أحبك .. تبقى لازمة بايخه

لما تلاقى شخص يحب يظهرك انك وحش فى نظر الناس وهو الأحسن ... ويجى يقولك أحبك .. تبقى لازمة بايخه

لما تلاقى شخص عايز ينتقم لنفسه حتى لو الانتقام دا هايضرك  لكن مش مهم عنده ضررك ... ويجى يقولك أحبك ... تبقى لازمة بايخه

لما تلاقى شخص بيعملك بوش ومن وراك بوش تانى ... ويجى يقولك أحبك .. تبقى لازمة بايخه

و لما... و لما .... و لما ......

بس أنا بقى مش عايزة أسمع لازمة بايخه
مش عايزة حد يقولى أحبك مجرد كلمة من اربع حروف و بس
مش عايزة حد يقولى احبك إلا لما يعرف المعنى للحب دا
^^^^^^
** البوست ده قديم كنت نشرته قبل كده فى المدونة التانية .. لكن بعد ما دخلت عند هاجر و شوفت بوستها .. حسيت ان محتاجة فعلا اعادة نشر البوست دا
ودمتم سالمين


هناك 138 تعليقًا:

شمس النهار يقول...

بوستك وجع قلبي


مبروك علي النيو لوك


مع الاحتفاظ بالتعليق مره اخري بس لما ابقا كويسه شويه

رحلتنا في الحياة يقول...

الف مبروووووووووك ياقمر على اللوك الجديد اللهي نور فتحتى الشبابيك لنور الشمس يدخلها اخييييييييرا
بصراحة كل ده مش حب ده مجرد كلمة زى ما قولتى لكن مش ليها صدى فى القلب
ربنا يكرمك ياااااااارب باللى يحبك بجد مش مجرد كلمات

وحي القلم يقول...

السلام عليكم

أول تعليق صح ، أول تعليق طبعا
مبروك
المهم كلام جميل وفعلا هتبقى رخمة كلمة الحب ف الحالات دي
تقبلي مروري

من غير عنـــوان يقول...

لازم تتطلع كلمة بأحبك من القلب

أمنياتي

Kiara يقول...

عااااااااااااااوزه اللي بيرقصصصصصصصصصصصصصصصصصصصصصصصصص

Kiara يقول...

هييييييييييييييييييييييييييييييييه

النور جه النور جه النور جه

Kiara يقول...

والبتاعه اللي بتطيييييييييييييييييييير

Kiara يقول...

بصي اديني المدونه دي كلهاااااااااااااااااااااااااا

Kiara يقول...

انا هللللللللللللللللللللعب


فاكره ال69 تعليق

MaNoOoSh يقول...

الحب كلمة جميلة جدا
بس جمالها ان مبيبقالهاش طعم غير لما يرافقها العمل الكويس والمعاملة الطيبة.

وانا كمان أضم صوتي لصوتك وأقول مش عايزة اسمع الكلمة دي غير لما اللي يقولها يقدر عليها (وكمان احب اضيف اني مش هقولهالة غير لما يبقى برعي)
ههههههههههههه

MaNoOoSh يقول...

اه نسيت أقولك ان شكل المدونة الجديد جاااااااامد وعاجبني قوي والالوان كمان رقيقة قوي

blue-wave يقول...

احبك
اربع حروف
ومعانى الدنيا
صدقتى عزيزتى
فتلك الكلمه لا يجب ان تقال الا عندما تحس
ولا تحس الا عندما تملأ القلب
تحياتى مع عتابى الذى اعتقد انك تعرفى لماذا هذا العتاب

mahasen saber يقول...

حرام حرام التعليق النت لهفه

mahasen saber يقول...

لا حرام النت شكله اليى وحش

غير معرف يقول...

هيييييييييييييييه

اول تعليق

يارب ميكونش حد سبقني

هروح اقرا واجي

:))

غير معرف يقول...

عارفه يا ضد

بجد فعلا بقت لازمه بايخه ولازم الناس اللي بيتعاملوا بالطريقه دي يتغيروا لان هي مش مجرد كلمه وخلاص..

بجد بوستك جامد اوي
:)

انا حاولت اشوف ايه اكتر حاجه عجبتني فيه عشان اقولك عليها بس لقيته كله عاجبني.. :)

ويا سلام بقي عالتصييت
ايوا كدا ظبطيني في بلوجتك
ههههههههههه

ومبروك اللوك الجديد يا قمر ;)

وياريت ياريت مش تغيبي تاني بقي

دمتي بخير
:)

طوبه فضه وطوبه دهب يقول...

اكيد مش لزمه بايخه وبس لا بايخه اوى كمان واللى يعمل كل ده يبقى ما يعرفش يعنى ايه حب اصلا واللى ما يعرفش وما يقدرش يبقى ما يقولش احسن

حواء يقول...

فعلا عندك حق
وانا من هنا من هذه المدونه اعلن
اني انا كمان مش مستعده اسمع لازمه بيخه تاني
مع ان البوست انتي بتقولي انه قديم لكن انا اول مره اقرأه
تحياتي

Ahmed يقول...

هيا بايخه طبعا لما تكون في المواقف ديه من غير صدق

بس احيان كتير بتكون صادقه والظروف بتطلعها بشكل صعب ان اي حد يصدقها

kmt يقول...

السلام عليكم ورحمة الله وبركاته

ايه و انا مش جيت من زمان ؟
هياراحت فين وليه وامتى ؟؟؟؟؟؟!!!!!!

الحب
او احبك

لازم تثبتها الافعال الاول قبل اي شيء
علشان نقدر نصدق ومتبقاش مجر اربع حروف

يارب تكوني بخير

تحياتي
الى القاء

المعتصم يقول...

السلام عليكم ورحمة الله وبركاته
سويت هانم
تحياتى
اولا الف مبروك على النيو لوك بتاع المدونة
ثانيا يعنى انا اجى ادخل يقولى انت مش مدعو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماشى ماشى ماشى
ثلاثه ماشى
وبعدين هو فيه شخص يبقى فيه كل الصفات اللى زى الفل دى ويعرف يقول كلمه احبك لحد؟؟؟؟؟
طب وحتى لو قالها هتبقى طالعه منه كلها كذب وخداع وبتنقط غش وخيانه
مش بس لازمه بايخه
الكلمه دى ماتطلعش الا لو حسيناها واتأكدنا منها كويس ومش احنا اللى هنقولها
هى هتطلع من القلب وحدها
تحياتى ودمتِ بكل خير وود
والسلام عليكم ورحمة الله و بركاته

أحساس لسه حى...كلام من جوه روح لكل روح يقول...

عزيزتى

ما الكلمة سهلة تنقال

بس الصعب هى الافعال

لازم ما تشدناش كلمة بحبك من شخص ما

المهم الشخص ده مين وبيقولها ليه

واللى يقولها بسهولة بيبعها بسهولة

الموضوع حلو ومحتاج تعليق كبير

اكتفيت بده بس

تحياتى

سلام

lonely girl يقول...

" مش عايزة حد يقولى أحبك مجرد كلمة من اربع حروف و بس "

طيب نخليها خمسه D:

فعلا يا فيلوت كثره استخدام الكلمكه من اشخاص لا يقدرونها او لاشخاص لا يستحقونها فقدتها معناها ..

وللاسف كمان المجاملات الزياده وتبادل كلمات اطراء بين الناس بشكل مبالغ فيه فقدنا تذوق كل احساس جوانا وفقدنا مصدقيته ..

اه صيحيح .. مبروك الاستيل الجديد D:

تأثير الفراشة يقول...

السلام عليكم و رحمة الله و بركاته

بوست جميل جدا ، إنت لخصتى و جمعتى المتناقضات اللى بنشوفها بطريقة جميلة جدا و سلسة و معبرة فى نفس الوقت
ما شاء الله عليكى

دمت موفقة دائما

خالص تحياتى

لاسع افندى يقول...

المشكله بعد ده كله ممكن الشخص المخدوع يصدق انه بيحبه ويفضل يقدم عطاء وتنازل وحب لشخص لايستحق


تقبلوا تحياتى ومرورى

romansy يقول...

الحب مش كلام يتقال وخلاص
الحب فعل قدام الناس
الحب حنان
الحب امان
مش كلام يتقال وخلاص

مسدس صغير يقول...

فعلا اذا كانت احبك فى هذه الاحوال
فهى لازمة بايخة
احبك
صفاء ونقاء
احييكى على البوست

Butterfly يقول...

أنا كمان مش عاوزه حد يقولى مجرد لازمه بايخه :)

Butterfly يقول...

نسيت أقولك مبروك على النيولووك :)

موناليزا يقول...

متفقة معاكِ
فالحب فعل وليس قول فقط

ميرام يقول...

كلام منطقي جدا
كتير قوي بعترض على مسمى الحب اذا اندرج تحت ما سبق
الحب مش بس احساس
احساس وفعل يؤكده
واذا ماجتمعوش الاتنين هينهار
تحية لقلمك

الازهرى يقول...

بنت انت
ايه حكاية التغيير بتاعتكم دى كمان
لااا
هو صحيح الشكل الجديد جميل وجميل جدا كمان
لكن برضه
شوية وتعملى زى مقصوفة الرقبة التانية
قالت هنغير الديكور
وهوب ضاعت المدونة وراحت فى شربة مية

المهم
عندما تتحول لغة الحب الى كلمات فهذا بالتأكيد هو الوقت الذى يجب ان نقول فيه انتهى الحب
هؤلاء الذى يحاولون ان يقولوا انهم يحبون ليست مشاعرهم حقيقية
ربما اعجاب او ما الى ذلك
ولكن الحب الحقيقى لا ينتظر منا كلمات كى نعرفه
ولكن له لغة المشاعر وندرة للغاية من استطاعوا ان يترجموا مشاعرهم الى كلمات
ويبقبى الحب لغة من القلب الى القلب

الازهرى يقول...

ياااااااااااه
اخيرا
تعرفى ان ده التعليق الرابع
وفى كل مرة تحصل حاجة تمنعه
المهم الف مبروك كمان مرة

maha zein يقول...

ايه ده
كتبتي الكلام الحلو ده ااي
بجد جبتي بساطة الكلام وعمق الفكرة اذاي
الكلام مسني جدا ومكنتش عوزاه يخلص

كلامك حقيقي

حقيقي اوي
اوي

نـــــور يقول...

ايه الحكم دى كلها يافليسوفه عصرك
ازيك ياعسل
واحشانى
مالك يابت احوالك مش عاجبانى انتى كويسه؟
اقولك هكلمك اطمن عليكى وخلاص
بس بجد بجد
وربنا واحشانى

نـــــور يقول...

نسيت اقولك
جبتى من الاخر والنيو لوك عسل :)

المحرر يقول...

على رأيك والله
عند ناس كتير بقت كلمة مش فعل على رأي الي قال اسمع كلام اصدقك أشوف عمايلك أستعجب
ربنا يكرمك يارب
فين مشاركة العدد الجديد
ايه نسيتينا ولا ايه
منتظر

♥نبع الغرام♥♪≈ يقول...

السلام عليكم


حبيبتى معلهش اتاخرت عليك قووى


النت ماكانش كويس عندى المهم

اخبارك ايه

ومبروك عليكى النيو لوك تحفه ورقيق قووى زى صاحبته

تسلم ايديكى

بس البوست ده صعب قووى ووجعنى

ربنا يهدى بالك يارب ويسعدك
ويبعد عنك الاحزان

اختك انوسه

صوت من مصر يقول...

تانى تعليق ليا وعارف انك مش هتنزليه برضه
كلمه بحبك اصبحت زى كلمه بوفتيك

صوت من مصر يقول...

على فكره انا اول واحد فى العالم محدش بياخد منى حق ولا باطل ولا حتى هنعمل قعده عرب
بس عموما عارف انك مش بتخافى انك تنزلى تعليق بس اسمحيلى اقولك كلمه انا برضه مش بخاف وبقول اى كلمه وعادى جدا مش خوف وفين تعليقك على اخر بوست عندى

صوت من مصر يقول...

مفيش حق عرب بجد
ومتصدقيش نفسك
ولو حق العرب هيبقى يبقى تشربى شاى مش قتله كمان
وعموما مش هتنازل عن التعليق على البوست مش بتحجزى والسلاموز

قلب ينبض لله يقول...

بوست هايل
وكنت محتاجة اقرا كلام زي دا
مش اي حد يقولنا بحبك نصدقه لازم فعل الأول

مدونتك جميلة:)

بلاش فضايح يقول...

عندك حق فى كل اللى قولتيه
بقت كلمة رخمة بتتقال من ناس معندهاش مشاعر اصلا
بنتفاجئ بخيانتهم بعد ميقولوا الكلمة دى مباشرة

ومش شرط يكون حبيب وحبيبة
دى ممكن تكون من اصحاب او قرايب

تقبلى مرورى

Soul.o0o.Whisper يقول...

السلام عليكم و رحمة الله و بركاته

ضدتىىىىىىىىىى

مبروك عليكى النيولوك يا جميل

تحفة بجد

ربنا يبارك لك يا جميل

عقبال اللى بالى بالك

*_^


البوست رائع جدا يا ضد
و فعلا تستغربى جدا من افعال الناس

و بعد كدا يقولولك " باحبك "

فين دا بئا؟؟


فعلا بئت بايخة اوى




تسلم ايدك يا قمر

طـائر الليــل الحـزين يقول...

ايه يا قمر كيفك
وحشانى
وبجد شكل المدونة الجديد جااااااااامد جداااااااااا
وكل اللى وصفتى بيه اللزمات السخيفة لكلمة احبك تحفة . وفعلا انا كمان مش من اللى يحبوا يسمعوا الكلمة وخلاص بحروفها او نطقها
لكن فى احساس من غير كلام يقدر يحسس اى انسان بكل حاجة حلوة
جميل البوست وفعلا انا مش قريته قبل كده
انتى يا بت
على فكرة بحبك

عاشقه الرومانسيه يقول...

مبروك على العداد بتاع النور
اللى نور المدونه
بس ابقى ابعتى لى الشموع اصلها وحشتنى
غير ان عينى زغللت من نور الشمس ده
هههههههههههههههههه
وحشتينى يابنوته

وغصب عنك هاقولك بحبك
احبك غصب عنك ترضى ماترضى
(اغنيه كاظم)
باهديهالك
هاتى بوسه بقى
امووووووووووووووه

بنت مصريه يقول...

جميل البوست يا قمر واعادته
مش لازمه بايخه
هههههههههههه

صوت من مصر يقول...

انا كنت معدى قولت ارمى السلام
اصلكم مش باينين من فتره
قومى بقى يابت اعمليلنا شاى ولا شوفيلنا طابخين ايه النهارده
بجد بقى انا قولت اسال

أنا - الريس يقول...

البوست أكثر من رائع لأنه بيفتح العين علي مشاعر مش بناخد بالنا بيها . لكن علي كده الحب حالة واحدة بس لما الشخص يقولك بحبك لذاتك ويعمل اللي فالك .بس ده بيلغي شخصية الطرف الآخر ، بوست روعة .

أنا حر يقول...

كل شيء اصبح في هذا الزمان لازمة بايخة حتى الحب رغم انه من المفترض ان يكون اروع ما في الكون لانه احساس بداخلنا نخشى عليه ان يتأثر بما حولنا لكن للاسف قد تأثر
مدونة رائعة
تحياتي

Sweet Violet يقول...

شموسة
-------------
سلامة قلبك ياشموستى

الله يبارك فيك .. اخيرا ركبت العداد ^_^

منتظرة ان شاء الله رجوعك

نورتى (:

Sweet Violet يقول...

ايوشة
-------------
الله يبارك فيك ياقمراية .. ههههههههههههه آه اخيرا بس بعد عذااااااااااااب

الحمدلله ^_^

ربنا يخليك ياقمر و يرزقك باللي يحافظ على قلبك و يحبك

بس على فكرة الكلمة مش شرط تكون علاقة عاطفية فقط ^_*

نورتى ياجميلة (:

Sweet Violet يقول...

مصعب صلاح
------------
عليكم السلام و رحمة الله و بركاته

أحم أحم للأسف مش أول تعليق .. ان شاء المرة الجاية ^_^

و عموما مبروك فى كلتا الاحوال

نورت (:

Sweet Violet يقول...

من غير عنوان
--------------
طبعا صح كلامك

لكن البعض جعلها محصورة فى اللسان و أصبحت مجرد كلمة ليس لها اى معنى

نورت ^_^

Sweet Violet يقول...

كيارا
--------
هههههههههههههههههههههههه

مش تغلى عليك ياقمر المدونة و صاحبتها ^_^

نورتى (:

Kiara يقول...

ربنا يخليكي ليا ياحبيبه قلبي انتي فين يابت انتي

Sweet Violet يقول...

منووووووووووووووووش
-------------------
هههههههههههههههههههه

ايه ده يعنى مش هتقوليها ليه يعنى

عااااااااااااااااااااااااااااا

بحقد على برعى هه بس

ربنا يخليك ياقمر و الحمدلله ان اللوك الجديد عجبك ^_^

نورتى ياقمراية (:

Sweet Violet يقول...

blue-wave
----------------
اربع حروف و معانى الدنيا

لكنها اصبحت اربع حروف و ليس لها معنى واحد ):

بخصوص العتاب خلاص انا وضحت فى الفون

وأعتقد انه خلاص ^_^

نورت (:

Sweet Violet يقول...

محااااااااااااااااسن
-------------------
هههههههههههههههههه

الله يكون فى عونك من النت ياقمر

وحشااااانى موت و يارب بقى فعلا اشوفك زى ماقولتى

نورتى (:

Sweet Violet يقول...

هاجر
----------------
للأسف مش اول تعليق ^_^

بوستك هو اللى بجد جامد وواقعى جدااا

ههههههههههههههههههه حاضر هنظبطك ياقمر

ياسلام احنا عندنا كام هاجر بس ^_^

الله يبارك فيك و عقبال لما تنورى الضلمة اللى حصلت دى ):

ان شاء الله مش فى غياب تانى

نورتى (:

Sweet Violet يقول...

طوبة ذهب و طوبة فضة
-------------
فعلا اللى مش عارف المعنى من المفترض انه يسكت

أفضل من الخداع و الكدب ):

نورتى ياقمر ^_^

Sweet Violet يقول...

حواء
----------
هو اول مرة فعلا ينزل هنا فى المدونة

لكن كان موجود فى المدونة التانية ^_^

نورتى ياقمر (:

Sweet Violet يقول...

أحمد أبو العلا
---------------
مهما كانت الظروف مدام اللى بيقولها صادق فعل و قول هتتحس بردو و تتصدق

نورت ^_^

Sweet Violet يقول...

kmt
---------
عليكم السلام و رحمة الله و بركاته

ههههههههههههههههه

لا ياقمر هو مش زمان قوى يعنى

بس اهو تغيير بقى علشان الصيف ^_^

و طبعا معاك فى كل كلامك

نورتى (:

Sweet Violet يقول...

المعتصم
-------------
عليكم السلام و رحمة الله و بركاته

الله يبارك فيك ^_^

هههههههههههههههههههه بعض ماعندكم هه

اتكلمنا فى الموضوع ده عندك .. وهقول تانى لازم مش اخويا الكبير يبقى اعمل زيه ((:

^^^^^^
آه فيه طبعا حد بكل المواصفات دى و اكتر كمان بيقول الكلمة

ماهو اصلا بيكون من أهم سمات شخصيته ..الخدااااااااااااااااااااع

هو فعلا المفروض ان الانسان مش ينطقها الا لو القلب حسها .. بس ده للى عارف معناها ^_^

نورت (:

عليكم السلام و رحمة الله و بركاته

Sweet Violet يقول...

أحساس لسه حى...كلام من جوه روح لكل روح
----------------------
معاك فعلا ان لازم الكلمة ماتشدناش

لكن بردو فى ناس عندها قدرة رهيبة على الخداع و التمثيل للأسف ):

نورت ^_^

Sweet Violet يقول...

lonely girl
------------
ههههههههههههههههه طيب تبقى ايه بقى لو خمسة ؟؟؟

بس عموما لو منك خليها كل الحروف ياستى ^_^

ماهو كل شئ يزيد عن حده ينقلب ضده

الله يبارك فيك ياقمر

نورتى (:

Sweet Violet يقول...

تأثير الفراشة
------------------
عليكم السلام و رحمة الله و بركاته

اشكرك ياقمر لزيارتك و كلامك

وبجد انتى مدونتك غاية الروعة فعلا

نورتى ^_^

حنين القلب يقول...

فعلا كلمه بحبك لازم تبقى صادقه
علشان توصل صادقه

بس عارفه انا بقى بحبك
ويعلم ربنا انها مش لازمه بايخه
لانها مش ليها اى غرض غير انى احبك فى الله

تقبلى مرورى

Sweet Violet يقول...

لاسع افندى
-------------
فعلا هى دى المشكلة

و هو ده بردو السبب الرئيسي فى انعدام الثقة فى الحب

نورت ^_^

Sweet Violet يقول...

رومانسي التفاؤل
-------------
أكيد ..بس مين يسمع !!!!

نورت ^_^

Sweet Violet يقول...

مسدس صغير
---------------
صفاء و نقاء و فعل

نورت ^_^

Sweet Violet يقول...

Butterfly
---------------
الله يبارك فيك ياقمر ^_^

نورتى (:

Sweet Violet يقول...

موناليزا
------------
اشكرك على مرورك و زيارتك ^_^

Sweet Violet يقول...

ميرام
--------
اتفق معاكِ فى كلامك

نورتى ^_^

Sweet Violet يقول...

الازهرى
----------
ياساتر على الناس .. مش عجبك الاستايل ؟؟

ماتقول حلو و ادعى ان المدونة تفضل سليمة

بطلوا بقى اللى انتم فيه ده ((:

^^^^

متفقة معاك جداااااا فى كلامك

بجد عجبنى تعليقك للأسف ):

^^

الحمدلله ان وصل و ماحصلش معاك زى محاسن ^_^

الله يبارك فيك

نورت (:

Sweet Violet يقول...

maha zein
-------------
الحمدلله ان كلامى وصلك

بس مش عارفة حاسه من ردودك الفترة دى ان فى حاجة

و ارجو يكون احساسى غلط و تكونى بخير

نورتى ياجميلة ^_^

Sweet Violet يقول...

نـــــــــــــور
----------------
هههههههههههههههه

ايه انتى الداخلة الغريبة دى !!!!

انا الحمدلله .. اخبارك انتى هه ؟؟؟ "ده على اساس اننا مازهقناش من بعض ^_^

الحمدلله انتى عرفتى انى كويسة جداااا

ظبطوا بقى احساساتكم علشان تجيب الارسال صح ((:

شد حيلك انتى بس و ركزى

عجبك الاستايل ؟؟؟

يلا علشان بس ماتقولش انى حرماكم من حاجة ^_^

نورتى ياجميلة انتى (:

Sweet Violet يقول...

خواطر ليست عابرة
-----------------
هو فعلا كلمة بحبك لازم تكون فعل قبل ماتكون كلام

و ده مش فى العلاقات العاطفية بس و الاجتماعية كمان

لان فى الاخر اللى بيقول الكلمة دى من غير مايكون صادق بينكشف ووقتها فعلا بيكون خسر احترام الناس ليه

و انا الصراحة أشجعك انك تفضل ضد التيار فى الموضوع ده فعلا

نورت ^_^

Sweet Violet يقول...

roaua
-----------
اى والله صدق المثل ^_^

انا مش ناسية ولا حاجة

و ان شاء الله مش هتنتظر كتير (:

نورت^_^

Sweet Violet يقول...

عاشقة الأحزان
------------
عليكم السلام و رحمة الله و بركاته

ولا يهمك ياقمر .. ده انا اللى متاخرة و مقصرة مع الكل ):

الحمدلله بخير

الله يبارك فيك عقبااااااااااااااااالك ^_^

ألف سلامة عليك من الوجع

ربنا يسعدك ياقمر

و ياااااااااارب تكونى عاشقة الافراح بقى ^_*

نورتى (:

Sweet Violet يقول...

صوت من مصر
--------------

يا راجل دى كلمة بوفتيك نادرة بالنسبة ليها فى الزمن ده ^_^

^^^^
و كمان انت جى تهدد ضد التيار فى مدونتها ولا ايه

امممممممم ... مااااااااااااااااشى و التعليق وصل

وهنشوف موضوع حق العرب ده بعدين ^_*

نورت (:

Sweet Violet يقول...

قلب ينبض لله
-------------
فعلا ياقمر . .. و الحمدلله ان البوست جه فى الوقت المناسب ^_^

و اشكرك على رأيك فى المدونة (:

نورتى ^_^

Sweet Violet يقول...

nona
--------
فعلا مش شرط يكون علاقة عاطفية علشان تكون لازمة بايخه

بالعكس

أعتقد انها بقت لازمة بايخه فى العلاقات الاجتماعية اكتر منها فى العاطفية

نورتى ^_^

Sweet Violet يقول...

سوووووووول
-----------------
عليكم السلام و رحمة الله و بركاته

سوووووووولتى الله يبارك فيك

عقبالك ياجميل ^_^

ربنا يهديهم و يبعدهم عنا

اقولى امييييييييييييييين

نورتى ياجميلة ^_^

مامة مازن يقول...

السلام عليكم ورحمة الله وبركاته
كيف حالك اختى سويت فايوليت
حلو قوى جدا اللوك بتاع المدونة جميل جدا ومبهج وكله حياة
معلش هقرا وارجعلك تانى اصل الشكل الجديد عجبنى قوى

مامة مازن يقول...

بجد والله عندك حق كلها لقطات بتحصل كل يوم
حاجة تحزن فعلا

Sweet Violet يقول...

طاااائر القمر
-------------
انتى اللى وحشااااانى موت

ربنا يخليك ياقمر .. عقبالك ^_^

انا اللى بحبك مووووووووووووت

و بجد بعتذر عن عدم ردى ):

نورتى ياقمراية ^_^

Sweet Violet يقول...

عاشقه الرومانسيه
-----------------
الله يبارك فيك ^_^

لالالا هو تركيب عداد و كمان بعت شموع

ايييييه .. هو الدلع لحد التركيب بس ((:

و كمان بقى اعمل ايه فيكم

يعنى شموع تقولوا مش شايفين

اركب العداد تقولوا عينينا زغللت

اعمل اييييييييييييييييييييييييييييه

ده ايه ده ياخواتى

انا اللى بموت فيك ياقمر

و بجد اشكرك كتيييييييييييير على الاغنية

اممممممممممممممموة

نورتى ^_^

Sweet Violet يقول...

بنت مصريه
--------------
هههههههههه

طب الحمدلله انها مش لازمة بايخه

نورتى ^_^

Sweet Violet يقول...

كيموووو
----------
اشكرك على سؤالك ^_^

و كمان مافيش شاى مش كفاية حق العرب اللى مش عارفين ناخده

هع هع

ممنوع الاكل و الشرب لحد مايتم ((:

Sweet Violet يقول...

MR.PRESIDENT
-----------------
اشكرك على زيارتك الاولى

لكن معلش هو انا مافهمتش وجهة نظرك

يعنى لو ممكن توضيح اكون شاكرة ^_^

نورت(:

صوت من مصر يقول...

مش عارف اقولك ايه
عايز ارخم
الازهرى عنده حق بجد
البلوج بس الله ماشاء الله ايه اوعى وشك استايله بيفكرنى بالكنتلوب والله
مش حابب الاستايل حاسس انه بيوجع العين نظرا للحاجات الكتير الى فيه
وبتركبى المترو ومش من عشاقه
على فكره ابتديت اكتب المترو خلاص ولما اخلصها هتكون عندك انتى وشموسه وكوكى ( كياره يعنى ؟) وطبعا الازهرى الى هو انا معاه لاننا رجاله
وبعدين انا اعترض اى حد فى مدونته
انا الخط الى صوته يخض

Sweet Violet يقول...

أنا حر
-----------

ممكن يكون الوحش اكتر للأسف .. لكن لسه بردو الخير موجود

و لسه ناس متمسكة بأخلاقها و بمبادئها معندهاش خلط فى المفاهيم

نورت ^_^

Sweet Violet يقول...

كيارا
--------
و يخليك لا ياقمر

انا اهو ^_^

Sweet Violet يقول...

حنين القلب
---------------
و انا بموت فيك ياجميلة
وربى العالم بحبك قد ايه
بجد انتى حد حلو قووووى

امممممممممموة

نورتى ياقمراية ^_^

Sweet Violet يقول...

مامة مازن
------------
عليكم السلام و رحمة الله و بركاته

الحمدلله بخير ^_^

الحمدلله ان الاستايل الجديد عجبك ^_^


فعلا تحزن و اوقات بتجرح كمان للأسف ):

نورتى (:

Sweet Violet يقول...

كيموووو
-------------
ههههههههههههههههه

رخم براحتك ياكيمو .. دى مدونة اختك يعنى مدونتك بالظبط ^_^

ههههههههههههههههههههه الكنتلوب ؟؟؟

مااااااااااااااااااااااااااااااااااااااااشى

و كمان بقى الحاجات دى جميلة تحس كده انك داخل فرح نيهاهاهاهاهاهاهاها


انا مش بحب المترو اصلا و لما بركبه بيبقى للضرورة ):

ان شاء الله و انا منتظرة ^_^

و ماشى ياخط لما نشوف

بس افوق من الدوامة اللى انا فيها بس )):

شبه إنسانه .....( سهوره ) يقول...

ميرسى جدا على مرورك الكريم فى مدونتى

وأحب أعلق على البوست بتاعك

الحب ده فعلا اجمل حاجه فى الدنيا وكلام الحب برضه حلو بس لو خارج من القلب مش مجرد كلام بيتقال على الشفايف وبس من غير إحساس

بس لما .. ولما .. الكتير اللى انتى قولتيها دى معناها ان مفيش حب
يبقى ملهاش لامة كلمة أحبم مش مجرد لازمة بايخه بس

واتمنى لكىلا التوفيق

وهستناكى فى مدونتى

وكتير هتلاقينى هنا

بس المرة الجايه ياريت تعزمينى على حاجه

ميرسى

سهوره

Sweet Violet يقول...

سهوره

انا اللى اشكرك بجد على زيارتك ^_^

علشان كده بقول لما تكون مجرد كلمة فقط بتبقى لازمة بايخه ):

ان شاء الله يدوم التواصل


ياسلام من عويناتى ان شاء الله المرة الجاية أعملك أحلى شوب نسكافيه ^_^

نورتى (:

صوت من مصر يقول...

دوامه
على اساس اننا بنصيف وكده والبحر والدوامه واغنيه صباح المستفزه بتاعه انا اصلى بحب العوامه
نياههههههههههههههاااااااا
والله بجد ده فرح الحاجات دى حلوه يعنى مثلا تخيلى كده اى حاجه حلوه سكرها زياده قوى هتبقى ايه
انا على نهجكك غيرت شكل البلوج عندى
متقوليش رايك لان عارف انك ضد

simply me يقول...

الحب فعل وليس كلام

Israa El-sakka يقول...

أنا كمان مش عاوزة أسمع بحبك كدب بجد أقل حاجة تتقال على الموضوع أنه قوي و بجد أنا بقبى سعيدة كل مرة بقرالك ...عن نفسي يا فيلوت يا أختي مبستحملش بجد يعني النوعيات اللي أنت قلتيها دي بيفقعوني في الآخر بفكني منهم ..قلبي أسود باينلي كده :) مستنية جديدك

حاجات جوايا يقول...

فعلااااااااااااا
بقى لازمة بايخة

عارفاهم الناس اللى قولتى عليهم دول
عارفاهم واحد واحد ههههههههههههه
ياررررررربى
معظم اللى حواليا بيقولولى لازمة بايخة
بجد قهرتينى
والله اتقهرررررررت فعلا
كرهتينى فى الدنيا و دمعت

يلا اهم يومين عايشينهم وخلاااااص

مبروك عالنيولوك المنعش ده يا ضد
جميــــــــــــل جدااااااا

سلام يا قمر

عمرو وجيه يقول...

حقا لا يستحق ان يحب

لانه أناني

و ماشي بمبدأ الأثرة

المفروض الحب شعور متبادل و اللي بيحب

بيخاف علي محبوبه


مش العكس


بوست جميل و شكرا لاعادة نشره

aidy يقول...

موضوع حلو اوى

ويستحق اعادة نشره

انا مبسوطة انى اتعرفت على مدونتك

بجد جميلة جدااااااااااااا

وأفتكر ان كلنا مش فى حاجة اننا نسمع لازمة بايخة

لأننا محتاجين احساس صادق

بس السؤال هما ليه بيقولوا حاجة مش حاسينها

ياترى ده فراغ عاطفى

ولا لمجرد التسلية

و لا الحب بقى وجاهة اجتماعية ومظهر الكل بيحرص عليه ...؟

فكرة من الزمن ده يقول...

لما تلاقى شخص مابيهتمش بيك ولا بمشاعرك .. ويجى يقولك أحبك .. تبقى لازمة بايخه



صح




لما تلاقى شخص وجودك زى عدمه بالنسبة ليه .. ويجى يقولك أحبك ..تبقى لازمة بايخه

صح صح


لما تلاقى شخص كل اهتمامه نفسه وبس وأنت مجرد شخص بيرتاح معك فقط .. ويجى يقولك احبك .. تبقى لازمة بايخه



صح صح صح
لما تلاقى شخص دايما فعله معك بيخالف كلامه .. ويجى يقولك أحبك ... تبقى لازمة بايخه


صح صح صح صح صح صحصحصحصح
ودي مش غلطة كتابية دي معناها صحصح يعني اصحى من الاوهام
لكل واحد سمع اللزمة دي وصدقها
لانه الابوخ منها اننا نصدقها
تحياتي ياقمر على البوست الجميل ومن حسن حظي اني قريته

كلام فارغ اوى يقول...

يااااااااااه تصدقي وتؤمنى بالله انا كنت فعلا محتاجه انى اقرا البوست ده...عارفه ليه؟
لانى اليومين دول حاسه بكل اللى انتى قلتيه ده ومش عارفه اتخلص من الاحساس ده ازاى
ليه الناس بقيت وحشه كده انا مش عارفه
على العموم حسبي الله نعم الوكيل
اتمنى تشريفك ليا بالزياره

قلب ارهقته الاحلام يقول...

ولما تبقي طالعه باردة

وكأن ال بيقولها تمثال تبقي أكبر لازمة بايخه :)

بجد بوست جمييل تسلم ايدك

تحياتي ,,,

Unknown يقول...

والله دي بقت كلمة من لا كلمة له
ولبانة في بق الحبيبة بتوع اليومين دول

تحياتي

ويبقى التواصل

Kiara يقول...

انتي يابت

البوست حمض عندي فيييييييييييييين البوسست

صمت المشاعر يقول...

عندك حق فعلا لازمه بايخه

حاليا بقت الكلمه دي بتتقال مش بتتحس

مع ان الحب اكبر بكتير من كلمه بنرددها من غير ما نعرف معاناها

دمتي بكل حب وسعاده

غير معرف يقول...

أنتى معاكى حق فعلا

الحب عمره ما كان كلمه الحب فعل و تصرف

بوست جميل اوى من واحدة اجمل


وحشتينى جدا

♥نبع الغرام♥♪≈ يقول...

السلام عليكم

حبيبتى اشكرك من كل قلبى على مرورك الكريم

ويارب تدوم محبتنا الى الابد

تحياتى ليكى اختى الفاضله

اختك
ايناس

غير معرف يقول...

عجباني انا اوي الكيوتس اللي انتي حطاها

مجلة الأم الصغيرة يقول...

أقول إيه انا بعد 112 تعليق ؟؟؟؟
عاااااااااااااااااااااااااااااا
ده أنا حتى مش فاكرة علقت قبل كده و لا لأ :(
anyway
معاكي حق فعلا جردوا الكلمة من معناها السامي و خلونا نكره نسمعها أو نخاف منها

بس أنا مؤمنة إننا لازم نقابل في حياتنا الشخص الغلط و نتخدع في الحب عشان بعد لما نتصدم حنقابل الشخص الصح و ساعتها حنقدره و نعرف قيمته و حنتمسك بيه

نيجي للوك الجديد
بجد وهمييييييييييييييييييييييي

قلم رصاص يقول...

كلام زين والله زين

بارك الله في قلمك

على فكرة خطك جميل على الكمبيوتر

ههههههههههههههه

مزيد من التوفيق

في حفظ الله

Sweet Violet يقول...

كيمو
-----------
لسه دودو بتقولى على الاغنية دى


انا مش عارفاها للأسف ..ماليش فى القديم قوى ):

مبروك ع لوك المدونة

لالالا حلو بجد ^_*

Sweet Violet يقول...

Bondoka
-----------
اكيييييييد

نورتى ^_^

Sweet Violet يقول...

Israa El-sakka
----------
ههههههههههههههه
انتى قلبك اسود ولا مستبدة ولا ايه بقى

توهتينى ((:

لا ياقمر انتى كده مش قلبك اسود ولا حاجة انتى كده فعلا صح

نورتى ^_^

Sweet Violet يقول...

حاجات جوايا
---------------

بقى انا كرهتك فى الدينا و كمان دمعتى بسببى ):

و كمان ماهو انتى اللى مقهورة لوحدك بقى ايه التلكيك دى P:

الله يبارك فيك ياقمر

عقبااااااااااااالك ^_^

نورتى (:

Sweet Violet يقول...

عمرو وجيه
--------------
المفروض بس ده اللى فاهم فعلا يعنى ايه حب

نورت ^_^

Sweet Violet يقول...

aidy
---------------
هو التلاته فى بعض للأسف ):

نورتى بزيارتك الاولى ^_^

Sweet Violet يقول...

فكرة من الزمن ده
---------------
للأسف النماذج دى بتكون بارعة التمثيل من الصعب كشفهم بسهولة ):

نورتى ^_^

Sweet Violet يقول...

كلام فارغ اوى
----------------
الناس بقت كده بسبب الأنانية السائدة حاليا

ارجو تكونى بخير

نورتى ^_^

Sweet Violet يقول...

قلب ارهقته الاحلام
---------------
معاك حق

نورتى ^_^

Sweet Violet يقول...

معتز شاهين - باحث تربوي
----------------
فعلا بقت لبانة

نورت ^_^

Sweet Violet يقول...

كيارا
-----------
البوست نزل اهو

Sweet Violet يقول...

صمت المشاعر
-------------
هو اكبر لكن فى ناس خليته مجرد كلمة

نورتى ^_^

Sweet Violet يقول...

انا ودماغى
-----------
انتى الاجمل ياقمر

حمدلله على السلامة و حشانى كتيييير

نورتى بعد غياب ^_^

Sweet Violet يقول...

عاشقة الأحزان
-----------------
لا شكر على واجب ياانوسة

و يارب تكونى بخير دايما

وحمدلله على السلامة

نورتى ^_^

Sweet Violet يقول...

هاجر
-------------
اتفضليها ^_^

Sweet Violet يقول...

قطرات من شواطئ الحياة
------------------
لا يا استاذة مافيش تعليق قبل كده

غرامة تأخير على فكرة ^_^

و انا كمان مؤمنة باللى انتى مؤمنة بيه (:

لالالالا ده حقيقة و ربنا ((:

نورتى ياقمر ^_^

Sweet Violet يقول...

قلم رصاص
-----------
ههههههههههههههههههههههه

ياااه اول واحد يقولى كده

اخيرا حد خد باله ((:

نورت ^_^

وردشان smilyrose يقول...

انتى يا حجة ضد

يا ست راية انتى وسكينة كيارا

البوست حلو قوى

بس بردة مفيش غير ضد هههههههههههه

وحشانى يا رخمة من يوم المقابلة

انتى وكيارا نسينى

انتوا عارفين احسن حاجة الواحد

ياخد استمارة 6 ويسيب الدنيا دى

ويمشى ويسبكوا كدا عيال رخمة بجد

ومش بتسأل البت سوووووووووووول


حبيبة قلبى برقبتكم مش بتعدى يوم الا

وتسال علية

هههههههههههههههههههه

حبة رخامة

وحشانى بجد

وردشان

روح الحب الصادق

وردشان smilyrose يقول...

اه انتى يابت يا ضد

حلو قوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووى

اللووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

الجديييييييييييييييييييييييييييييييييييييييييييييييييييييييييييييييييييييييييييد

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

عقبال ما نفرح بيكىىىىىىىىىىىىىىىىىىىىىىىىىىىىىىىىىىىىىههههههههههههههههههههههههههه

نور الدين صلاح يقول...

جميل مع انه مؤلم :(

мαησηα يقول...

حبيبتى ازاى حد يكون بيعمل كل ده ويكون بيحب طبعا لأ

يارب يا قلبى تعيشى احلى حب وتحسى معانيه مع انسان يكون بجد يستاهلك

ويسعدك ويكرمك اللهم اميييييييييين

حافظى ع قلبك لحد ماتحسيها مش تسمعيها يا قمرى