Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

السبت، 20 يونيو 2009

بعيداً عن العنصرية اتحدث (:

Angry_20Man_20Woman

مبدئياً كده البوست اللى فات ماعجبنيش النقاش لأنه بجد على رأى شموسه كنتم داخلين عمر افندى مش نقاش ابدا ^_^

^^^^^

طبعا فى مدونين اعترضوا و بشده على بعض الاراء و قالوا نعكس الوضع منهم منامينو و لورنس العرب .. وبما ان محاسن كانت طلبت فى الجمهورية التانية اني اكتب عنا احنا و نشوف عايزين ايه من الرجاله الشريرين دول ((:

فقولت انزل موقفين حصلوا معايا شخصيا .. علشان نشوف فعلا البنات عايزة ايه بالضبط و بردو نشوف رأى الشباب فى البنات دى "زى ماحصل فى البوست اللى فات "

أول موقف

كنت بكلم صديقة ليا و ببارك لها لان فرحها قرب وبعد السلام و التهانى سألت عن الاحوال و ان كان فى موضوع ارتباط قريب ولا لا و بعدين قالت لى بالنص :

"خديها نصيحة من صديقة ليك .. لما تيجى تختارى جوزك متبصيش لشكله لان الشكل ليك و لغيرك .. ولا لثقافته لان الثقافة مش بتآكل عيش .. ولا الحب لان الحب بيروح بعد الجواز  .. بصى لجيبه لان هو ده اللى هيعيشك !!!!!! "

تانى موقف

كنت بتكلم مع صديقة ليا بردو ماما كانت زقاها عليا علشان تعرف سبب رفضى للشخص المتقدم ايه ..  هو فعلا كان تمام فى كل حاجة ماعدا شيء شخصيته ..انا الصراحة احب الانسان اللى ارتبط بيه يكون شخصيته قويه و فى نفس الوقت متفاهم ..قولتلها كده .. ردت بالنص :

" انت عايزة وجع الدماغ !!! ... يابنتى ماهو كده كويس هى فى واحدة تكره انها تكون هى المسيطرة .. انتى دماغك غريبة !!! "

طبعا الكلام ده بيأكد كلام منامينو و لورنس العرب ان فعلا فى بنات كده لكن مش المعظم زى الرجاله "شوية عنصرية بقى ^_^ "

السؤال هنا للجميع

ايه رأيكم فى الموقفين دول ؟؟

السؤال الخاص بالشباب

لو قبلت بنت و حبيتها وبعد كده حسيت ان تفكيرها كده "سواء مادي او سيطرة" هيكون تصرفك ايه ؟؟

السؤال للبنات

 ايه هى المواصفات اللى عايزاها فى شريك حياتك ؟؟

ودمتم سالمين

* ياجماعة النقاش مفتوووح للجميع فى المدونة .. البوست اللى فات كان فى مدونين بتعترض و انا اللى برد لصاحب الرأى ..يعنى ياريت يكون فى متابعة بدل ما ارش عليكم ميه انا بقول اهو  ^_^

هناك 114 تعليقًا:

الجواز و سنينه يقول...

رشى ميه براحتك يا جميل
حتى تطرى الجو
بصى يا ستى
الجواز بيختلف من حد لتانى
يعنى واحده عايزه مسيطره و دى مش هاتنفع مع حد شخصيته قويه
و فيه واحده حتى لو هيه عايزاه شخصيته قويه و اكتشفت فيه بعض النقص يا تسد هيه النقص ده يا اما تتغاضى عنه
و ممكن واحده تكون هدفها الفلوس و دى لازم تتجوز واحد غنى و إلا هاتنكد على جوزها عيشته
و واحده عايزاه عاقل و راسى و مسيطر
بس ممكن تلاقيه فعلا وجع دماغ لو مش متفاهم و دماغه انشف من الطوب
صعب جدا تلاقى كل اللى انتى عايزاه فى شخص واحد لازم تتغاضى عن حاجه
و مش المشكله فى الشخصيه و لا الفلوس و لا الكلام الفاضى دى
اهم حاجه انك تحسى بالامان معاه و انك تحسى معاه بالامان و انك كل دنيته لان هو ده اللى بيخلى الوحده تحس ان تعبها معاه متقدر و احنا نحب التقدير اوى
بس ما يمنعش معاها تكون فيه شويه فلوس مش شرط تكون كتيره بس على اد ما انتى عايشه عند اهلك و كمان شويه شخصيه حلوين كده

بس فى الغالب هاتلاقى ان ماجمع إلا لما وفق
موضوع جميل و ان شاء الله متابعه او حتى رشى ميه مش مشكله

adel يقول...

لو واحدة بتدور علي فلوس يبقي ممكن بعد الجواز تبص لواحد تاني اغني ...ايه المانع ؟؟

و البنت المسيطرة دي متنفعش لانها هتكون عاوزة تمشي كل حاجة علي مزاجها زيها زي الراجل المتسلط و المنفرد بالكلمة الاتنين بيفشلوا ...المفروض فيه تفاهم و هات و خد ...لان الست مش ناقصة عقل و الراجل مش مكشوف عنه الحجاب و العكس صحيح

ديالا يقول...

بصي هقول رأيي بس والنبي من غير رش ميا
هه اتفقنا

؟

بما انا سؤالك للبنات

ايه مواصفات شريك الحياه؟

اقولك ياستي

بس ده طبعا كله خيال علمي


اولا يكون محترم اخلاقه كويسه

بيحبني جدا

بيحترمني جدا جدا

ميبصش لغيري(عشان مااسببلوش اي عاهه مستديمه)

طبعا ظروفه الماديه كويسه ومش هو غني جدا ولا فقير جدا

يكون بس قادر يفتح بيته

وياخدني بقي علي حصان ابيض(او حتي حمار اهو ياخدني وخلاص)

ويكون بقي رومانسي ويجبلي ورد

ويخليني اكمل دراسات عليا

وميقوليش اقعدي في البيت ويساعدني احقق احلامي

وبماان هذا النوع من الرجاله غير متوفر حاليا بالاسواق

هنعمل بعثه للبنات الي دماغها ضربن ززيي للقمر او حتي لكوكب بلوتو المهم هنتصرف يعني

وهنجيبه يعني هنجيبه

هه هترشي ميه؟

تقبلي مروري ياقمر

Unknown يقول...

لا بجد والله المرة دي دمي محروق جدا وأعصابي بايزة وسوية وأفجر الكمبيوتر ..كتبت تعليق طويل عريض وخلاص بظبطه وهضيفة الكهرباء قطعت وراح كل الي كتبته .. يخرب بيت شركة الكهربا بنت الــ ... يلا بأه
المهم
باختصار رأي في الموال ده اني أكثر ما أبغضه في الأنثى أن يكون هدفها المادة لإن واحدة هتاخد راجل عشان جيبه لو فلس هتعمل ايه يا هتركهوا في عيشته يا هتسيبه على فكرة ده حصل وشفته بعيني بيت فيه 3 ولاد اتخرب لإن الراجل معتش لاقي بعد زمن العز والنغنغة .. أما حتة السيطرة فما يزال الرجال بخير ما لم يطيعوا النساء ده حديث الرسول عليه الصلاة والسلام وكمان في حديث تاني لولا النساء لدخل الرجال الجنة يعني بالله عليكي الرسول يقول كده وأخلي مراتي تسيطر .. أنا أحترم الانثى جدا جدا جدا وأقدرها وأحطها فوق دماغي بس في حجات الشرع قررها مينفعش نتعداها ثم إن ربنا قال الرجال قوامون على النساء بما فضل الله بعضهم على بعض وبما أنفقوا يعني الراجل بيصرف يبقى لازم يبقى قيم على المرأة مش لإنه الشهم الهمام الي بيجيب اللقمة من بؤ الأسد لأ لأنه هو الي يقدر يحمي المراة ويدافع عنها ولا الست تعمل سيطرة وو ولو دخل حرامي تجري ورا جوزها .. أنا مش بتريق والله بس الأصل الفطري الي ربنا خلق البشر عليه أن المراة خلقت من ضلع أعوج فمهما كان لابد لها من رجل تستند عليه ليكمل هذا العوج ..وفي المقابل هي لها دور كبير طبعا في بناء البيت واستقراراه لا ينكره الا جاحد والراجل نفسه ميقدرش عليه بخلاف الحمل والولادة والرضاعة شؤون البيت نفسها أكثر الرجال ملهومش فيها ..
أولا وأخيرا النقاش منتهي لإنم الإسلام الي هو دينا حط نظم وقوانين حددت لكل واحد مهمته وخط سيره ..
قوامة الرجل لا تعني القوة واضطهاد المرأة وخضوع المراة لقوامة الرجل لا تعني ذلها له أبدا .. الأنثى نصف المجتمع الثاني والرجل نصفه الاول "مين الي اتخلق الأول ..سيدنا آدم طبعا يبقى صح كلامي ولا لأ "صح قوي
أنا على فكرة في صف الأنثى دائما وقلمي يشهد بكده ومدونتي تقول بس الحق حق وما قاله الشرع لا جدال فيه
دمتي بخير

♥نبع الغرام♥♪≈ يقول...

السلام عليكم

حبيبتى
جميل قووى البوست وبعيد عن رش الميه

هقولك رأى بصراحه
بس مره تانيه فى الكومنت الجايا بس انا جايا احجز الاول


هههههههههههههه

تحياتى
انوسه

غير معرف يقول...

اقولك حاجه يا ضد

انا استحقر الراجل اللي يخليني مسيطره علي كل حاجه وهو معندوش شخصيه !!

بالنسبه بقي للبنت اللي بتقول اهم حاجه جيبه
فأنا هرد عليها بمثل قديم بيقول:

" يا واخد القرد علي ماله ، يضيع المال و يفضل القرد علي حاله "

مع الاعتذار للقرود ..


اهم شئ انك تلاقي البني ادم ده محتويكي
فاهمك
عارفين تتعاملوا مع بعض

ويكون انسان سوي
وحطي تحت سوي دي ميت خط

اما بالنسبه للفلوس
لازم يكون في تناسب.. بس برضه الفلوس مش كل حاجه

انا شايفه ان المستوي الاجتماعي اهم من المستوي المادي

يعني بالنسبه لي انا
مش هينفع دكتوره تتجوز واحد معهد سنتين مثلا !!
بس ممكن اتجوز دكتور فقير.. بس يكون طموح..

قلب ارهقته الاحلام يقول...

بصي ياستي انا مش مع صاحبتك خالص طبعا الا بجزء بسيط

ال هو انه ع الاقل يعيشك ف نفس المستوي ال انتي عايشه فيه ميبقاش اقل

ومفيش مانع لو اكتر بس مش الاساس انه يبقي اكتر

لكن لو مبصناش الا لجيبه لو جيبه اتخرم بعد كده ... هيفضل ايه :D

وبعدين ال بتبقي عاوزة واحد تسيطر عليه دي اكيد عندها عقدة او خلل ما

او يمكن بتعاني من عقدة اظهاد مثلا عاوزة تشبعها بعد كده :)

ودي مش هتبقي حياة سوية ابدا لان الجواز طرفين متوافقين مش حرب اولعبه وبنشوف مين ال هيكسب ؟

تعرفي .. واحدة صاحبتي كانت شايفه ف جوزها النقطة دي قبل الجواز

وكانت فرحانه بيها جدا وانه بيسمع الكلام وهي بتعرف تقوده ازاي وبعد رأيها مفيش رأي تاني وكل الكلام ده

بعد 3 سنين جواز ... حياة مهدده بالانهيار ف اي لحظة

هي أكتشفت فجأة وكأن كانت الحقيقة مستخبيه انه هو عيل ومش متحمل مسؤليه ,,, طب ماكنتي عارفه ؟

وهو أكتشف انها بتسيطر عليه وصوتها عالي وعاوزة تمشية علي مزاجها

ومعتقدش ان الحياة لما توصل لمرحلة تمرد من الطرفين ورؤية كل طرف لعيوب الاخر ومحاولة السيطرة عليه يبقي هو ده السكن والمودة والرحمه

انا ف رأيي إن الانسان ال هكمل معاه حياتي ال طبعا موجود في الخيال بس هههه

لا زم يكون متدين اولا عشان يحافظ عليه ويعرف حدود الله وميتعداهاش فييه

ويكون عنده شخصية قوية لكن مش مسيطر

يشركني معاه ف افكارة وف حياته ونفكر مع بعض ف كل حاجه واي حاجه بصوت عالي

عشان انا هكون نصه التاني يعني التكملة :) واكيد طبعا مش هيكون بيشحت عشان يأكلني ^^

والشكل عادي مش لازم يكون مهند يعني ولا تامر الشكل ده نسبي فيه واحد ممكن يكون وسيم جدا لكن ميكونش فيه تقبل والعكس

فيه منه ف السوق ده (: هههه

طولت عليكي باة محلشي ^^

Che يقول...

اول مره ليا هنا ..هاعلق بسرعه و فى شويه كلام قليل ... الموقف الاولانى مش لذيذ لان فى مثل بيقول يا واخد القرد على ماله ... يعنى انا لو معايا فلوس النهارده و خلصت بكره يا ترى هى هتعمل ايه ... الموقف التانى بيختلف شويه .. عموما الستات بتعرف تضحك على الرجاله و تخليهم يمشوا اللى فى دماغ الست و مش كده و بس انما الراجل بيبقى مبسوط و فاكر ان ده رأيه و عرف يمشيه عليها .. بس السيطرة اللى بشكل مفضوح أوى بيبقى شكلها وحش لان فى الاخر مفيش راجل بيحب انه يبقى جوز الست

عاشقه الرومانسيه يقول...

انا من رأيى الحب ثم الحب ثم الحب
ماانا لو باكرهه مش هاتحمل علشانه اى شئ
والدنيا مليانه مشاكل وتعب
ثم ان الراجل لازم يكون له الحكم

اه يحترم عقلى ومش يلغينى ويمحى شخصيتى
لكن فى النهايه يكون الرأى الاول والاخير له
انا اتربيت على كده
وانصاف الرجال انا مش بحبهم
ولا بحب الست المسيطره اللى كل حاجه تحت ايدها
ايه الغلب ده؟
ماانا اتنيل على عينى اعنس احسن ولا انى اجيب واحد اطلع عليه عقدى وكلاكيعى

الاعتدال من الراجل مطلوب
يعنى ولا لين ولا صلب
والستات عقلهم اصلا صغير
ثم انى استمتع اكتر
لما يكون فى حد انا مسئوله منه
مش مسئوله عنه

غير معرف يقول...

انامن راى ان الحب هو الاساس لان برضه الفلوس بتروح وتيجى ومحدش بيفضل على حال لكن الحب اللى بجد عمره ما يروح ويجيى

واهم حاجه فى الانسان انه يكون متدين ومحترم وطيب وشخصيه قويه

يحبنى ويحترمنى يبقى فيه تفاهم بينا مش سيرطه ولا الكلام الفاضى دا

واهم حاجه يكون بيراعى ربنا كويس فى كل حاجه

مش مهم غنى ومعاه فلوس لان اهم حاجه الاحترام والحب

دول اللى بيفضلوا

يعنى يكون راجل بمعنى الكلمه والراجل عمره ما كان بفلوسه

ميرسى يا قمر

حنين

lonely girl يقول...

بصى يا فيلوت اختيار شريك الحياه دائما متوقف على مجموعه من الاسسس كلهم مكملين لبعض لا يجوز المغاله فى اى منهم بشكل يطغى على الاسس الاخرى ..
يعنى زى ما هو شئ مرفوض ان يكون مقياس الحكم والاختيار لانسان اللى هكمل معاه حياتى معتمد على امكانيته فقط كمان لايجوز ان وهم الحب يسرقنى واختار انسان غير متوافق معايا ماديا او ثقافيا او حتى اجتماعيا واقول الحب قادر يعمل المعجزات ..
كده يبقى فى خلل من البدايه ..
اما بقى الشخصيه المسيطره فدى كارثه ..
لان اكثر ما يميز الانثى ضعفها قدام زوجها ..
وضعفها ده مش معناه انها انسانه شخصيتها مهزوزه او عديمه الشخصيه ..
اطلاقا ..
اكثرر النساء عقلا واتزانا هما اللى قادرين يدركوا طبيعه العلاقه بين الرجل المرأه وقادرين يعرفوا ان قمه سعاده المرأه فى شعورها بقوه شخصيه زوجها واحتوائه ليها ..
مهما ان كانت قوتها واستقلاليتها ديما هتحتاج لشعور بالامان اللى بيمثلهوله زوجها مش اى حد تانى ..
دى فطره ربنا خلقنا عليها لا يجوز نغيرها او نحاول مجرد محاوله نعمل ده ..اما مواصفات شريك الحياه دى ..
فبلاش لانى معترضه عن مبدأ مواصفات شريك الحياه ..
لان فى الغالب كل حد مننا مش بيكون عارف تماما هو عايز ايه او بيبالغ فى مواصفاته وعند الارتباط بجد بيلاقى نفسه تخلى عن مواصفات كتير اتمناه ..
ويمكن ده مش لانه قدم تنازلات ولكن اعتقد لانه كان من البدايه يغفل حقيقه ما يحتاج او ما يتوافق معه ..
يلا كفايه كده علشان طولت عليك ..

EMMY BABY يقول...

ضد يا ضد

يا وحشة ياللى مسئلتيش عليا

بس بجد وحشانى

على فكرة انا مستغربة والله ان فى بنات بتفكر زى الموقفين اللى ذكرتيهم دووووول

انتى كدة دماغك صح جدااااا

انا موصفات شريك حياتى

يكون شخص متدين وبيحبنى واحبه ودماغه ناضجة وبيفهمنى وافهمه ويكون رومانسى وحنين ومتسامح وشخصيته قوية من غير ديكتاتورية لازم تكون اقوى من شخصيتى مفيش حاجة اسمها سيطرة

تحياتى

ايمى

♥نبع الغرام♥♪≈ يقول...

السلام عليكم

انا جيت

بصى ياستى
يهمنى انه يكون صريح معايا فى كل حاجه
ويحبنى قووى ويخاف عليا

اصلا انا مشكلتى انى بغير بطريه صعبه
يتحمل غيرتى اللى زيده عن حدها

طبعآ يقدر يعيشنى كويس مش يعنى يوم معانا ويومين لاء

وكمان يكون وسيم الشكل بس مش وسامه وسامه يعنى مقبول
اصل بينى وبينك انا اموره قووى هههههه

المهم يكون بيصلى ومتقى ربنا وده اهم حاجه

يوووووووووووووه
مش قادره اكمل

كلامى عبيط صح

انا رسمه شخص مش موجود اصلا فى حياتى

هههههههههههههه

ربنا يستر

تقبلى تحياتى

انوسه

Ahmed يقول...

اقفل الباب واحفرلها بحر غويط تشرب منه

على فكره اكتشاف البنات اللي من النوع ده أمر سهل جدا

الشاب بيحتاج من فتاة احلامه انها تحسسه انها عايزاه عشان هوا وبس

لكن لو اكتشف غير كده, يبقى اقفل الباب واحفر البحر

وردشان smilyrose يقول...

السلام عليكم

استاذة ضد

بصى يا انستى الجميلة

الموقف الأول

رغم ان كتير من بنات حواء بتفضل هذا النوع الا ان هذا النوع من الارتباط قائم على شئ واهى ليس له اساس
فالمال زائل اما المشاعر باقية رغم تغير الظروف

الموقف الثانى

حكاية انه مين فيهم المسيطر دا شئ خاطئ لسبب واحد لان الشخصية الضعيفة هتحس دائما بالقهر والظلم اينا كان طرفها سواء البنت او الولد لكن مفيش مانع من تبادل الاراء مع وجود بعض السيطرة المطلوبة من الرجل ودا راى لأنه لابد ان يكون هناك من يمتلك زمام الامور فى بعض الاحيان مع التريث وتحكيم العقل مش اللى بتقوله صحبتك

المطلوب فى شريك عمرى
بصى يا جميل انتى طبعا شفتينى وعرفتينى

هههههههههههههههههههههه صح

مش ملكة جمال ولا حاجة لكنى بنت مصرية ريفية الاصل متعلمة حلمت بشريك عمرى بشئ واحد وهو ان يحسسنى هذا المخلوق بلحظة آمان وان يحرك قلبى ويجعله ينبض بكل ما فيه من قوة ورغم قساوة ما اعانية الا اننى لم احلم بمال ولا ثروة فتلك الاشياء يفعلها ويحصل عليها الانسان لذا فنحن من نحدد ونصل الى احلامنا ولكن ما يتمناه قلبنا فشئ صعب الحصول عليه ان كان الطرف الاخر لا يدرك قيمة تلك المشاعر الكامنة بداخل النفس تجاه يعنى مش كل شئ يتمناه الفرد يدركه ومش كل قلب حب وعشق حبيب بيلاقيه دا اللى حصل معايا ورغم ان كتير ممن اعرفهم يعتبرون الحب عبارة عن حقل تجارب واحد يروح والتالى ياتى
شئ عجيب محطة قطار كثيرا ما اخبرهم ان الحب الصادق لا يعرفه الانسان سوى مرة واحدة فى العمر وقد يحيا عمره كله على تلك المرة وهذا ما اعيش من اجله حتى وان عشت على بقايا حلم ضائع
فذلك حلمى وهذا قلبى

اطلت عليكى ولا اعرف لما ذكرت كل هذا لكننى احسست بالحاجة الى الكلام

دمتى حبيبتى

وردشان

روح الحب الصادق

أبو العريف يقول...

رغم انه موقف الاتنين غريب
الا انهم موجودين بشده في المجتمع
بس اللي بتدور علي فلوس دي موجوده بكثره يعني بتبقي فكرها كله مركز عالمنطقه دي

لكن اللي بتحب السيطره دي
بتستني لما يجي ابن الحلال
وتحاول تفرض سيطرتها عليه

اذا نجحت كان بها
وان ما نجحتش تبقي تستاهل انه يديها علي دماغها
اصلها كان لازم تنجح

kmt يقول...

السلام عليكم ورحمة الله وبركاته

الزواج
كلمة في منتهى الخطورة لو اتعملت صح ها تخلق شيء صح الصح

لكن للأسف
الموقفين اللي عرضتيهم يا ضد
سامحني لانهم اصحابك
سطحيين
وواخدين الزواج شركة ومكسب وخسارة
ويمكن كمان حرب فيها غلب ومغلوب

اما عن سؤالك

متسامح
يقدر ردود افعالي ويوزنها
متفاهم
عاقل
مش رومانسي
او بالمعنى الادق رومانسي بعقلانية
مش مسهوك يعني
عارف حقوقي كا زوجة زي ما انا مطلوب مني اعرف حقوقه
بس

البوست اللي فات صدقيني مش طنشت
بس كنت مشغولة شويه
وكمان مش لاقيت حاجه اقولها

تحياتي
الى اللقاء

بلاش فضايح يقول...

السلام عليكم
ازيك يا قمر وحشتينى اوى

بالنسبة للحكايتين اللى قولتليهم انا شايفة ان دة تفكير غلط الراجل مش بفلوسه ولا بشخصيته الضعيفة

انا أكره الرجل ذو الشخصية الضعيفة وفسخت خطوبتى بسبب كدة
عامل فيها راجل وهو ولا حاجة أمه هى الراجل والست فى البيت حتى ابوه مالوش كلمة

انا محبش اكون الراجل والست فى البيت
وبعدين المواصفات دى بتكون نسبية
يعنى ممكن اتخلى عن حاجة قصاد حاجة لو لقيت ان الحاجات اللى هتخلى عنها فى مواصفاته مش مؤذية ليا

شمس النهار يقول...

اه انت نوياها بقا
عموما انا اتصلت بالمطافي احتياطي اهو لو الدنيا ولعت حريق المطافي تطفي النار

ولو ما حدش اتناقش كده واتنحرروا شويه ماتتعبيش نفسك انت وترشي عليهم الميه المطافي تقوم باللازم:)

طبعا الست الماديه غلط
والست المسيطره غلط

هي بتريح نفسها فهي في النهايه انانيه جدا
والاولاد نتاج الزيجات دي مشوهين نفسيا

مره ولد نتاج زيجه الام مسيطره والاب مالوش كلمه
وجدت الولد بيكره امه وابوه من غير مايعلن بس اناواجهته بالملاحظه دي

ولقربي من هذا الولد فتح لي قلبه وقال لي بكره ماما من اللي بتعمله في بابا وتهزيقها ليه امامنا وتهزيقها لينا
وبكره بابا عشان مش قادر يعمل لها حاجه وضعيف وسايبها علينا كده

ده اختصار الكلام اللي استمر ساعتين

يعني نقدر نقول ان الحالتين ضحاياهم الابناء

واقول خير الامور الوسط
بالحب والتفاهم والود كل شئ يبقا جميل


اتخانقوا براحتكم بقا

mohamed ghalia يقول...

و قبلت بنت و حبيتها وبعد كده حسيت ان تفكيرها كده "سواء مادي او سيطرة" هيكون تصرفك ايه ؟؟

طبعا هتتزحلق بعيد بنفس الميه الى هتروشينا بيها
لإنى الإنسان الشرقى بطبعه مش بيقبل ده
لازم يكون ليه كلمة

صوت من مصر يقول...

والله بالنسبه للموقفين انا الاولى ممكن تلاقى واخد غنى وكل حاجه بس فى الاخر هيطلع بخيل
او ربنا يكرمها بعد الجواز تلاقيه فلس ولا حاجه
هيبقى موقفها ايه
الموقف التانى
حسيت انه قريب جدا للبوست الى فات وهقولها تانى لازم يكون فى تفاهم مش لازم وجود حد مسيطر لان ده هيفقدهم قيمه الحب الى بينهم
ولا ايه رايكم
بصراحه امثالك كلها مش موافق عليها معرفش ليه بس كل واحد ودماغه

الازهرى يقول...

أكون كاذبا لو ادعيت قراءة النقاش فى الموضوع السابق ولكننى قرأتها هنا مع الأخذ فى الإعتبار قراءة الموضوعين بالطبع

كما اتفق الجميع كلا المشهدين لا يصلحان اساسا لبناء اسرة متكاملة
اما الاساس فهو ما بينه الرسول الكريم فى العديد من الاحاديث النبوية والتى يعرفها الجميع ويتجاهلونها ويترتب على ذلك ما تلاه من قضايا الاسر المنحلة والتى بها الكثير من الخلل وارتفاع نسب الاطلاق بهذا الشكل المخيف الذى نراه

والدين هنا لا يتجاهل المشاعر كما يدعى البعض بل يصونها صيانة تامة فعند توافر الشروط فى لانسان توجد ما يسمى بفترة الخطبة وهى التى يزداد فيها التعارف والتآلف فإن كان والا فسخت الخطوبة وانتهى الامر بدون ضرر لاى من الاطراف

ولنتخيل الان انسان (او انسانه) اكتملت فيه الشروط وعند الخطبة تآلفا تماما واتفقا على تنظيم امور حياتهما
هل يمكن ان نتخيل ان الخلاف او الاحساس بعدم الامان سيكون مثله مثل الاسر الاخرى والتى لم تبنى على الاساس الصحيح
هل سيكون قوة تخطيهما للصعاب التى ستواجههما فى الحياة متماثلة ؟


اترك الحكم لكم

رحلتنا في الحياة يقول...

مش هقول غير كلمة واحدة احنا بعدنا عن الاختيار الصحيح المبنى على الشرع والدين يبقى لازم يحصل اختلاف ونقطع بعض كمان مش هقول غير كلمة واحدة اظفر بذات الدين تربت يداك
من جاءكم من ترضونه دينه وخلقه فزوجه
طبعا هتقوليلى هو مادام اخلاق اتغاضى عن اى حاجة تانية اقولك لا مش كده اقولك يكون ده اول مقياس وبعدين فى اسس تانى فى الشرع بردو بتوضح الاسس السليمة فى اختيار الزوج والزوجة
لا تفرق معايا شكل ولا فلوس ولا اى حاجة غير انه يكون اخلاق عارف ربنا

وحي القلم يقول...

السلام عليكم

الجواز هو اسمى علاقة بين اتنين مادام فيها حب وتفاهم

مش معضلة

MaNoOoSh يقول...

بصي للاسف كتييييييييييييييييييير جدا من البنات بيجتمع فيهم الصفتين
عايزينة غني قوي.. ومهاود

بس لا الغني بيفضل ولا المهاودة هتريحهم

اصل الست متقدرش تنكر انها بتحتاج من زوجها انه يكون سند ليها.. يعني تعتمد عليه وتحس بقوة تفكيره ورجاحة عقله


اما الصفات اللي الواحد بيتمناها فدة موضوع طويل قوي
بس اهمها انه يكون بيتقى الله ويصرف على بيته من تعبه من الحلال ويسعى انه يحسن رزقه ويزوده
يكون انسان متفاهم.. يشورني فى امور البيت وفى حياته مش يعتبرني كنبه او كرسي
يحسسني بالامان.. مخافش ليغدر بيا فى اى لحظة
يحتويني ويستحمل التقلبات اللي بتنتابني
يدلعني لما يحس اني محتاجة للدلع مش يعتبره امر ملوش لزمه بعد الجواز
يكون عنده صبر ايوب فى المعاملة معايا.. ويتصرف مع اى غلطة ليا بحكمة
ميتكسفش يساعدني فى البيت ولا يوفر مجهوده وهو قادر علشان معتبر ان ده دوري
يعامل اهلة واهلى كويس
يبقى عنده فكر ومنطق سليم لتربية ولادنا ان شاء الله

ده اللي فاكراه الوقتي

ومتابعة المناقشة ان شاء الله
بس متختفيش كتير يا قمر

مامة مازن يقول...

اختى سويت فايوليت قرات الموضوع السابق والحالى لاخذ فكرة متكاملة عن الموضوع
فى الموضوعين ذكرتى نماذج موجودة فعلا
فى رايى ان الدين كاساس لاختيار شريك الحياة اساس قوى جدا ومتين واعتبريه اى الزواج كانه بناء وجب له قاعدة متينة لتحمل ما سيبنى عليها
اختاريه من عائلة طيبة ومحترمة مش شرط ابدا اغنياء لا ممكن يكونوا ناس بسيطة بس بيفهموا فى الاصول علشان يبقى له كبير ترجعيله لو حصل ى ظرف لاقدر الله
متفكريش فى الفلوس بتروح فى ثانية خديه مكافح وعنده طموح
خديه حنون محب عطوف قوى الشخصية فى حكمه يبقى حكيم فى تصرفاته مش يتمسك برايه فى عنجهية ولا يبقى ضعيف الشخصية تكرهى نفسك معاه

المعاملة الطيبة والاحترام والمودة والرحمة هما اساس النجاح فى الزواج

أثمن من اللآلئ يقول...

أوكي... أنا مش عارف السؤال حاسس انه مصيده بس عادي. هجاوب

بما انك دختلي الحب في الموضوع ... فأي نوع من الحب بالظبط اللي تقصديه

"يعني انا لو بحب إنسانه " الجزئية دي كبييييييرة قوي يعني بحبها ازاي .. وهي بتحبني ازاي!!!؟؟

وبعد ما نحب بعض . اكتشف ان تفكيرها كده "انها بتحب الفلوس يعني؟"

يعني مثلاً هو انا كنت عبيط لما حبيتها ؟ أكيد كان الشيء ده هيكون ظاهر في شخصيتها.

بس اللي عايز اقوله .. ان كل علاقة فيها عيوب ومميزات.

والحب اللي بين اي اتنين لو فعلاً هو الحب الحقيقي اللي يقدر يغير او يجمل الشخص في عين حبيبه يبقى اكيد هقدر اتخطي الحاجة دي في شخصية اللي بحبها .. ويوم ماتطلب مني فلوس وأقولها مش معايا اكيد هتقدر ده.

أما الحب الحقيقي فهو الذي يخلوا من السيطرة وحب الذات ... انا كنت كتبت حاحة عن ما هو الحب في بوست عندي قبل كده في بوستين

http://iwanachange.blogspot.com/2009/02/blog-post.html

وهذا البوست هو الذي سأقتبس منه جزء

http://iwanachange.blogspot.com/2008/09/blog-post_26.html

وأن تخلو العلاقة من التشنج والعصبية والعناد والكبرياء الفارغ والغيرة السخيفة والشك الأحمق والرغبة في التسلط، فكل هذه الأشياء من علامات الأنانية و حب النفس وليست من علامات حب الآخر

وشواهد الحب كثيرة ... معلش مش عارف اذا كنت نجحت في اجابة السؤال لكن الحب شيء اكبر بكثير من التسلط او الإحتياجات المادية

تحياتي

أثمن من اللآلئ

mahasen saber يقول...

ضدتى ضدتى ...
ادينى وادى اى ست راجل يحسسها بالأمان حتى لو هيعيشها على البلاط ثم ارمينا فى البحر

لا الفلوس بتفيد ولاا السيطره بتنفع صدقينى
راجل تحسى فيه ومعاه بالتفاهم والامان وتنامى جنبه وانتى مش خايفه من بكره
يبقى فزنى بالدنيا واليى فيها كمان

mahasen saber يقول...

يعنى الاختيار لازم يبعد عن الماديات وكلام انه يبقى حمش ومشش دى

راجل تحسى معاه بالامان تبصى فى وشه تحسى بالمستقبل وبالراحه يا ضدتى

وبعدين بيرو مستنيكى اهه قيمه وسيما ولسه فى الحضانه اهه
يعنى هتربيه على ايدك

أنا - الريس يقول...

انا مش عارف أعتقد إنك بتثيري أزمة في الفكر الاسري نظرا لضيق كل من أفق الزوج والزوجة ، رأي أن الأزواج عايزين يتربوا من جديد لكي يستطيعوا اقامة بيت محترم ، أنا كشاب بعتقد إن هسيب إلي بيفكر فيا انه يوم يكون المسيطر أو مدي لأن كل امنياتي ان اتجوز واحد تبدلني الرأي بس ساعة لما أخد رأي أقليقيها وقفت ورايا ، أنا بعتذر عن المتابعة نتيجة إني بروح سيبر كل فترة وتشكري

بزنس تعيش يقول...

الحياة ابسط من كدة يا شباب
الموضوع بمنتهى البساطة
ان اللى انا اقبله غيرى ممكن ما يقبلوش
اذا اتحدت الاذواق لبارت السلع
حتى فى العلاقات ما بين الازواج
فى راجل بيحب يعمل تفويض لمراته فى حاجات كتير
وفى راجل يحب يكون مصدر السيطرة فى كل شء
وهلما جرا
------------------------
والرسول (ص)يقول : "الارواح جنود مجندة فمن تقابل منها ائتلف ومن تنافر منها اختلف
***تقبل مرورنا
***وابقى عدى علينا وما تنساش تدوس على اعلانات جوجل
وسمعنى اغنية تكسبنى احبك
--------------------------------
مع تحياتنا/ حازم وهانى

Sweet Violet يقول...

الجواز و سنينه
-----------------

عجبنى تعليقك لانك فعلا ذكرتى جميع النماذج

و أكيد طبعا مافيش حد كامل الاوصاف

" الا عند عبد الحليم بس "

^_^

Sweet Violet يقول...

adel
-----------

" الست مش ناقصة عقل "

طب الحمدلله انى شوفت قبل مااموت شاب اعترف بده

^_^

مش معاك فى موضوع البنت المسيطرة

لان اللى بتفكر كده بتدور من الاساس على واحد ضعيف الشخصية

يعنى بيكملوا بعض (:

Sweet Violet يقول...

ديالا
---------
هههههههههههههههههه

عارفة لولا دبح الديك كنت هرش ميه عليك انت بالاخص

(شريرة ياعالم اعمل ايه فيا بس نيهاهاهاهاهاهاهاها)

^^^^

(عشان مااسببلوش اي عاهه مستديمه)


ههههههههههههه ده انا شكلى هتنازل عن لقب الشريرة ليك ^_^

لالالا ياقمر هو النوع ده موجود لسه مش انقرض لكن هو فى طريقه للانقراض فحاولى بقى تنجزى بدل مافعلا نبعتك القمر ((:

" اصل بلوتر خلاص خرج من زمان و بقى كويكب v_v "

لالالا خلاص مافيش رش ميه سماح المرة دى

بس مش تاخدى على كده ماشى ؟؟

^_^

Sweet Violet يقول...

كاتب مصرى
--------
اهدى بس اعصابك ..يعنى لما تفجر الكمبيوتر هترد تانى ازاى ^_^

^^^^^
طبعا معاك ان المرأة اللى تاخد الراجل علشان فلوسه دى واحدة سطحية و غير امينة

لان فعلا لو لا قدر الله حصل حاجة بعد الجواز و الحال اتبدل هتكون العيشة لا تطاق معاها و ممكن فعلا توصل للانفصال

^^^
فى جزء السيطرة

اكيد غير مستحب ان تكون المرأة هى المسيطرة او حتى الرجل فقط

ولابد من وجود التفاهم بينهم فى جميع الامور

لكن

هنا انت استشهد بأقوال و نسبتها للرسول

و اعذرنى ان قولت اقوال لان بالفعل اول مرة اسمع الاحاديث دى

غير ان حتى لو سمعتها فالعقل رافض ينسبها للرسول

فارجو اثبات صحة الاحاديث و تفسيرها .. لان هذه الاقوال فيها اهانة للمرأة شديدة

و اعتقد ان ديننا الاسلامى كرم المرأة و لم يهنها

^^^^^^^
طبعا لا جدال فى ان ديننا حدد لكل واحد دوره فى الحياة

لكن توضيح

"الأنثى نصف المجتمع الثاني والرجل نصفه الاول "مين الي اتخلق الأول ..سيدنا آدم طبعا يبقى صح كلامي ولا لا"

معاك ان سيدنا آدم خلق الاول لكن مش معناه ان الرجل النصف الاول فى المجتمع

اعتقد انه ماينفعش ناخد الموضوع كده

لان لو اخدنا الموضوع بالطريقة دى يبقى لولا حواء ما وجد المجتمع من الاساس ولا ايه ؟؟

^_^

Sweet Violet يقول...

عاشقة الأحزان
----------------
عليكم السلام و رحمة الله و بركاته

هههههههههههههههه

مافيش رشة ميه و احجزى التعليقات كلها لو عايزة

^_^

لا عبيط ولا حاجة من حق كل واحد يحلم بشريك حياته

بس المهم ان يكون الحلم فيه بعض من الواقعية ههههههههههههههه

ان شاء الله يكون فى حياتك قريب

^_^

Sweet Violet يقول...

هاجر
-----------
ههههههههههههههههههههههههههه

انا موت ضحك على فكرة من الاعتذار بتاع المثل

طب هى مقصودة ولا ايه ؟؟ علشان افاهم بس لانها صعبة قوى ياهاجر ^_^

جد بقى شوية

انا بردو مش احب اكون انا المسيطرة لكن بردو لازم يكون فى تفاهم

ايوة ايوة عارفة انا موضوع سوى

ماهو ده اللى كنا بنتناقش فيه فى البوست اللى فات ((:

بصى انا شايفة ان الاجتماعى و المادى نفس درجة الاهمية

لازم يكون فيه توافق مابين الاتنين عموما

بس بردو انا عايزة اعرف حقيقى الاعتذار ولا نمشيها غلطة كيبوردية

^_^

Sweet Violet يقول...

قلب ارهقته الاحلام
--------------
هيفضل زى ماهاجر قالت بالضبط ((:

اتفق معاك فى موضوع السيطرة

لان فعلا احنا مش فى حرب دى حياة مشتركة

اكيد فى منه فى السوق لا تيأسى

^_^

Sweet Violet يقول...

Che
--------
هتعكنن عليك عشتك ((:

لا ذكاء المرأة هنا ماكنش هو المقصود فى النصيحة

هو فعلا اللى كان المقصود بالسيطرة زى ماقولت انه يكون "جوز الست"

اشكرك على تعليقك السريع

^_^

Sweet Violet يقول...

عاشقه الرومانسيه
-----------------
ياجميل انت خليك بس فى فرحتك

سيبك من النصايح اللى تودى فى داهيه دى ^_^

اعتقد ان اى واحدة تفكيرها سوى تحب انها تكون مسئولة من راجل مش مسئولة عنه

الا طبعا فى الواجبات اللى عليها

^_^

Sweet Violet يقول...

حنين
-----------
انتى جبتى المفيد

يكون راجل بمعنى الكلمة

مش مجرد نوع فقط

^_^

Unknown يقول...

حاضر يا ستي هتأكد من سند الحديث وهقولهولك ولو مكانش صحيح بردو هقولك هو أنا عارفه كده من زمان متأكدتش الصراحة وانا بعلق عندك من الحديث بس هجيبلك سنده
فين اهانة المرأة في الموضوع المراة بطبيعة الحال ضعيفة النفس نوعا ما فممكن تسوقها عاطفتها أكثر من عقلها وده صحيح مش غلط يبقى طاعة النساء في كل الأمور مشكلة مش حط من شأن المرأة والله بس ده واقع
أما لولا النساء لدخل الرجال الجنة بردو مفيهوش تحقير ده معناه مؤكد في القرآن "زين للناس حب الشهوات من النساء" يعني لولا شهوة النساء لدخل الرجال الجنة فين الحط واهانة المرأة مفيش
وبعدين لولا حواء لما خلق البشر كلهم الحكاية مش كده والحكاية مش بالخناق الراجل النص الاول والست التاني ولا العكس هي بالعقل والمنطق وقبلعم الدين لو كان الرجال النصف الثاني لكانت النساء هي القوامات على الرجال فالترتيب ليس ترتيب في درجة القيمة والمنزلة انما في الأولويات والأول دائما هو من كان عند الله أكثر تقوى وأقرب مثال لكده ابنت الرسول أم كلثوم عليها السلام في الجنة وزوجها الذي كان في الجاهلية ثم طلقت منه بعد بعثت الرسول ولم يسلم على حد معلوماتي هل هيكون هو الاول وهيا التانية لأ طبعا ..
ربنا يكرمك
هتأكدلك من السند وهقولك مدى صحة الحديثين ولو ان المعنى زي ما وضحتهولك مفيهوش اهانة ولا حاجة
دمتي بخير
شرفيني في المدونة البوست الجديد محتاج لمساتك
مودتي

الكحيان يقول...

مدونة رائعة وأسلوب شائق أحييك عليه، وبالنسبة لرأيي فمع احترامي للجميع فأنا أرى أن كل الكلمات الكتابات والأفكار التي تدور حول مسألة الزواج والارتباط منذ أن وجد الذكر والأنثى أقول كلها محض نظريات لا تسمن ولا تغني من جوع القضية ببساطة أن مسألة الزواج مهما فعلنا بها فهي أشبه ما تكون مسألة قدرية أو أشبه بالبطيخ لا نعرف نوعه ومذاقه إلا إذا شققناه وإذا شققناه فنحن ملزمون بأكله وشرائه ولا يمكن أن يعاد إلى البائع إلا بخناقة أو بالتنازل عن الثمن - أي الطلاق- فالواقع أن 99 في المئة لا يتزوجون من تتوافر فيهم الشروط التي حلموا بها بالعكس السائد في الزواج أن من رغب في شيء نال عكسه ولحظة الزواج لحظة قدرية يتوه فيها الاثنان ولايستيقظان إلا والكلابشات في أيديهم لذا يجب أن نكون واقعيين لأن الزواج أولا وأخيرا تبادل منافع ومصلحة ولا يتنافى ذلك مع الود أو ما يسمى بالحب آسف للإطالة وشكرا على ما أمتعتنا به

محاولة لكسر الصمت يقول...

بم أنني فتاة فأعتقد أن علي أن أتحدث عن المواصفات...حسنا أعتقد أنني يمكن أن ألخص كل هذه المواصفات في كلمة واحدة (رجل)..أعلم أن كثيرين قد يأخذون الأمر على محمل السخرية ولكنها الحقيقة, فيكفي أن يكون رجلا دون أن تلحق به صفات معينة ليكون زوجا صالحا, لكنني أتحدث عن الرجولة الحقيقة أو لنقل( الرجولة شبه الغائبة) أتحدث عن كل الصفات التي تندرج تحت كلمة رجل: عن الحكمة, عن الهدوء, عن الحلم, عن الحمية, عن الرفق, عن الحنان, عن القوة,عن الاتزان, وعن وعن وعن....
كل هذه الصفات تصنع رجلا حقا, رجلا يستطيع أن يكون زوجا صالحا لأي امرأة..
__________________________________________
أعجبتني فكرتك في تبادل الأفكار..تحياتي..

aidy يقول...

ايه المواضيع الجامدة دى

انا ناوية اجاوب اجابات قاطعة بعد ما رجعتينى لمنصبى :D

اولا ً :

رأيى فى الموقفين

انتى يا بنتى تفكيرك صح الصح

جايز الفلوس هى اللى هتعيشك وهتصرف عليكى

بس عمرها ما هتسمعك كلمة حلوة عمرها ما هتسعدك طول ما انتى مش راضية عن الانسان اللى معاكى

الا اذا حبيتى واحد غنى وربنا يكون كاتبلك الاتنين الغنى والحب

بس صدقينى الفلوس مش كل حاجة

ثانيا ً :

سيطرة البنت على الولد بتخليها تفقد احترامها ليه (( سورى يا جماعة ))

ازاى واحدة تحترم حد هى اللى مسيطرة عليه شخصيته ضعيفة قدامها

اول حاجة هتحسها انه غير قادر على حمايتها لا ده هو اللى محتاج انها تحميه
ضعفه قدامها هيخليه يصغر فى عنيها لحد ما يتلاشى وبعد كده مش هتشوفه لأنه مش هتكون حاسة بوجوده


ده كلام ده

إزاى..؟


اما السؤال التانى ..؟

مواصفات فارس احلامى ....

يكون شخصيته قوية دمه حامى وصعيدى صحيح

ويكون بيحبنى وبحبه

يكون مختلف شوية عن الباقين فى حاجات معينة بدور عليها فى الشخصية اللى هرتبط بيها

ادعولى الاقيه

بس اهم حاجة عايزاها فيه انه يكون بنى آدم مصرى وشرقى بكل ما تحمله الكلمات دى من صفات زى الشهامة الرجولة عزة النفس والكبرياء

احس بوجوده

كفاية رغى بقي

سلاااااااااااااام

المعتصم يقول...

سويت هانم
اختنا الصغيرة
تحياتى
انا قريت البوستين
ده واللى فات
بس انا مش هدخل النقاش معاكم لان الجمجمه مش رايقه
انا قلت اسلم وامشى
انما متهيألى يعنى بما انى اخوكى الكبير
هتكونى عارفه رأيى
ولا ايه ؟؟؟؟
هههههههههههههههههههههه
تحياتى
ســــــــــــــــلام

marmar يقول...

يعني انا اختار شريك حياتي عشان غني ومعاه فلوس !!
بصراحه ده قمه الجهل والتخلف

طب ما ممكن في لحظه الفلوس تروح ويخسر ويبقى عل حديده ساعتها هتصرف ازاي اقوله طلقني بقى !! ولا اقوله مش عايزاك عشان بقيت فقير !!!
الحياه مش كده
الحياه لازم يكون فيها حب وتفاهم عشان بالحاجتين دول هتتولد معاني جميله اوي
هتتولد الفرحه في عيون الحبيبين
هتتولد البسمه في قلبهم
هتتولد الراحه والسعاده
هتتولد كل كلمه حب يحسوها مع بعض
الفلوس اخر ما تفكر فيه الواحده
بس مش يمنع انها تاخد واحد يعيشها مرتاحه مش كل ما تقوله عايزه حاجه بالمعقول يقولها لا لالا كده الحياه هتبقى مقفله بس ارجع واقول ده عامل ثانوي والحب والتفاهم والمشاعر عوامل اوليه رئيسيه عشان اقدر اختار شريكي صح وتدوم قصتنا للأبد



بالنسبه للموقف التاني
بصراحه انا قابلت بنات كتير كده صحابي كتير كانوا يقولولي واااااو ده احلى حاجه لما تبقى مسيطره على كل حاجه مع شريكك وده بردو قمه الجهل
لان السيطره دي كلمه مفروض مش تبقى موجوده ما بين اي حبيبين ولا بين اي اتنين تجمعهم حياه واحده وبيت واحد وقلب واحد ومشاعر واحده
السيطره دي كلمه تتقال في حين كان الحب من طرف واحد
يعني يحبني ويموت فيا وانا مش سأله عنو اقوم اسيطر على كل حاجه واقول ما خلاص مش هو بيحبني ومش بيزعل ولا يقدر يقولي لا ولا يفتخ بؤه يشششششرب بقى وبالطبع دي هبقى حياه نص كم
يعني حياه لا تقدم ولا تأخر
بل بالعكس هتأخر كتير اوي وشهور متعدده والطلاق يتم


بالنسبه لمواصفات شريك حياتي امممممم
عايزاه اول حاجه يحبني ويقدرني صح
ويكون في ما بنا تفاهم لان دي اهم حاجه لاستمرار الحب دول العوامل الرئيسيه نيجي بقى للعوامل الفرعيه واللي بردو مهمه بالنسبالي
يكون شكلو حلو يعني مش اصحى من النوم الاقي واحد جمبي شبه اسمعايل يس كده هقرف ابص عليه واكلمه
ويكون اسمو حلو بردو يعني مش احب واحد ويكون بيحبني اوي ويطلع في الاخر اسمو حسنين مثلا ولا اسم يخوف
اممممممممم مستواه المادي يكون كويس عشان مش يقرفني في حياتي بعد كده ويقولي على كل حاجه لا لا لا
انا برجع واقول اهو دي عوامل فرعيه
مش رئيسيه ........


ها اخد كام من عشره يا ميس :d

بنت اسكندرانية يقول...

وحشاننيييييييييييييي ياضدياضد ياضد لسة زي ماانتي اغيب اغبي وارجع الاقيكي كدة الطف بينا يارب
بصي بئا من موقعي هذا احب اقوللك اني انا في مشكلةةةةةةةةةةةةةة
كبيرة قلت احوش الحب لراجل اللي اتخطبلة واتجوزة جيت احب خطيبي رفض هههههههههههههههههههههه قالي عيب يافتاكات ميصحش

لا بجد انا بحبة وبحاول اتصرف كدة وهو بيفكر في شغلة وماديات والحياة والجواز وسنة الحياة طب والحب ياراجللللللللل حب لية طريقة ومفاهيم ومعايير تانية بنسبالةةةةةةةةةةةةةةةةة
يئما اتجنن يئما اسيبة
يئما ارجع لتدوين تاني
لو عرفتم الاجابة اتصل علي زيرو تسمعية

جريدة الصباح العربي يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/groups.php?ref=sb#/group.php?gid=78080770039
انتهينا من مسابقة العدد الاول ونحتاج كميات أكثر من القصص لباقي الاعداد
العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
المسابقة ستكون دورية نريد أن نظهر أكبر عدد من الأدباء الشباب الى النور
تحياتي للجميع

شبــ اون لاين ـــاب يقول...

السلام عليكم ورحمة الله وبركاته

رائ رائ رائ انا

انا والله لسه صغير على الكلام ده

ادعيلى لما اكبر ابقى اعرف الاجابه

هههههههههه

فى رعايه الله

joker

Sweet Violet يقول...

lonely girl
--------------
بجد عجبنى ردك و تفكيرك العقلانى

و ارجو فعلا ان يكون تفكير جميع بنات حوا بالشكل ده v_v

لا طولتى ولا حاجة ياقمر المدونة مدونتك

^_^

Sweet Violet يقول...

EMMY BABY
-------------
ايمى الجميلة

حمدلله على السلامة ياقمر

وبجد معترفة انى فعلا مقصرة فى حقك و بعتذر كتيييير على التقصير ده

انتى اللى ليك وحشة ياقمر ^_^

يااااااااااااارب يظهر قريب و افرح فيك بقى

^_^

Sweet Violet يقول...

أحمـــــــــــــد أبو العلا
---------------
هههههههههههههههههههههههه

شرير انت يعنى مش بس تقفل الباب لا و كمان تشربها ميه مالحة

بس الصراحة هيكون فعلا حقك

^_^

Sweet Violet يقول...

وردتي الجميلة
--------------------
عليكم السلام و رحمة الله و بركاته

معاك فى الموقف الاول

لكن فى الموقف التانى الشخصية الضعيفة تفضل ان تعيش تابعة على انها تكون قيادية

فبالتالى اعتقد مافيش احساس بالقهر هنا .. لكن فى نوع من الرخامة الصراحة ((:

فعلا عرفتك انك بجد بنت مصرية جدعة و جميلة فعلا و دى بجد مش مجاملة

وجعتينى ياورد v_v

بس على فكرة انتى صح .. واللى بيقول ان الحب حقل تجارب واحد يروح يجى التانى

دول اخدين قدوتهم فى الحياة محمد منير "انا قلبى مساكن شعبية "

ياشيخه بلا هم انا لما بقابل حد كده بجد بتشل ببقى عايزة اولع فيه اصلا ((:

ياقمر لو مش اتكلمتى عندك اختك الكبيرة "هه خدى بالك الكبيرة" هتتكلمى عند مين

ربنا يريح قلبك ياجميلة انتى

اممممممممممممممممموة

بحبك يااجمل وردة

^_^

Sweet Violet يقول...

أبو العريف
--------------
ههههههههههههههههههههه

لا طبعا ماكنش لازم تنجح وهو المفروض اصلا يديها درس و يعالجها

لان اللى بتفكر كده بتكون غير سوية بالمرة

^_^

Sweet Violet يقول...

kmt
-------------
عليكم السلام و رحمة الله و بركاته

معاك طبعا ان ده تفكير سطحى جدااا

لانها حياة مشتركة بين اتنين فى كل حاجة

ولا هى حرب ولا هى صفقة

^^^^

ههههههههههههههههههههههههههههه

و مااكتر المسهوكين فى الزمن ده ^_^

احب اطمنك ان النوع ده فعلا قرب ينقرض
زى ماقولت لديالا

فاتصرفوا بقى ياجدعان .. عايزة افرح فيكوا بقى ((:

^^^^
ولايهمك ياقمر

بس يعنى تعليقات المدونين كانت عجباك كلها ؟؟

ده فى مدونين شوية شوية كانوا هيقولوا البنات البنات اوحش الكائنات

v_v

بس بس بلاش تفكرينى بالمناقشة اللى كانت فى البوست اللى فات

Sweet Violet يقول...

nona
-----------
عليكم السلام و رحمة الله و بركاته

الحمدلله ياجميل

وحشاك ايه بقى .. ماهو انتى و محاسن خلااااااااااااااااااص هجرته الجمهورية دى و بقيتو هناك

^_^

انا بقى مش اكره فى حياتى غير الراجل اللى بيتصنع الشخصية وهو عكس كده اصلا

و طبعا مافيش مرأة تحب تكون الراجل و الست فى البيت

الا الشخصيات غريبة التفكير

^_^

Sweet Violet يقول...

شمووووووووووووووسة
------------------
ههههههههههههههههههه ايوة ايوة شوفتينى و انا شريرة ^_^

لالالا هى من الواضح هتكون زى المرة اللى فاتت

بس اهو كويس انك كلمتنى المطافى اهو توفير فى الميه ((:

اعتقد اللى بيفكرو كده ياشموستى مش بيبقى تفكيرهم فى الاولاد اصلا

لان الانانية واخده حقها معاهم

v_v

Sweet Violet يقول...

mohamed ghalia
----------------
ههههههههههههههههههههههه

لالالالا انت عايز تجبها فيا ولا ايه

لا ياعم زحلقها بميه تانية بقى غير الميه بتاعتى ده ايه الظلم ده ^_^

ايوة ليه كلمة .. لكن بردو لازم يكون متفاهم مش كلمة على فاضي

و على رأى القائل "الراجل مش بس بكلمته الراجل برعايته لبيته واسرته"

^_^

Sweet Violet يقول...

كيمو
----------
يااما هتسيبه يااما هتعكنن عليه حياته

ولا انا موافقة عليها على فكرة لكن هى نماذج موجودة و للأسف بكثره

):

Sweet Violet يقول...

الازهرى
-------------
أكيد طبعا مش هيكون بنفس القوة

و زى ماانت قولت للأسف الكل عارف الاساس لكن بيتجاهله

حمدلله على السلامة

^_^

Sweet Violet يقول...

آيوشة
-----------
كلامك صح طبعا .. و اتفق معاه قلبا و قالبا

^_^

Sweet Violet يقول...

مصعب صلاح
********
عليكم السلام و رحمة الله و بركاته

هو فعلا مش معضلة لكن البعض جعله كذلك

v_v

Sweet Violet يقول...

منوووووووووووووووووووووش
----------------------
كل مرة بتثبتى اننا فعلا تؤام ^_^

بس فى حاجة المهاودة شئ و ضعف الشخصية شئ تانى

هى عايزة اللى تتحكم فيه يعنى داخله حرب مش جواز

^_^

انا مش بغيب ده انا نزلت البوست قبل مايعدى شهر اهو

انجااااااااااااااااااااااااااااااز

((:

Sweet Violet يقول...

مامة مازن
-------------
المعاملة الطيبة والاحترام والمودة والرحمة هما اساس النجاح فى الزواج

اتفق معاك جداااااااا

الكل عارف ان الدين وضع اساس فعلا للاختيار

لكن فى الواقع الكل يتجاهل الاختيار ده

v_v

Sweet Violet يقول...

أثمن من اللآلئ
-----------------
مصيده !!!!!!!!! ليه كده ؟؟؟

اولا ده اسمه حب مصالح وهو ده تفكير البنت اللى كده

لا هو مش عبيط لكن مش هننكر ان كتييييير بارع فى التمثيل و من الصعب كشفه ... ده المقصود

هرجع اقول ان هنا اكيد مابيكونش حب حقيقى هو حب مصالح فقط لاغير .. انانية .. لكن مش هينفع اقول عليه حب حقيقى ابدا

الصراحة البوستين ولا اروع و فعلا هو ده الحب

لكن فى الواقع من النادر تقابل الحب ده للأسف

v_v

لا بجد اجابتك على السؤال صح فعلا

^_^

Sweet Violet يقول...

محااااااااااااااااااااااااااااااسن
------------------------

اعتراااااااااااااااااااااااااااااااااااااااااااااااف رسمى اهو
اسمع حد يقول تانى خطيبى هقتلك انتى يامحاسن ههههههههههههههههههههه

الاختيار لازم بردو ياسنسن هيدخل فيه الماديات علشان نكون واقعين لكن مش هتكون طبعا هى المحور الاساسى

^_^

Sweet Violet يقول...

MR.PRESIDENT
------------------
اكيد طبعا لازم يكون فى تفاهم وتعاون مابينهم لانها مش حرب

ولايهمك بس المهم مش تتاخر يعنى بين الفترات

^_^

Sweet Violet يقول...

احنا
---------
التفوض شئ و ده علشان يريح دماغه

و انه يكون ضعيف الشخصية شئ تانى

Sweet Violet يقول...

كاتب مصرى
-------------
ثبت بالدراسة على فكرة ان المرأة اى نعم عاطفية الا انها اكثر واقعية من الرجل !!!!

اى انسان معرض انه يخطأ مافيش حد كامل يبقى طاعة اى مخلوق معلش بقى فى كل الامور مشكلة

غير ان لو اتكلمنا بردو فى الواقع ففى نساء افضل من رجال كثير فى رجاحة العقل

يبقى التعميم هيكون غلط فى الحالة دى ^_^

^^^^
طيب نكمل باقى الآية ...

"زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث، ذلك متاع الحياة الدنيا، والله عنده حسن المآب"

يعنى هنا ماكنش المقصود النساء فقط .. يبقى ماينفعش اخص النساء بس ان لولاهم لدخلوا الجنة

و طبعا انا بتكلم عن انهم اقوال لان بردو العقل رافض يقتنع انهم احاديث عن الرسول

^^^^
ماانا قولت ان المسالة فعلا مش ينفع تتاخد كده

لو كانت الرجال النصف الثانى لكانت النساء هى القوامات على الرجال !!!!

هو مفهوم القوامة ايه بالظبط ؟؟؟؟

و كمان مين هيحدد النصف الاول و التانى ؟؟؟

عندك برتقالة قسمتها نصفين ممكن تقولى اى نصف فيهم الاول و اى التانى ؟؟؟

الرجل و المراة نصفين يكمل بعضهم البعض فقط لاغير

و كمان هو انا اللى قولت الاول و التانى ههههههههههههههههه

مش انت اللى قولت .. مش معاملة دى على فكرة خالص

^_^

^^^^^^^^^^
انا وضحتلك وجهة نظرى فى موضوع الاهانة

عموما هنتظر التأكد (:

و اكييييييييييييد هروح اشوف البوست

^_^

غير معرف يقول...

بالنسبة للموقف الأول...

الواحدة المفروض تاخد اللى عارف ربنا...مش اللى جيبه مليان...أنا مش حتجوز بنك أنا حتجوز واحد حيكون معايا فى باقى حياتى يعنى المفروض يكون فى اسس للإختيار


بالنسبة للموقف التانى...

طبعا معاكى حق لأنك لازم تحسى ان معاكى راجل تقدرى ترجعيله فى كل صغيرة و كبيرة مش العكس


بالنسبة للى أنا عايزاه...

حكتفى بالدعاء ده

اللهم ارزقنى زوجا صالحا من نفسى يعيننى على أمور دينى و دنياى و يكون رفيقى فى الفردوس الأعلى

elsha3er يقول...

السلام عليكم

انا جيت كدة اسلم بس الظاهر انى فايتنى حاجات كتير المهم اتمنى انك تكونى بخير وان شاء الله حتابع معاكم


تحياتى



احمد الشاعر

dr_samarmar يقول...

ايه رأيكم فى الموقفين دول ؟؟

بالنسبة لأول موقف فأحب أقول انه غلط تماما و مش من مبادئى بجد و مش هزار..خااااالص ماينفعش الأولوية تكون للجيب..بس دا مايمنعش ان اجيب مهم..و مهم جدا جدا...بس فيه الأهم :)

الموقف التانى كمان غايظنى اوى..هو فى حاجة احلى من ان الزمام تكون فى ايد الراجل و ف نفس الوقت كون بيحبها و عايز يرضيها..انما هى تتحكم بقوة شخصيتها..لأ ناقص تركب شنب كمان..أعترض :)

السؤال للبنات
ايه هى المواصفات اللى عايزاها فى شريك حياتك ؟؟

يتقى الله فيااااااااا

الجملة دى فيها كل اللى بتمناه و هيسعدنى ان شاء الله :)





ودمتم سالمين

Soul.o0o.Whisper يقول...

السلام عليكم و رحمة الله و بركاته

ضدددددددددد

بصى يا ضد .. أنا قلت أعلق قبل مافصل منك و انتى عارفة

بصى يا ستى
أنا مش هأعلق على البوست اللى فات

لأنى مقتنعة ان مفيش اتنين زى بعض
و اهم شئ عندى ان الانسان اللى ارتبط بيه افهم شخصيته كويس و يفهم شحصيتى كويس

دا مبدئيا
ماشى

بالنسبة بئا لصحباتك
فكل شخص فينا بيختار مقومات الشخص اللى يكمل معاه حياته على حسب ماتربى و شاف
يعنى هى شايفة ان الحياة مقومها الاساسى الفلوس
فخلاص انسان زير فلوس
تشرب وهى مستريحة

لكن لازم تعرف ان مش كل الناس زيها

و انا برأيى عشاننختار صح
تبئا المقومات اللى اتربينا عليها صح

و رسول الله صل الله عليه و سلم حط لنا المقومات للاختيار
فقال
إذا جائكم من ترضون دينه و خلقه فزوجوه

يعنى دا الاساس اللى يتبنى عليه البيت
بس البيت مابيبئاش اساس بس
فيه طوب
فيه محارة
فيه كهربا و ميه
فى دهانات

فلازم نبص بردوا لكل دا
اصل ساعات بردوا بنفهم الكلام غلط
و نرجع نرمى باللوم على غيرنا
ماشى؟؟

...............

بالنسبة بئا للسؤال الخاص بالبنات
ياربىىىىىىىىىىىىىىىىىىى يا ضد
انتى عاوزانى اقعد احط الاساس و اقولك طوبة طوبة
و سلوك الكهربا و مواسير المية و و و و


لالالالا ... دا مواااااااااااال طوييييييييييييييييييييل اوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

باختصار انا عاوزة واحد نسخة طبق الاصل من الرسول صلى الله عليه و سلم
بس عايش عصرنا دا

هارجع تانى باذن الله
اقولك بئا الشباب اللى شفتهم قعدت معاهم كانوا عاوزين شريكة حياتهم عاملة ازاى

هو انا اتعقدت من قليل ^_^


سلام يا جميل

Unknown يقول...

السلام عليكم
صباح الخير ازيك يا ضد
أقولك حاجة
انا مش جاي النهاردة عشان أثبتلك صحة الحديث أو انفيلك صحته لإنه الصراحة معرفتش أوثل لسنده ومدورتش عليه كتير .. أنا جي عشان أقر برأيك وكلامك وع العين والراس رأيك وىمنا وصدقنا بيه
شوفي أنا لا يمكن في يوم أتعرض للأنثى بإهانة ولو كانت صغيرة قد السمسمة .. مهما كان .. وياستي أنا معاكي على طول الخط بس مش معنى كده تجرحي في الرجالة لا .. نو ابسلوتلي..
المهم انا مش بقول كده عشان أقفل النقاش لا بالعكس النقاش معاكي له رونق خاص ومتعة لذيذة بس لإني بجد لا يمكن اكون سبب في تحقير المراة أو اهانتها مهما كان ولإني مقتنع بكلامك ورأيك
وزي مكا انتي قولتي البرتقالة والنصين بتوعها أنهو الاول والتاني كلاهما نصفا البرتقالة واحنا كلانا نصف المجتمع بدون تحديد للاول والتاني ولو انكم على راسي من فوق والله
أقولك صباح الخير للمرة التانية
وابسطي يا ستي انتصرتي عليا
انت الي انتصرتي مش جمعية المراة المتوحشة لإني مش بحب العبارة دي ولا أفضل ان المراة تكون متوحشة ..لإنه مينفش القطة تبقى أسد
الانثى أجمل ما فيها أن تكون أنثى دائما وفي كل شيء
سلام

حياه بلا عنوان يقول...

بصراحه البوست فيه كتير من الواقع فعلا وسؤالك كمان جميل جدا وبصراحه هجاوب عليه بس مش عارفه هيعجبكم ولا لا بس ده اللى انا بفكر فيه فى الشخص اللى هيكون كل حياتى انا بفكر فى شريك حياتى يكون محترم وكويس وعارف ربنا كويس مش معنا انو عارف ربنا يكون ملتحى لا يكون عارف ربنا كويس بس مش ملتحى ويقدرنى ويحبنى زى ماانا هقدرو وهحترمو طبعا ويكون صريح معايا وميخبيش عليا اى حاجه ونكون مع بعض على الحلو والوحش واهم حاجه ميكونش عنيه زيغه ويكون ميسور الحال لا غنى قوى ولا فقير قوى يعنى فى الوسط لان المال مش كل حاجه ومش هقول حلو قوى لا لان الشكل مش كل حاجه بس يكون مقبول بس دى كل موصفات الشخص اللى بحلم بيه بشكرك على البوست الجميل تحياتى

حلم بيعافر يقول...

اللى بتفكر بالطريقة دى صح
والله صح
الزمن ده مفيهوش غير الفلوس
اى حاجة تانية ملهاش اعتبار

*البت المشمشية *حلوة بس شقية * يقول...

جيت اسللم
واقولك وحشانى بس
لانى مفهمتش حاجة
ههههههههههههههههه

موناليزا يقول...

عايزاه يتقى ربنا فيا

رؤية يقول...

بصى ياستى
فى نوع من التناغم بيحصل بين الفردين وتلقائى بيحسوا انهم مناسبين لبعض .. يعنى بيبقى ارتياح نفسى... وممكن جدا الصفات المطلوبة تلاى منها مش موجود.. لكن سبحان الله...
سيبك من الكيميا والنظرات ودقات القلوب...
وخلينا فى النقاط العملية
يكون شخص ذو خلق ودين وطموح
وبس كدا من وجهة نظرى
وخلى بالك ان كل كلمة من التلاتة يندرج تحتها اشيائ كتيرة
وخاصة خاصة خاصة الخلق
وكفاية كدا

^_^

تحياتى

aMr saYed يقول...

بجد ما شاء الله بوست جميل وكويس لو فاكرة تعليقك عندي انا فعلا كنت باخد راحة كده لاني حسيت وجاتلي فترة ان ه ميبقاش ليا دافع للكتابة حالة ملل زهق حسيت اني لو كتبت ساعتها هبقى اكني موظف فاتوقفت عشان الامتحانات و الحالة ديه
======================
البوست بتاعك بيتكلم طبعا عن القضية الازية بين الراجل والولية وكلامي هو مجرد وجه نظر ليا

لو لقيت واحدة تفكرها مادي هيبقى عندي قناعة شخصية 100% انها لو قابلت شخص اكثر مني ثراء و غنى هتسبني وتروحه وديه طبعا واحدة مينفعش اضمنها و امنها على اسمي طبعا فهماني
====
اما لو لقيت واحدة مسيطرة عليا ده طبعا الغاء لشخصيتي وكده اكننا عايشين احنا الاتنين ستات وطبعا ده مينفعش مع واحد زي كده
====
اما عن فتاة احلامي انا عمري ما حطيت مواصفات للبنت الي هتجوزها لاني مش هتجوز مكنة ومفيش ست كاملة زي ما هو مفيش راجل كامل يعني
i dont need perfect woman cuz amnt perfect man

لازم تبقى متدينة متربية كويس بنت ناس عندهم اصل يعني ( اصل ولاد الناس بقم بفلوسهم ) من الاخر تقدر تحافظ عليا في غيابي وامنها على اسمي وتربي العيال كويس وتكون ست بيت وشطورة وليها في شوية حركات كده من بتوع البنات دول بس انا عمري ما غصبتها على حاجة

كفاية كده صباح الغري

Darsh Basha يقول...

صباح الفل
اولا بعتذر على التأخير خالص
وبالنسبة للرش الماية فانا حران وعايز حد يرش ماية..فلو فية سوية سقعانين يبقى تمام اوى

اما بالنسبة لواحدة بتبص لفلوس...دا اكيد ..متنفعش خالص...مش هتعرف جوزها غير ساعة الماديات فقط ..ولو افتقروا ولا حاجة..فهيكون السبب بتاعها راح ..فهيضيع البيت ..فمينفعش ابص للواحدة عايزة تعيش مع واحد حياة كاملة علشان فلوسة ..فالفلوس بتروح وتيجى ..

بعض الحموات الوقتى تحبب بنتها فى موضوع السيطرة دة...ودى مش من فطرة المرأة ..وبالذات حكاية القطة المنتشرة فى مجتمعنا دة...مين يدبح القطة للتانى؟؟..فالمرأة تحب ان يكون الرجل هو المسيطر..ولو مكانش كدة ..هينزل من نظرها خالص.

وبعتذر تانى عن التاخير

Unknown يقول...

السلام عليكم ورحمة الله وبركاته
ازيكم ازيكم انا جاية اعلق عندكم
اولا البوست ده جميل والموقفين موجودين فى الحياة يعنى بتحصل فى ارقى العائلات
بس انا بقى كرهت كلمه خدى بالك من جيبه هو ده اللى يعيشك

وقال على رأى المثل
يا واخد القرد على ماله يروح المال ويفضل القرد على حاله

وانا اكره السيطره جدا على الرجل يعنى اللى هيبقى جوزى
طبعا مينفعش انا عايزه احس انى انثى
مش واحد صاحبه فى البيت

سيطرة ايه بس دنا لو سيطرت عليه مش هأمنه يكون اب لعيالى طبعا

مهو الراجل زى ما بينقى الست اللى تكون امينه على تربية اطفاله
وتكون على قدر من قوة الشخصيه اللى تأهلها تكون أم
البنت برضه بتدور على الراجل ذو الشخصية القوية بلا طغيان يعنى


قال سيطره قال
هو احنا داخلين احتلال

نرجع بقا لمواصفات الشخص اللى اتمنى اعيش معاه باقية حياتى

اولا : الدين
لأنه لو متدين .. هيتقى الله فيا
مش هيضيع ماله فى حرام
هيربى ولاده عالفضيله

ثانيا : الحب ثم الحب ثم الحب
فكرت كذا مره اقبل اى شخص من اللى اتقدمولى على الوسامه مثلا واهو بكره يا بت تحبيه
منا برضه مقتنعه ان الحب بييجى بعد الجواز سورى بقا انا دماغى كده

بس بصراحه مش هيبقى جواز رسمى الا بعد ما احبه محدش يفهمنى غلط

انا مش متخيله نفسى ابدا مع شخص مش بحبه ورغم انى لا اعيش بحياتى قصة حب الا انى برضه ان شاء الله هستنى الحب هييجى وقته

لأنى دماغى جزمه جدا فى المشاعر والرومانسيات وكفاية فى الحب كده عشان هبتدى اتكسف

ثالثا : ويمكن اخيرا الشكل
يعنى مش يكون دميم
عشان تحسين النسل
يكون معقول
والحمد لله على كل حال
ربنا كاتب لكل واحد نصيبه
نتقى الله ولو بعد ميت سنه اللى مكتوبلها حاجه هتشوفها

وقبل ده كله
انا مش هلاقى خير قدوة اسمع لكلامه وانتهج منهاجه
مثل النبى صلى الله عليه وسلم
عندما قال :( ان جاءكم من ترضون دينه وخلقه فزوجوه ) ووالله احساسى بنفسى انى يوم ما احب فعلا احب المتدين الخلوق .. حيث الحب

رابعا بقا : الايجابيه وسرعة الحركه
يعنى مش يعد فى البيت مستنى الوظيفه
ولا المرتب
لا عايزه بنى ادم طموح عارف هدفه يسعى للوسائل ليصل الى الاهداف
نكون ايد واحده تبنى جيل من اسره ربما لن تكون الاغنى ولكن تكون الافضل

خامسا : ميكونش دكتور ولا محامى ولا مدرس ولا ظابط حربيه
اى وظيفه تانيه
مواااااافقه بالثلث
لو سألتونى ليه هقولكم عشان الوظايف اللى ذكرتها فوق بيقضوا معظم وقتهم بره
لكن باقى الوظائف تقريبا متوسط وجودهم فى البيت 10:12 ساعه
وده كويس فى حد ذاته
وربنا يستر

اللهم اكفنا بحلالك عن حرامك واغننا بفضلك عمن سواك

آمين يا رب العرش العظيم
تسلم ايدك عالبوست

المعتصم يقول...

سويت هانم
اختنا الصغنونه
خير
مختفيه بعيد عن المدونة ليه ؟؟؟؟
صحيح منتشرة فى المدونات التانيه وماليه الدنيا تعليقات
بس برضو مدونتك ليها حق عليكى ولا ايه ؟؟؟؟؟؟؟؟؟؟؟؟
ايه ؟ مستغربه ليه ؟؟
اه انا اللى بقول كده
اييييييه ؟؟؟؟؟؟؟؟؟؟؟؟؟؟؟؟؟
اه شويه عقل جولى كده فجأة
هههههههههههههههههه
يارب تكونى بخير وفى احسن صحه واحسن احوال
ابقى طمنينا عليكى
ســــــــــــــــــــلام

أم فريده يقول...

خديها بقى نصيحة منى

الوسطية حلوة يعنى ليكون العريس اخر سيطرة ولا فى الطراوة

انا بقى هقولك على موقفين باختصار وانتى شوفي رايك اية

الاول

اخو صاحبة القصة اللى انا كتباها
اللى مراتة اتهببت وعملت اللى عملته
دة بقى يا ستى مفيش شخصية
ومراته بتهزأة


التانى

صحبتى لسة سايبة خطيبها عشان كدة

كانت مضيقة جدا لانه مغعدوش شخصية
لدرجة انه وصل بيها الحال انه بيتصل بيها وهى مش بترد ولما بيسألها انتى مش بتردى لية
قالتلة انا كنت بتفرج على فيلم فى التليفزيون
عادى وهى عارفة انه على الموبيل لمدة 4 ساعات بيتصل بيها
لو واحد عندة دم كان غضب على الاقل لكن
دة كان عادى وسالها على اسم الفيلم
وحاجات من دى كتير
ودة طبعا مش عشان يتقى المشاكل
لا طبعا
لان حتى مالوش راى فى اختيار الموبيليا اللى كانوا بيختارواها
كل حاجة اللى يعجبك هو كدة مع كل الناس مش هى بس
كانت قالت عاااا
مادام شخصيتة قوية مع كل الناس وانا بيعمل كدة عشان بيحبنى الا هو كدة حتى مع اصحابة لا شخصية ولا راى
طب دة ينفع

تحياتى

لاسع افندى يقول...

الانسان او الانسانه الذى يقيم الناس حسب قدراتهم الماديه هو انسان سطحى جدا



تحياتى

حاول تفتكرنى يقول...

ليس هكذا يقاس الزواج ولا بهذا الشكل يكون

الزواج فى كل الاحوال نوعين ، أنا هدف فى حد ذاته وفيه لا يتم النظر إلى أى معطيات ، وأما أن يكون نتيجة لشىء بين طرفين فلا يخضع لقوانين العقل والمنطق

في النهاية يستمر الزواج بمعطيات جديدة تتغير وتتبدل وتتداول عليها الأحوال كتداول الليل والنهار بأشكال ومقاييس متباينة ولكنها فى النهاية مختلفة كل الاختلاف عن معطياته قبل الزواج

يبقى شىء اخير

قرار الاختيار

تحياتي

Kiara يقول...

فتي احلامي

انسان بمعني انسان

عارف ربه وبيخافه ويراعيه

طيب وحنون

مثقف - فطن

Sweet Violet يقول...

الكحيان
----------
الواقعية ان الزواج تبادل منافع و مصلحة !!!!!!

عموما وجهة نظرك لها احترامها حتى لو مختلفة معاها

^_^

Sweet Violet يقول...

محاولة لكسر الصمت
--------------

اسأل الله ان يرزقك زوجا صالحا وذرية صالحة

^_^

Sweet Violet يقول...

aidy
-------
اوبااااااااااااااااااااااااا

يعنى انا لو مش رجعتك كنتى مش هتجاوبى

امممممممممم من الواضح ان الواحد محتاج يعيد النظر تانى
^_^

ان شاء الله تقابلى فارس احلامك
بس هى ايه بقى الحاجات هه
^_^

Sweet Violet يقول...

المعتصم
-------------
اخويا الكبير

يعنى هو الواحد ينزل نقاش تقول مش رايق
الواحد ينزل مشاهد تقول كنت داخل للنقاش

اعمل اييييييييييييييييييه بس .. غلبتنى معاك

و كمان مش مهم اختك الصغنن تكون عارفة الرأى
المهم ان اخويا الكبير يقول رايه للجميع علشان يعرفوه
"ايه رأيك فى الكلمتين دول "
^_^

و طبعا انا قولتلك على الاختفاء مع انى ظهرت اهو خلاص
و كمان اخويا طول عمره عاقل
"انت مش ملاحظ ان التعليق ده فيه حاجة غريبة؟"
^_^

Sweet Violet يقول...

marmar
-----------
امممممممممم
انت عايزة واحد تفصيل يابنتى P:

لالالالالا لما نشوفه الاول نبقى نحدد الدرجة
ايوة امال ايه يعنى ... هى الدرجة ببلاش ولا ايه
^_^

Sweet Violet يقول...

بنت اسكندرانية
-----------------
حبيبة قلبى ازيييييييييييييييك
انتى اللى وحشانى موت على فكرة
كنت بحاول اكلمك ياهانم و التليفون على طول مش مجمع
اممممممم لما اشوفك بس .. ده انتى هتشوفى ايام
^_^

اممممممم لا ارجعى للتدوين و بلاش الجنان و لا انك تسيبه
هو من الواضح انه عملى شوية عادى .. احسن مايكون العكس صدقينى هتتعبى اكتر
v_v

يارب تظهرى بقى على الاقل نطمن عليك
^_^

Sweet Violet يقول...

جريدة الصباح العربي
-----------
ربنا يوفق الجميع
^_^

Sweet Violet يقول...

جوكر
---------
عليكم السلام و رحمة الله و بركاته

هههههههههههههههههههههههه

اجمد رأى فى الموضوع كله تخيل
^_^

بقى تغيب تغيب و ترجع تقولى الرأى غير متاح حاليا نرجو اعادة المحاولة بعد كام سنة
P:

Sweet Violet يقول...

انا ودماغي
-----------------
اللهم امين

ربنا يرزقك باللي تتمنيه
^_^

Sweet Violet يقول...

elsha3er
----------
عليكم السلام و رحمة الله و بركاته

حمدلله على السلامة

^_^

Sweet Violet يقول...

dr_samarmar
---------------
ههههههههههههههههههههههه فعلا هو ده اللى ناقص
^_^

ان شاء الله ياقمر ربنا يرزقك بالزوج الصالح
^_^

Sweet Violet يقول...

سووووووووووووووووووووول
---------------
عليكم السلام و رحمة الله و بركاته

اتفق مع كلامك جداااا

بس يعنى هسألك تانى

انتى ناوية يعنى ولا ايه ؟؟
اظن بردو لأ
^_^

هههههههههههههههههه الله يكون فى عونك
وهنتظر عودتك لتعقيدنا احنا كمان
^_^

Sweet Violet يقول...

كاتب مصري
----------------
عليكم السلام و رحمة الله و بركاته

مساء الخير بقى "حسب التوقيت الحالى"

ياابراهيم احنا فى حرب علشان انتصر ده نقاااااش يعنى مافيش ما بينا الكلام ده
و كمان اشمعنا يعنى الرجالة اوقات بيجرحوا فى المرأة هه
مابلاش عنصرية بقى

وطبعا انا عارفة و مدونتك تشهدلك انك فعلا مش ضد المرأة ولا عمرك اهانتها فى اى بوست
^_^

Sweet Violet يقول...

حياه بلا عنوان
--------------
ان شاء الله ربنا يجمعك بيه
^_^

Sweet Violet يقول...

حلم بيعافر
------------
فعلا !!!!!!!

احترم وجهة نظرك رغم اختلافي معاك
^_^

Sweet Violet يقول...

*البت المشمشية *حلوة بس شقية *
------------------
المهم انك نورتى
^_^

Sweet Violet يقول...

موناليزا
------------
ربنا يرزقك بالزوج الصالح
^_^

Sweet Violet يقول...

رؤية
-----------
ربنا يجمعك بيه يارب
^_^

Sweet Violet يقول...

aMr tA3LaB
--------------
المهم انك رجعت تانى من جديد
حمدلله على السلامة
ويارب الحالة تكون انتهت
^_^

تخيل فعلا معاك حق لما وضحت كلمة بنت ناس
لان للأسف كل حاجة اصلا بقت تتقيم بالمادة فقط
v_v

ربنا يرزقك بفتاة احلامك
^_^

Sweet Violet يقول...

mosooz
-------------
مساء الانوار "حسب التوقيت"

اممممم يعنى الواحد مش يعرف يهدد فى الصيف ده برش الميه
خلاص نخليها فى الشتا بقىv_v

ربنا يهدى الحموات اللى كده بجد ..لانهم بالطريقة دى بيهدوا بيت بنتهم بايدهم
v_v

Sweet Violet يقول...

اسماء جمعه بنت الشمس
--------------
عليكم السلام و رحمة الله و بركاته

اللهم امين

عجبنى قوى تحديد الوظيفة ^_^
بس هو اشمعنا يعنى
10:12 يعنى مش ينفع 10:15
^_^

ربنا يرزقك بالزوج الصالح ان شاء الله

Sweet Violet يقول...

حبيبه سى السيد
----------------
اولا حمدلله على السلامة ياقمر
نورتى بلوجر من جديد
^_^

الصراحة موقفين يحرقوا الدم

تصرف صحبتك فى الموقف التانى صح جدااا

اما بقى الموقف الاول اعتقد انها انسانة اصلا غير سوية
لان حتى لو هو ضعيف الشخصية فى حاجة اسمها اخلاق المفروض تكون عندها

v_v

Sweet Violet يقول...

لاسع افندى
---------------
اكيييييييد
^_^

Sweet Violet يقول...

حاول تفتكرنى
----------------
واعتقد فى كلا النوعين هنكون خرجنا عن المفهوم الصح للزواج
^_^

Sweet Violet يقول...

كيــــــــــــارا
--------------
حمدلله على السلامة
^_^

ربنا يرزقك بفتى احلامك يارب
^_^

E73 يقول...

1- طبعا الموقفين دول هما اللي مش طبيعيين أبدًا لكل قاعدة شواذ لكن مش لازم نبني القاعدة على الشواذ ولكن تبنى على الأغلبية "انا عمري ما شفت بنت بتفكر كدة اللهم احفظنا"

2- أولا انه يكون متدين قوي ويكون بيحبني "مش شرط قبل الارتباط يكون حبني لكن على الاقل بعده"
نكون متفاهمين
احس بالامان معاه
يكون راجل بكل ما تعنيه الكلمة من معنى وليس مجرد هيئة