Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الأحد، 9 أغسطس 2009

مراسم العزاء و 6 فوائد للأحياء

اولا بعتذر عن عدم متابعتي الفترة اللي فاتت و غيابي المفاجئ

ودا لان خالي توفاه الله ربنا برحمه برحمته و يدخله فسيح جناته

 بشكر كل الي سأل عني و اللي جيت علي باله بالخير و لو للحظة

بشكر اللي عزاني في التليفون و الميل و اللي جه البيت 

ــــــــــــــــــــــــــــ

زمان كنا بنشوف فى الافلام لما حد يموت و الناس تروح تعزى فيه

بيكونوا قاعدين منهم اللى بيستمع للقرآن و ساكت و منهم اللى بيصبر الاهل و يدعى للميت ..

مش بس كنا بنشوف لا احنا كمان اتربينا على كده اننا نراعى مشاعر اهل المتوفى و نحاول نصبرهم و لو مش عارفين نقول ايه يبقى نكتفى بالاستماع للقرآن و الدعاء ليه و ليهم ..

اتربينا انه اصعب حدث ممكن يمر بيه الانسان هو الحدث ده .. و اتربينا ان الموقف ده ليه احترامه وقدسيته .. لكن مش كل حاجة اتربينا عليها او شفناها فى الافلام بتمثل الواقع !!

و كما قال المتنبى مصائب قوم عند قوم فوائد .. فا هتكلم اليوم عن الست فوائد للأحياء فى مراسم العزاء الواقعية

1 - استخدام الحدث لتبرير الفعل

بعد رجوعى البيت اكتشفت ان فى اشخاص اخدوا حالة الوفاة اللى عندى تبرير لفعل ليهم .. مع ان اصلا من وقت ماعرفوا الخبر مش تواصلت معاهم إلا بعد مارجعت البيت يعنى كان عدى اربع ايام .. و للأسف الشديد ياريت كان تبرير لجلب استعطاف الناس مع انه بردو فعل مريض لكن ده كان تبرير للضحك على اشخاص اخرين !!!

2 - العزاء فرصة لإقامة مجلس نميمة

فى العزى تسمع اخبار الناس جميعا .. اللى سابت خاطبها و اللى اتجوزت و اللى اتطلقت و اللى ضرب مراته و اللى اتجوز عليها .. الخ

و ياريت الكلام بصوت غير مسموع لا ده بصوت مسموع و بوضوح !!!!

3 - العزاء فرصة لاستعادة الذكريات

دخلت واحدة و اول ماقعدت سألت هو مات ازاى ؟ اللى جنبها قالتلها غرق .. وهنا لقيتها بدأت فى سرد الذكريات .. ياحبيبى بردو اخو مرات عم جد جارنا مات غريق السنه اللى فاتت .. و ابن خال عم جوز عمت جوز اختى مات غريق من تلات شهور .. الخ

و ياريت هى بس لا شاركها اشخاص تانين .. لحد ماحسيت ان نص الشعب مات غريق !!

4 -  مجلس العزاء دار افتاء للواجب و الاصول

واحدة كانت واقفة جانبى اول لما لمحت احمد ابن خالو الله يرحمه بيكلم عمو مالت عليا وقالت لى : خالى احمد يغير هدومه و ينزل يقف مع اعمامه و ياخد عزى ابوه

سألتها ليه ده طفل حضرتك .. ردت عليا و قالتلى احمد ماشاء الله ذكى و هيفهم ده .. قولتلها بقولك طفل ده لسه طالع تانية ابتدائى .. قالت و هى مضايقة قوووى ده واجب و اصول !!!!

5 – مجلس العزاء فرصه لاستكتار الحياة على الاخرين

كنت قاعدة و اتنين قاعدين قدامى .. و فجأة ألاقى واحدة فيهم بتقول الدكتور مصطفى كان طيب و الله تصورى بيقولوا عمره ما اشتكى من حاجة ! ده ابوه و امه لسه عايشين .. سبحان الله السليم اللى عمره ما اشتكى من حاجة مات و التعبان عايش !!!!!

6 – فى مجلس العزاء فرصه لترك عنان الفضول و عدم مراعاة الشعور

مرات خالو غير صدمة موته إلا انها هى كمان شافت الموت بعنيها و كان اللى على لسانها مصطفى راح منى فى غمضة عين .. وهو بالفعل كده كان معاها و بيضحك و فى ثانية مابقاش موجود .. انهيارها كان واضح للجميع و كل ما احاول اسكتها شوية تيجى واحدة تعزيها و تقولها قلبى معاك هو غرق ازاى ياحبيبتى ؟!!!!

و هى تعيد المشهد و تنهار لحد ماجت تالت واحدة تسأل السؤال قولتلها مات وهو بيغطس مات على جنبه اليمين مات على الشمال فى الاخر غرق الطريقة هتفرق ؟

كان ردها فى منتهى الغرابه .. "انا بس كنت بطمن !!! "

هما دول الست فوائد اللى هنهيهم بكلمة قالها لى خالى " اللى مش يتعظ من الموت لا امل فيه "

بس الحق يقال .. الست فوائد دول شكلوا فايدة لشخصية كانت بتحاول تتماسك وتظهر القوة رغم انهيارها الداخلى و قدرت بسببهم تقف و تصبر الكل لدرجة ان ماحدش كان مصدق ان اللى مات ده كان من اقرب الناس ليها !!

ربنا يرحمه و يرحم جميع أموات المسلمين 

امين

و دمتم سالمين

هناك 110 تعليقات:

mahasen saber يقول...

ربنا يرحمه برحمته الواسعه يا شيكو

عارفه لو محصلش كده فى العزا متعرفيش انك فى مصر ووسط شعبك الحبيب وجيراانك

نفس الفضول والرغى وعدم مراعاة مشاعر اهل المتوفى موجود فى كل عزا

ربنا يرحمه برحمته الواسعه ويصبركوا جميعا

mahasen saber يقول...

عارفه اكتر شئ استغربتله الست اليى عايزه طفل ينزل ياخد عزا باباه

مش كفايه صدمة الولد وحرقة قلبه على ابوه

لا وعايزه تعرضه لصدمه اكبر من سنهكمان

ربنا يرحمنا برحمته الواسعه

رحلتنا في الحياة يقول...

ربنا يرحمه ويسكنه فسيح جناته اللهم امين يارب العالمين وربنا يصبركم كلكم يارب
ومعلش لازم العزاء يحصل فيه اسوء من كده لهم حق يقولوا فى بعض الحالات لا عزاء للسيدات اتذكر يوم وافة بابا الله يرحمه احنا مانعين اى حد يصرخ لقينا واحدة ولا نعرفها وطالعة على اللم وبتصرخ بشكل مستفز طبعا هى كانت بتجامل مش اكتر واختى يوميها فضلت تزهق وقالت اللى عايزة تصرخ تروح بيتها
وتلاقى كل واحدة شايفة ده فرصة لتذكر الموتى اللى عندها علشان تجدد الاحزان
ومن يوميها طلعت علينا كلام اننا مش مش زعلانين ولا الخزن مليانة على فراق بابا ليه علشان مش صراخنا فى الجنازة

ربنا يصبرك ياشيكو يارب

adel يقول...

الله يرحمه و صدقسنس معرفتش من حد :(
انا لسه عارف دلوقتي والله
الباقية في حياتك و ساكحيني علي عدم السؤال

و الحاجات اللي حكايتها شفتها بعيني في كذا عزا
بس مشكلتي مع العزا مش الناس الغريبة زي اللي عاوز الطفل ياخد العزا

......
مش هاقول المشكلة دلوقتي ...خليها بعدين بقي

الباقية في حياتك تاني و بجد سامحيني علي عدم السؤال مكنتش اعرف و محدش قالي :(

دعاء عويضه يقول...

البقاء لله و الله ما كنت اعرف ولا نهى ولا محاسن قالولي حاجه
انا بس كنت اعرف انك بتظبطي معاهم الراديو بس مش قالولي على حاجه زي دي و الله

وعلى فكرة كل اللي قولتيه عن العزا ده بيحصل عادي و بنشوفه

و في عزا الارياف بيحصل اكتر
ربنا يهديهم

و البقاء لله و ربنا يرحمه و يدخله فسيح جناته .... اللهم امين

عمرو يقول...

البقاء و الدوام لله وحده مالك الملك الحى القيوم ..
ربنا يرحمه و يدخله الجنه من أوسع أبوابها اٍن شاء الله ..
الحقيقه سمعت الخبر من فتره و ترددت كثيرا فى تقديم العزاء لأنك ما أعلنتيش عن الوفاه فظننت أنك مش عاوزه تعلنى عنها فى وقتها .. يعنى هكذا ظننت ..
تقبلى خالص عزائى و ندعو له بالرحمه ..

جــــوه القـــلـب يقول...

الله يرحمه ويدخله فسيح جناته .... بس مشكله العزاء دى باقت عاده الناس مش وراهم غير كده يجيبو فى سيرة الحوليهم وخلاص هى دى باقت حياتهم بس للاسف مش هنقدر نغير حاجه من تصروفاتهم....
rock....  

Hesham يقول...

اولا البقاء لله وتقبلى احر التعازى
ثانيا والله الواحد شايف اصلا ان موضوع العزاء دا عبارة عن انفاق اموال بلا طائل وارى ان الأجدى ان توزع هذه الأموال على ارواح الفقيد او الفقيدة لعل الله يضيف الى ميزان حسناته اعمالا لقول رسوله الكريم اذا مات ابن ادم انقطع عمله الا من ثلاث ومنهم ولد صالح يدعو له ومن بين مراتب الدعوة هو التصدق على روح المتوفى والله اعلم

الازهرى يقول...

البقاء لله تعالى
أدعوا الله تعالى أن يتقبل صالح عمله وأن يسكنه لفردوس الأعلى من الجنه

تعرفى يا ضد عندنا بالإضافه لكل ده حاجه (وطبعا كلامك مش مقتصر على السيدات بس )بتلاقى فى السيدات حاجه عندنا غريبه جدا
تلاقى السيدات ماشيين فى الشارع يضحكوا وصوتهم بيرن فى الشارع وأول ما يوصلوا عند الملف المؤدى لبيت الفقيد تلاقى الواحده بترقع بلصوت الحيانى ولا أكنها قلبها مفطور عليه وإنه فلذة كبدها

ولا حول ولا قوة إلا بالله

EMMY BABY يقول...

لا حول ولا قوة الا بالله

ربنا يرحمه يارب ويدخله فسيح جناته

ويصبر زوجته واولاده واهله جميعا

مش عارفة اقلك ايه انا قلقت والله عليكى بس افتكرتك مشغولة مش عارفة رسالتى على الميل وصلتلك ولا لا

بجد انا اسفة لتقصيرى معاكى واسفة انى لسة عارفة الخبر دلوقتى والله

بالنسبة للسبع فوايد بجد ربنا يهدى الناس بس للاسف دى طبيعة الانسان الفضول والكلام

نورا بالله عليكى متكونيش زعلانة منى انا اسفة بجد

تحياتى

ايمى

مامة مازن يقول...

البقاء والدوام لله ربنا يرحمه ويغفر له ويجعل قبره روضه من رياض الجنة

انا عارفة الخال والد بجد الله يرحمه ويحسن اليه يارب ويجعل البركة والخير فى اولاده يارب ويعين زوجته على رحلة الكفاح لوحدها ربنا معاها

اما بالنسبة للعزاء واللى بيحصل فيه فالحمد لله شفنا مهازل فى وفاة حماي الله يرحمه يا دوبك عدى اول يوم وتانى يوم بدانا نشوف اللى بتقولى عليه
الموت عظة يا ناس الموت عظة
بس مين يسمع ومين يقرا ومين يفهم
خالص مودتى اختى الغالية

غير معرف يقول...

البقاء لله يا سويت ربنا يرحمه

اقريله الفاتحه وادعيله

ربنا يصبر الجميع

حنين

غير معرف يقول...

:((((

مش عارفه اقولك ايه ..

البقاء الله ، ربنا يرحمه ويدخله فسيح جناته يارب ..

متزعليش مني .. والله انا لسه عارفه دلوقتي :((((((((

بسمة انور يقول...

البقاء لله
انالله وانا اليه راجعون

بجد لاتعليق على كلامك ده لان للاسف ده واقعنا

بس يارب تكون دى اخر الاحزان وترجعلنا لانك بجد وحشتيييييييينى

romansy يقول...

الله يرحمه ويرحم امواتنا جميعا واموات المسلمين
دى حكايه الشعب المصرى
بقت موضه
ان مبقاش فيه اتعاظ

safa7_karmooz يقول...

انا لله وانا اليه راجعون

البقاء لله

الموت على فكرة وسرادق العزاء بيعلمنا حاجات اكتر من الـ 6 دول..:)

مسدس صغير يقول...

والله لولا هول المصيبة لضحكت من كلامك
ولكنى اسأل الله العظيم رب العرش العظيم ان يغفر له ويرحمه
وان يبدله بالاحسان احسانا وبالاساءة عفوا وغفرانا
حمد الله ع السلامة

لحظة تأمل يقول...

البقاء لله .. ربنا يرحمه ويجعل مثواه الجنة

العزاء فى مصر مش ليه غير فعلا كلمة
لا حول ولا قوة الا بالله

موناليزا يقول...

ربنا يرحمه ويغفر له ويصبركم جميعا

صوت من مصر يقول...

ربنا يرحمه يا شيكو بجد

ولد مصري يقول...

إنا لله وإنا إليه راجعون على وفاة خالك

وإنا لله وإنا إليه راجعون على وفاة الإحساس اللي انعدم من الناس

على أي حال قد روى أبو هريرة رضي الله عنه أن النبي صلى الله عليه وسلم سأل الصحابة
ما تعدون الشهيد فيكم؟ قالوا: يا رسول الله من قتل في سبيل الله فهو شهيد. قال: إن شهداء أمتي إذا لقليل، قالوا: فمن هم يا رسول الله؟ قال: من قتل في سبيل الله فهو شهيد. ومن مات في سبيل الله فهو شهيد. ومن مات في الطاعون فهو شهيد. ومن مات في البطن (اي بداء في البطن) فهو شهيد. قال ابن مقسم: أشهد على أبيك في هذا الحديث أنه قال: والغريق شهيد. وفي رواية: قال عبيدالله بن مقسم: أشهد على أخيك أنه زاد في هذا الحديث: ومن غرق فهو شهيد. وفي رواية: زاد فيه: والغرق شهيد
والحديث صحيح رواه مسلم

ربنا يرحمه ويسكنه فسيح جناته ويلهم زوجته وابنه وجميع أهله الصبر

واعتذر عن تأخيري في تقديم واجب العزاء لعدم علمي بالخبر وعن التطويل في التعليق

تقبلي خالص العزاء

ابو صهيب ( الجمعاوي الاصيل)سابقاً يقول...

انا لله وانا اليه راجعون

البقاء لله اختنا الفاضلة

وان ما تتحدثين عنه هو الطبيعي فان العزى اصبح الان

ملتقى للناس يلتقون فيه ليتحدثون عن اخبارى المنطقة والمنطقة المجاورة

وعن كيفية موت الميت ما هو مات وخلاص ياجدعان


وكل الل نات ذكرتيه طيب عند الستات معلش هنقولوا ماشي الستات بطبعيتهم بيحبوا الرغي

لكن ده بيحصل عند الرجال ايضاً وهذا هو العجيب حقاً

ورمضان كريم

ليس فقيرا من يحب يقول...

السلام عليكم

البقاء لله يا حبيبتى

ربنا يرحمه ويغفر له

ويدخله الجنه بغير حساب

ولا سابقه عذاب

وطبعا الناس عندنا عمرها

ما هتتغير

ليس فقيرا من يحب يقول...

السلام عليكم

البقاء لله يا حبيبتى

ربنا يرحمه ويغفر له

ويدخله الجنه بغير حساب

ولا سابقه عذاب

وطبعا الناس عندنا عمرها

ما هتتغير

تأثير الفراشة يقول...

رحمه الله رحمة واسعة و رزقكم الصبر بإذن الله

و بالنسبة لكلامك ، فللأسف إن ده أصبح منتشر جدا دلوقتى

ربنا يرحمنا برحمته

fL0weR-giRL يقول...

السلام عليكم
ـــــــــــــــ

البقاء لله \ ان لله وان اليه راجعين كلنا ليها مخلوقين من تراب وهنروح لتراب

لااله الا الله محمد رسول الله

ربنا يرحموا ويرحم جميع اموات المسلمين

** تقبلي مروري **

حاول تفتكرنى يقول...

آنا لله وآنا إليه راجعون

حاجات جوايا يقول...

لا اله الا الله
البقاء لله والدوام لله
أنا آسفه والله يا حبيبتى انى اتاخرت عليكى .. بس لسه عارفة حالا
ربنا يرحمه برحمته ويغفر له ويجعله من اهل الجنة يارب ويصبركوا وخصوصا والده ووالدته وزوجته وابناؤه

ربنا يجعلها آخر الاحزان

*البت المشمشية *حلوة بس شقية * يقول...

بجد انتى لمستى
نقط مهمة جدا
وحقيقيه اوى
ربنا يرحم جميع موتانا

أبو العريف يقول...

السلام عليكم

ربنا يرحمه
ويدخله فسيح جناته
ويلهم اهله الصبر

قلم رصاص يقول...

الله يرحمه

أسأل الله العظيم أن يدخله فسيح جناته

وحمدلله على السلامة

حـــــدوتـــــة يقول...

السلام عليكم

البقاء لله
ربنا يرحمه ويجعل مسواه الجنه

والله المفروض ان اكبر فائده من الموت هى العظه

سلالالالالالالالالالالالالالالالالالام

Kiara يقول...

بصي في ناس بيجري الدم دا مش عارفهم وريدهم بجد حاجه تحرق الدم

البقاء لله

وربنا يدخله فسيح جناته ويلهمكم الصبر باذن الله

ربنا يرحمه يارب

وحي القلم يقول...

السلام عليكم
أولا ربنا يرحم خال حضرتك برحمته وبعتذر عن عدم السؤال
ثانيا
فيه تغييرات كتير حصلت لطباع المصريين
وغاب حاجات كتير منها
عدم مراعاة مشاعر الناس
تقبلي مروري
وكل عام وانتم بخير بمناسبة شهر رمضان

RADWA & SAMA يقول...

البقاء لله يا نورا
افتقدناكي كثيرا
ويارب تكوني لسة فاكرة انا مين
ويارب تكون نيمو وصلتلك رسالتي ليكي امبارح

شمس النهار يقول...

ان لله وان اليه راجعون
ربنا يصبر قلبكم وتنالوا اجر الصابرين
كان نفسي اكون موجوده في مصر واكون جنبك
انا حتي ماعرفتش اتصل بيكي خالص
وهي دي الناس وهي دي الحياه
المجتمع اتغير بكل المقاييس
تصدقي جارتنا من كام سنه توفي ابنها الشاب 19 سنه وبعد تلات ايام الناس اللي تحتها بدورين عملوا خطوبة بنتهم وهات يازغريت ورقص
وعادي
تصدقي في ناس قطعتهم وفي ناس قالت عادي الحي ابقا من الميت
ربنا يصبر قلبكم
ان شاء الله لما ارجع مصر اقدم واجب العذاء لك وللأسره

أمل حمدي يقول...

البقاء لله

إنا لله وإنا اليه راجعون

mohamed ghalia يقول...

ربنا يغفر ليه ويرحمه ويسكنه فسيح جناته
وربنا يهدى الجميع

ألـــــــوان الحيــــــــاة يقول...

البقاء والدوام لله

ربنا يرحمه ويغفرله ويسكنه فسيح جناته

سماء يقول...

البقاء لله

وربنا يرحمة ويغفرلة

وانا مش عارفة الناس مبتراعيش مشاعر بعض

دا القراءن بيبقا شغال فى عزا وتلاقى

اللى عمال يتكلم فى سيرة غيرة علشان يضيع وقت وخلاص وكأنها فرصة للكلام والرغى

Unknown يقول...

البقاء والدوام لله وحده
آنا لله وآنا اليه راجعون
اللهم اغفر للمؤمنين وللمؤمنات
وللمسلمين وللمسلمات الاحياء منهم
والاموات انك سميع عليم مجيب الدعاء

Unknown يقول...

عــــامة ما وصفتيه
قليل من كثير يحدث وللاسف
مش بس فى مصر او البلاد العربية
لأ كمان حتى فى البلاد الاجنبية كما
نشاهد فى الافلام أحيانا.لان المثل بيقولك ايه :هم غيرى ما دخل
قلبى ولا كانت له منزلة عندى.
مرة تانية رحم الله الفقيد
واسكنه فسيح جناته هو
وامى وابى واموات
المسلمين أجمعين.

kmt يقول...

السلام عليكم ورحمة الله وبركاته

البقاء لله انا لله
وانا اليه راجعون

rovy يقول...

السلام عليكم
تقبلى عزائى فى خالك رحمه الله بواسع رحمته و مغفرته و جعل مثواه الجنه ان شاء الله .. امين
ربنا يصبركم بواسع فضله و كرمه

انا لله و انا اليه راجعون

طـائر الليــل الحـزين يقول...

البقاء لله
وبجد كلنا عارفين قد ايه الموقف ده بيكون صعب
اللهم ارحم مواتنا جميعا

طـائر الليــل الحـزين يقول...

نسيت اقولك
كل سنة وانتى طيبة يا قمر
ويارب تكون ايام جميلة عليكى وعلى الامة الاسلامية جميعا

blue-wave يقول...

ربنا يرحمه يارب
وفعلا معاكى حق العادات دى منتشرة للأسف فى بلدنا

Darsh Basha يقول...

ربنا يرحمة ..ويدخلة فسيح جناتة
ويبدلة دار خير من دارة
واهل خير من اهلة

وربنا يهدينا ويهدى المسلمين اللى معدوش بيراعوا شعور حد

اللهم بلغنا رمضان

мαησηα يقول...

يا حبيبتى قلبى عندك .. البقاء لله

ربنا يرحمه ويغفر له ويسكنه فسيح جناته ويصبركم ويبرد نار فراقه عليكم يارب اللهم امين

اسفة ع التاخير والله بس مكنتش اعرف طريق المكان الجميل ده يا احلى وردة

معلش انا عارفة ان صدمة اللى بيحصل ف العزا بتكون شديدة بسبب استهانةة الناس

مجرباها ف وفاة جدى الله يرحمه ومن يومها بطلت اروح اى عزا لينا فضلت اقعد مع نفسى ارحم

اجمدى يا جميل كده وشدى حيلك وبوسيلى احمد وسلمى عليه ربنا يحميه ويبارك ف عمره لمامته يارب

أعـــ * أصحاب * ـــز يقول...

كل سنه وانتو طيبين

مدونه شقاوة اخر حاجه

تدعوكم لزياره مدونه طيور الجنه بمناسبه شهر رمضان المبارك

ستجد رابط المدونه فى مدونه شقاوة اخر حاجه

هيا بنا لنساعد على نشر الاسلام وطاعه الله

وكل سنه وانتو طيبين

اعز اصحاب

آه من قلبي يقول...

شكرا بجد على الموضوع دة افادنا كتير
واهو العزا دة بيحسسك ان الناس كلها واقفة جنبك
عموما اتمنى تشرفيني في مدونتي

بـِصَمتـِـ أميرة ــــى يقول...

اللهم اسكنه فسيح جناتك

يابنتىىىىى العزا قى مصر
طقووووووووووووس !!

والحاجات اللى ذكرتيها دى بقت طقوس العزا
يعنى ان ماحصلش كدة تحسى ان العزا مش طبيعى
عمة ربنا يعفو عنا
ويرحم موتانا ومتى المسلمين اجمعين ويتغمدنا برحمته

اللهم آمييييييييييييييين

تقبلى مرورى يا سويت فيوليت

(ملكة بحجابى )

simply me يقول...

البقاء لله
اللهم ادخله فسيح جناتك واغفر له

بقى كل ده حصل فى العزاء
على كده العزاء الامريكانى احلى بقى على الاقل الناس مش مضطره تعمل نفسها زعلانه

maha zein يقول...

ربنا يرحمه
ويدخله فسيح جناته
ان شاء الله من الشهداء

و الجهل بيعمل اكتر من كده
يعني فعلا في ناس معندهاش اي نوع من المشاعرولا الفهم ولا الاحساس
وزيارتها كفيلة بانها تدمر نفسية اهل الميت
ربنا يصبر اهله ويصبرك

maioya يقول...

ربنا يتوفاه برحمته
للاسف بقي هوا ده العزا
بتاع اليومين دول
منتهي اللامبالاه والبرود
وعدم الاحساس
والاسم بيعملو واجب :S

سمير مصباح يقول...

رحمه الله والهم محبيه الصبر

وكما ترين فمثل هذه المواقف التى تزلزل نفوسنا تمنح عيوننا نوعا ما من الصفاء الدرامى الذى يكشف لنا ابعادا لم نتأملها من قبل

Atef Shahin يقول...

البقاء لله
برغم لحظات الحزن إلا أنها كانت إلهاما لكي تكتبي هذه الرسالة الرائعة وهذا التحليل الدقيق

تقبلي عزائي ومروري

القمر الساهر يقول...

انا لله وانا اليه راجعون

اسال الله ان يتغمده في رحمته ويجعله فى منزلة الشهداء يارب

الدنيا فعلا بقت غريبة جدا .. انا شوفت الاغرب من كدا ف يالعزاء

شوفت الناس وهي بتستعيد ذكرياتها بتضحك بدون مراعاة لشعو ر اهل المتوفي

الناس ما بقاش عندها دم استغفر الله العزيم ما فيش مراعاة لشعور حد

مع ان الموت دة اكبر موعظة للانسان انه ياخد باله بقى ويفوق

استغفر الله العظيم

ربنا يرحمه ويصبركم

فكرة من الزمن ده يقول...

ربنا يحمه ويغفر له
واستغلي رمضان في كتر الدعاء ليه اكيد ده اكتر حاجة تنفعه
تحياتي

mahasen saber يقول...

كل رمضان وشيكو بكل خير وسلام

ربنا يعود عليكى الايام المباركه بكل خير وسلام يا جميله

ودايما يا شيكو فى افضل حال يا حبيبتى

نـــــور يقول...

البقاء لله ياحبيبتى اسفه انها متأخره هنا وفى التليفون

وكل سنه وانتى طيبه
ورمضانك كريم:)

Israa El-sakka يقول...

ربنا يرحمه و يسكنه فسيح جنانه بجد قلبي معاكي ..
و بالنسبة لموضوع العزا ده انا في عزا جدتي سمعت حكاوي القهاوي اللي أعرفهم و اللي معرفهمش يعني حاجة رهيبة بس هي دي مصر ..أنا تقريبا اتنغزت في قلبي في عزا جدتي بدعوة أني بعيط و بعذب الميت !! كأني بلطم و لا حاجة مع أني كنت عادي حد حزين تقولي إيه بقى ؟؟

ربنا يرحمه و رمضان كريم

ميرام يقول...

البقاء لله
ربنا يسكنه فسيح جناته ويجعل قبره روضة من رياض الجنة

بعتذر بجد عارفة اني متأخرة
اعذرو تقصيري

Me7'o يقول...

البقاء لله

ربنا يرحمه ويرحم أموات المسلمين أجمعين

mimi يقول...

حبيبتي البقاء لله

ورحم الله خالك وأسكنه فسيح جناته

وكل عام وأنتي بخير

عاشقه الرومانسيه يقول...

طيب انا راجعه للتدوين بعد غياب
ومحتاره اعزيكى ولا اقولك كل سنه وانتى طيبه
البقاء لله ياقلبى
وانا عشت كل المواقف دى فى وفاة بابا

ومن اكتر ما استفزنى فى البوست الكلمتين دول

ده ابوه و امه لسه عايشين .. سبحان الله السليم اللى عمره ما اشتكى من حاجة مات و التعبان عايش !!!!!
*************
هو من امتى الموت بيحتاج لسبب؟
لا حول ولا قوة الا بالله

RADWA & SAMA يقول...

كل سنة وانتي طيبة وبخير يا نورا
http://www.elhawy.com/vb/index.php?showtopic=74193

حروف يقول...

ازيك وحشاني جدا البقاء لله
لسة بقول لورد انك مش باينة وان احنا اندال الصراحة اوي
اعذريني بجد وحشتيني
عيد ميلادك كان امبارح تقريبا كل سنة وانتي طيبة

Unknown يقول...

مش عارفة اقدر
اقولك كـــل سنة
وانتِ طيبة بمناسبة
عيـــــد ميـــلادك .

غير معرف يقول...

السلام عليكم
والبقاء لله ورحم الله الفقيد خالص عزائى لك
ورغم حالة الحزن الا انى احب اسجل اعجابى بتفاعلك مع المجتمع بالصورة النقديه دى رغم الحزن اللى اكيد كان مسيطر عليكى وفعلا عندك حق فى كل اللى قولتيه لكن تبرير الغياب عن العزاء مهما كان سخيف الا اننا لازم نعديه لان اللى بيبرر غيابه او تاخره مهما كان مقصر الا انه برضو يهمه عدم زعلنا
اتمنالك كل توفيق ولك خالص العزاء
احمد حسن البنا

غير معرف يقول...

انا جايه بس اقول

رمضان كريم
معلش جت متأخره شويتين :$

شوكولاتة يقول...

ربنا يرحم خالك ويصبر أهله ويجعل مثواه الجنة
سخيفة قوي الست اللي كانت عاوزة تطمن دي بس هيه عاوزة تطمن على إيه؟؟

تحياتي وربنا يجعلها آخر الأحزان

aidy يقول...

البقاء لله بجد
الفضول فى الحالات اللى زى دى بيخنقنى
ربنا بجد يرحمنا لأنى لو كنت مكانك كنت إنفجرت فيهم خصوصاً اهل النميمة دول انا ممكن اطردهم لأنهم مش جايين يعزوا دول جايين يعرفوا اخبار الناس

خلى بالك من نفسك و من زوجته وابنه
ربنا يصبرك ويصبرهم ...

ربنا يرحمه و يسكنه فسيح جناته

انا اسفة انها جت متأخر بس والله لسة شايفة الموضوع دلوقتى لنى مكنتش بدخل

Remas يقول...

البقاء لله

ربنا يرحمه ويسكنه فسيح جناته ويغفر له يا رب

انا بعتذر جدا لعزائي المتأخر ولكن انا مش عرفت غير النهاردة

واسفة لان اول تعليق عندك يكون عزاء في خالك العزيز

ربنا يصبركم ويصبر زوجته وابنه

di el2mr يقول...

البقاء لله
وربنا يرحمه برحمته ويغفرله ويسكنه فسيح جناته
وربنا يجعلها اخر الاحزان

Yusuf يقول...

لا حول ولا قوة الا بالله
البقاء لله
ربنا يرحمه ويسكنه فسيح جناته

بالنسبة لموضوع العزاء في مصر

لا تعليق

adel يقول...

انتي مختفية فين كل ده ؟؟؟

شاب فقرى يقول...

البقاء لله تبارك وتعالى
وربنا يلهمكم الصبر

للأسف البوست صحى جوايا حاجات كتير جدا جدا من ذكرى وفاة والدى لما نزلت البلد عشان أخذ عزاه ولما برده عملت عزار هنا وحاولت أخد العزاء

شفت كتير أوى و إتعلمت كتير
وكل موقف ذكرتيه فى وقتها كان بيدعونى للبكاء فى قلبى بدون اى دموع تنزل من عيونى بالرغم من ان الكل كان متوقع انهيارى الاول

اتعودت واتعلمت القوة والصبر فى كل المواقف

وبجد كل اللى قلتيه انا شفت اكتر منه بكتير ومش استحملت

حتى فى سؤال هوا مات ازاى الناس كانت بتسال وتقول تعليق سخيف لسه بيتردد فى ذهنى حتى الان

ربنا يصبرنا ويعوضنا كلنا على مصائبنا

إنا لله وإنا إليه راجعون اللهم آجرنا فى مصيبتنا أخلف لنا خيرا منها

فى حفظ الرحمن

شاب فقرى :'(

hasona يقول...

كل سنة وأنتم بخير
ها انتهي رمضان وقد فاز من اتقي وعمل صالحا
والعيد لمن أدي الفريضة بخشوع وأيقن من القبول
إن شاء الله يكون عيد جميل
ويكون فرصة نتذكر أين كنا ومع من كنا في رمضان في الأعوام السابقة
ومن فقدنا منهم ومن سبقنا إلي الحياة البرزخية وتوفاه الله وسلم إلينا راية جهاد النفس
ولنتخذ من رمضان شحنة إيمانية لما بعدهم لعلنا نبلغ بها رمضان القادم
وندعوا أن يعيده الله علينا أعواماً كثيرة وسنين مديدة

حـــــدوتـــــة يقول...

السلام عليكم

تقبل الله طاعتك
وأتم بالعيد فرحتك
وأقر عينك بنصر أمتك

كل عام وانتم بخير

Maryama Qandil يقول...

احسن الله عزائكم وجبر مصائبكم وغفر لميتكم ورزقه الرحمة والمغفرة

البقااء لله
والنسبة للعزاء فللاسف بقت هي دي الحال المعتااد
ربنا يعافينا ويعفو عنا

كل عام وانتي بخير
عيدك مبارك

marmar يقول...

كل سنه وانتي طيبه يا قمر وعقبال كل عيد وانا اقولك كده كل سنه وانتي طيبه
ربنا يرحم خالك يارب وكل اموات المسلمين يارب العالمين

طمنيني عليكي والعيد عامل معاكي ايه والحر عامل معاكي ايه
وحشتيني يا بت يا رخمه ولله

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

رحلتنا في الحياة يقول...

كل سنة وانتى طيبة ياشيكو ياقمر

طوبه فضه وطوبه دهب يقول...

كل عام وانتى بالف خير وصحه وسعاده ويارب تكونى ديما فى اتم حال

الازهرى يقول...

كل عام وانت بخير بمناسبة عيد الفطر المبارك اعاده الله علينا وعلى المسلمين بالخير واليمن والبركات

سراج يقول...

عيدكم مبارك وأيامكم سعيدة وإن شاء الله من العايدين بصحة وسلامة.. يارب:)
والله يرحم الخال ويتغمد روحه بفسيح جناته

Soul.o0o.Whisper يقول...

حقيقى يا ضد أنا مش عارفة أقول ايه
و محرجة منك جدا جدا جدا لأنى لسه شايفة البوست دا حالا الوقتى

ربنا يغفر له و يرحمه يارب
و بجد آسفة جدا ... و تقبلى العزا ولو انه متأخر جدا


دمتى فى رعاية الله

ليس فقيرا من يحب يقول...

السلام عليكم

كل سنه وانتى بالف خير يارب

عيد سعيد عليكى وعلى كل حبايبك

يارب

فلسطينية الهوى يقول...

ربنا يتغمده بواسع رحمته يارب

ويفرغ عليكم الصبر والسلوان يارب

________________

كل عام وأنتي بخير وطاعة وسعادة

والعيد القادم تكونين في أفضل حال :)

Unknown يقول...

انت فين كل دا؟
طالت الغيبة:(

غير معرف يقول...

كل سنه وانتى طيبه

ليه الغيبه دى ؟؟

حنين

أبــــو ضـــيــاء يقول...

البقاء لله

بجد عشان كده انا بكره العزاء في مصر , لأنه لا يتم احترامه ابدا , إلا من رحم ربي

romansy يقول...

كل سنه وانتى طيبه
كل عيد وانتى بخير
بس ليه البعد ليه والغياب

romansy يقول...

انا سايب ليكى عيديه على المدونه
كل سنه وانت طيب

ان شاء الله محد حوش

تأثير الفراشة يقول...

يا رب يكون غيابك خير ، و تكونى بخير


كل سنة و انت طيبة و فى أحسن حال

ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله

عيــــــد سعيــــــد

ألـــــــوان الحيــــــــاة يقول...

وحشتينى :-*


كل سنة وانتى طيبه

متغبيش اكتر من كده

ميمى واحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

الحــ ــزين يقول...

الحــ ــزين
كل سنة وانتى طيبة وطبعا طبعا اتمنى زيارتك...دومتى سعيدة
الحــ ــزين

فشكووول يقول...

السلام عليكم سويت فايلوت

تحياتى وكل عام وانتم بخير

دا فى دار العزاء بتاع السيدات اما بتاع الرجاله فسكوت خالص

تحياتى

فشكووول يقول...

اسكنه الله فسيح جناته وجمعه مع الصديقين والابرار وحسن اولئك رفيقا

فشكووول يقول...

اسكنه الله فسيح جناته وجمعه مع الصديقين والابرار وحسن اولئك رفيقا

واحدة و خلاص يقول...

ربنا يرحمة ويدخلة فسيح جناتة و يصبرك ويصر أهلة

maha zein يقول...

كل سنة وانتي طيبة
انتي فين
بقه اغيب كل ده وارجع الاقيكي لسة غايبة

يا رب المانع عن الكتابة خير

ذو النون المصري يقول...

اتيت للتهنئه بالعيد فاذا بي اجد عزاء
اطال الله بقاء اولاده و البقاء لله

نونو يقول...

عااارفة صعب جدا ان المصريين يلغوة العزة نوهائى
وفعلا يبقى العزاء مقتصر على تشيع الجنازة
البقاء لله وربنا يصبر كل الناااااس

الجواز و سنينه يقول...

البقاء لله و ربنا يرحمه
ناس غريبه بس ده الطبيعى
فى الاول مش كنت ببقى فاهمه
مالهم الناس الغريبه دى
و بعدين عرفت ان كله كده

فشكووول يقول...

السلام عليكم حلاوه

تحياتى
كل عام وانت بخير

المعتصم يقول...

السلام عليكم
البقاء لله
وربنا يصبركم
انتِ فين ؟؟؟؟
يارب تكونى بخير
ياريت بس تطمنينى عليكى
معلش انا قصرت معاكِ شويه بس كان فيه ظروف غصب عنى
بجد ياريت تطمنينى
ســـــــــــلام

lonely girl يقول...

انا عارفه انها متأخره كتيييييييييير
بس حقيقى لسه شايفه البوست حالا
البقاء لله وربنا يرحم خالك ويغفره يارب
********
اما بالنسبه للبوست فهو ده للاسف واقع العزاء فى مجتمعنا
بدل ما الناس بتروح تعمل الواجب وتقف جنب غيرها فى الظروف دى
بتروح تشيل ذنوب وتقلب المواجع وتصعبها اكتر على اهل الميت
بس فعلا اغرب ما كتبتى واكثر استفزازا كمان الست اللى كانت عايزه طفل فى تانيه ابتدائى لا حول له ولا قوه ينزل ياخد عزا بابه
وتدرجه كمان تحت بند واجب واصول
اى واجب واى اصول !!!!!!!