Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الثلاثاء، 6 أكتوبر، 2009

فى البداية قالوا و قالت

آنى بقى ياست هانم هنية المتهنية فى الاحزان من صغرى و الحكيم حرم عليه الرضاعه من صدر امي و كنت عايشة على اشي شوية لبن من جاموس ام عويس علي اشي شوية لبن من معزة ام عبد النبي, و الدنيا كتر خيرها مخلصهاش فرضعتنى هى طبيعى حزنها علشان كده قالوا عليه انى متهنية فى الاحزان حاكم ياست هانم اللى يرضع فى الصغر حزن الدنيا فى الكبر ميأثرش فيه غدرها .. طبعا عايزة تعرفى أنا ليه بدأت معاكى كده أصل الواد مرزوق جيه و قالى ان البت ذكية المستذكية وقفتك قبل ماتيجى و حذرتك منى و قالتلك انى الاحترام بينى و بينه بلاد

و الله عملت فيا معروف البت دى ده انا كنت محتارة هبدأ معاكى الحكاية منين .. بس دلوقتى قولت اقولك الاول ليه اهل البلد بيقولوا كده عليا عشان تتكلمى و انتى مرتاحة و مش خايفة

زمان و انا صغيرة كنت بلعب مع العيال فى البلد عادى لحد ماجيه يوم عم دسوقى ناده عليه انا و البت مسعدة رحنا نشوف عايز ايه دخلنا الدار و ادانا حلاوة وقالنا نعمل حاجات كده لقيت البت مسعده فجأة راحت شداني و جرينا من الدار قولتلها فى ايه يابت قالت لى ده راجل قليل الادب ..أنا مافهمتش تقصد ايه رحت قولت لامى على اللى عم دسوقى كان عايزه راحت رنانى حتة علقة و قالت لى اياك اشوفك هوبت نواحيه تاني وراحت مسكت فى خناقه و خلصت الحكاية .. بس كان معايا انا البداية

دخل الشيطان بين امى و ابويا و كل واحد راح فى وادى أنا مردتيش اروح مع امى و فضلت مع ابويا عشان اخدمه –اصل ستى و سيدى ميتين- و كبرت قبل الآوان بآوان بس انا كنت راضية و الحياة كانت ماشية لحد ما جيه اليوم اللى الشيطان دخل دماغ ابويا تانى و كان عايز يعمل عاملة  عم دسوقى معايا فهربت منه و جريت على أمى و انا برتعش وقولتلها مش عايزة ارجع تانى و اتحججت انى تعبانه من شغل البيت وبس – ايوة ماهو انا مقدرش اقولها ابويا كان عايز ايه دى كانت الدنيا ولعت – و عدى ياايام و تعالى ياايام و يجى عريس لأمى و توافق عليه و انا فضلت عند ستى و كنت بزورها و اهو طلع جوزها مايتخيرش عن ابويا و عم دسوقى و منعت رجلى من عندها و كنت بشوفها لما تيجى عند ستى – الله يرحمها ماتت و فكرة انى زعلانة منها هى و ابويا علشان كده ماكنتش بروح لحد فيهم – المهم كبرت على ده الحال مابسكتش على الغلط حتى لو كان من كبير ..

لحد ماجيه عم مدبولى –الله يرحمه- دخل عليا و بيزعق و يقولى بت ياهنية انتى عملتى ايه يابت كل ماقابل حد فى البلد يقولى ماتلم هنية ياكباره بدل ماهى طايحه فى الكبير و الصغير كده – أصل عم مدبولى اخدنى عنده بعد ماسبت بيت ستى و دى حكاية تانية هبقى اقولك عليها- المهم قولتله اكيد بسبب عم صابر بعد ماقولتله الكلمتين فى عضمه بس اعمل ايه يعنى ماهو ياكباره مش محترم شيبته و عمال يعاكس فى الراحة و الجاية و بيرمى كلام و انا معدية قولتله اشحال ان مفيش شعره سودا توحد ربنا عشان نقول بتعمل كده بسببها راح واخد بعضه و مشى من وشى كنت اسيبه يعكسنى يعنى ياعم مدبولى ؟!!! ..

لقيته سكت كده شوية و كأنه ولا المصدوم فى حاجة و قالى لا مش عم صابر هو اللى قال دى صباح مرات جابر هى اللى دايرة فى البلد بتقول هنية مابتحترمش صغير ولا كبير .. قولتله آآآه ده عشان انا مرضتش ابقى المرسال أصل و انا معديه من قدام دارهم نادت عليا و كانت عايزانى اخد جواب من بنتها و اوصله لأستاذ عصام و انا قولتلها انا مش بوسطجى البلد ياخاله و سيبتها و مشيت غلطت انا فى ايه بقى ولا هو عشان الواحد مش مطوعهم فى هواهم ؟!!!

و من وقتها ياست هانم و هما مطلعين عليا كده عشان مابسكتش على الغلط  أنما البنى ادم المحترم بشيله على دماغى من فوق و زمان قالوا فى الامثال :

ان ماكبرتش لسنك هتنداس من الاصغر منك

هناك 72 تعليقًا:

كيــــــــــــارا يقول...

البت دي رغايه اوي

ثم ان ست هانم مش بتسالها

اه لو اشوفها هنيه المتهنيه ههههههههههههههههههههههههههههههههههههههه

كيــــــــــــارا يقول...

ان ماكبرتش لسنك هتنداس من الاصغر منك

صح اوي يانرنوتي

kmt يقول...

السلام عليكم ورحمة الله وبركاته

الله عليكي
بوست تحفه
وحشتيني ياضد
:)
:)
:)

تحياتي
الى اللقاء

kmt يقول...

اه
هيا سابت بيت ستها ليه
ها
ليه
D:

أحمـــــــــــــد أبو العلا يقول...

يااااه ديه هنيه ممكن تحكي عن الأحزان أيام وسنين

مككن تحكي حاجات كتير مستخبيه ورا ابواب مقفوله

هتتعب كتير عشان اتعلمت تقول لأ

عاشقة القمر يقول...

في ربنا معاكي
رتهتم بكلام الناس لانو اهتعبيه
خليه علي ربنا

eyad يقول...

في بداية حمدالله علي السلامه ياختي

كنتي فين يابت؟
البوست حلو قوي بس اللغه مش متظبطه ممكن كنتي تحكيه باسلوبك انتي العادي مش لازم يعني علي لسانها

بس انتي فتحتي قضيه كويسه وفعلا انتشرت كتير ومفيش حلول اتوضعت ليها
بس ده عشان مبقاش في قيم ومبادئ ولا اخلاق

ابقي اظهري تاني

تقبلي مروري ولكي مني وافر الاحترام والتقدير

romansy يقول...

جوليلى فين البنتى دى علشان نطوخها
ابوها عوضين بيدور عليها وهى جاعده هنا

romansy يقول...

والله صدجت البت دى تعبت كتير بس بردوا
جالت لينا حكمه
خذوا الحكمه من الناس امتمرمتين

adel يقول...

اولا : ياااااااااااااااه
فينك منذ ازمان

ثانيا : الاسلوب مستغربة بس حلو قوي
بس مستغربة منك

مقرتش الاسلوب ده قبل كده هنا

ولا كنت بتكتبي كده زمان ؟؟

ليس فقيرا من يحب يقول...

طب والله البت هنيه دى جدعه قوى

وعجبنى كلامها قوى مهو ميخرجش الا

من حد الدنيا اكلت منه وشربت

Manamino يقول...

واللي مايكبرش لسنه ياما يشوف من اللي اصغر منه
مش انت قلتي كدة برضو ولا ايه اصلي مش فاكر
هههههههههههههههههههههههه
فعلا معاكي حق ياضد ياضد ياضد ياضد ياضد ياضد ياضد ياضد ياضد
البني ادم لو ما احترمش نفسه يبقي ليه هايدور علي حد يحترمه
اذا كنت انا مش محترم نفسي يبقي الناس هاتحترمني علي ايه
حلوة الفكرة انك تفتحي مواضيع زي دي وتتكلمي عن ناس زي دول ماحدش يسمع عنهم ولا يعرف هم عايشين ازاي
فيه ناس فاكرين الناس كلهم ماعندهمش مشكلة غير انهم مش لاقيين مكان يركنوا فيه عربياتهم

adel يقول...

رديت عندي و هارد هنا برضه رخامة
هههههههه

الاسلوب حلو مش وحش بجد

وانا مش عارف اكتب و تعبان اشاسا

الازهرى يقول...

عارفه يا بت عمى
قالوا زمان ما عيب الا العيب
بس الناس حدانا طول عمرهم يختشوا يتكلموا عنه ويمنعوا ولادهم يتكلموا عنه بس من ورا الخلق الكل بيعمله ويخافوا حد يكشفهم لييييييييه ؟
عشان الخلق دى كلاتها ولا لهم اى لزوم الكل بيغلط بس فى السر من غير ما يقولوا لبعض بلسانهم مع ان الكل شايف الكل وعارف كل حاجه

المهم من غير كلام ولا حديت

طـــائر الليــــل الحـــــزين يقول...

واللهى فعلا عندك حق
--------------------------
أنما البنى ادم المحترم بشيله على دماغى من فوق و زمان قالوا فى الامثال : ان ماكبرتش لسنك هتنداس من الاصغر منك
----------------------------
بصراحة الجملة دى فيها حاجات كتير
بسمع مين يفهم ومين يشوف

صوت من مصر يقول...

مش فاكر سمعت قصه هنيه دى فين قبل كده
بس انها لتحفه فى الاسلوب

المعتصم يقول...

حمدالله على السلامه
ويارب تكونى بخير وفى احسن الاحوال
حلوة حكاية هنية دى
بس ياترى دا من ايه بقى ؟؟
مش مهم المهم انك رجعتى تانى لمدونتك
ســـــــــــلام

smilyrose يقول...

السلام عليكم

وحشتينى يا حجة

ههههههههههههههههه

ايه الصداع دا

ومين الحجة دى

ههههههههههههههه

اسلوب حلو قوى وعجبتنى يا ست هانم

بتعتك دى بس صعبت عليه والله هنيه

المستهنية دى

بس فيها فكرة حلوة

طوبه فضه وطوبه دهب يقول...

جميله اوى القصه والاجمل الاسلوب اعذرنى انى ما عزتكيش ربنا يعلم انا ما كنتش اعرف انا بقالى فتره بدور على مدونتك بجد بجد وحششششششششششششتينى اوووووووووووووى وحقك عليا ياقمر

لحظة تأمل يقول...

فى الوقت ده اللى بيواجه الناس بالحقيقة .. بيقولوا عليه غلطان لانهم مش قادرين حتى يواجهوا نفسهم بيها

تحياتى

آيوشة يقول...

نورتى البلوجر من تانى ياقمر فرحت لما لاقيت عندك بوست جديد
بس بوست جميلة جدا والست دى حكيمة جدا على الرغم من بساطتها

تأثير الفراشة يقول...

أولا الحمد لله على السلامة، منورة بلوجر :)

ثانيا ، انت بجد لخصتى كل حاجة فى آخر جملة ، و فعلا لازم الانسان يحترم نفسه أولا علشان الناس تحترمه
و معنى رائع فعلا إنه لا طاعة لمخلوق فى معصية الخالق ، مهما كان المخلوق ده مين

أحييكى بجد

الحمد لله على السلامة مرة تانية

دمت بكل خير

7annen يقول...

ايه دا بت لوكلوك

عامله زى سكرتيره المفتش كرومبو

ههههههههههههههههه

فشكووول يقول...

ايه ده يا سويت

يعنى هى الست هنيه عشان عايزاك توصلى جوال للاستاذ عصام تعملى فيها كده وتفضحيها.

يا شيييييخه الوليه عايزه عريس لبنتها وخلاص .. مش كنت تساعديها وعلقه تفوت ولا حد يموت

بس ياسويت الكلام الوحش عن المحارم بيبقى صعب قوى .. ربنا يرحمنا برحمته

عاشقه الرومانسيه يقول...

هى الناس كده
الصريح والدوغرى يقولوا عليه قليل الادب ولسانه طويل

انا مع هنيه قلبا وقالبا
ياست هااااانم
(:


وحشتينىىىىىىىىىىى

Mr.ProiD يقول...

اسلوبك جامد جدا

اسلوب يشد

رغم ان الحدوته طويله حبتين بس الإسلوب خلاني اقراها للأخر

و في الآخر اوجزتي كل الحكايه في جمله واحده

"ان ماكبرتش لسنك هتنداس من الاصغر منك"

تقبلي مروري وتحياتي

Sweet Violet يقول...

كيارا
^^^^^^
حرام عليك ياخيارا دى حتى مش قالت حاجة خالص
^_^
يابنتى الحلقات كلها هنية هى اللى بتتكلم
اما الست هانم مستمعه فقط
بتفضض يعنى معاها .. بطلوا بقى الكبت على البشر
P:

Sweet Violet يقول...

kmt
^^^^
عليكم السلام و رحمة الله وبركاته

انتى اللى وحشانى مووووت

و كمان بقى عايزة تعرفى كده من اول حلقة
عايزانى اخون مبدأ ضد
تؤتؤتؤتؤتؤتؤتؤتؤ ابدا لا ينكن
ان شاء الله هتعرفى فى الحلقات الجاية
^_^

Sweet Violet يقول...

احمد ابو العلا
^^^^^^^^
هى فعلا كده يااحمد
و للاسف هى مش لسه هتتعب هى تعبت قوى فى حياتها علشان كلمه لأ دى
اما عن احزانها فدى البداية فقط
v_v

Sweet Violet يقول...

عاشقة القمر
^^^^^^
ماهى سيبها على ربنا
^_^

Sweet Violet يقول...

eyad
^^^^^^
الله يسلمك
موضوع اللغة للأسف مش هينفع يكون باسلوبى لان السلسلة انا متعمدة فعلا تغيير الاسلوب
يعنى تنوع
^_^

معاك فعلا اننا فى عصر انعدم فيه الاخلاق و القيم بس المشكله ان النوع ده من البشر مش معترف بعدم اخلاقه
بالعكس دول فاكرين انهم صح و لازم الكل يمشى على هواهم يااما يعلنوا الحرب عليه
v_v

ان شاء الله هظهر
^_^

Sweet Violet يقول...

رومانسى التفاؤل
^^^^^^^
هههههههههههههههه
بقى بتقولك سابت بيت ابوها انت عايز ترجعها ليه تانى
شرير انت يارومانسى
P:
اى نعم خدوا الحكمة من اللى تعب من الدنيا قوى
v_v

Sweet Violet يقول...

عادل
^^^^
اولا : انا اهو بس الفترة اللى فاتت دى كانت ملخبطه على الاخر عندى
v_v

ثانيا بخصوص الاسلوب بقى انا قولتلك عندك
مش حبر بقى و خلاص الله
×_×

ياسيدى المدونة مدونتك رخم زى ماانت عايز يعنى
D:
الف سلامة عليك و ان شاء الله تخرج من التعب بسرعه و ترجع تانى تكتب
بطلوا كسل بقى
P:

Sweet Violet يقول...

ليس فقيرا من يحب
^^^^
صح
و هى الصراحة الدنيا اكلت ماخلتش حاجة اصلا فيها
v_v

Sweet Violet يقول...

مناميييييييييينوووووووووووووووووو
^^^^^^
الاول بجد اشكرك على مساعدتك ليا كتييييييييييييييييير

ههههههههههههههههه يابنى انت لحقت ده انت مسافة ماجبت التعليقات بس
ينهار ابيض بطل كسل تفكيرى بقى

ههههههههههههههه طب و الله وحشانى المسيرة تصدق
v_v

لا حول ولا قوة الا بالله ليه بس بتفكرنا بالناس اللى مشاكلهم كده
ده الواحد كان نسيها
يعنى الزهايمر دلوقتى مش معاك
×_×

لا ازاى النوع ده من البشر عايز حتى لو هو مش محترم الناس تحترمه
هو الواحد اتكلم عن هنية من فراغ
v_v

Sweet Violet يقول...

الازهرى
^^^^^
انت فعلا جبت المفيد
بس نفسى اعرف الناس دى ادام نفسها بتكون ازاى
ولا بيصدقوا فعلا انهم على حق و صح ؟؟
لكن هنقول ايه العيب الاكبر علي اللى بيشوف غلطهم و مش بيتكلم و يمنعه
v_v

Sweet Violet يقول...

طائر الليل الحزين
^^^^^
لا فى ناس بتسمع و بتفهم لكن بتعمل مش شايفة ولا فاهمة
و هما دول اللى سابوا الغلط يستمر و يكبر لان مش لاقى اللى يقف له صح
v_v

Sweet Violet يقول...

صوت من مصر
^^^^^^
اممممم ممكن تكون زيها
لكن اكيد مش سمعتها من هنية نفسها
^_^

Sweet Violet يقول...

المعتصم
^^^^^
الله يسلمك
ويارب انت كمان تكون بخير
^_^
اممممم
حكاية هنية من ايه تقصد ؟؟
تخيل مش فاهمة السؤال
D:
ارجع وضح لو سمحت
ولا اخ كبير اسم و بس
ده ايه ده
×_×

Sweet Violet يقول...

تؤام روحى
^^^^^
عليكم السلام و رحمه الله و بركاته

انتى اللى وحشانى مووووووووت

ههههههههههه دى هنية
حد مايعرفش هنية ياشيخة
^_^

قولى بقى لخيارا هانم لانها معترضة على ست هانم دى
v_v

Sweet Violet يقول...

طوبه فضه وطوبه دهب
^^^^^
ولايهمك ياقمر المهم انك وصلتى بالسلامة بقى
^_^
انتى اللى وحشانى ووحشنى مدونتك
وانا اللى بعتذر عن تقصيرى معاك
v_v

Sweet Violet يقول...

لحظه تأمل
^^^^^^
صح
لكن المفروض مهما قالوا مايترجعش عن المواجهه دى

Sweet Violet يقول...

آيوشة
^^^^^
بلوجر منور بالجميلة ياجميلة
انا بجد اللى كنت مفتقدة مدونتكم كلها
ويارب نتقابل قريب على الميل لانك بجد وحشانى
^_^

Sweet Violet يقول...

تأثير الفراشة
^^^^^
الله يسلمك ياقمر

لا طاعة لمخلوق فى معصية الخالق
ايوة بس للأسف كتير منا نسى ده
v_v

Sweet Violet يقول...

حنين
^^^^
ده البدايه امال فى الباقى هتقولى ايه
D:

Sweet Violet يقول...

عمو فشكووووول
^^^^^^^^
فى ايه بس ياعمو انا عملت ايه
ده البت هنية هى اللى قالت مش انا
و كمان ياعمو علشان تجيب لبنتها عريس تعمل كده
ده كده العريس هيفلسع منها
^_^

طب تخيل بقى ياعمو اننا يلا بنقرا الكلام بنقول عليه وحش
امال بقى اللى عاش الحدث نفسه هيكون احساسه ايه ؟؟
v_v

Sweet Violet يقول...

عاشقة الرومانسية
^^^^^^^
ايوة يابنتى ماهو ده عصر اللف و الدوران
v_v

لااااا هو انتى و هنية عليا ولا ايه
عاااااااااااااااااااااااا

انتى اللى وحشانى ياقمر
^_^

Sweet Violet يقول...

Mr.ProiD
^^^^^
اشكرك جدا على رأيك و مرورك
نورت
^_^

نـــــــــــــور يقول...

تصدقى انها صعبانة عليا اوى؟
عارفه ليه؟
لانها اخترات دايما تبقى ضد التيار :)

mahasen saber يقول...

امممممممممممممممممممممم

والله البت هنيه دى متهنيه فعلا بعقلها الكبير وروحها اليى شايله هموم الدنيا دى

mahasen saber يقول...

بس قوليلها هيجى يوم وربنا يفرجها

اليى فرجها عليا هيفرجها على غيرى كتير

mahasen saber يقول...

بس يا ست ضد هانم لو السايت بتاع الراديو مركبش هعملك كفته على الفحم انتى والست هانم وهنييه بالمره

كيمو ونها ودعاء اكلو وشى حاف من غير اى مقبلات

Darsh Basha يقول...

اة هو انتى بتغيبى كتيرونفضل مستنينك
وبترجلعلنا بحاجت ملهاش حل.
يعنى بصراحة مواضيعك كلها فيها حاجات جديدة جدا.
دماغك فى المواضيع عالية جدا

وبالذات الطريقة بتاعة الموضوع دة خطير
والموضوع نفسة روعة

وكل سنة واتى طيبة
بمناسبة المناسبات اللى فاتت دى
من رمضان والعيد والدراسة واكتوبر
شروة واحدة.

aMr tA3LaB يقول...

مممممممممممممم
حكم

بجد ملهاش حل

فكرة من الزمن ده يقول...

البت هنية دي مية مية

وهي الجدعنة بعينها

والزمن ده عايز كده ولو انه صعب اوي
لكن في الاخر لا يصح الا الصحيح

في الاول بيحصل التصادم بينك وبين الناس
بعد كده الاصيل منهم بيعرف انك فعلا من النوع اللي لازم يحرص عليه وما يضعش من ايده
تحياتي

mohamed ghalia يقول...

فكرتينى بأبيات شعر لجويدة بتوصف كل ده
فى هذا الزمن المجنون إما أن تغدوا دجالا أو تصبح بئرا من أحزان
لا تفتح بابك للفئران كى يبقى فيك الإنسان

ربنا يسعدك دايما
حمدا لله على سلامتك

مصعب صلاح يقول...

السلام عليكم
نحن لانزرع الشوك

Sweet Violet يقول...

نـــــــــور
^^^^^^
تخيلى وصعبانة عليا انا كمان

بس انا اعترض بقى هى ضد التيار واحدة يانور هه بس
مافيش غيرى ياوحشة .. بس لما اشوفك بس

Sweet Violet يقول...

حماتى اللذيذة
^^^^^^
ربنا معاها و مع كل واحدة زيها ياحماتى
^_^

اما بقى موضوع الراديون .. بقى تعملى كده فيا علشان سايت
تؤتؤتؤتؤتؤتؤتؤتؤ ماكنش انعمش ولا لبس نضارة ياحماتى
v_v

هههههههههه انتى اللى غلطانة حد قالك تديهم وشك
عموما منتظرة رد اسلام و ان شاء الله كله يكون تمام
^_^

Sweet Violet يقول...

Darsh Basha
^^^^^

اشكرك كتيييييييير على كلامك

و كل سنه و انت بخير
شروة واحدة بقى انا كمان
^_^

Sweet Violet يقول...

aMr tA3LaB
^^^^^^^^^
مش هنية بقى
^_^

Sweet Violet يقول...

فكرة من الزمن ده
^^^^^^^^
"بعد كده الاصيل منهم بيعرف انك فعلا من النوع اللي لازم يحرص عليه وما يضعش من ايده"

الله عليك بجد
^_^

Sweet Violet يقول...

محمد
^^^^^
الله يسلمك يامحمد
^_^

Sweet Violet يقول...

مصعب صلاح
^^^^^^^
عليكم السلام و رحمة الله و بركاته

جايز
^_^

๓คภ๏ภค يقول...

جميلة يا نور .. تسلم ايديكى وبجد عجبنتى اخر جملة

ان ماكبرتش لسنك هتنداس من الاصغر منك

فعلا والله صدقت

وياعينى عليها بجد صعبت عليا هنية المش متهنية

مستنية باقى الحلقات


ليه الناس مستغربة الاسلوب بالعكس عجبنى ولذيذ اوى ومفهوم جدا انه ع لسان غير لسانك يعنى واحدة فلاحة يا جماعة من البلد بتبقى لغوتهم كده

ليه كمان بيقولولك يا ضد ؟؟

حسيت انى بقيت حشرية ههههههههه

بس الفضول يقتلنى !!

Sweet Violet يقول...

انتى اللى جميلة ياجميلة
بس ليه بتقولى انها مش متهنية
دى يابنتى الاحزان معاها زى ظلها
v_v

اما الاجابة فاتم توصيلها بالبريد المستعجل على البيت
^_^

๓คภ๏ภค يقول...

تمام يا فندم وصل ههههههههههه

طيب اهو ماهى الاحزان ملازماها تبقى ازاى متهنية

بس كلام ف سرك رغاية اوى البنت دى هههههههههه بس وحشتنى والله وجيت جرى اكمل

انا رايح اكمل بقه يا احلى ضد

نوادر يقول...

الحكاية حلوة لكن اعتقد انك لو نوعتى شوية فى الاسلوب بدل مايكون للشغالة يكون لبنت جامعية وبتناقش مواضيع حياتية موجودة فى مجتمعنا اعتقد انك هاتعرفى توصلى الفكرة اللى فى دماغك اكتر بس فعلا مجهود مشكورة علية

Sweet Violet يقول...

๓คภ๏ภค
^^^^^
ماهى لان الاحزان معاها خلاص بقت متهنيه بيها و عندها مناعة منها
^_^

رغاية ايه بس
دى البونية مش بتقول كلمتين على بعض هههههههه
بطلوا ظلم فى البونية

Sweet Violet يقول...

نوادر
^^^^
هى هنية مش شغاله
فكرة هنية المتهنية فى الاحزان
انها بنت من الارياف غير متعلمه
لان الهدف الاساسى من السلسلة تسليط الضوء على الفئه دى من الناس
ارجو اكون قدرت اوصل فكرة السلسلة نفسها
^_^

شركة تنظيف بالدمام شركة تاج يقول...


شركة تنظيف فلل بالجبيل

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة تنظيف شقق بالجبيل

شركة مكافحة حشرات ببقيق

شركة تنظيف منازل ببقيق

شركة تنظيف شقق ببقيق

شركة مكافحة النمل الابيض ببقيق

شركة مكافحة حشرات بسيهات

شركة مكافحة النمل الابيض بسيهات

شركة تنظيف بالدمام شركة تاج يقول...

شركة تاج للتنظيف بالدمام 0551844053


شركة تنظيف منازل بالدمام

شركة تنظيف شقق بالدمام

شركة تنظيف بالدمام

شركة رش مبيدات بالدمام

شركة مكافحة حشرات بالدمام

شركة تنظيف فلل بالدمام

شركة عزل اسطح بالدمام

شركة عزل خزانات بالدمام

شركة تسليك مجارى بالدمام

شركة تنظيف سجاد بالدمام

شركة مكافحة النمل الابيض بالدمام

شركة تنظيف واجهات زجاج بالدمام

شركة تنظيف مجالس بالدمام

شركة تنظيف خزانات بالدمام

شركة رش دفان بالدمام

شركة تسليك مجارى بالدمام 0551844053