Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الأحد، 1 نوفمبر 2009

لا تتعجب !!!!

353156546455

عندما تنهى علاقة قبل البدأ فيها فيتهموك بالغدر بهم .... لا تتعجب

عندما تكون مع نفسك و الاخرين صريحا فتلقب بالكاذب ... لا تتعجب

عندما تجد شخص من المفترض انه قدوة للأخرين ينصحك باللااخلاقيات .. لا تتعجب

عندما تجد "حيوان" يحمى انسان من ضرر انسان اخر ... لا تتعجب

عندما تجد ام تتنازل عن ابنتها من اجل اهوائها .. لا تتعجب

عندما تجد من يطالب بحقة هو الشخص الذى يأخد من الاخرين حقوقهم .. لا تتعجب

عندما تجد الخائن يبكى  و يتألم من غدر الوفى .. لا تتعجب

عندما ترى من ينادى بالقيم السامية هو نفسه فى الواقع يهدمها .. لا تتعجب

عندما تراهم لا يهدئون اذا عومل حيوان باساءة بينما يدخلون فى سبات عميق اذا قتل انسان .. لا تتعجب

عندما تجدهم لا يعرفون شيئا عن حرية الفرد و حرية الجماعه و يتهموك انت بالجهل .. لا تتعجب

عندما تراه دائما يؤيد رأى الاغلبية لانه الاصح عن رأى الفرد و فى الوقت ذاته يرى ان المجتمع مخطئ ولابد أصلاحه من جديد .. لا تتعجب

عندما تجد أب يتغرب عن ابنائه بحجة تأمين مستقبلهم ولا يروه الا كنزيل فندق و يستنكر بعد ذلك معاملتهم له كبنك مال ... لا تتعجب

عندما ترفض اقناعهم لك بأن سم الافاعى هو فى الحقيقة عسل النحل فيتهموك بالغباء .. لا تتعجب

عندما تجزم انها ماعادت تهتم بهذة الشخصية و فى الوقت نفسه تتبع أخبارها .. لا تتعجب

عنما تجد من خان مبادئه هو الذى يبكى على ضياع المبادئ .. لا تتعجب

عندما ينهون الاخر عن النميمة وهم منغمسين فيها .. لا تتعجب

عندما يريدون منك الاقتناع بشخصيتهم القوية التى يحركها الاخرون .. لا تتعجب

عندما ترفض الانضمام لوسط ملوث فتتهم بعدم الاخلاق ... لا تتعجب

عندما ترى فى اعيونهم الرغبة و الاحتياج إليك و لكن لغدرهم اولويات اخرى .. لا تتعجب

عندما تدافع عن خصوصاياتك فتتهم بالانانية .. لا تتعجب

ارجوك لا تتعجب فهذا العصر مباح فيه كل شئ عدا التعجب !!!!

 

و دمتم سالمين

هناك 39 تعليقًا:

Mina يقول...

صدقت والله يا ضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد
بقينا عايشين في مجتمع مليان بالازدواجية في المعايير
كل واحد شايف القشاية اللي في عين اخوه ومش واخد باله من الخشبة اللي في عينه
كل واحد بيشوف ضعفات الناس الصغيرة وشايف انه ملاك نازل من السما
مابيغلطش
ده بخلاف اننا مجتمع الكلام والمناقشات والمباريات الكلامية
يعني كل واحد يقعد في قاعدة حلوة مع شوية اصحاب حلوين ويبتدي يعدد من صفاته وحسناته وانه راجل منفتح الذهن والعقل ومثقف وشايف الدنيا بوجهة نظر مختلفة
تيجي لافعاله تلاقيه بيناقض نفسه تماما
كل ده ليه لانه حافظله كلمتين بيقولهم في كل قاعدة لكن الحقيقة لاهي دي افكاره ولا معتقداته ولا عمرة كان مؤمن ولا هايحصل وانه يؤمن في يوم من الايام بالكلام اللي بيقوله
ده كلام للتليفزيون والجرايد زي مابيقولوا
بس اللي في القلب في القلب ياحجة
وابقي سلميلي علي اللي اشتري المترو

donya يقول...

مساء الخييييييييييييير
وربنا وربنا انا كنت هنا وماكنش في حد

ماااااااااشي

donya يقول...

بوست صااااااادم بكل مافيه من معاني

وعندما تجد من اقنعك في يوم من الايام انه يحبه ولا يستطيع ان يجرحك او يبتعد عنك
هو نفسه من يجرحك ويدوس علسك
(لالالالالالالالالالا تتعجب )

لو كل واحد فينا قال لاتتعجب هيقضيها بوستات لاتتعجب

نمشيها لاتتعجب وبلاش ننام والا ايه
نديها سهره لاتتعجب !!!!!!!!!!!


لكن هنتعجب من ايه ولا ايه ولا ايه
اذا كان هو ده زمن العجب
وان طلع العجب من زمن العجب مابقاش عجب

*تعجباتي
قصدي تحياتي

Mina يقول...

ههههههههههههههههههههههههه
معلش بقي يادنيا
خطفتها منك المرة دي
اصلي جاي مع البوست

سجود يقول...

جزاكم الله خير
البوست جميل
فعلا لا تتعجب

عصر الجنون يقول...

ارجوك لا تتعجب فهذا العصر مباح فيه كل شئ عدا التعجب !!!!

!!!!!!!!!!!!

موناليزا يقول...

قد صرنا فى اخر الزمان حقا
فكل هذه من ضمن علاماته

وردشان smilyrose يقول...

وما الداعى للعجب حبيبتى

فنحن نعيش فى عالم كل شيئا فيه مباح

الغدر مباح والخداع مباح

والظلم والقتل وكل شئ مباح

وحشتينى على فكرة جدا

Cute Kitty **sookra يقول...

اه يانا ياغلبى شكلى اتاخرت ولاايه
ماشى هاصالحك بشيكولاته وبوسه امووووووووووووووه
حبيبتى ضد علامات التعجب ملأت حياتنا
احنا الاربعه وعشرين ساعه بنتعجب وموش قادرين غير اننا نرسم علامات التعجب على وجوهنا
احنا اصلا بقينا بنتعجب من نفسنا كمان
مودتى وبوسه كمان
امووووووووووووووووووووه

Kiara يقول...

لا تتعجب

ان ان ااااااااااااااااان
البت جالها هس هس اسمه لا تتعجب

ناقصك يابت الكرافت والمايك لا تتعجب

في فقره بقي جاااااااااااااااااااامده موت طحن

بس مش هقولها هنا هقولالك بيني وبينك

جاااااااااااااااااااااااامده ياب بتاعه لا تتعجب

الا قريبك لا تتعجب دا ولا مين بالضبط

يعني انتي شفتيه في انهو مكان لا تتعجب دا

طيب مش احنا انتيمات عرفيني عليه

عشان اقوله

لا تتعجب

جد شويه بئا

************

طول مافي ناس بتبيع يبقي مش تتعجبي من اي شي مهما كان

خواطر شابة يقول...

كلامك صحيح ولو بقيتي تعدين مايدعو للتعجب في وقتنا الحاضر لما كفتك صفحات وصفحات
العالم أصبح غريب يعاني من ازدواجية غريبة ومن انقلاب في المفاهيم.
انا سأعمل بنصيحتك ولن أتعجب بعد الان فأدا كان هدا حالنا الان فما سيكون الحال بعد سنتين أو ثلاثة ربما وقتها حتى فعل التعجب سيصبح متجاوز
مع تحياتي

غير معرف يقول...

ازيك يا سويت ياحبيبتى وحشانى موووووووت

اخبارك ايه

احنا اصلا فى زمن العجايب فالمفروض اصلا اننا لا نتعجب

ربنا يستر بقينا فى زمن مايعلم بيه الا ربنا

حنين

دعاء العطار يقول...

لو قلتلك ان البوست رووووووووووووووووعه ... فلا تتعجبى

بجد تناقضات غريبه جدااااااااا

وكلها بتحصل فى مجتمعنا

تحياتى ليكى ياقمررررررر

أحمد بسام يقول...

المدونة الفاضلة : ضد التيار
والله عندك حق
حقا نهايتك اكثر من رائعة
جزيت خيرا

мαησηα يقول...

ماهو مش نافع اقول حاجة بعد كل اللى قلتيه

بس هاقولك بجد وحشتينى جداااااااااا

حمد لله ع سلامتك ياقمر

وبجد تسلم ماغك وايدك اللى كتبت يا حبيبتى

انا فعلا عاجزة عن اى كلام

غير معرف يقول...

لا تتعجب !!

لا يا ضد ، لازم نتعجب .. لازم نواجه ..
عشان تفضل الحاجه النضيفه اللي جوانا زي ما هي .. نحاول نخلي الحلو اكتر من الوحش بدل ما نسكت ولا نتعجب وتبقي " عادي " ..

انا معاكي ان في حاجات كتير وحشه ..
بس في حاجات كتير جميله تستدعي الوقوف عليها ..

ولو لقينا حاجه غلط نقف و " نتعجب " ونواجه ..

وحشاااااني علي فكره :)

يارب تكوني بخير

تحياتي

mohamed ghalia يقول...

أنا مش متعجب خالث أهو
وش مذمهل

marmar يقول...

لا فعلا كلهم بيمرو علينا في دنيتنا خصوصا الحيوان اللي بيحمي الانسان
انا لسه عند رأيي احنا مش فالحين الا في الكلام والنم وبس
لو بطلنا فيوم نتكلم وننم هنبقى مجتمع كويس اوي
بس مين يسمع ومين يعمل
ولا حد


وحشتيني يا سكووووره عامله ايه واخبار القر والحسد معاكي ايه ههههههههههههههههههههههههههههههه
وحشااااااااااااني يا بت انتي بجد:@
يلا كفايه عليكي كده هروح البس عندي جامعه باااااي وادعيلي عندي امتحان صععععععععععععب وخايفه منو بجد

micheal يقول...

تسلم إيدك اللي كتبت البوستت ده
عموما احنا بقينا مليانين شيزوفرينيا من جوانا
حتابع مدونتك بإستمرار بإذن الله
تحياتي

قلم رصاص يقول...

إني لا أتعجب (وش يصدر صوتا أجش)

ههههههههههههههههه

بوست رائع كالعادة

وربنا ييسر امورنا ان شاء الله

حتى لانتعجب بعد ذلك

دمتي في حفظ الله

Butterfly يقول...

كلى تعجب !!!!!!!!!!!!!!!!

الشعب لابد له من حكومه تشكمه يقول...

سؤال:
امتى باه اتعجب؟:)

صوت من مصر يقول...

المشكله اصبحت العصر
المشكله ليست فينا نحن

*البت المشمشية *حلوة بس شقية * يقول...

بجد يعنى
تقريبا احلا بوست قريتو فى الفترة الاخيرة دى

Mr.ProiD يقول...

لا تتعجب !! إن خان صديق أو حتي حبيب فالكل الآن بلا عنوان

لا تتعجب !! إن كان الإنسان يتلون في اليوم آلاف الآلوان

لا تتعجب !! إن صار الكون بلا حب أو ماتت فيه كل الآلحان

لا تتعجب !!

تحياتي

Ahmed يقول...

لو حقيقي اللي قدامي ميتهلش يبقى ملوش لزمه العجب

مدحت محمد يقول...

انا معرفش متعجبش
وعجبى

ليس فقيرا من يحب يقول...

عندك حق جدا

مش لازم نتعجب ان ده حال الدنيا

ومع ذلك فى حجات كتير جميله ومشرقه

تهون علينا

ربنا يسعدك يارب يا روح قلبى

تحياتى

barbie girl يقول...

الجملة دى فى الجول بجد
عندما تجد أب يتغرب عن ابنائه بحجة تأمين مستقبلهم ولا يروه الا كنزيل فندق و يستنكر بعد ذلك معاملتهم له كبنك مال ... لا تتعجب
وبتحصل كتير اوى اوى اوى اودامنا

ولما اب يفضل بعيد عن مشاكل اولاده ويعيش نفسه فى معزل عن حياتهم واصحابهم ودراستهم ومشاكلهم ولما تحصل كارثة يجى يقول :ليه مقلتوليش عليها من الاول؟؟

rovy يقول...

حبيبتى .. علقت على البوست الرائع هذا فى الفيس بوك و قلت انه لا داعى للعجب فى زمن العجب ..
نعم فكيف نتعجب و قد اعتدنا على كل هذا مع كل اسفى ..
تعرفى انا شايفه ان العجب دلوقت اننا نلاقى انسان ضميره حى و يتقى الله بصدق لا ليكذب و يتجمل .. ربنا يرحمنا من عجب العجاب بهذا الزمان ..

تحياتى لمى غاليتى

حلم بيعافر يقول...

هو انا جيت هنا قبل كده ولا لاء؟
شكلى جيت بس المدونة راحت من عندى وانا بغير شكلها
المهم مدونة جميلة
اما بالنسبة للبوست فكلام جميل بيوصف واقع مؤلم
تحياتى

م/ الحسيني لزومي يقول...

عندما تندثر القيم وتتراجع الاخلاق فقل علي الدنيا السلام
تحياتي
---------------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

فكرة من الزمن ده يقول...

معكي حق
لا شيء في دنيانا اصبح يدعو للعجب فكل الاسس مقلوبة في اي وقت
تحياتي

تأثير الفراشة يقول...

بجد سلمت يمناكى على المعانى الرائعة اللى ذكرتيها فى البوست ده ، بجد قولتى ما قل و دل

و اعتقد إذا لم نتعجب ، فسنتعجب إننا لم نتعجب من هذه العجائب

المهم إن التعجب ده يدفعنا للتغيير للأفضل بإذن الله

تحياتى لكى و لقلمك المبدع

TIMMY !! يقول...

ذكرني هذا البوست بكلمات لتميم البرغوثي حين قال :
و العجائب ليس ينكرها العباد , كأنها قطع القماش يقلبون قديمها و جديدها ,

فعلا صارت العجائب مألوفة ... بل بديهية في بعض الأوقات !!!

zikooooo يقول...

السلام عليكم
البوست رائع
بس الجديد ان دلوقت في حد بيتعجب اصل الحجات دي بقت عادي في بلدنا واصبح وباء

حياه بلا عنوان يقول...

السلام عليكم ورحمه الله وبركاته
فعلا البوست جميل قوى الانسان فعلا مبقاش يتعجب من اى حاجه لان سعات كتير بيحصل حاجات بنكون مش متوقعنها فالمفروض اننا نتعجب بس للاسف من كتر ما بيحصل كده مع الانسان مابقاش يتعجب خالص من اى حاجه لان كل شىء جايز وممكن وفى اى لحظه بوست جميل
تحياتى

التميز المثالي للخدمات المنزلية يقول...


شركة تنظيف فلل بالجبيل

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة تنظيف شقق بالجبيل

شركة مكافحة حشرات ببقيق

شركة تنظيف منازل ببقيق

شركة تنظيف شقق ببقيق

شركة مكافحة النمل الابيض ببقيق

شركة مكافحة حشرات بسيهات

شركة مكافحة النمل الابيض بسيهات

التميز المثالي للخدمات المنزلية يقول...

شركة تاج للتنظيف بالدمام 0551844053


شركة تنظيف منازل بالدمام

شركة تنظيف شقق بالدمام

شركة تنظيف بالدمام

شركة رش مبيدات بالدمام

شركة مكافحة حشرات بالدمام

شركة تنظيف فلل بالدمام

شركة عزل اسطح بالدمام

شركة عزل خزانات بالدمام

شركة تسليك مجارى بالدمام

شركة تنظيف سجاد بالدمام

شركة مكافحة النمل الابيض بالدمام

شركة تنظيف واجهات زجاج بالدمام

شركة تنظيف مجالس بالدمام

شركة تنظيف خزانات بالدمام

شركة رش دفان بالدمام

شركة تسليك مجارى بالدمام 0551844053