Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الخميس، 4 فبراير 2010

حديث عقل لا يجيد التفكير

 

يقال ان الشخص المغرور هو من زادت ثقته بنفسه فأغفل شعرة الفاصلة بينهم .

و لكن .. هل حقاً مابين الثقة بالنفس و الغرور شعرة ؟؟

بالنسبة لى فالإجابة بالنفى .. فإذا وجدنا شخص مغرور و حاولنا قراءة مابين سطور غروره سنجده أقل الأشخاص ثقة بالنفس بل هو لا يعلم من الاساس مفهوم هذه الثقة .. فهو لا يرى ان ابسط الناس اكثرهم ثقة بالنفس ، بل يرى ان الغرور هو هذه الثقة . فحاول ان تواجهه بهذا لتجد الإجابة الاعتيادية انه شخص واثق فى نفسه ليس إلا !!!

 

لذا فأنا لا ارى بينهم شعرة بل اراهم وجهان لعملة واحدة فمهما زاد وجه منها أو قل لا يلتقيان ابداً !!!!

ـــــــــــــــــــــــــــــــــــــــــــ

 

قالى لى صديقى انه يجب ان انظر للجانب المشرق فى العلاقة ولا أهتم بالجانب المظلم فيها بل أعطيه ظهرى ولا انظر له .. و لكن كيف أفعل هذا ؟؟

ألم يرى صديقى ان هذا الجانب سبب رئيسى فى خلق الجروح و هدم العلاقات ؟؟!!

 

نعم يجب ان اهتم بالجانب المشرق و لكن يجب ايضاً ان لا اغفل الجانب المظلم

فالطعنات دائماً تأتى من الخلف فى الظلام !!!

 

ـــــــــــــــــــــــــــــــــ

من السخرية عندما يجزم اصدقائك انك من الشخصيات التى يصعب معرفتها بسهولة و ان ردود افعالك غير متوقعه

 

و يأتى اشخاص معرفتك بهم لا تتعدى اياماً او بضع اسابيع يقسمون انهم يعرفونك جيداً و يبدأون فى تحليل شخصيتك و الأغرب انهم يدعون معرفة ردود افعالك

و فى اول موقف يحدث بينكم يخيب ظنهم و توقعاتهم فيسارعون بإلقاء اللوم عليك !!!

 

ـــــــــــــــــــــــ

اذا نشأت تعشق لعبة توصيل النقاط و حل المتاهات و مشاهدة الافلام و المسلسلات التى على نهج (c . I . A ) .. فهذا العشق اندمج مع شخصيتك فأصبح اسلوب حياتك على هذا النهج ، فكلمة ما من الممكن ان تقودك للحقيقة كاملة ، و من فعل ما تعلم احداث الحكاية ، فيلومك بعض الناس ويعتبرونك مخطأ فى حقهم لأنك قد افسدت عليهم خداعك !!

 

فلا سبيل إلا انك تعتذر لهم عن هذا الخطأ الشنيع و تعترف انك حقاً شخص لا يستحق شرف خداعهم !!!!!!!!!!!!!!!

ــــــــــــــــــــــــــــــــــــــــــــــ

 

تحدثنى كثيراً عن غموضه و اتركك لا لأننى اوافقك الرأى بل املاً منى ان تعرف اليقظة طريقها اليك .. و لكنها قد ضلت الطريق و انا سئمت من هذا الحديث حقاً

 

لماذا تراه غامضاً لان كلماته غير مفهومة بالنسبة لك .. اعذرنى يا سيدى فهذه مشكلتك انت و ليس غموضاً منه . هل حاولت يوما ان تغفل بريق كلماته المتكلفه و تقرأ مابين السطور ؟؟ حاول ستجد انه شخصيه مخادعه يستخدم بريق هذه الكلمات ليصنع هالة الغموض المزيفة .

هكذا هى لعبة الكلمات سيدى .. فأوضح الكلمات معنى تختزل فى مساحتها البيضاء عمقاً لا تستطيع الوصول اليه بسهولة .. فأول قوانينها الاسهل هو الاصعب دائماً

كذلك الشخصيات .. فالغامض له حيلة فطرية تجعلك تظن انه اوضح الناس و كتابه المفتوح سهل القراءة لدرجة انك تنصرف عنه و توفر مجهودك لقراءة ما هو أصعب.و عندما يأتى وقت فراغك و تقرر ان تقرأ هذا الكتاب ستنشط هالة الغموض و ستقف طويلا على كل سطر منه و تحاول ان تفهمه إلا انك فى النهاية ستعجز و تصدم

 

نعم نحن هكذا دائما يا سيدى يخدعنا سهولة الشئ فنهمله و نهتم بالأصعب الذى دوماً ما نصدم فيه بالنهاية و عندما نعود للأسهل نصدم فى الحقيقة انه كان الاصعب .. و لكن مع كل هذه الصدمات لن نتعلم و سنظل هكذا دوماً ننخدع و نصدم

 

فأرجوك يا سيدى لا تقول لى مرة اخرى انه يصنع هالة من الغموض حوله .. لان هالة الغموض هى من تصنع نفسها حول الشخصية و ليس العكس !

هناك 22 تعليقًا:

غير معرف يقول...

كلامك تمام

وانا معاكى فى الراى دا

لان المغرور عنده عقدة نقص بيحاول يعوضها فى غروره دا

مش ثقه فى النفس ,, لانها لو ثقه فى النفس مش محتاج لغروره ,,, تسلم ايدك ,,, موضوع مهم

فاتيما يقول...

سويت يا رقيقة

ازيك الاول
و ثانياً كلامك لمس عندى اوتار كتير قوى
فيه كتير قوى من الواقع و الحقيقى

البنى آدم مخلوق عجيب فعلا

عنده من الغرور الفزيع لدرجة انه قادر يخدع نفسه و يأذيها و يطلق الاحكام على غيره و ميشوفش نفسه ببشاعاتها

تعرفى انى كتير بحس نفسى كدا

ثقتى فى نفسى بحسها غرور
فى اغلب الأحيان

و هجوم الناس على بعض عيوبى بعتبره برضو غرور منهم فى أغلب الأحيان

صعب قوى حكاية ان الواحد يفرز الحقيقة من المزيف
اصلها عاوزة صبر و تواضع و كمان ناس كويسة حواليكى قادرة تحبك اكتر ما تزعل منك او تحقد عليكى او يبقى عندها غرض

انتى فيلسوفة يا بنتى

خسارة انك مبتكتبيش كتير

خالص حبى ليكى يا حبيبتى

شمس النهار يقول...

ايه ده ايه ده
خياااااااااااااانة

بس مش مهم
المهم انك كتبتي بوست


بس بوست عايز بال رايق وانا النهاردة كان يومي صعب

نسيتي الاسطوانة عندي ياجميلة

علي فكرة

فعلا المغرور ماعندوش نفس اصلا علشان يكون واثق فيها او منها

المغرور جاهل عاجز بيدارا وراء الغرور مش اكتر
ولكن اكثر الناس ثقه بالنفس فعلا امثرهم تواضع

ايه رجع زمان والمواضيع الجااااامدة

توتا بتسلم عليكي

سلامي

Mina يقول...

الغرور والثقة بالنفس وجهان لعملة واحدة
جديدة دي
بس وماله ادينا بنسمع الجديد كله من الست هنية
الا هي راحت فين صحيح
انشالله تكون بخير سلامنا ليها كتير كتير كتير السلام
...........................
انا بقي مش هاقول زي صديقك بصي للجانب المشرق في العلاقة وسيبي الجانب المظلم
انما برضو ده بيبقي علي حسب العلاقة نفسها
يعني فيه علاقات بيهمنا منها جانب واحد بس والباقي سواء بقي كان مظلم ولا منيل بنيلة دي بتاعته وهو حر فيها
يعني لما اروح اخد درس عند مدرس خصوصي (وده مش تشجيع للدروس الخصوصية علي فكرة مع كامل اعتذاري لاصحابي واخواني المدرسين) فانا يهمني ان المدرس يكون قوي في مادته وممكن بقي يكون هو اخلاقه وحشه ولا متنيل علي عينه فده مايهمنيش
اما بقي ساعات فيه علاقات بيكون مهم فيها جدا كل الجوانب
يعني مثلا لو انا هاتجوز يبقي لازم ارتبط بانسان اعرف عنه كل الجوانب المظلمة قبل المشرقة لان هايكون فيه بيننا حياه مشتركة
ومابين المدرس وشريك الحياه بتتفاوت نسب العلاقات ونسب وجوهها
مابين مجرد خدمة بيقدماهالي حد ومابين حد بارتبط بحياته وبيرتبط بحياتي طول العمر.
.............................
اما بقي لما اصدقائي مايبقوش عارفين ردود افعالي وييجي ناس معرفتهم بيا سطحية ويحاولوا يعملوا كولومبوس وفرويد مع بعض ويحاولوا يخترقوا معاميقي فيستاهلوا ان يروا مالا يسرهم
وهو الكلام اللي انت كاتباه عنهم ده
وفعلا زي مابتقولي يالا سخرية القدر
................................
ايه بقي حكاية (السي اي اي ) دي
هو يعني الواحد لازم يبقي غلس ويبوظ علي الناس فرحتهم بغباوتهم
ياشيخة مشيها خلي الناس تعيش
ده حتي بيقولك ايه
عيل صغير عمل صباعه كداهو مسدس وقال لصاحبه تريخ تيراخ
قام صاحبه طاوعه وساق له فيها وعمله ميت واهله قالوا ده طخه طخ
يعني من الاخر لو عايزة تشتغلي حد بيشتغلك اعملي انك مصدقاه
اما بقي هو لو فهم الفولة وحب يشتغلك بزيادة فهايعمل انه مصدق انك مصدقاه
.............................
انت عارفة هاحكيلك موقف مش فاكره اصلا
كنت في امتحان انجليزي بتاع ثانوية عامة وكنت مذاكر كويس قوي وعامل حسابي علي السؤال بتاع الجرامر انه هاييجي في قاعدة معينة وكانت الميس بتاعة الانجليزي قايلالنا نركز عليها
لانها كانت صعبة
الامتحان بقي جه في قاعدة هايفة وهابلة
وانا طول الامتحان قاعد مش مصدق
ياربي احل زي ما انا فاهم من السؤال ولا هو بيشتغلني وجايبلي حاجة صعبة وببتستهبل وعاملة سهلة؟
وفي الاخر برضو استخدمت القاعدة الصعبة
وخرجت لقيت الناس كلهم فرحانين علشان الامتحان جه سهل وانا الوحيد اللي صعبتها علي نفسي وقلت اكيييييييييد الللي حاطط الامتجان يعني مش هايسهلها علينا
اللي عايز اقولهولك اننا ساعات كتيرة فعلا زي ماقلتي بنلاقي قدامنا حاجات سهلة وواضحة وبنحاول نعقدها علشان تبان زي ما احنا عايزين
.............................
تحياتي يا ضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد

وحي القلم يقول...

الموضوع بتاع الغرور اؤيدك فيه
أنا مثلا كنت مغرور لما ماكنتش واثق من نفسه لكن لم استعدت ثقتي حسيت ان الغرور قل كتير
زي البلطجي هو بيكون اكثر الناس ضعفا

نـــــور يقول...

بصى
شوفى
هقولك
.
.
.
.
مش هكتب بقى تعليقى دلوقت اصل بصراحه مكسله اكتب ودماغى مش رايقه رغم ان التعليق جاهز فى دماغى

هروح وارجعلك بكره ولا بعده وهو بالمره ابقى اطمنت ودحرجت التماسى مع انك ملحقتيش توحشينى والله
هى مكالمه امبارح مش كفايه ياست انتى عشان ازهق؟
عجايب

قلم رصاص يقول...

فعلا شتان شتان بين الثقة في النفس والغرور

موضوع متميز جداااااااا

وفينك كدا

ومش بتكتبي من زمان ليه

عموما حمدلله على السلامة

في امان الله

دعاء العطار يقول...

معاكى حق فى كل كلمه قلتيها

المغرور حاجه والواثق من نفسه حاجه تانيه خااالص وفعلا الغرور ده بيكون قناع عايز يدارى بيه حاجه فيه غلط

ولو هو واثق من نفسه مكنش احتاج القناع ده وكان عامل الناس بطبيعيه وتلقائيه

ومعاكى حق كمان اننا دايما بنستسهل السهل فبنلاقيه فى النهاريه صعب ونستصعب الصعب فبنلاقيه سهل

بجد كلماتك حلوه اوى

تسلم ايدك

حياه بلا عنوان يقول...

السلام عليكم ورحمه الله وبركاته
موضوع جميل بارك الله فيكى الغرور شىء وحش جدا ربنا يبعدنا عنه يارب
تحياتى

دعاء عويضه يقول...

يا حلولي يا حالولي
نورا رجعت تنورنا من تاني

حمد الله على سلامتك يا قمر .. وحشتينى جدااااااااااااااااااااااااا

بالنسبة بئا لموضوعك انهارده
عندك حق و كلامك مظبوط الاتنين مختلفين جدا عن بعض في الهيئة و المضمون

تسلمي يا قمر و ماتغبيش علينا تانى

أبو العريف يقول...

ازيك يا سويت

بصراحه بوست اكتر من رائع

مش عارف اعلق علي ايه بالظبط

اعتقد انك قدرتي تعملي هاله من البريق

علي كلماتك

ولكنها ليست مزيفه

فهي كلمات بسيطه تحمل معالني كثيره

وعميقه

تحياتي

صوت من مصر يقول...

قالولى انك رجعتى ببوست مشوق وهايل
اظن عرفت دلوقتى انك المفروض تشتغلى محلله نفسية افضل

MaNoOoSh يقول...

فينك يا ضد
بتغيبى كتير كده ليه

كان نفسي نتقابل فى لقاء المدونين اللى فات
عاااااااااااااااا

أكيد هنتقابل فى لقاء تانى ان شاء الله

Butterfly يقول...

كلامك كله صح بصراحه
أنا تقريبا تفكيرى زى تفكيرك

أم بتول يقول...

مش ها تكلم عن البوست دلوقت لأنه أكثر من رائع
على الأقل خلانى اعرفك أكتر بعد اللقاء الأخير لى ، ولا تعرفى مدى سعادتى بتعرفى عليك
خصوصا كلامنا الأخير و احنا مروحين كان فرصة كبيرة أنى اسمع أكتر و اقرب منك ومن افكارك ، وبعد قراءة البوست عرفت قد ايه تفكيرك ناضج و سابق سنك ودى حقيقة مش غرور فيك .
ربنا يسعدك و يسعد أيامك

أم بتول يقول...

على فكرة الموضوع بيدل على حديث عقل ولكن يجيد التفكير جدا .

Unknown يقول...

اتفق معك فى الرأى والغرور هو سمت العصر

Unknown يقول...

اتفق معك فى الرأى والغرور هو سمت العصر

حياة يقول...

انت عندك حق في كل كلمة كتبتيها
فعلا المغرور بيداري ثقته الضعيفة في نفسه وبيتظاهر بالغرور..
مع انك فعلا لو جربتي تجرحيه هتلاقي انه بيتخدش بسهولة جدا وممكن يتضايق اكتر من اي حد تاني..
تسلم ايدك
مدونتك حلوة اوي وان شاء الله هتابعها..
انا لسة مدونتي جديدة واتمنى تشرفيني فيها

غير معرف يقول...

ما شاء الله عليكي

كلامك حقيقي و بجد كأنك بتتكلمي عني

و اسلوبك أكثر من رائع .. ربنا يكرمك ..

معلش مستعجل بس أكيد هاجي تاني كتيييييير .. و معلش على القدوم من غير دعوه .. سامحيني

و يا ريت تنوريني في مدونتي المتواضعه .. بس من غير تريقه .. لسه كي جي تدوين

http://ahmedabdulmohsin.blogspot.com/2010/01/blog-post_25.html

أنا - الريس يقول...

مش عارف اتفق ولا اختلف الشخصيات عموما بتتغير حسب الموقف ، والمباديء شيء أساسي في الشكل ثانوي في الخفاء يعني ربما تجدي شخص ذو مباديء رائعة ويتحدي المغريات وبمجرد ظهور مغريات اكثر يبدأ في التنازل .
انا قريت الموضوع مرتين عشان اعرف ارد وعلي فترتين متباعدتين مرة بعد ما انكتب بكام يوم والساعة دي ،بس مش عارف أرد ، لأن حديث العقل تفرع منك وأنت تحدثنا إياه فما بالك هنتعامل معاه ازاي ، واحد صاحبي قالي انت ناقصك الثقة بس لو جتلك انا خايف يركبك الغرور فرحت قوي ساعتها ، بس فرحت أكثر لما لقيت في راي تاني يقول الثقة شيء منافي للغرور ، وده معناه انه شيء مكتسب .

بصي انا مش عارف اجمع كلمتين علي بعض غير شكرا انك خليتي الواحد يفكر شوية زي أيام الكلية . بارك الله فيكي .

Unknown يقول...

الطعنات دائماً تأتى من الخلف فى الظلام !!!
ما انت لو قالت كده يبقى مش بتثق فيهم




لان هالة الغموض هى من تصنع نفسها حول الشخصية و ليس العكس !