Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الجمعة، 9 يوليو، 2010

الحقيقة المزيفة !!!

17463_245620347832_727967832_3281829_8284354_n

لم أتقن يوماً فن النواح و جلب عطف الآخر .. لكنى قررت أن أتعلمه لكى أفهم لماذا يصر البعض على استخدامه ؟!! ... فتنقلت بين جوانبه فرأيت أننى لكى أتعلمه لابد أن أرتدى ثلاث أقنعة :

قناع الملاك : أن يكون ظاهرى المحبة و التسامح مع الآخرين وفعل الخير هو مسكني الدائم .. أما باطني فهو يبث فى الخفاء سم سريع المفعول فى الآخر فيقع فريسة سهلة بالنسبة لي لكي أثبت للآخرين أنني لا أفهم ماهية الشر إلا من تعامل الآخر لي ولكنني أبدا لا أرتديه !!

قناع الضحية : يأتي غالباً بعد قناع الملاك فبعد وقوع الشخص المختار فى الفخ أسارع بالشكوى التى دائماً تبدأ بصدمتي و بكائي على محبة كانت جزائها جراح و تنتهى بمغفرتي لهذا الشخص فأنا لن أنسى أنني ملاك !!!

قناع الطيبة : هو قناع خاص للذين يعلمون جيداً أن الملائكة فى السماء فقط .. فأقنعهم بأن خبرتي فى الحياة لا تخرج عن خبرة طفل يرى كل الأشياء جميلة و الأشخاص أخيار دائماً فأبدو بالنسبة لهم ليس إلا ساذجة عديمة الخبرة وهنا تبدأ شبكتي اللامرئية فى التكوين لأصطاد بها كبش الفداء !!!

و بعد إتقانهم جيداً يمكنني التنقل بين جميع الأقنعة الأخرى بسهولة و يسر .. فعلمت وقتها أننى لن أتقنه أبداً .. فأنا إنسان لا حرباء و لن أتخلى عن إنسانيتي و أخسر ذاتي للحصول على عطف مؤقت من الآخر أو سعادة مؤقتة مبنية على عذاب الآخر !!!!

و تعلمت أن ليس كل من يرتدى قناع سيء .. بل من الممكن أن يكون إنسان أراد التجربة فتاهت نفسه بين أقنعة الفن فصدق

و تعلمت أيضاً أن حقيقة هؤلاء ستظهر فى النهاية سواء كانوا فوق الأرض أو تحتها !!

هناك 30 تعليقًا:

MR.PRESIDENT يقول...

بعد السلام والتحية :
إزيك كلاكيك تاني مرة ، طب فيها إيه لما اكون طبيعي أعامل الناس زي ما بيعملوني فبالحسني حسني وبالسيئة إما سئية او اتفضل عليهم بالحسني وغالبا لو إنه ليس لئيم لملكته ..
فقد استمعت اليوم لقصة في خطبة الجمعة إمرأة تحمل أشياء تمر علي النبي ولا تعرفه فقالت له احمل عليا تلك الأشياء فقال الرسول فيما معناه ( بل أحمل عنكي ) ولما وصلت الي الدار ارادت أن تعطيه هديه فما وجدت إلا نصيحة ( أن هناك رجل يزعم أنه نبي فإن قابلته فلا تصدقه ) فتبسم النبي وقال لها أنه هو رسول الله .. فقال الشهادة .

فالشخص الطبيعي في موقف زي ده هيقولها يبقي انا اعمل فيكي معروف روحي ياشيخة وانتي ...... ، لكن حلم النبي وتبسمه واقراره وربط المرأة المنشورة بما حصل معاها أقررها الشهادة .

مش شرط البس قناع ,, وزي ما قلتي الأفضل ان اخليني انسان احسن .

abdullatif يقول...

السلام عليكم
تدوينة جميلة ، أرجو من الله أن لا نحتاج للبس الآقنعة.
ولك كل الود

قلم رصاص يقول...

انا شايف انك متلبسيش أي أقنعه ولا حاجة .. خليكي كما خلقك ربنا بطبيعتك
وسبيها على الله

صحيح عليكي بس توخي الحذر في الحديث مع اي حد شخصيته او اسلوبه مختلف عن اسلوبك بحيث تتجنبي الاسطدام في الكلام لانه النهاردة بقى حاجة منتشره جدا يمكن بسبب الظروف والحكومه الذكيه

تقبلي مروري وتحيتي

adel يقول...

اعذري جهلي
ايه الموضوع بالظبط ؟؟

------------
ويلكم باك كايرو

Boky يقول...

يسلم قلمك :)

تدوينة رائعة يا فيوليت

فى ايه قرآنية جميلة أوى بحبها بتقول

وان أحسنتم أحسنتم لأنفسكم وان أسأتم فلها

صدق الله العظيم

انتى موش محتاجة اقنعة عشان احلى واجمل انسان هو الانسان الحقيقى

انتى رائعة الجمال انسانيا طالما انتى حقيقية اكتر
:)
لكن اكيد دة بيصاحبه توخى الحذر واللباقة موش اكتر

تحياتى لصباح مشرق عليكى

فاتيما يقول...

يا لهوى

البوست دا مليان كلام كتير و كبير
و انا مش فاهماه بس قادرة نوعا ما احسه

هونى عليكى يا حبيبتى
مش كل حرباء تقصد
احيانا بيئتها و نشأتها بتدفعها دفعاً لهذا السلوك
و غالبا ما تختار نهجه مع الضحايا
مش الحرباء امثالها

مش دايما فن الخداع بيكون مقصود بيه ايلام الآخر
احيانا بيكون وسيلة دفاع شخصية
حد بيختارها درع يستخبى وراه من الأذى
و كلنا نلجأ احيان للتمثل بالحرباء عشان نخرج من مواقف مخجلة
المهم ميكونش اختيار نهائى للحياة

ربنا يكرمك
و لا يوقعك ف طرق الحرباء دول كتير
و لو انى اظن ان خلاص بقى عندك خبرة ف كشفهم مهما كان المشهد ملينا تفاصيل تغلوش عليكى
و دى ميزة مش بسيطة طلعتى بيها من الحدوتة دى

بوسات و حضونات
يا حبيبتى

fL0weR-giRL يقول...

جميل جدا
صعب ان احنا نقدر نعيش مع ناس بأقنعهه بوشوش مختلفه وصعب أحنا نفسنا نكون كدا
مافيش أحلي ان يكون اللي ف القلب ع السان بيرح الشخص نفسي وبيبعد عن النفاق اللي هو أخطر حاجه ممكن تقبلها


^(^

kmt يقول...

السلام عليكم ورحمة الله وبركاته

"و تعلمت أن ليس كل من يرتدى قناع سيء .. بل من الممكن أن يكون إنسان أراد التجربة فتاهت نفسه بين أقنعة الفن فصدق

و تعلمت أيضاً أن حقيقة هؤلاء ستظهر فى النهاية سواء كانوا فوق الأرض أو تحتها !! "

صدقتِ

تحياتي
:)

nour shahen يقول...

والله عندك حق
بس الاجمل او الاسوء بجد مش عارفه
انك تفهمى الانسان اللي قدامك رايح بيكى لفين فبدل ما يلاقى تعاطف يلاقى اعصار مدمر ليفوقه ليخسره
مشكلة الناس انها مبقتش تجيد حتى فن الابتكار بتستخدم أساليب قديمه اصبحت معروفه
اما شياطين الانس ربنا يجعل كلامنا خفيف عليهم ليهم احيانا ابتكارات لا حصر لها

فى النهايه فعلا مفيش اى استفاده من اللعبه دى
ووالله حتى لو كانت الشكوى لسوء الاحوال فعلا , فلن تفيد
لن يألم الجرح الا من به ألم
مهما تعاطف معانا شخص بيحبنا او بيعزنا
الشكوى لغير الله مذله
الموضوع جميل وبجد نظمتيه بروعه وكأنه بتقرى سطور لمسرحيه مكتوبه ومشهد بنشوفه بعنينا
الله المستعان

كل اللي علينا نسمع للناس وفى النهايه مش هيقدروا ياخدوا اكتر ما ممكن نديلهم الانسان دايما كدا مهما حاول اللي قدامه
وكتر الشكوى بيخلى الناس تمل من السمع
بل كمان ممكن يخسرو كل الناس اللي كانت بتسمع ليهم فى يوم

واعتقد مش مكن انسان يفضل يمثل طول عمره زى ما قولتى بيجى وقت وميقدرش يكون الا نفسه حتى وان تاه بين الوشوش هيغلب عليه طبعه وتظهر ملامحه بوشه الحقيقى

nour shahen يقول...
أزال المؤلف هذا التعليق.
Butterfly يقول...

مفيش أحسن من ان الانسان يبقى على طبيعته!

aMr tA3LaB يقول...

لااااااااااااااااااااااا بقا مش كده هو ايه ده الي هو مش عارف ايييييييييييييييييييييه انا معترض

"داخل اعمل الق"

حمد لله على السلامة يا ضد التيار عودا احمد بمقال جامد

بعتقد ان القناع مهما طال بيزوول
لانه في الاخر قناع مش وش ومن غير غش
معاكي انه في ناس عندها الاقنعة ديه جامدة جدا جدا جدا وممكن تكون لزق بس صدقيني برده بيقع في موقف ما يوم ما لحظة ما
ودائم صاحب الاقنعة يعتمد على غباء الاخرين
فيصير اغباهم لانه من يهزء ذكاء الاخرين اصبح اغباهم

عاااااااااااااااش القلم عاااش

احاسيس آيوشه يقول...

يااااااااه وحشتنى كتاباتك جدا
ازيك ياقمر اخبارك ايه يارب تكونى بخير دايما يااااارب
بوست جميل جدا جدا جدا كالعادة طبعا

إنسان أراد التجربة فتاهت نفسه بين أقنعة الفن فصدق

بصراحة فى ناس ساعات بيقولوا عليا بحب انى اعيش دور المظلومة فى بعض الاحيان لدرجة خلتنى ابعد عن كل الناس علشان معيش الدور دا لو هو كلامهم صحيح عنى

تسلم ايديكى على البوست

العيسوى الصغير يقول...

احسن ولا انتى محتاجة قناع منهم

dalia يقول...

خليكي نفسك لا تنظري للاخرين المتلونين فمثل ما قلتي ستظهر حقيقتهم ولو بعد حين
تحياتي

MeGltNa 3mr Wa2el يقول...

الكثي منا يشعر عندما يرى السكوت لدي شخص انه جبان او ضعف لا يعلموا ان الكثير منهم يدركون جميع الحلالات التي قد تؤدي الى الجحيم لامثالهم و يفتكروا الطيبة ف هذا الزمن ضعف و لكن التسامح احسن و افضل و سلاح اقوى

ماما أمولة يقول...

كوني نفسك دائما وستكوني دائماالرابحة

حنان الشافعي يقول...

اولا وحشتيني جدا وزعلانه منك شويتين بس عذراكي


ثانيا بقي "و تعلمت أن ليس كل من يرتدى قناع سيء .. بل من الممكن أن يكون إنسان أراد التجربة فتاهت نفسه بين أقنعة الفن فصدق

و تعلمت أيضاً أن حقيقة هؤلاء ستظهر فى النهاية سواء كانوا فوق الأرض أو تحتها !! "
طالما وصلتي لدي تبقي وصلتي فعلا
بصي .. كنت معاكي لحد ما قلتي قناع الطيبه
بس الطيبه بقي مش ممكن تتمثل صدقيني الناس الطيبه بجد بتبان واللي بتحاول تتمثلها بتبان قوي قوي قوي
حتي لو كانت اقرب حد ( او اللي المفرروض تكون اقرب حد يعني )
بالعكس .. لما بيكون حد قريب قوي بيمثل .. بيتكشف اسهل .. غبي بقي .. مش عارف انه اقرب حد :)
عندي احساس ان اخر جملتين دول هبل بس طلعوا بقي وخلاص

خلي بالك منك
ودي

حنان الشافعي يقول...

سيبيلي ميلك عندي عالمدونه يا حاجه عاوزاكي


عامله اشراف متخافيش

P A S H A يقول...

:)

z!zOoOo يقول...

السلام عليكم

ازيك يا فيوليت

علي فكره انا شايف إن الناس الي بتهوي جذب عطف الاخرين ناس مالقتش حب حقيقي في حياتها

والناس الي بتستخدمه ناس ضعيفه

لإنها ماعرفتش تتعامل مع الناس بنقاء
فلجئت للأساليب ديه ولأقنعه ديه عشان تعرف تأثر فيهم

وطبعا مفيش صدق في المعامله ولا صفاء

وأعتقد إنك مش محتاجه لحاجه زي كده

لإن ده اسلوب منافقين ضعفاء

وإعتقد إن إنتي قادره علي مواجهه امورك علي حقيقتها وعلي حقيقتك

دون تصنع ولا تزييف ولا تمثيل او ارتداء اقنعه

فالصدق مفتاح القلوب

:)

تحياتي

ميرام يقول...

قد مابكره الاقنعه
الا ان احيانا كثيرة بتضطرنا المواقف نرتدي بعضا منها
(:
تحيتي لقلمك

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

اسماء واحلام فى وجدانى يقول...

كل سنة وانتى طيبة وبخير دايما يارب

وردشان smilyrose يقول...

كل سنة وانتى طيبة يا بنوتة وحشتينى

ووحشتنى اختى الصغيرة عامله ايه فى

الدراسة يارب تكونو بخير

ادم المصرى يقول...

والله انا من رأيي وعن نفسى انا شخصيا بعامل كل فرد على اساس دماغو او على الى يريحو هوا بدون مغير شيئ فى شخصيتى

ولكى كل التوفيق والاحترام

Foxology يقول...

اول زيارة طبعا ومينفعش غير انى اسلم بس الحقيقة انا حصل عندى لخبطة لأنى مش فاهم ليه الواحد يبقى كل هدفه هو نصب الفخاخ وافتعال النواح طالما يقدر انه يوصل مباشرة للى هو عاوزه ؟؟ هو فى حاجة تقريبا مش قادر استوعبها صح ؟

تحياتى

elsha3er يقول...

وأحيانا يضطر البعض لان يكون كل هؤلاء فعلا بفعل ضغط أخرين والا ماتوا

thunder يقول...
أزال المؤلف هذا التعليق.
thunder يقول...

صح بجد ......ابدعتى فى تصوير الاقنعة
كنت هعلقبغير معروف لان قافل حسابى لانك لكن البوست جامد فاضطريت افتح اعلق
انتى صورتى الحقيقة افضل من البوست اللى انا كتابته يمكن لانى كنت بكتب وقتها بانفعال شديد خالص تحياتى