Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الجمعة، 1 أغسطس، 2008

هو فى ايه؟؟؟

بقالى يومين كل لما ادخل مدونة ألاقى

يا أما غضب على البلد اللى مش عايزة تتعدل ..

يا أما غدر و خيانة من الحبيب

مافيش مرة ادخل ألاقى قصيدة حب ..

هو خلاص ياجماعة اصبحنا فى زمن

انعدم فيه الحب و الأمان ؟؟؟

و لا هو مرض اصاب كل المدونين ؟؟؟

أنا عندى إحباط لوحدى و الحمد لله زاد

و حبة الأمل اللى عندى شكلهم فى سكرات الموت

و هاينتهوا قريب بسبب اللى بشوفه

مش هاقول العيب فينا ولا فى الزمن لأنه بقى سؤال قديم

و خلاص عرفنا الاجابة بس احنا اللى بنتصنع الزهايمر

عشان نصبر نفسنا

لكن هاقول لحد امتى هنفضل كدا نهرب من الحوار

ونقفل على حزننا لحد مايموت يا اما احنا اللى نموت ؟؟

لحد امتى هايفضل التسامح اللى بين البشر

فى غرفة الانعاش و مش هايفوق ؟؟

لحد امتى هانفضل نسمع صوت نفسنا و بس ؟؟؟

لحد امتى هانفضل نقول الحب دا كان زمان مش دلوقتى ؟؟

دا على اساس ان بشر زمان غير بشر دلوقتى

هما من كوكب و احنا من كوكب تانى!!!!!

نفسى أعرف لحد امتى ؟؟