Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الأحد، 8 أبريل 2012

الى اصحاب النوايا الحسنة .. ارحمونا !!

33615_453763957832_727967832_5381812_5712175_n

 

اتنين اصحاب واحد منهم فى ناموسة علي خده عمالة تمص فى دمه قام التاني عايز يقتلها راح "طراااااااااااااخ" علي خد صاحبه .. يا تري صاحبه اللي اخد "قلم معتبر" فى لحظة الغضب هياخد بالفعل و لا النية ؟!!

.....

موظف بيكره مديره لكن لان مديره "اهبل شوية" فوجوده مفيد ليه لأنه بيعمل مصالح من الباطن على حسه .. و فى يوم مديره بيعدي جت عربية فجأة بسرعه قام الموظف جري شد المدير و انقذه .. يا تري المدير "اللي تم انقاذ حياته " فى اللحظة دي هياخد بالفعل و لا النية ؟؟!!

......

واحدة بتعدي الشارع و مش واخدة بالها من الاتوبيس اللي جاي قام اللي وراها عايز ينقذها راح زققها علي الرصيف التاني فخروج عربية صغيرة من جنب الاتوبيس و "هووووب" قامت شايلاها .. يا تري اللي عملت الحدثة "لو فضلت عايشه " او اهلها " لو ماتت" هياخدوا بالفعل و لا النية ؟؟!!

.....

يا اصحاب النوايا الحسنة .. عمركم سمعتوا عن قانون للبشرية بيقول ( لكل " نية حسنة" بفعل سيء رد فعل مساوي"لها" فى المقدار ) ؟؟

و بما اننا بشر .. فالقوانين عندنا بتكون بالظاهر :

نية حسنة + فعل سيء = نية سيئة

نية سيئة + فعل حسن = نية حسنة

....

فى المواقف ( 1,3 ) لو الاشخاص عاقلين شوية و هيسمعوا ممكن يخففوا رد الفعل بعد ما عرفوا ان النية كانت حسنة .. لكن لازم هيكون فى رد فعل علي الفعل

فى الموقف (2) استحالة الموظف هيقول للمدير ده انا انقذتك لان حياتك مهمة بالنسبة لي .. فبالتالي المدير هيتعامل مع الموظف انه انقذ حياته بغض النظر عن النية اللي هيشوفها حسنة

...

يا اصحاب النوايا الحسنة .. ربنا وحده اللي بيحاسب علي النية لأنه اعلم بالداخل  .. ام البشر فاليهم الافعال الظاهرية لان ليهم الظاهر  "اللي مش دايما بيشفوه صح بردو !!"

فأرجوكم يا "اصحاب النوايا الحسنة " فكروا شوية فى الفعل علشان يترجم نواياكم صح .. يا اما اتحملوا نتائج افعالكم لو تسببت فى ضرر للأخرين .. لان النية الحسنة وحدها لا تكفي !!

و دمتم سالمين

هناك 9 تعليقات:

رحلتنا في الحياة يقول...

يقال دائما أن الطريق الى جهنم مفروش بالنوايا الحسنة

شمس النهار يقول...

ايه ده ايه ده ايه ده
انتي عندنا
ومن ورايا كمان
ماااااااااااشي

حنعيش يعنى حنعيش يقول...

بوست عالى جدا

علا من غزة يقول...

بصراحة يا نورا
التدوينة فتحت عيوني على حاجات كانت غايبة عني
مزبوط كلامك!
النوايا الحسنة لا تكفي ولا بد من الافعال

بس يا حرام الأمثلة كلها مش مقصودة !
بمعنى ان صاحب النية الحسنة لم يتعمد أن يفعل فعلا سيئا ..

الازهرى يقول...

‏‎ ‎فقط رب العزة من يحاسب بالنوايا


أما نحن فسيقتل بعضنا بعضا إن فكرنا في ذلك

Butterfly يقول...

عندك حق انا اليومين اللى فاتوا مريت بتجربه ليها علاقه بالفعل والنيه ده وحصلى بسببها مشاكل نفسيه تعبتنى اوى

ياريت الناس تاخد بالها من تصرفاتها لان مش كل الناس بتستحمل ولو فى حد بيستحمل فكل حاجه بيبقالها حدود!

المتبهدلون في الأرض يقول...

لو نيتي حسنة يبقى عديت نص الطريق الصح .. أما الفعل اللي يكمل النية من رأيي إن سوءة أو حُسنه يعتمد على الخبرة ف ترجمة النوايا لأفعال ..خصوصن في المواقف الي تحتاج رد سريع زي مثال تلاتة
بس اللي أقوله ..مانوقفش ترجمة النوايا الحسنة ..حتى لو بفعل سيء ..بس نحاول نكتسب مهارة الترجمة الصح

ولد مصري يقول...

انتي لسه بتتكلمي في السياسة؟

أنا قلت إنك لعبتي ماتش اعتزال بعد الثورة

تحياتي

nader galal يقول...

شركة الصفرات لتنظيف المنازل بالرياض
شركة الصفرات لعزل الاسطح بالرياض
شركة الصفرات لتنظيف المجالس بالرياض
شركة الصفرات لتنظيف السجاد بالرياض
شركة الصفرات لنقل الاثاث بالرياض

افضل شركه تنظيف بالرياض على الاطلاق فقط تواصلوا معنا نصلكم فى الحال خدمه مستمره 24ساعه

شركة الصفرات لمكافحة الحشرات بالرياض
شركة الصفرات لكشف التسربات بالرياض
شركة الصفرات لتنظيف المسابح بالرياض
شركة الصفرات لتنظيف الخزانات بالرياض
شركة الصفرات لتسليك المجاري بالرياض
شركة الصفرات لتنظيف المسابح بالرياض