ياحلولى ياحلولى والتاج اهو واصلى

تاج جالى من سيفين صاحب مدونه مش عارف التاج عبارة عن اتنين فى بعض ... كريم كريم يعنى (وش متغاظ) لكن هاقول ايه تاج ليك وتاج عليك

و طبعا Little Lady لسه بعته اليوم بردو )):

وبما انه نفس التاج الاول هايتم الرد عليه مره واحده بس بردو بقولها تاج ليك وتاج عليك (وش مقتول من العياط)

نبدأ و نقول بسم الله الرحمن الرحيم

الاول

بدأت تدون من امتي ؟ و دخلت العالم ده ازاي ؟

سجلت فى بلوجر 2007 يوليو عملت مدونه مجرد انسانه وبس  كان اول بوست بتاريخ 02/11/07 و بما انى كنت لسه جديدة رحت قافلة المدونه  لان البوست كان شكله خرباااااااااااااان و قولت اجرب الاول فى الووردبريس (مدونه مجرد انسانه وبس) لان كنت عايزة مدونه بلوجر تكون الاساس من غير تجارب او مسح و دا كان فى نوفمبر 2007

دخلت عالم التدوين ازاى بالصدفة كان اصحابى فى الشغل اتكلموا قبل كدا عن المدونات و انها عامله مشاكل مع الحكومة و الاحداث اللى كانت بتحصل رحت عامله سرش على المدونات وفضلت اتابع فتره لحد ما الموضوع عجبنى وعملت واحد

ايه كان انطباعك في البداية ؟

اممممم ..كنت مستغربه نفسى جدااا لان التدوين بالنسبة ليا كان بالضبط زى دفترى الخاص اللى كان من الصعب ان اى حد يوصل ليه حتى هنا فى البيت ...انى اكتب و كمان ناس تشارك و تشوف دفترى الخاص دا كان صعب شويه..لكن لما شوف المدونات التانيه والتعليقات عليها لقيت انه بالعكس مش صعب دا راحة لما تلاقى حد معك وبيشارك فرحك وحزنك و من هنا بدأت أتأقلم على الوضع (:

مين أكتر واحد بتهتم بتعليقه علي بوستك الجديد ؟

هو مش حد معين كل المدونين باهتم جدااا بتعليقهم .. بس طبعا هنا فى حنين واحمد كان يهمنى قوى اللى كانوا معايا فى مجرد انسانه اكيد رغم انى اشك انهم اكتشفوا انى انا :D

هما seven و blue-wave

مين اتعرفت عليه من خلال المدونة و نفسك تتعرف عليه في الحقيقة ؟

الصراحة انا لسه مش عرفت حد قوى لكن اكيد نفسى اتعرف على المدونين اللى انا متابعهم و متابعنى

ايه أهم حاجة اتعلمتها من عالم التدوين ؟

ان لسه فى ناس بتحس بيك و تعيش حالتك وتنصحك بدون اى مصلحه جواها

ايه أكتر حاجة كرهتها ؟

النفاق و دول الحمد لله لما بيظهروا فى عالم المدونات بيختفوا على طول لان بيبقى النفاق بتاعتهم باين قوى..و التعليقات اللى غير معروف اللى ممكن يدخل و يغلط مش عارفه بيستفاد ايه

ممكن تدي مثال عن اللي بتحلم تلاقيه ؟

ان الزمن اللى اتقال انه مات يرجع يتولد تانى من جديد

حاسس ان التدوين له تأثير ؟

اكيد ليه تأثير سوء على الشخص او المجتمع كاكل ..و الدليل ان فى مدونات اتكتب عنها و ظهرت و فى مدونات اتعلق عليها من نظيف بذات شخصه سواء بقى هو او حد من طرفه المهم ان فى تعليق منهم يعنى فى تأثير

طيب كلمة أخيرة ؟

كل سنه وانتم بخير ..ودايما يارب التواصل والمحبة بين المدونين متواجدة

أوجه التاج لـ

روح وريحان

الفراشة الصغيرة

تاريخ اللولبي

تصــويــره

 

رحيــــــــــــــل نحو الأمـــــــل

نور الاسلام

أيام وعيشنها

قلب ينبض لله

بنت سينــــــــاء

قطرات .. من شواطئ الحياة

التاج التانى

أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

هو كان حلم واحد بس انى ادخل معهد الموسيقيه بس للأسف ماما و بابا  اعترضوا...لو هايتم التغيير انى اقدر اقنعهم بدخول المعهد ..بس ):

أذكر 5 أحلام على الأقل تخص مستقبلك ؟

1-  انى اقدر اعمل حاجه الناس تفتكرنى فيها بالخير

2- انى اخد اللى بحبه و حنين واحمد يظهروا للحياة

3- انى اكون زوجه و ام ناجحة و اقدر اخدم دينى عن طريق تربيه ولادى التربيه السليمة

أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟

ناس كتيييييييييير مش اتنين بس

أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟

جدتى فقط اللى بجد كنت اتمنى وجودها معايا دلوقتى و فى حياه اولادى

لمن تهدي هذا التاج ؟

للناس الكومل اللى فوق دول بس هازود حبيبتى اللى كان نفسها التاجين يبقوا تلاته (:

Everything in Anything

جارى حل تاج روح وريحان طبعا انا عارفه انى اتاخرت فيه لكن هايتم حله الاسئله صعبه قووووووووووى )):

كل سنه و انا طيبه بقى (:

الاول و قبل اى حاجه احط التورته بتاعت امى لأنها بعتتها

من 12-8-2008 و من اليوم دا وهى كل يوم تقولى كل سنه و انتى طيبه.. ربنا يخليها ليا يارب امممممممموة احلى بوسه ليها (:

طبعا السنه اللى فاتت اللى كان اخر ثانيه فيها من شويه ..كان فيها احداث منها السعيد  و منها الحزين..و بالأخص اخر الايام كانت غير محببة ليا بالمرة..

عشان كدا اقر و اعترف انا ام حنونه (زى ما قالت صورة فى تعليقها و بجد احلى لقب ليا) الاتى:

انى مسامحه كل شخص اساء ليا او كان سبب  فى جرحى او تعبى

انى مسامحه اى شخص حاول يشوه صورتى قدام الناس

انى مسامحه اى شخص حاول انه يدخل فى حياتى و يبوظها

انى مسامحه كل الناس على اى حاجه و كل حاجه

و اتمنى ان اى حد انا زعلته منى بقصد او بدون قصد يسامحنى و يفتح صفحه جديدة خالص مش فيها غير كلمه مسامح و بس

و انا السنه اللى فاتت بصفحاتها كلها قلبتها و فتحت صفحه جديدة مكتوب فيها انى مسامحه و بس

اليوم عيد ميلادى السعيد لكن للأسف فى اشخاص كنت اتمنى وجودهم معايا .. جدتى اللى فارقتنى من سنين و الصراحة من بعدها مش حسيت بطعم الفرح إلا لما حبيبى ظهر فى حياتى .. لكن من الواضح ان عيد ميلادى اتكتب عليه مش يكمل بالفرح لان حبيبى للأسف مش هايكون معايا فى اليوم دا )):

و بمناسبة عيد ميلادى النص سعيد )): كتبت :

فى عيد ميلادى الرابع و العشرين

كان نفسى يكون حبيبى هنا و تبقى الفرحه فرحتين

لكن القدر قال كلمته و سابلى دمعتين

لجدتى دمعه فراق و لحبيبى دمعه حنين

فى عيد ميلادى الرابع و العشرين

********

فى عيد ميلادى الرابع و العشرين

فضلت و اقفه على الباب مستنيه

افتح لكل البشر الليله ديه

يمكن ألاقى حبيبى فجأة قصاد عنيه

لكن للأسف طلعت مجرد امنيه

**********

فى عيد ميلادى الرابع و العشرين

بقولها بكل ثقة و يقين

و اوعدك و وعد الحر دين

أنك هتفضل حبيبى مهما تطول السنين

فى عيد ميلادى الرابع و العشرين

*******

طبعا بما ان جدتى اكبر منى بيوم واحد بس :D العيد ميلاد اتعمل الخميس 28 عشان العيله ..

لكن انا مش هاسيب حقى و بردو  هاعمل عيد ميلادى اليوم الجمعه 29 مش كفاية ان الساعة هاتتغير يعنى عيد ميلادى هايبقى ناقص ساعة بحالها )):

و بما انى كريمه جداااا و الدليل انى هاكل لكل المدونين التورته و الجاتوه بتاعهم  ومش هاكل لنفسى بقى لانى عامله دايت ((:

تنويه لازم جدا جدا جدا

تم تمرير تاج من روح و ريحان ليا ... شكلها هى دى هديه عيد ميلادى )):

و تم تمرير تاج بردو من مش عارف ليا.. دا كان بدل الفانوس )):

ان شاء الله هايتم الاجابه عليهم بس بعد عيد الميلاد (:

و طبعا احب اشكر انتيمتى و صديقتى كيارا انها نزلت بوست عيد الميلاد بتاعى فى المدونه عندها ..دايما كدا بتحرجنى معها بس بردو مهما تعمل مش هاتاخد تورته بالشوكولاته لأنها بتاعتى :-p

قل بأصلك

مش هتكلم معاك ولا هتكلم عليك

مثل و اعمل ملاك و انا هتفرج عليك

قل بأصلك واجرح فيا يمكن ترضى غرورك بيا ..

خطط و ارسم و اقعد فكر ممكن تقتل قلبى ازاى

عايزك كل دقيقة تبيعنى اعمل فيها برئ و اخدعنى ..

 انا نفسى اعرف انت بتعرف بعد دا كله تنام ازاى

مهما هاتعلى هتنزل تانى اللى بيكسر قلب التانى ..

 واللى بيظلم حد برئ و اللى بيعرف يبقى انانى

لازم كل الدنيا تزله و بينداس من العالم كله ..

و اللى عمله فى كل الناس هيجيله يوم لازم يحصله

ايه يعنى خسرت واحد كان كداب كبير ..

بس انت خسرت واحد كان بيحب بضمير

كبرت اوى فى عنيا مش عارف اقولك ايه

 بس اللى عملته فيا انا بحييك عليه

دايما حماده هلال لازم يكون له اغنيه فى اى شريط  جديد

بتبقى بجد عليا قوى... مش عارفه صدفه غريبة فعلا

بس فعلا من اول ماسمعت حماده

وهو دايما لازم ينزل اغنيه تخصنى قوى قوى قوى

فرح فرح فرح هييييييييييييييه

 

اولا احب اعتذر للجميع انى هتاخر فى الرد على التعليقات

و مش هاكون متابعه الفترة اللى جايه اصل فرح طمطم ياجدعاااااااااااان

طمطم دى صديقة الدراسة هسافر العريش عشان اجهز معها للفرح

 اخيرا لقيت قصه حب تنتهى بفرح الحمد لله

يلا عقبال كل بنوته و شاب لسه مش اتجوزه

بجد انا فرحانة جدا اليوم السبب الاول عشان طمطم

والسبب التانى انى هاروح لصحبى البحر ياااااه بقالى كتير مش اتكلمت معه

سلامى للجميع و يلا بقى امشى لحسن البت عمال ترن وتقولى انتى لسه فى القاهرة

اشوفكم على خير .. وان شاء الله لما ارجع هاجيلكم واحد واحد فى مدونته

و يارب السعادة تكون معكم دايما ومش تسيبكم  

هو فى ايه؟؟؟

بقالى يومين كل لما ادخل مدونة ألاقى

يا أما غضب على البلد اللى مش عايزة تتعدل ..

يا أما غدر و خيانة من الحبيب

مافيش مرة ادخل ألاقى قصيدة حب ..

هو خلاص ياجماعة اصبحنا فى زمن

انعدم فيه الحب و الأمان ؟؟؟

و لا هو مرض اصاب كل المدونين ؟؟؟

أنا عندى إحباط لوحدى و الحمد لله زاد

و حبة الأمل اللى عندى شكلهم فى سكرات الموت

و هاينتهوا قريب بسبب اللى بشوفه

مش هاقول العيب فينا ولا فى الزمن لأنه بقى سؤال قديم

و خلاص عرفنا الاجابة بس احنا اللى بنتصنع الزهايمر

عشان نصبر نفسنا

لكن هاقول لحد امتى هنفضل كدا نهرب من الحوار

ونقفل على حزننا لحد مايموت يا اما احنا اللى نموت ؟؟

لحد امتى هايفضل التسامح اللى بين البشر

فى غرفة الانعاش و مش هايفوق ؟؟

لحد امتى هانفضل نسمع صوت نفسنا و بس ؟؟؟

لحد امتى هانفضل نقول الحب دا كان زمان مش دلوقتى ؟؟

دا على اساس ان بشر زمان غير بشر دلوقتى

هما من كوكب و احنا من كوكب تانى!!!!!

نفسى أعرف لحد امتى ؟؟

اعتذار واجب

أنا أسفه انى دخلت حياتك

أنا أسفه  انى توقعت انك تتغير

أنا أسفه انى حاولت أكون أقرب لك من اى حد

أنا أسفه ان كل مابيحصل حاجه 

كنت برجع و اصلحك و بفتكر انه سوء ظن منى أنا

أنا أسفه انى مش صدقت حد و صدقت صوت قلبى

أنا أسفه انى اخدت جزء من اهتماماتك

مع انى اخر حاجه بتفكر فيها

رغم انك اول حاجه بفكر فيها

أنا أسفه انى حبيتك اكتر من نفسى

أنا أسفه انى خسرت كل الدنيا عشانك

أنا أسفه انى كنت بخاف اجرحك بالكلام

أنا أسفه انى كنت بحاول انى اكون لك كما تريد

على فكره الأسف دا مش ليك

الأسف لنفسى لانى انا السبب فى اللى هى فيه

ما الدنيا إلا حفلة تنكرية

 

منذ الصغر و أنا أسمع عن الحفلات التنكرية فهى عبارة عن لبس الأقنعة و ظهور الأشخاص على غير طبيعتهم و رغم معرفتى بها إلا أننى لم أذهب إليها يوماً كنت فقط أراها فى الأفلام و أحلم أن أحضر مثل هذه الحفلات لمشاهدة هؤلاء المقنعين و ماذا يفعلون.

أما الآن لقد عرفت أن الدنيا ما هى إلا حفلة تنكرية و لكن الفرق بينها و بين التى كنت أراها أن هؤلاء الأشخاص الذين يرتدون الأقنعة معروف أنهم مقنعون و أيضاً من المعروف أنهم بعد الحفلة سوف يخلعونها و يظهرون على حقيقتهم ، أما فى هذه الدنيا فلن نكتشف هؤلاء المقنعون إلا نادراً، فهم بارعون فى إخفاء وجههم الحقيقى و بارعون فى تبديل الأقنعة حسب الموقف و المكان و الأشخاص.

فمنهم من يرتدى قناع الطيبة و هو بداخله قسوة لا حدود لها..و منهم من يرتدى قناع الوفاء و هو بداخله مثال للخيانة..و منهم من يرتدى قناع الناصح الأمين و هو بداخله الفاسد الحقود،فالأقنعة كثيرة و من يتقن استخدامها فى هذا الزمن كثيرون أيضاً.

و فى نظرى أن مثل هؤلاء بداخلهم نقص وشرخ فى شخصيتهم ..ياالله إنهم بالفعل أُناس مثيرون للشفقة، فهم فى قرار أنفسهم يعلمون من هم جيداً و لكنهم يتمتعون بخداع الناس و تبديل الأقنعة- و لكن- الأسوأ من الذين يرتدون الأقنعة على علم بيها ، الذين يرتدون الأقنعة و يتوهمون أنهم بالفعل بلا قناع و أن هذه هى شخصيتهم الحقيقة، فهؤلاء أخطر بكثير فهم يؤذون بدون قصد و لا معرفة و لكن سرعان ما ينكشف أمرهم أمام الجميع و لكن بعد فوات الأوان أو كما يقال بعد (خراب مالطة) فإن ايذائهم أبشع و أخطر بل و مدمر أيضاً.

والسؤال هنا: ماذا يستفاد هؤلاء الأشخاص من كل هذا ؟؟؟؟ فهم عاجلاً ام اجلاً سوف ينكشفون و يبتعد عنهم الناس و يعيشون فى وحده و عزله بعد ذلك..لأن ثقة الناس بهم أصبحت معدومة..فلقد خسروا أنفسهم و الناس من حولهم بسبب أقنعة واهمة.

رسالة أخيرة لكل من يرتدى قناعه المزيف..اخلع القناع و عش كما أنت بشخصيتك و حاول أن تتغير بدونه لتبقى أنت الشخص المحبوب بدون اى قناع و تذكر أنه من عاش بوجهين مات لا وجه له...و تذكر أيضاً أن المنافقين أعدت لهم نار جهنم خالدين فيها

 أيها المقنع قف و راجع نفسك قبل فوات الأوان