Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الثلاثاء، 7 أكتوبر 2008

عودنا من جديد

الاول بعتذر عن عدم المتابعه الفترة اللى فاتت بسبب سفرى

و كل سنه و انتم طيبين بمناسبة العيد عارفه انها متأخرة بس اعمل ايه ماكنتش موجودة و ماعرفتش اعيد معكم للأسف

المهم بقى وحشتونى كتييييييييير قوى جدا خالص (:

احكلكم بقى على اول يوم فى الرحله الشاقة الممتعه من وقت ماطلعت من البيت و انا كل اشتياق ونفسى اغمض عينى و افتح عشان اكون فى البلد

عشان انام طبعا لانى مانمتش لأننا كنا بنجهز الشنط و بعدها الفجر و توضيب البيت لأننا مش هانعيد فيه يبقى لازم نسيبه على سنجت تلاتين (حكم القوى بقى)

المهم وصلنا البلد و دخلنا الشارع بتاعنا و لسه فى الاول و لقيت بقى الاطفال بتاعت العيله بيزفوا العربية (عمت ناهد ايجت عمت ناهد ايجت) مع تعطيش الجيم طبعا

مش عارفه اوصفلكم الفرحه اللى كنت فيها لان مهما قولت مش هاعرف اوصلها ليكم البلد ليها ريحه و جو فووووووووق الرائع

المهم وصلنا البيت و نزلنا الشنط و كنت ميته من العطش رمضان و سفر و الجو حررررررر بطريقه بشيعه ايوة هى اسمها بشيعه

قولت اصلى العصر و اترمى على السرير

صليت و قولت انام و لسه بقول ياهادى ألاقى حاجه فوق راسى و منشنه على ودنى و بصوت عالى عايز شلاطه (دا محمد ابن بنت عمى)

لا حول و لا قوة إلا بالله يابنى روح لامك هنا مش بيت شلاطه امشى ياض

يقول و بيصرخ و فى ودنى برضه عاااااااااااااااايز شلاااااااااطه

طيب روح جيب المترجم بتاعك و تعالى اكون نمت شويه و افهم انت عايز ايه .. يقولى عايز شلاطه

ايه ياض انت عليك عفريت اسمه عايز شلاطه هى ايه الشلاطه اللى انت عايزها دى

لقيت سمسمه اختى الجميله المترجم بتاع اطفال العيله كلها بتقولى عايز شوكولاته

ياشيخه اه يامصلحجى طيب امشى بعد الفطار اجيبلك شلاطه الدنيا صياااااااااااااااااام قوم بقى سيبنى انام

فضل يعيط و يقول عايز شلاطه و طبعا قولت مدام مافيش نوم لأنه مش هايسكت قولت اقوم اجبله شلاطه و افك الشنطه بتاعتى و اهو كمان اكون فاضيه بعد المغرب عشان لسه هاروح اسلم و ناس هاتيجى تسلم

المهم بعد المغرب لقيت بابا بيقول اجهزوا عشان نروح نشوف جدكم لأنه تعبان

قولت فى سرى بدأنا اصل جدى فى نص الشارع و شارع العساسيه اللى هو بتاع العيله و لا شارع منصور كدا اللى فى القاهره

المهم جهزنا و طبعا الكلام دا بعد المغرب بنص ساعة وصلنا لجدى على الساعة 10 ايوة ماهو مش معقول هانعدى من غير مانسلم و ماشاء الله البيوت جنب بعضها مافيش فراغ و كلهم من العيله مافيش حد غريب و طبعا تخرج من البيت دا نلاقى اللى قدامه و بعدين اللى جنبه و بعدين اللى قدامه ...الخ

و اخييييرا وصلنا لجدى سلمنا عليه و قبل مانقوم دخل عمى و لازم تيجوا عندنا عمى دا فى اخر الشارع

و انا اقول لبابا طيب بكره نكمل عايزة انام

يقولى عيب عمك يزعل ... رحنا لعمى الكلام دا كان الساعة 10:30 خرجنا من بيت جدى رحنا لعمى الساعة 1 ماهو برضه ماينفعش نعدى مانسلمش نفس الالخ اللى فوق دى برضه حصلت و احنا ماشين

و بعد ماخلصنا من بيت عمى روحنا الحمد لله هنام بقى لقيت بابا بيقول مافيش نوم قبل السحور

ياحج يهديك يرضيك انا جعانه نوم مش اكل و هو لايمكن ابدا

طبعا دا كان اول يوم و اخر يوم اللى هو امبارح حصل فيه نفس اللى حصل لأننا لازم نسلم قبل مانمشى

بس تعرفوا ان العيد فعلا وسط العيله ليه طعم مختلف و خصوصا بعد صلاه العيد لما يتجمع شباب و بنات العيله و نروح نسلم على بيت بيت و نعيد عليهم حاجه كدا حلوة قوووووووووووى

طبعا فى مواقف كتيييييييير حصلت و حاجات كتير اتعلمتها هابقى احكيلكم عليها  ان شاء الله  لانى راجعه مدمره و بكتب و انا بنام على الكيبورد اساسا

* ان شاء الله بكره هارد على التعليقات اللى فى البوست اللى فات و هالف بقى على المدونات عشان اشوف اللى فاتنى واسلم عليكم طبعا واحد واحد

و دمتم سالمين

هناك 75 تعليقًا:

كـــيــــــــارا يقول...

اللي محيراني

اولا كل سنه وانتي طيبه

ثانيا حمد الله علي السلامه

ثالثا انا زادت حيرتي فيكي

رايعا انا كنت هدخل اسال عليكي وياسبحان الله لاقيت الريدر قال انك نزلتي بوست فجيت اطمن ياللي محيراني عليكي وزدتي حيرتي اكتر



بس ايه يبنتي الجهد ده كله

مش ناويه تريحيني ياللي محيراني

عااااااااااااااا

كـــيــــــــارا يقول...

انا خلصت اول تعليق

طب تاني تعليق كيكيكيكيك

كـــيــــــــارا يقول...

رخامه بقي وغلاسه

اخدت تالت تعليق كمان

هه بس لحد اما حيرتي تنتهي هه بس

نـــــور يقول...

ومعايا انا بعد كيارا رابع تعليق:)

حمد الله على سلامتك

كويس انك رجعتيلنا
انا شاكه انك الحد اللى اعرفه وسألت عل غيابه
بس مش متأكده بجد انتى ولا لا
على اى حال انت او هى
كل سنه وانتى طيبه

SHAPE YOUR LIFE (ABOALI) يقول...

عودا سعيد
جو العيلة هو العيد
نقاء وصفاء ومواعيد
لمة وضحكة وبسمه
وكلمة وحدوتة وذكرى
عم وخال
اصحاب وعيال
بيت وبيوت
عليها نفوت
ولما نرجع
نتمنى الايام تعود


تحياتى خلى بالك من الكهربا

romansy يقول...

حمد الله على السلامه
وعود احمد
وكل سنه وانتى طيبه
وعيد سعيد

طـائر الليــل الحـزين يقول...

هاى يا قمر .
وحمدلله على السلامة .
والتلاته بقى كل سنة وانتى طيبة .والسنة اللى جاية نكون عرفنا اسمك يا قمر .
ما علينا مفيش احلى من ان الواحد يقضى العيد فى جو العيلة . وسط اهله وناسه . هيحس بريحة البلد وريحة العزوة. عموما حمدلله على السلامة كنتى وحشانا

elsha3er يقول...

السلام عليكم

حمدالله على السلامة ياجى من قطر بجد وحشتينا والله حمدالله على سلامتك


احمد الشاعر

البنت الشقيه يقول...

حمد لله على السلامه يا جميل انا لو منك مش اروح لحد خااااااالص يابنتى ربنا معاكى بجد


تحياتى
البنوته الشقيه

ولد مصري يقول...

حمدا لله على السلامة

وكل سنه وانتي طيبة

كلمة "إيجت مع تعطيش الجيم" دي كلمة سواحيلي يعني من نواحي دمياط بورسعيد كفر الشيخ

والكلام ده لو صحيح يبقى راح المشلتت والمش اللي كنت ممني نفسي بيهم

يلا عليه العوض ومنه العوض

المهم إن ضد التيار إيجت بالسلامة

تحياتي

☼♫♪ عمــاد الدين يــوسف ☼♫♪ يقول...

كل سنه وانتي طيبه وحمدلله على السلامه
تحياتي

Butterfly يقول...

حمدالله على السلامه وكل سنه وانتى طيبه

Egyptian citizen يقول...

رحلة سعيدة يا ستي و حمدلله علي السلامة
احلي حاجة لما الواحد يسافر في العيد
اسكندرية كانت تجنن بصراحة. هو العيد
مع العيلة حلو طبعا لكن اللي انتي قولتيه ده تعذيب بصراحة و جربت شعورك
لما الواحد هيموت و ينام و مش عارف من
اللي حواليه بس في الاخر بتبقي ذكريات
جميلة

الازهرى يقول...

حمدالله على السلامة

اجازة مرهقة ولكن

حلاوة العيد وسط الاهل ببساطة وسعادة يستاهل التعب الف مرة


مش كدة والا ايه


تحياتى

*الطالبة عفو الله *زوزو يقول...

تعرفي اننا اكتشفت انك بنت هههههههههه
دنا كنت فكراك ولد متحطي يا بنتي حاجة في البروفايل توضحي انك انثى
معلينا المهم اديني عرفت
و اسفة لو كنت برد عيلي عندي بصيغة ولد
ماعلينا المهم يا ستي كل سنة و انتي طيبة و بالعيد سعيدة و لاى الله قريبة
اه فعلا لمة العيلة حاجة جميلة اوي يا رب يخليلك اهلك
عاوزة بقى التفاصيل و المواقف غلاسة بقى
يلا يا جميل اسيبك في حفظ الله
في انتظار الجديد

E73 يقول...

بسم الله الرحمن الرحيم
السلام عليكم ورحمة الله وبركاته
والله فعلا عندك حق اللمة والعيلة شعور تاني خالص
ايه رايك تبدلي معايا؟
حمد لله على السلامة يا جميل
(حد ميعرفش يعني ايه شلاطة؟!)

shimaa يقول...

كنتى فين كل ده
أولا حمد لله على السلامة
وعندك حق جدا العيد وسط العيلة ليه طعم حلو اوى

وخصوصا بعد صلاة العيد طعم العيد وسط اللمة تحفة
ربنا يديمه على الكل
وكل عام وانتى بكل سعادة

دمتى بكل خير

بنت سيناء يقول...

ضد التيار حمدلله على السلامة انما انتى ساكنة عندنا هنا؟؟
انا افتقدتك بجد الفترة اللى فاتت
يلى رحلة موفقك وعيد سعيد متاخر

ناعومى يقول...

حمد الله على السلامهولو ان دى اول زياره ليا للمدونه الجميله وصاحبتها الاجمل
وان شاء الله اتابع معاكى دايما

طبعا حاسه بيكى كنت زمان بسافر البلد برضه بس فى الصعيد الجوانى
وكل البلد مش الشارع بس
كلهم قرايبى
وكلهم لازم اسلم عليهم وكله عيب وميصحش
بس برضه كانت ايام جميله اوى
بس ايجت دى اعتقد بتاعه المنصوره والمنزله ولا انتى ايجت من حته تانيه

حمد الله على اسلامه ياقمر
عيد سعيد علينا وعليكى

Sweet Violet يقول...

كيارا

-----------

ههههههههههههههههههه

مش عارفه ايه حكايه محيراكى دى

اولا وانتى طيبه

ثانيا الله يسلمك

ثالثا ههههههههههه مبروك الزياده P-:

رابعا القلوب عند بعضها ياقمر و اشكرك انى جيت فى بالك

اااااااااه شفتى الجهد اللى حصل امال لما اقولكم بقى على الباقى

دا انا ليا الجنه بس سيبك انتى الجو هناك رغم التعب كان ممتع

قريبا ان شاء الله هاترتاحى

بطلى عياط بقى دا انتى ناجحه النهاردا يعنى فرح مش عياط

و مبروك عليكى التعليقات التلاته ولا رخامه ولا غلاسه

ياسلااااااااااام دا الواحد يفضل يزيد حيرتك كدا عشان تنورى دايما بتعليقاتك

الف مبروك ياقمر على النجاح

Sweet Violet يقول...

حبيبه الحبوبه

------------

منورة برابع تعليق (:

الله يسلمك ياقمر

اعتقد مش انا بس انتى سألتى فين؟؟؟

و انتى طيبه

بجد منورة ضد التيار

Sweet Violet يقول...

ابو على

------------

عجبنى موووت كلامك

وفعلا جو العيله لمه وضحكه

ياريت كل الايام معهم الواحد بينسى الدنيا و همومها

ربنا يخليهم ليا يارب

حاضر دا انا ضد التيار ماتخفش الكهربا بتخاف منى

بس سيبك انت دايما منورنى

Sweet Violet يقول...

رومانسى التفاؤل

--------------

الله يسلمك

و انت طيب و بصحه وسلامه

و دايما نبع التفاؤل

منور

Sweet Violet يقول...

طائر الليل الحزين

-------------

هاى ياجميل

الله يسلمك

هههههههههههههههه وانتى طيبه بس انتى نفسك قصير كدا ليه السنه اللى

جايه على طول

طيب قولى 2010 خليكى كريمه

فعلا مافيش احسن من وجودك وسط اهلك وناسك ومش شرط العيد بس لا

الايام كلها

ياااااااااه احساس مااروعه فعلا

انتم اللى كنتوا وحشنى موت جدا خالص بفزاعه

منورة و يارب المره الجايه الاقى طائر الليل السعيد

Sweet Violet يقول...

الشاعر

------------

و عليكم السلام ورحمه الله وبركاته

الله يسلمك و انتم والله اللى وحشانى جداااا

بس بجد زعلانه جدااااااا منك يعنى اول لما اجى بدل الاستقبال ببوست فرح

الاقى بوست اعتزال

عموما منتظرة رجوعك لان بجد انت من الناس اللى بنتظر بوستاتهم

الاسطى يقول...

عود محمود ..
و نورتينى ..
و شرفتينى بتعليقك ...
تحياتى ..

Sweet Violet يقول...

البنت الشقيه

-------------
الله يسلمك ياأحلى بنوته

ماكنش ينفع دى مره ولا مرتين فى السنه لما تحصل و اكون معهم

كان لازم اروح لانهم وحشنى جداااااااااااا

ربنا معيا ومعكى ياجميل

منورة يااحلى بنوته شقيه

Sweet Violet يقول...

ولد مصرى

--------------
الله يسلمك

و انت طيب

ههههههههههههههههههههههههههههه

دا انا فرحانه فرح فيك هههههههههههههه

ياعينى

هههههههههههههههههههههههه

معلش بقى ربنا يعوضك بس احنا برضه عندنا مش ومشلتت

بس لولا انك مسافر كنت جبتلك بقى P-:

بس سيبك انت برضه فرحانه فيك

Sweet Violet يقول...

عماد الدين يوسف

------------

و انت طيب

و الله يسلمك

منور

Sweet Violet يقول...

Egyptian citizen

------------------
الله يسلمك

الحمد لله انك استمعت بالعيد فى اسكندرية

فعلا احلى عيد لما يكون مع العيله والاهل

هههههههههههههههههههههههههه

اى نعم تعذيب لكن ممتع كفايه بس اللمه تنسى الواحد كل حاجه

فعلا اجمل ذكريات

Sweet Violet يقول...

الازهرى

-------------

الله يسلمك

فعلا ياريت الواحد يتعب مليون مره مش الف بس المهم يكون وسط الاهل

متعه بجد

Sweet Violet يقول...

الطالبة عفو الله

---------------

هههههههههههههه

عايزة اقولك ان فعلا كنت دايما بستغرب ردودك عليا

و بقول ممكن تكون نسيت الياء بس طلع انك كنتى فاكره انى مذكر

مكتوب فى البروفايل انثى على فكره

ولا اسف ولا حاجه ولا يهمك بتحصل معيا كتيييير

و انتى طيبه

ههههههههههههههههه

حاضر التفاصيل الممل كمان ياسلام هو انا عندى اغلى منكم

مافيش غلاسه ولا حاجه بس استحملوا انتم بقى

ههههههههههههههههههههه

ان شاء الله قريب هانزل الجديد

بس اخلص تسليم على المدونين

دا انا فاتنى حاجات كتييييييييير قوى ):

Sweet Violet يقول...

أ.ح

---------

و عليكم السلام ورحمه الله وبركاته

مااحلى اللمه فعلا

بس ابدل معكى ايه؟؟؟

العيله ؟؟؟

طيب ماتيجى معيا وابقى انا وانتى بدل مانبدل (:

الله يسلمك ياقمر

هههههههههههههههههه

كان الوقت صيام وحر و سفر وتعب و ماركزتش قوى

لكن لو ركزت كنت عرفت طبعا (وش مكثووووف جدا)

منورة بزيارتك ياجميل

و يارب ماتغيبى علينا بقى

Sweet Violet يقول...

شيماء طلعت

--------------

كنت فى البلد (:

الله يسلمك

دا احلى طعم بجد

و اى تحفه دا الواحد بينسى كل حاجه وقتها

امين يارب

و انتى بصحه وسلامه

Sweet Violet يقول...

بنت سيناء

---------


الله يسلمك ياجميل


انا اللى افتقدكم كلكم و الله كنت هاموووووووت و ادخل اعيد عليكم


لكن الظروف ماسمحتش ):


انا دخلت عندك لقيت التعليقات فى بوست اكتوبر مش موجوده مش عارفه ليه


و بعدين ادخل دلوقتى الاقى اللى انتى بتقوليه دا

عموما هانتظر رجوعك و انا قولتلك فى التعليق (:

Sweet Violet يقول...

ناعومى

-------------

الله يسلمك

و بجد سعيده باول زياره ليكى وان شاء الله ماتكنش الاخيرة

ايه دا البلد كلها؟؟؟؟؟؟؟؟

ماشاء الله ...دا انتى بقى اللى ليكى الجنه مش انا (:

اااااااااه على عيب ومايصحش و لازم سمعتها كتيييييييييييير

بس فعلا ايام بتبقى حلوة ورغم التعب بتبقى روووووووعه بجد

بس هو ليه زمان ؟؟؟

العيله عزلت ولا ايه؟؟؟؟

اهلا باهل الصعيد كلهم (:

هى قريبه منهم على نفس الخط يعنى

الله يسلمك

بجد سعيده بمرورك

و الحمد لله ان المدونه عجبتك

Sweet Violet يقول...

الاسطى

---------------

انت اللى منور بتعليقك

و اشكرك على الزياره

احمد على نصار يقول...

اللي قبلنا قالو : جنة من غير ناس ماتنداس: واحب اسألك واحرجك علي رأي مفيد فوزي _الناس اليومين دول زي الناس بتوع اليومين اللي فاتو ،فاتومن كتير ولوفي اختلاف ايه هو في رأيك : يلا بيس ومستني اجابتك وعلي سؤالي لأن في ناس كتير بيأكدولي ان العيد السنه دي غير _ بيس بقي هه بيس

انت تسال والكمبيوتر يجيب يقول...

ندعوكم للأشتراك فى برنامجنا الأذاعى وهو عن النت والمدونات ويذاع يوميا من الأذاعه الرئيسيه لمصر ...
كافة التفاصيل فى مدونتنا وموقعنا
المدونه
http://netonradio.blogspot.com
ويمكن الدخول للموقع من رابط بالمدونه
ويهمنا سماع آراءكم فى الأسئله المطروحه فى المدونه لأذاعتها
ويسعدنا ان نشير فى برنامجنا الى هذه المدونه
تحياتنا واطيب التمنيات

مـجـنـووون يقول...

حمدالله علي السلامه

عندك حق العيد له طعم جميل لما بيكون في وسط الأهل والأحباب

هي بتبقي حاجه متعبة علشان بننتقل كتير وبسلم علي ناس كتير بس الفرحة بتنسي التعب والأرهاق

ويا رب تكون عاده ما تنقطع ابداً

تقبلي مروري
مجنووون

saragebaly يقول...

ضد التيار

حمدلله على سلامتك وكل عام وانتي بألف خير

يارب يكون كل اعيادك سعيدة وفي لمة الاهل والعيلة وتكوني مبسوطة دايما كدة

تحياتي لكي

Sweet Violet يقول...

أحمد على نصار

---------------

رغم انى مابحبش مفيد فوزى لكن حاضر نجاوب مانجوبش ليه

هى الناس اللى بتجاوب احسن ولا احسن

انت بقى بتقول ايه ؟؟؟

الناس بتاعت اليومين دول زى الناس بتاعت اليومين اللى فاتو

لو هانقول اليومين اللى فاتو دول على طول لا طبعا لان الناس كل ثانيه افكارها

بتختلف

اما بقى لو قولنا اليومين اللى فاتو اللى هما زمان يعنى

برضه لا لان زمان كان فى حاجات كتير حلوة الناس بتحترمها اما دلوقتى لأ

كله اتقلب للأسف

اما بقى موضوع العيد السنه دى غير

الصراحه انا من رمضان وانا حاسه بتغيير جامد وحاسه ان كل حاجه بقت غير

و انا كمان بيس اشمعنا انت يعنى ياسلام

Sweet Violet يقول...

CAIROCOMPUTER
--------------

ان شاء الله نروح نشوف التفاصيل

Sweet Violet يقول...

مجنوووون

--------------

الله يسلمك

فعلا الفرحه بتنسى اى تعب الواحد كان بيحس بيه

رغم انى كنت عايزة انام جداااااااااااااا

لكن لما كنت ببقى عند حد من العيله بنسى النوم مابفتكرش الا لما اخرج

امين يارب تفضل عاده ماتنقطع

و حمد لله على سلامتك انت كمان

Sweet Violet يقول...

saragebaly

---------------
الله يسلمك ياقمر

و انتى بصحه وسلامه يارب

امييييييييين يارب

و دايما انتى كمان الفرحه معكى ماتفرقك ابدا

نورتى المدونه بزيارتك و تعليقك

nona يقول...

اولا حمد الله على السلامة
و انا معكى ان اللمة بتبقا حلوة و لما بتكون بعد غياب
المهم انك انبسطتى هناك و اوعى تكونى نسيتى السكلاتة
يا ترى ياهل ترى انت الاى فى دماغى و الا غلط
اقولك خليها سر و نمشيها ضد التيار
بس على راى طالبة عفو الله حطى اى حاجة تقول انك بنت عشان حتى الرجالة يعرفوا اننا برضة جامدين و بنمشى ضد التيار كمان

بنوتة يقول...

حمدالله على السلامة
أخيرا

أتمنى انك تزوري مدونتي عشان دي لسةجديدة محتاجة تشجيع

محمد الدخاخنى يقول...

حمداً لله على سلامتك وكل يوم وانت بخير

ما اجمل تلك اللحظات التى نعيشها مع اهلنا الذين لانراهم إلا فى المناسبات
حتى وإن كنا لانعرف الوضع ولكن ستتذكرين هذه الايام عندما تبلغى سناً كبيرا بصحة وعافية بإذن الله وتريدين ان يزورك ابنائك واحفادك حتى تستشعرين طعما للحياة

وفقك الله

أحلى حياة يقول...

اااااااه :'(
طول عمري باقول ان كان نفسي يبقى عندي بلد، ريفي طبعا، عشان اروح في الاجازات والاعياد واعيش الجو اللي وصفتيه دا
يلا الحمد لله رب العالمين على كل حاجه

كل سنه وانتي طيبه ياجميله :)

حنين القلب يقول...

كل سنه وانتى طيبه يا حبيبتى
وحمد الله على سلامتك
بس ايه اللفه دى كلها
يا بختك يا عم اتفسحت فى البلد
الا قوليلى فين البلد دى ؟؟

ملحوظه
دمك زى العسل

Yasmine يقول...

حمد الله على سلامتك و كل سنة و انتى طيبة و عقبال كل عيد مع الاهل و العيلة و كل اللى بتحبيهم :)

فارس القمر يقول...

السلام عليكم

الزيارة الاولى لمدونتك ولكن تكون الاخيرة ان شاء الله
كل سنه وانتى طيبه

وحمد لله على السلامه

وبجد زى مابتقولى مافيش احلى من لمه العيله وخصوصا فى المناسبات

وبدعوكى لزيارة مدونتى المتواضعه وماتنسيش تجيبى معاكى شلاطه
ههههههههههه

تقبلى مرورى
فارس

عالم حبيب يقول...

كل عام وأنتي بخير وعيد مبارك ينعاد عليكي في الطاعة والايمان

جميل العيد في البلد مع ان ما حصليش الشرف أعيد في الريف قبل كده .. وصفك ما شاء الله رائع عيشتينا معاكي الرحلة بالوصف كأننا فيها .. أتمنى تكوني ارتحتي دلوقتي :)

تقبلي تحياتي

أخوكم : حبيب

غير معرف يقول...

جاية أقولك حمد لله على سلامتك
و إن شاء الله حكمل البوست و أرجع أعلق
بس دلوقتى بقى معلش
حروح أذاكر :(

باى يا قمراية

Desert cat يقول...

كل سنة وانتى طيبة
والف حمد الله على سلامتك
انا كمان قضيت ليلة العيد صحيان لان العيله كلها بتتجمع عندنا وروحنا صلينا بس الحقيقة مش روحت سلمت على حد
انا دخلت نمت
:)

blue-wave يقول...

الف حمدالله على السلامه
وفعلا العيد وسط الأهل ليه طعم تانى
كل سنه وانتى طيبه

شمس النهار يقول...

حمدالله علي السلامه
طيب بمناسبة العيد مش ناويه تنوري المدونه
وتنقي كده لون مفرح شويه
ليه الظلام ده
ده انا حاسه انك راجعه من السفر معنوياتك احسن
نوريها ونبي نوريها

mohamed ghalia يقول...

كل سنة وحضرتك بخير
ويارب دايما تكونى فى سعادة وهنا وسرور
وسيبى العيال تلعب عيد بقى
تحياتى وإعجابى بمدونة حضرتك

طوبه فضه وطوبه دهب يقول...

حمد لله على السلامه وديما منوره مدونتك ومستنين باقى الحكايات الجميلهليكى تحياتى ومرسى جدا على زيارتك مدونتى

Sweet Violet يقول...

nona

------------

الله يسلمك يااحلى نونا

انبسط جدااااااااااا مش قوى بس

ههههههههههههههههههههه

لا هى دى حاجه تتنسى دى شلاااااااااااااااااااطه اللى بسببها مانمتش

نمشيها ضد التيار

هههههههههههههههههههههههههه

هما عندهم شك ولا ايه اننا برضه بنمشى ضد التيار؟؟؟

بس صدقونى مكتوب فى البروفايل انى انثى

Sweet Violet يقول...

بنوتة
----------

الله يسلمك

اخيرا برضه

D:

اولا اهلا بيكى بقى فى التدوين

و ان شاء الله يتم التواصل

Sweet Violet يقول...

محمد الدخاخنى

-----------

الله يسلمك ..وانت بالف خير وسلامه


فعلا اجمل اللحظات اللى بتكون مع الاهل و الاحباب

ربنا يدمها نعمه يارب عليا وعلى الكل

Sweet Violet يقول...

أحلى حياة
---------------

مش شرط البلد تكون ريفى عشان تتبسطى

المهم انك تكونى وسط اهلك اى كان المكان مش هايفرق

صدقينى هايبقى نفس الاحساس اللى انا وصفته

و انتى طيبه ياقمر

Sweet Violet يقول...

حنين القلب
---------------

و انتى طيبه ياقمر

الله يسلمك

شفتى بقى اللى حصل دى كانت لفه ماشااااااااااء الله

بس كانت برضه جميله

و اى فسحه الحمدلله الواحد نسى كل الدنيا هناك

فى طريق اسماعيليه الصحراوى (:

اشكرك دا من ذوقك ياقمر

Sweet Violet يقول...

banouta masreya

----------------

الله يسلمك ..وانتى طيبه ياجميل

اميييييييييين يارب

Sweet Violet يقول...

فارس القمر

-------------------------

و عليكم السلام ورحمه الله وبركاته

ان شاء الله مش الاخيره

و انت طيب

الله يسلمك

فعلا المناسبات بيبقى ليها طعم تانى عن الايام العاديه

ههههههههههههههههههه حاضر هاجبلك الشلاطه و انا جايه

Sweet Violet يقول...

عالم حبيب
-------------------

و انت طيب

ان شاء الله تجربها بجد هاتبقى ممتعه

الحمدلله بقيت انام برحتى

بس رغم تعبى هناك و رحتى هنا لكن عايزة ارجع تانى ):

Sweet Violet يقول...

انا ودماغي

--------------------
الله يسلمك

و لايهمك ياقمر المهم شدى حيلك انتى

المدونه موجوده والبوست قاعد ركزى انتى اهم حاجه

باى ياقمر (:

Sweet Violet يقول...

Desert cat

----------------
و انت طيبه

الله يسلمك

يابختك ):

انا فى اليوم دا نمت الساعه10:30 و طبعا ماكنتش نمت كمان الوقفه ):

Sweet Violet يقول...

amr farouk

----------------

الله يسلمك

احلى طعم بجد

و انت طيب

Sweet Violet يقول...

شمس النهار

--------------

الله يسلمك

فعلا احسن بكتيييييييييييير عن ماكانت قبل الحمدلله

حاضر صدقينى بدور على استايل فعلا عشان انورها

انتى بس تؤمرى بس ادعى الاقى استايل حلو كدا (:

Sweet Violet يقول...

mohamed ghalia

---------------
و انت طيب

اميييييييييين

ماانا سبتهم و عملت زى ماقولت يلا بقى عيد يفرحه بيه من نفسهم (:

اشكرك على زيارتك

Sweet Violet يقول...

طوبة ذهب وطوبة فضة

-------------------
الله يسلمك

ربنا يخليكى يارب

ان شاء الله هاكتب كوووول اللى حصل بس يارب ماتزهقوا انتم بس

انا اللى مرسى على زيارتك ليا (:

سبهللة يقول...

اول مرة ادخل عندك
اسلوبك جميل وشدنى من اول حرف لاخر حرف
بس ممكن اعرف البلد بتاعتكوا اسمها ايه؟؟

سمكه واحده يقول...

كلامك حسسني انك حد من العيله او اني انا ونفس اللي بيحصل عندكوا بالظبط
شكلنا كده هنبقي نفس البلد وحياتك
نفس الوصف ياضد وكده يبقي لينا قرايب علي النت
تحياتي اسلوبك يشد
سمكه