Sweet Violet's favorite quotes


"من السقوط أن يسخر المرء مواهبه العظيمة من أجل غايةتافهة ."— محمد الغزالي

الأحد، 12 أكتوبر 2008

العذاب الممتع

لالالالالا مش معقول اللى انا سمعاه دا ..اكيد انا بحلم ايوة انا بحلم

لا ماحدش يقول ان الصوت دا حقيقى طيب اعمل ايه اجيب مخدات البيت كله

مع انها برضه مش هاتمنع الصوت دا

استووووووووووووب

استنوا قبل ماتقوله مال ضد  اتجننت ولا ايه

الحوار اللى فوق دا مع نفسى فى تانى يوم و طبعا زى ماقولت فى البوست اللى فات

ان السيد بابا راسه و ألف خنجر ان مافيش نوم إلا بعد السحور و طبعا ماينفعش انام و فاضل على الفجر دقايق

يعنى نمت بعد الفجر الساعة 5 الكلام اللى فوق دا حصل الساعة 8 واخدين بالكوووووووووووا 8

يعنى تلت ساعات يابشر انام تلت ساعات بس لييييييييييييه

ثرى تو وان

بت يافتحيه انتى يابت

ماتردى يافتحيه و ارحمنى عايزة اناااااااااام يعنى هو اجى فى الايام العادية يتقلق رحتى

بحجه الفطار بدرى و الغدا بدرى و كل شئ بدرى اجى فى رمضان و اقول هارتاح الصبح ألاقى نفس النظام

ليه ياربى كدا بس هو انا عملت ايه فى دنيتى دا الفطار الساعة 5 المغرب ايه بيصحيهم دلوقتى بس

بت يافتحيه انتى ياااااااااااااااااابت

حد يقولى فين فتحيه هانم دى اروح ابوس ايديها عشان ترد

عايزة انااااااااااااااام يابشر

كنتى فين يامقصوفة الرقبة صوتى اتنبح عليكى

صوتك اتنبح !! دا انا اللى دماغى ورمت و عايزة انام حرام عليكوا

هوووووووووووس هدوووووء

 

ياااااااااااااااه مااجمل الهدوء  هنام اخييييييييرا

تشكتشكتشكتشكتشك

استوووووووووووووووب

لالالالا دى مش عطسه ولا  الكيبورد خرفت

دا صوت البشر اللى ماشين فى الشارع صايمين بقى

ومش قادرين يرفعوا رجليهم من على الارض فبيكحتوا الله يكون فى عووووووووووووونهم

ثرى تو وان

لالالالالالا دا كتير والله دا كتير لا بجد دا كتيييييييييييييييييير

طيب و ربنا ماانا نايمه  عشان ترتاحوا اتبطو بقى

قمت لقيت بابا فى وشى و بكل حب و ود

مالك ياضد ياحبيبتى ايه اللى مصحيكى بدرى كدا

استووووووووووووووووب

طبعا هو ماقلش ضد بس لزوم الاسم ...

غير بقى ان بابا كان بيسأل و وشه محمر من كتر كتم الضحك عليا لأنه عارف كويس انا ايه صحانى

لان السيناريو دا بيتكرر كل مره اروح فيها البلد

ثرى تو وان

لا مافيش ياابى العزيز انا قولت كفاية بس تلت ساعات نوم

دا حتى بيقوله النوم الكتير مضر على الصحة ..

انا هاروح اغسل وشششششششششى (معلش اصلى سنانى وجعانى و كنت بجز عليها)

انا كان مالى بس ياربى و مال العذاب دا ماانا قولت اجى فى العيد

اهو الواحد ينام بدرى ويصحى على القلق مش مشكله ماكنش استنى سحور و لا حاجه يلا النصيب

استووووووووووووووب

طبعا الكلام اللى فوق دا كان بينى و بين نفسى لان لو بابا كان سمع كنت اخدت محضره صله الرحم اللى اخدته قبل مااجى ..

بس دا ظلم صله الرحم يعنى نزور الاهل مش الاهل تقلق الراحة

ثرى تو وااااااااااان

بقولك ايه ياابى العزيز اللذيذ ممكن اروح اسلم على عمى ابو فتحيه اصلو وحشنى قووووى قووووى

طبعا ياحبيبتى روحى ربنا يهديكى دا عمك برضه و كمان تشوفى مراته لو محتاجة حاجه تساعديها

لبست و خرجت و انا كلى شوق عشان اشوف فتحيه حبيبتى اصلها روحى روحى روحى

(اكيد طبعا فهمتوا انا رايحه ليه..ايوة كدا خليكوا معيا على السلك)

ازيك ياعمى اخبارك ايه ..امال فين فتحيه

فتحيه ….. فتحييييييييييييييه تعالى بنت عمك بتسأل عليكى

فتحيه حبيبتى روح قلبى انتى لبسه الطرحه ليه انتى فى بيتكم ياماما ماينفعش تكونى لبسها كدا

(طبعا فتحيه عرفت ايه هيحصل لأنها متعودة برضه كل مره يحصل كدا)

انتى بتجرى فكرانى مش هايجيبك دا انتى لو طلعتى المرييييييييييييخ

و ربنا ماهسيبك حرام عليكى كل ماجى لازم اقلق بسببك

ماتتلمى فى بيتكم على الصبح

و بعد الجرى و الضرب اللى حصل بينى وبينها روحت و فضلنا انا اخواتى نوضب فى البيت بتاع البلد

لان طبعا مش هاينفع نعيد عليه كدا … ماهو الواحد ليه بيت واحد بيتوضب على العيد لكن انا ربنا رزقنى باتنين اللهم لا اعتراض

و بعد المغرب جت بنت عمى ( اللى هى انتيمتى دون عن بنات عمى كلهم )

اخدتنى عشان نروح نتجمع كالعادة شباب و بنات العيله فى المضيفه بتاعتنا

اصل التجمع دا مابيحصلش الا فى المناسبات و طبعا ان الاسره بتاعتى تيجى مناسبة من المناسبات .. روحنا المضيفه

 

اييييييييييييييييييييييه دا احنا دخلنا شارع عبد العزيز ولا المضيفه بتاعت العيله ؟؟ مالهم كترو كدا ليه

ياساتر عليكى انتى هتنقى على العيله و لا ايه ؟ يابنتى هما هما بس رمضان السنه دى الكل جيه فيه

يعنى مافيش حد مسافر عشان كدا انتى حاسة انهم كترو

ياشيخه !!! طيب كويس و الله ..

سمع هووووووووووووووس مش عايزة اسمع صوت و لا نفس و اللى يتكلم يرفع ايده

بدل ماوريكوا النجوم فى عز الليل انا بقول اهو انا وصلت يعنى النظام

اهلا اهلا بالهانم اللى ماكنتش عايزة تيجى غير فى العيد

(ابن عمى المسحوب من لسانه دايما بيقوم عليا الدنيا ماهو برضه روحى روحى روحى زى فتحيه كدا)

بصيت فى وش كل اللى قاعدين لقيت الغدر باين فى العيون

اوبااااااااااااا احنا فينا من كدا طيب انا بقول امشى من اولها احسن عشان الواحد نفسه يعيد مع الأ ....

هى الكلمه كانت الاهل لكن مالحقتش اكملها من كتر الاحضان اللى اخدتها من بنات العيله (ايوة الاحضان ربنا امر بالستر ياجماعه )

و بعد ماالتقويمه اللى قومها عليه اخدت مفعولها التمام و الكل اخد حقه منى

(طبعا من البنات .. دا انا نفسى كان ولد واحد يقف بس حتى لو هايروح يجيب ميه

عشان اطلع عليه اللى اتعمل فيه ..بس للأسف ماحدش نولنى مرادى)

قاعدنا بقى كل واحد يحكى الجديد السنه دى فى رمضان و طبعا المعروف ان الشعب المصرى دايما بيطلع  نكت

و يتريق على الاحوال اللى عنده حتى لو كانت محزنه فبالتالى قاعدنا نتريق على احوالنا و اللى بنشوفها كل يوم و نسمعه  

و اللى بيكتب برضه خواطر قالنا الجديد بتاعه

(ام لواحظ ... عندنا ناس موهوبة بمعنى الكلمه و عليهم خواطر فظيييييييييييييعه ماشاء الله )

فضلنا نقول فوازير ونلعب و طبعااااااااا القاعدة ماتنفعش من غير مقالب

دى بقى ليها بوست لوحده هابقى ان شاء الله اقولكم عليها

 بس عارفين و انا قاعدة نسيت تعب اليوم كله مااحلى اللمه

و الجميل فى الموضوع كمان انى قدرت ازوغ من بابا و نمت بدرى و كنسلت السحور

انجاااااااااااااااااز

سلام بقى و اراكم فى بوست تانى ان شاء الله

ودمتم سالمين

هناك 79 تعليقًا:

كـــيــــــــارا يقول...

هييييييييييييييييييييييييييه


حظي حلو

مرتين اول تعليق

لولولولولولوولي

كـــيــــــــارا يقول...

ههههههههههههههههههههههههههههههههههه

ههههههههههههههههههههههههههههههههه

بصي موتييييييييييييني من الضحك

فتحيه

واللي بيكحتوا دول

ههههههههههههههههههههههههههههههه

ههههههههههههههههههههههههههه

كتبتيها ازاي

هههههههههههههههههههههههههههههههههه

تحفففففففففففففففففه

ويارب منوره البلد كل سنه دايما

saragebaly يقول...

هههههههههههههههههه

هههههههههههههههههههه

بجد انتي مشكلة

طريقتك في اسرد جميلة اوووووووي

حلوة اوي حكاية فتحية دي

انا لو مكانك كنت قومت كومتها هي واللي بينادي عليها

واللي عاجبني كمان لمة العيلة وازاي انت نسيتي تعبك وسط اللمة
بتبقى حلوة اوي لمة العيلة ربنا ما يحرمنا منها ابدااااااا


ويالا بقى منتظرين بوست المقالب

ودايما يارب تكوني مبسوطة وسعيدة وسط اهلك وعيلتك

تقبلي مروري

دمت بكل الحب
سارة

البنت الشقيه يقول...

حبيبتى دا انتى شكلك ادمرتى
بس انتى عارفه عندك حق اللمه مفيش زيها بالذات فى المناسبات

بس برضو النوم حلو صدقينى انا اكتر واحده حاسه بيكى لانى برضو زيك يوم العيد ولاشفت النوم وخرجت مع صحابى برضو


تحياتى
البنوته الشقيه

mahasen saber يقول...

بس والله زى ما قلتى ده العذاب الذيذ
ده كفايه لمت الاهل والمضيفه
وتشوفى ناس بتحبك ورابطهم بيكى صلة جامده زى الرحم حتى ولو هما متغاظين منك ومش طايقين تفكيرك...
انا دخلت عرفت انتى ضد تيار ايه وليه
ومدنتك جميله جميله يا ضد واسعدنى تواجدى فيها واسلوبك اكثر من رائع....

☼♫♪ عمــاد الدين يــوسف ☼♫♪ يقول...

ههههههههههههههههههههههه
وربنا انتي عسل
انا بجد ضحكت كتير
على فكره كل اللي حصلك بيحصل لاي حد يتهور ويسافر البلد في مناسبه
واللي اضيفه للمشهد السابق
الحقن الطائره او المسمى العلمي لها : الناموس
طبعا الناموس في البلد بيبقى صحته مساعداه اظاهر ان مش بس الناس اللي بتاكل سمن بلدي
تحياتي

mohamed ghalia يقول...

والله لمت الأهل متتعوض وخصوصا إنهم روحك روحك روحك.
بجد الواحد بقاله كتير مضحكش كده ميرسى للإبتسامه إلى رسمتيها على وجهنا.
تقبلى تحياتى
كل سنة وحضرتك بخير
سعيد بمعرفة مدونتك حضرتك

Sweet Violet يقول...

كيارا

-----------

دايما منورة التعيق الاول و يارب ماتقطعيش العاده دى

وتنورى على طول (:

Sweet Violet يقول...

كيارا التعليق التانى D:

------------

كوووووووووووول دا ضحك

الحمد لله انى قدرت ارسم الابتسامه على وجهك

هههههههههههههههههههههههههههه ايه الاحراج دا بس

كتبها بالكيبورد طيعا P-:

امين يارب لان الواحد بيروح البلد بينسى الدنيا ومافيها

منورة ياقمر بتعليقاتك

Sweet Violet يقول...

ساره

----------

ربنا يخليكى يارب والحمد لله ان طريقتى عجبتك

فتحيه حبيبتى دا انا لو طولت اقتلها فى الوقت دا كنت عملت

كان نفسى انام وقتها قووووى عااااااااااااااااااااا

امين يارب مانتحرم منها لانها فعلا هى اللى بتهون عن الواحد حاجات كتير وبتنسيه حاجات كتير

ان شاء الله انزل المقالب قريب

ربنا يخليكى على دعوتك الجميله

و دايما الافراح ماتفرقنا ابدا

منورة ياجميل

Sweet Violet يقول...

احلى بنوته شقيه

---------
ادمرت واى تدمير بس كله يهون عشان اللمه (:

فعلا فى المناسبات الكل بيبقى متجمع وبتبقى القاعده متتتتتتتعه

اهئ اهئ اهئ

عارفه ان النوم حلو بس حكم الاقوى

عااااااااااااااااااااااااا

طيب كويس لاقيت حد اهو سهر زى فى العيد مانمش

احمدك يارب

دايما منورنى يااحلى بنوته

Sweet Violet يقول...

mahasen saber

-------------

فعلا احلى حاجه التجمع مع الاهل والاحباب

هههههههههههه بس ايه متغاظين و مش طايقين تفكيرى كمان

ايه دا ايه دا هو فى حد فتن عليا ولا ايه ):

هى الغيظه انى كنت عايزة اروح على العيد مش فى اخر رمضان

لكن اخدت بما فيه الكفايه الصراحه منهم ):

اممممممممم تيار ايه ولا ايه

انتى ماشفتيش البوست الاول واضح كدا

ممكن تدخلى هنا

http://upstream2.blogspot.com/2008/09/blog-post.html

و هاتعرفى كووووووووووووول حاجه

الحمد لله ان المدونه عجبتك

انا اللى اسعدنى توجدك معيا فى مدونتى المتواضعه

منوره بجد(:

Sweet Violet يقول...

عماد الدين يوسف
----------------
اشكرك اشكرك

الحمد لله انى قدرت ارسم على وجهك الضحك كتييييير

فعلا اصبت انه تهور بس تهور لذيذ برضه

ههههههههههههههههه لالالالا انا عندى ماكنش فيه ناموس الحمدلله

اصلى كنت مأمنه نفسى فى اللبس يعنى عملت احتياطى الحمد لله

الناموس بياكل اى حاجه و كل حاجه فى البلد مش سمن بلدى بس

هههههههههههههههههه

ربنا يجعل كلامنا خفيف عليه

اسعدنى مرورك و اضافتك للمشهد (:

*الطالبة عفو الله *زوزو يقول...

مفيش احسن و اجمل من اللمة دي بجد
ربنا يخليلك اهلك و تفضلوا كدة تجتمعوا بالمناسبات
ربنا يسعدك ديما
دمتي في حفظ الله

Sweet Violet يقول...

mohamed ghalia

------------------

هههههههههههههههههههههه اااه ماادراك من روحى روحى روحى

الحمد لله عيلتنا متعهدت المقالب فى مصر (:

فالازم يكونوا روحى روحى روحى

الحمد لله انى كنت سبب فى الابتسامه ليكم (:

و انت طيب

انا اسعد بمرورك (:

Sweet Violet يقول...

الطالبة عفو الله

----------

اللهم امين

اشكرك بجد على الدعوه الجميله دى

دايما منورنى (:

طـائر الليــل الحـزين يقول...

هاى يا قمر . والنبى انا قلبى معاكى . اكيد بعد اللى حصل . لو جاللك الحج بابا وقالك هنسافر البلد . هتقوليلوا . الاول نبعت حد يخطف فتحية بنت عمى . اكيد فتحية مسببه قلق للبلد كلها . بس ايه خفة الدم دى . انتى حسستينى انى بتفرج على فيلم ابيض واسود من بتاع زمان . وبجد مت من الضحك . برافو عليكى طريقة كلامك مختلفة بين كل موضوع والتانى وده طبعا له سره . كلمة السر بينا بعد كده فتحية . الذ حاجة ان الانسان يكون مختلف من وقت للتانى . برافوا عليكى يا ضد
تحياتى ليكى

Butterfly يقول...

ههههههههههههههههههههه
ربنا يكون فى عونك والله انا لو كنت مكانك مكنتش فى حد سلم من نرفذتى ههههه
بس اكتر حاجه عجبتنى موضوع اللمه دى
فعلا حاجه حلوه مع انى تقريبا كدا مجربتهاش هههههههه

SHAPE YOUR LIFE (ABOALI) يقول...

حلو الموضوع المكهرب ده
كلام وحوادبت مع فتحيه
نغم ومشاعر والكل شاعر
انه فى المضيفة ساهر
نكت المصرين
على كل لون قايلين
بت ياااااااا فتحيه
يا مقصوفة الرقبه
اصحى يا بت
يااااااااااااابت
قومى اعملى التقليه
الله الله الله
يا ريف بلدنا
لسه فى موده كده
لسه فى حنان كده
لسه فى احضان كده
لسه فى حب كده
لسه فى ضحك كده
لسه فى جمال كده
لسه فى صفاء كده
الاجابه كده
بلدى كده
الله الله
على كده



تحياتى

تعرفى الرحيق الممتع
ممكن يكون عنوان مميز
بس احداث جميله
لو لم تحدث
لاظننت اننا لسنا نحن
ابقى اعزمينى
خلى عندك دال وميم

Sweet Violet يقول...

طائر الليل الحزين

-------------
هاى ياجميل

ربنا يخليكى يارب على احساسك بيا

هههههههههههههههههههههه لالالا مش فتحيه بس و ابن عمى اللى قوم عليا

وناس تانيه برضه ان شاء الله هابقى اقولهم فى بوست تانى

ياريت كانت فتحيه بس كان الواحد ارتاح منها و خلاص

ههههههههههههههههه لالالا دا مش فيلم ابيض و اسود ولا حاجه

دا ملون هو انتى ماخديش بالك من الالونات اللى فى البوست ولا ايه دا انا

مدلعه البوست على الاخر (:

الحمد لله انى قدرت ارسم ابتسامتك بجد

هههههههههههههههههههههههههههه حلوة فكره كلمه السر

لا وكمان فتحيه

فتحيه شكلها هاتوصل للعالميه بصاروووووووووووووخ

الحمد لله ان التنوع عجبك

دايما منورة ياقمر

Sweet Violet يقول...

Butterfly

-----------------

هههههههههههههههههههههههه

دى شهاده اعتز بيها ان نفسى طويييييييييييييل

ههههههههههههههههههههه ان شاء الله تجربيها بدون العذاب اللى انا شفته

اسعدنى مرورك كتييييييييييييير

the sniper يقول...

ههههههههههههه
ههههههههههههههههههههههههههههههههه
هههههههههههههههههههههههههههههههههه

موتينى من الضحك معلش كل دة ممكن يحصل لاى واحد.....

يا ريت تشرفينا فى مدونتى

the sniper 2000

......تحياتى......

Sweet Violet يقول...

ابو على
-------------

بجد دايما كلامك بيعجبنى وخصوصا لو على البلد

بس فى ظلم بقى فى الكلام هى كانت قصده تصحينى انا مش فتحيه

انت مع مين بالضبط؟؟؟؟؟؟؟؟

(بس احداث جميله
لو لم تحدث
لاظننت اننا لسنا نحن)

ليه بقى دايما عندنا سياسه الحاجه الحلو انتهت

لا لسه فى حلو و استحاله هاينتهى مهما كترت الهموم

ياسلااااااااااااام اعزمك مره واحده حاضر

ابقى افكر فى فكويره كدا واعمل لقاء مدونين فى البلد عندنا

تخيل هاتبقى فورقعه الموسم

ولا انت عايز تاكل لوحدك من غير المدونين ؟؟؟

شوفت سلك الكهربا اللى فرقع دلوقتى لا وايه فولت عالى كمان D:

اخلى عندى دال و ميم !!!! ليه انت ناوى تاخد الحروف كلها من عندى ولا ايه P-:

اعترض و بقوة

Sweet Violet يقول...

the sniper

-----------

على رأيك اهو كاس لازم ولابد كل واحد يدوقه لو فكر انه يروح البلد فى مناسبه

مبروك عليك المدونه بتاعتك (:

احمد على نصار يقول...

اوعى وشك
الكلام ده اكيد بيحصل فى الصعيد حددتى الزمان بس اغفلتى المكان. شئ حلو اليوميات دى ماهى دى اللى حاتبقى بعد كه زكرياتك / عموما ياضد التيار اسلوبك حلو وياريت تنورينى عندى فى البوست الجديد بتاع النهارده: ولو بتكتبى خواطر نزلى واحدهاحب اخد فكرة عن اسلوبك فى الخواطر
يلا سى يو

فارس القمر يقول...

بجد بجد الله يكون فى عونك كم تشكتشكتشك لانى جربت مرة المشوار دا وحرمت اجربوا تانى ومن كلامك دا حسيت باللى انتى فيه طبعا علشان مجرب كنت بضجك جدااااااااااااا من الحكايات اللى حكيتيها و سؤال بقى ياترى هتجربى تانى
ولا خايفه من محاضرة والدك

تقبلى مرورى

فارس

ANGHAM ALLAM يقول...

تعليقي جي متأخر بس بجد هايل
و انتي زي العسل و ربنا يخليكي
و تطلعيني من اي مود وحش ابقى فيه

الفارس الملثم يقول...

هههههههههههههههه

ايه ده كله هههههههههه

طبعا مفيش اجمل من لمة العيله بجد ,سواء كان في عيد او غير عيد , حقيقي كانت ايام جميله ,طبعا لان العيله عندنا ولا اقلك بلاش عديها دي .مممممممممم..

, تعرفي تحسي ان النوم بيبقي حلو بزياده لما يكون في سبب يخليكي تصحي بدري فعلا..

بوست لذيذ ودمه خفيف اوي ومستنين بوست المقالب ..

تحياتي

ابراهيم بكر يقول...

على فكرة اسلوبك فى العرض اجمل مل يميزك
وبالاخص ستوب ون تو ثرى

حاسس انى قاعد قدام يوسف شاهيين

romansy يقول...

ايه يا ضد
انتى بتحكى مغامرات ضد
دى تنفع مسلسل كوميدى
انتى بتحكى الموقف بالضبط بالتفاصيل المله
بس اقولك اهم حاجه ايه انك نفذتى اللى انتى عاوزاه

nona يقول...

هههههههههههههههههههههههه
يعنى يا ربى هدت حيل هنا فى بيتكم و هدت حيل هناك برضة اية العيد الاى كلة اشغال شقة دة
انا من راى لما تيجى تسافرى البلد تانى خلى فتحية تسافر فى بعثة مستعجلة عشان تعرفى تنامى
احلى حاجة لمة العيلة بس طبعا من غير اشغال شاقة

راعى الناقه يقول...

احنا فين فى مسلسل باب الحاره ولا ايه
انا مستغرب جدا من بعض كلامك
يمكن علشان ثقافتنا بتختلف بس انا بعتقد برضوا ان ناس كتير بقى عندها وعى ديني معقول يجتمع شباب وبنات العيله فى مكان واحد طب ازاى دا طب البنات بيكونوا متحجبين ولا بالطرح بس !!!
انا بصراحه مش قادر استوعب
انا كنت فاكر ان ثقافة الاختلاط خلاص راحت بس للاسف لسى فيه ناس بيتكلموا فيها ويعتبروها امر جيد وعادات حلوه
على العموم انا معرفش الكلام اللى بتكتبيه واقعى ولا من الخيال
بس انا حبيت اقول وجة نظري فى موضوع الاختلاط
تحياتى

وردشان smilyrose يقول...

يالله بجد كان الله فى عونك

اول زيارة ومش الأخيرة ان شاء الله

حبيبتى ايه العذاب دا

طب كنتى اطلبى مساعدة

بس اقلك كله يهون قدام لحظة سعادة مع

الاحباب فكرتين ببيت العيلة وحشنى قوى

ربنا يوفقك

smilyrose

روح الحب الصادق

Sweet Violet يقول...

احمد على نصار

-------------

ايه دا هو فى ضرب نار

ادينى وعيت وشى الوش مش بعزقه برضه (:

لالالا المكان مش الصعيد خلاص

انا عارفه انى حددت الزمن لكن المكان ان شاء الله فى بوستات تانيه مش كله

مره واحده (:

فعلا الايام دى هاتبقى من الذكريات عشان كدا نزلتها (:

الحمد لله ان اسلوبى عجبك

ماانا نورت قبل ماتقول على فكره انت ماشفتش التعليق ولا ايه ):

موضوع الخواطر ربنا يسهل

سى يووووووو

Sweet Violet يقول...

فارس القمر

------------
هههههههههههههههههه

الحمد لله لقيت حد زيى جرب العذاب اللى شفته

لاااااااااااااا هاجرب طبعا دى لمه العيله بتنسى الدنيا

كل مره اقول مش هاروح تانى لكن مابقدرش للأسف البلد بتوحشنى (:

Sweet Violet يقول...

ANGHAM ALLAM

------------------

ولا متأخر ولا حاجه ياجميل

انتى تنورى فى اى وقت

ربنا يخليكى ياقمر و يارب دايما الكل فرحان

Sweet Violet يقول...

الفارس الملثم
--------------------

لالالالالالا انا عايزة اعرف بقى مش هاعديها

اشمعنا انا بقولكم ):

فعلا الواحد لما يلاقى سبب يخليه يصحى تحس انه واخد مصنع جبوب منومه و

بيبقى هايموت وينام

ان شاء الله قريبا بوست المقالب

و الحمد لله ان البوست عجبك

Sweet Violet يقول...

hinger

--------------------
يوسف شاهين مره واحده

دا انا قولت هاتقول حيلهم بينهم ماشى لكن يوسف شاهين!!!!!

عموما الحمد لله ان الاسلوب عجبك

Sweet Violet يقول...

رومانسى

------------------

ههههههههههههههههههه لا بحكى عذاب ضد ):

بجد طيب ايدى فى ايدك بقى عشان نعمله (:

ماهو لازم التفاصيل عشان تعيشوا العذاب معيا (:

فعلا دى اهم حاجه

Sweet Violet يقول...

نوناااااااااااااااااااااااااا

------------------

شفتى بقى الظلم اتنين مش واحد

عااااااااااااااااااااااااااااا

هههههههههههههههههههههههههههههه انا فكرت فى كدا برضه بس للأسف

مش لاقيه المكان اللى هابعتها فيه

ايوة طبعا احلى حاجه اللمه و اوحش حاجه الاشغال الشقه ):

Sweet Violet يقول...

راعى الناقه

--------

انا للأسف مليش فى المسلسل دا

لكن ممكن نقول مسلسل الشارع لانه شارع العيله مش حاره العيله (:
----------------

لكن مال اختلاف الثقافه و مال الوعى الدينى ؟؟؟؟

اولا لو كنت نزلت للبوست اللى فات كنت هاتعرف ان احنا عيله فى بعض مافيش غريب يدخل

اما عن لبس البنات احنا بنلبس فى المضيفه زى مابنلبس و احنا راحين اى مكان

(رغم انى مش فاهمه يعنى ايه متحجين و لا بطرح بس)

غير ان المضيفه مكان مش مغلق عشان تقول ثقافه الاختلاط و وعى دينى

كلنا ولاد عم بنخاف على بعض و مش معنى اننا بنتجمع يبقى ماعندناش وعى دينى لا الحمد لله موجود

و مش معنى اننا بنتكلم و بنضحك يبقى خلاص

و اعتقد ان الدين نفسه مش محرم دا

اولا لان فى اخوات فى اللى قاعدين يعنى البنات و اخواتهم الولاد و الكل برضه ولاد عم

اعتقد انه و لا حرام و لا انحلال و لا ايه؟؟؟؟

موضوع ان فى ناس لسه بتتكلم فى الاختلاط و بيعتبره عادى دى انا ماعرفهاش لان مدخلتش فى نقاش مع حد بيقول اختلاط بين الولد و البنت عادى

انا هنا بتكلم عن عيله و شبابها و بناتها اللى هما فى منهم اخوات

التجمع فى حدود الادب و الاحترام و الضحك و التهريج كذلك

و اعتقد انه لو فى شئ غلط كان الاهل اول الناس اعترضه عليه

لكن عموما عندنا ابن عمى بيخاف عليه زى اخويا بالظبط اعتقد كدا وصلت الصورة

و هارجع اقول زى ماقولت اختلاف ثقافه و عادات

لكن اختلف معك فى نقطه الوعى الدينى

اهلا بوجهة نظرك (:

Sweet Violet يقول...

smilyrose
------------
ياااااااااارب

نورتى المدونه بزيارتك الاولى

هههههههه اطلب مساعده من مين بس شكلهم كلهم كانوا بتفقين عليا):

فعلا كله يهون قدام لحظه السعاده

ان شاء الله قريب تروحى لبيت العيله

و يوفقك

بجد اشكرك على الزياره وان شاء الله يتم التواصل بينا

shimaa يقول...

حلوة اوى ذكريات العيلة

بجد نعمة ان يكون عندك عيلة وتتجمعوا احساس رائع ادامه الله عليك وعلى الجميع ان شاء الله

دمتى بخير

Saadya Arafat يقول...

ربنا يديم عليكى نعمه العيله واللمه
ومتتحرميش منها ابدا
ومنتحرمش احنا كمان منك يا سكر :)
دا انا لو ليا قربيتى كده
هبات عندها كل يوم عشان اضحك كده
وهعملك كل شويه سحور عشان تقومى
ومش هخليكى تنامى :-D
لازم اخليهم يتوصوا بيكى
وميسبوكيش فى عيد او غير عيد
:-D

فى انتظار بوستك الجديد
ربنا يديم علكى نعمه الفرحه
وحب الناس
:)

غير معرف يقول...

ههههههههههههههههههههههه
ههههههههههههههههههههه
و الله انتي سكر و اسلوبك زي العسل
بس تعرفي
احلي حاجه في الدنيا النوووووووووووم
اساليني انا
بجد سعدت دااااابالبوست بتاعك و ان شاء الله زيارتي ليه دايمه لانه فعلا يجنن
تسلمي حبيبتي

الازهرى يقول...

صديقتى العزيزة

اسمحيلى اقولك وبكل صراحة

تستاهلى وشمتان فيكى

حد يرح لاهله وينام برضه
دا كلام


وعقبال كل سنة قلق


تحياتى
وخيبت ظنى بكثرة انتظارى منذ عودتك

Sweet Violet يقول...

شيماء طلعت

----------------
و اى حلاوة دى بتبقى احلى ذكريات

فعلا نعمه والحمد لله عليها

اللهم امين

اشكرك على تعليقك و مرورك ودايما منورة بجد

شمس النهار يقول...

صدقيني بكره لما تتجوزي وتخلفي
هتحكي النوادر دي لعيالك وانت بتقولي هي فين الايام دي
ايام كان الواحد بيضحك من غير هم ومسؤليه
ربنا يديم عليكي الاهل واللمه

Sweet Violet يقول...

جوايا شئ نفسه يشوف النور

---------------

اللهم امين

ربنا مايحرمنى منكم ابدا (:

ينهار ابيض دا الواحد يقلبها حزن احسن عشان يعرف ينام هههههههههههههه

ربنا يخليكى ياقمر على التوصيه دا انا شكلى روحك روحك روحك D:

بس برضه ولا يهمك ياستى فداكى نص ساعه صحيان المهم انى اكون معكى

P-:


اللهم امين و يديمها عليكى انتى كمان

Sweet Violet يقول...

عاشقه الجنه

----------------
ربنا يخليكى يارب دا من ذوقك (:

انا عارفه انها احلى حاجه بس نعمل ايه فى حاجات لازم نتبعدك عنه ):

انا اللى سعيده بمرورك على المدونه وتعليقك

و ان شاء الله يتم التواصل والحمد لله ان المدونه عجبتك

Sweet Violet يقول...

الازهرى

--------------

هههههههههههههههههههههههه طيب ليه كدا

هو انا عملت حاجه بس عشان استاهل

عاااااااااااااااااااااااا

امال هو المفروض لما نروح نفضل قاعدين لحد مانمشى دا يبقى حرام

كل سنه قلق!!!!!!!!!!!!

ينهار ابيض دا انا فعلا صديقتك العزيزة قووووووووووى

سؤال بقى لانى بجد تنحت من الكلمه

خيبت ظنك ازاى؟؟؟؟ مافهمتش الصراحه

Sweet Violet يقول...

شمس النهار

--------------------

اقولك بجد من غير ماتجوز الواحد لما ينزل القاهره ويرجع تانى للحياه هنا

بقول من دلوقتى فين الايام دى ):

بجد هى اللى فعلا بتهون كتير على الواحد

امين يارب ويدمها على الكل

طـائر الليــل الحـزين يقول...

هاى يا قمر .
اسمحيلى اقولك صديقتى .
بس حبيت أهديك التاج . يارييتك تمرى على المدونــــة وتستلميه
تحيـــــــــــــاتى

Sweet Violet يقول...

هاى ياجميل

طبعا انا يشرفنى انى اكون صديقتك

رحت و اخدته عااااااااااااااااااااااا

بجد اشكرك عليه و اشكرك انك فكرتى انك تمرريه ليه

ولد مصري يقول...

أنا قلت اجي متأخر علشان اسيبك تنامي براحتك (سبب وجيهه على التأخير مش كده؟)

بصي هوه طبعا اصعب حاجة موضوع عدم النوم ده فعلا بيبقى مأساه سواء بقى كان بسبب فتحية او الشباشب او اي سبب آخر والحقيقة انا متخيل المنظر عنين محولة والدماغ كل شوية بتدلدل على الصدر من التعب والواحد حاسس إنه بيحلم حلم ينرفز

بس بصراحة لمت العيلة مافيش احسن منها ربنا يدومها عليكم نعمة

تحياتي

Unknown يقول...

هههههي اكيد اللمه بتكون حلوه اوي
بتعمل جو تاني خالص

ربنا يسعدك علي طول يارب

وان كان علي النوم ماهو مسيره يتعوض
(:

الازهرى يقول...

صديقتى العزيزة


النوم ما يكونش من اول يوم كده
انما رابع خامس عاشر يوم

كده يعنى

رد لبق ولكن

هل راجعت اخر تعليق عندى


تحياتى

mahmoud يقول...

اللمة حلوة برضو..الله يديمها عليكي

Empress appy يقول...

دا انا اعصابى تعبت من الحكايه الله يكون فى عونك يا بنتى هههههههههههههه

الرومـيصاء يقول...

بجد انا اول مره ازورك بس
طلعتى تحفه ومفش احلى من لمة العيله
بس الصداع بقى الله يكن فى عونك
ولاكن انا عندى تعليق معلش استحملى الغلاسه
هتعملى ايه امرك لله
بصى ياستى انتى قولتى (ليه يارب كده انا عملت ايه فى دنيتى )
اممممممم الجمله دى انا عارفه انك كتبتيها بحسن نيه
بس هى فيها اعتراض على قضاء الله
المفروض اننا منقولش كده
وطبعا الاسباب
منها اننا نلاحظ هنا اننا بنتكلم مع الله مينفعش نقول (ليه يارب)صح لازم نتكلم بأدب مع الله .

ياريت مكنش دايقتك بس احنا اخوات ولازم نتناصح فى الله
وبجد شرفتنى زيارتك ليه
تحياتى لكى....

mahasen saber يقول...

لا انا قصدى بالتيار انك طلعتى دماغ لوحدك
يعنى ماشيه بالمزاج بس ده قصدى يا جميله
وانتى اليى بتسعدينى بذوقك وزيارتك الكريمه...

Sweet Violet يقول...

ولد مصرى

----------------
اممممممم هو ولا وجيه ولا محسن بس نعديها عشان المواصلات البلوجرايه

المهم انك جيت

ههههههههههههههههههههههههههه ايه التخيل العالى دا

لالالالالالالالا انصحك بلاش تتخيل احسن

بقى عنين محوله حرااااااااااام عليك دا انا كدا برستيجى رااااااااااح ياولدى

فعلا لمه العيله مافيش احسن منها

امييييييييييين يارب

Sweet Violet يقول...

esraa

-----------
و اى جو دا احلى جو يابنتى

امين يارب ويسعدك انتى كمان

النوم استحاله يتعوض )):

لكن ممكن يتنسى تعب قله النوم مع لمه العيله

نورتى ياقمر

Sweet Violet يقول...

الازهرى

------------

رابع خامس عاشر يوم

ازااااااااااااااااااااااااااااااااى

دا يبقى حرام و ظلم وافترى كمان ):

دا كدا رد عذااااااااااااااب مش لبق

اعترض اعترض اعترض

لا الصراحه ماشفتش بس التعليق فى اى مدونه بالضبط

Sweet Violet يقول...

محمود خليفة

-----------------
فعلا حلوة

اللهم امين

منور و حمدلله على السلامه

Sweet Violet يقول...

آبى

----------------

هههههههههههههههههههههه

انتى اعصابك تعبت امال انا اعمل ايه بقى

بس سيبك انتى اللمه حلوة برضه

Sweet Violet يقول...

الروميصاء
-----------

منورة باول زياره

فعلا مافيش احلى من لمه العيله

و اى صداع بس كله بيروح لما الواحد بيكون مع اهله

ولا غلاسه ولا حاجه

انا فعلا لما قولتها ماكنش المقصود طبعا الاعتراض

و عموما اشكرك على النصيحه

لا طبعا احنا اخوات مافيش مضايقه ولا حاجه

اشكرك على مرورك وتعليقك و نصيحتك

Sweet Violet يقول...

mahasen saber

----------

ايه دا يعنى ماطلعش سؤال

معلش بقى انا كدا لما اشغل الفهامه بلغبط الدووونيا

بس تخيلى الفهامه كويسه برضه خليتك تنورى التعليقات مرتين (:

الجواز و سنينه يقول...

هههههههههههههههه
الدم برضوا عمره ما يبقى ميه
يستاهل كل التعب ده

انت تسال والكمبيوتر يجيب يقول...

صاحبة المدونه المتميزه
تحيه طيبه
يهمنا تواصلك مع برنامجنا الأذاعى-اول برنامج أذاعى عن النت والمدونات فى الشرق الأوسط من الأذاعه الرئيسيه لمصر...ولذلك ندعوك لزيارة مدونتنا والأشتراك بكتاباتك وآرائك فى البرنامج
المدونه
http://netonradio.blogspot.com
برنامج انت تسال والكمبيوتر يجيب

شفـقــة و إحســــان يقول...

انتى فظيعة ايه يا بنتى خفة الدم دى؟؟
بس حلوة حكاية الاجازة دى الواحد كان نفسه ياخد اجازة زيك

أحمد بسام يقول...

موت علي نفسي من الضحك من اول زيارة رائعة مدونتك

Yasmine يقول...

فكرتينى ينفسي زمان..ما كنتش بطيق الزحمة و قعدة الناس اللى الواحد بينسى اساميهم من قلة ما بيشوفهم..و لما تسألى طيب بنروحلهم ليه ما اكيد هم كمان ناسيينا؟ يتقالك عشان لازم تروحى
انا بطلت اروح بصراحة:)
هم كام واحد من العيلة اللى برتاح معاهم و بحب اعرف اخبارهم دايما غير كده ماليش فيه
بس على رايك لمة العليلة ما تتعوضش ابدا..بس مش اى عيلة برضه:)

Sweet Violet يقول...

الجواز و سنينه

------------
فعلا يستاهل كل التعب اللى حصل

منوره ياقمر

Sweet Violet يقول...

cairocomputer
-----------

كل مره ادخل و اقول افهم حاجه من اللى بيحصل عندكم

اشغل الفهامه و برضه مافيش فايده فيا

لكن عموما شكرا لزيارتك

Sweet Violet يقول...

شفقة هانم واحسان بك

------------------
ربنا يخليكى ياقمر

يارب تاخدى الاجازة اللى نفسك فيها انتى واحسان

Sweet Violet يقول...

أحمد بسام

-------------

الحمد لله ان المدونه عجبتك

منور

Sweet Violet يقول...

banouta masreya
------------

طبعا مش اى عيله ..عيله الواحد بس (:

بس انا الحمد لله عارفه كل واحد باسمه D:

هو طبعا الواحد لازم يروح عشان صله الرحم

بس بتبقى احلى لما تكونى انتى كمان حابه اللى هناك

هاتحسى انك بتعمليها وانتى راضيه عن نفسك حتى لو فيها تعب

☼♫♪ عمــاد الدين يــوسف ☼♫♪ يقول...

انا ديما احب اقرا التيجان اللي بتروح للناس لانها بتكشفلنا عن شخصياتهم
وانتي انسانه جميله ومرحه
تحياتي