وقفت حائرة أتساءل من تكونين ؟؟
هل أنتِ بالفعل ملاكى الحزين
أم أنكِ تتلونين ؟
و فى أى جبهة تلعبين
أم لكِ جبهتك الخاصة
التى منها تنطلقين ؟؟
من تكونين ؟؟؟
أصديقتى أنتِ حقاً ؟؟
أم أنكِ تتصنعين !!!!
و ماهذا القناع الذى ترتدين
هل كنتِ تخفيه ؟؟ أم أنه قناعك الدائم
و أنا التى أصبت بالعمى اللعين !!!!
بالله عليكِ من تكونين ؟؟
جئتِ إليّ باكية من الظلم المهين
فأخذتكِ إلى عالمى لتستريحين
فهل بهذه الدموع كنتِ تخدعين !!!!
و تنصبين لى المكيدة و لوقوعى تنتظرين ؟؟
فمن تكونين ؟؟؟
أنا حائرة الآن بين الشك و اليقين
لا أعلم لماذا كنتِ تتوددين !!!!
و كنتِ لقناع الطيبة ترتدين !!!!
و للقصص الزائفة تسردين !!!!
أم أنكِ لا تعلمين ما تفعلين ؟؟!!!!
فاحذرى مع من تلعبين
و لكِ أن تتأكدى مهما تكونين
فأنا آخر من تخدعين
**********************
*بسبب البوست اللى فات و ان الكل افتكر انه رسالة موجهه
فحبيت اعمل تنويه ان البوست اللى فات و الخاطرة دى مش موجهه لشخص بعينه
دول مجرد خواطر و فضفضة
و دمتم سالمين
هناك 73 تعليقًا:
و لكِ أن تتأكدى مهما تكونين
فأنا آخر من تخدعين
--------------
ده تحدى يعنى
بس بجد عجبتنى انها كانت ماشيه ع قافيه ووزن واحد
بس صحيح
من تكونين ؟؟؟
ووصلنا تنويهك
-------------------------
كان معكى من امام الكيبورد
واحد مخه لاسع شويه
شبـــ اون لاين ــاب
الاسكندريه
-------------------------
السلام عليكم
ياااااااااااااااه أول مره أكون أول تعليق إهئ إهئ إهئ دي دموع الفرح ياغاليتي
نرجع للبوست بجد هااايل ومعناه عميق وأنا مش حاسه خالص إنو موجه بجد سلمت يمناك
***************
تسلمي ياقمر وانا هنا في قلوبكم المهم تكوني بخير وصحه ظروف الشغل الله المستعان
**************
كل سنة وإنتي طيبه
تقبلي سلامي وتحياتي
سلاااام
اشششششششششششششششطه ياضد ايه الحاجات الجامده دي ياضد
اقول هي بتلعب مع مين مع ضد التيار
واحد الفيوزات كلها عندها
هتتكهرب يعني هتتكهرب
فل يابنتي
أنا حائرة الأن بين الشك و اليقين
لا أعلم لماذا كنتِ تتوددين !!!!
و كنتِ لقناع الطيبة ترتدين !!!!
و للقصص الزائفة تسردين !!!!
أم أنكِ لا تعلمين ما تفعلين ؟؟!!!!
فاحذرى مع من تلعبين
و لكِ أن تتأكدى مهما تكونين
فأنا آخر من تخدعين
إن كانت صديقة فحتما لن يكون هناك خداع وإن كانت غير ذلك فتوقعى أى شىء
تحياتى
دمتى بود وفى سعادة
الكلام جامد أوي
لكن كويس انك وضحتي الأمر
لأن الحقيقه البوست اللي فات انا شخصيا فهمته كده
بس انتى شاطرة انك قدرتى توصلى الناس انهم يتخيلوا ان دى حاجه حقيقيه برافو عليكى
عزيزتى
اذا كانت تحيرك هذه الحيرة
لماذا بيها تتمسكين
هل الغموض تحبين
وهل فى خداعك تتلذذين
فالصداقة بيه عهد وبند
ان تكونا مع بعض واضحين
هى مش متوجهه لشخص ممكن
بس تنطبق على اشخاص كثيرة
يجب ان نبعد عنهم ولا ننتظر اذيتهم
اللى احنا متوقعنها اى لحظة
تحياتى
سلام
حلوه قوي
بس علي فكره الكلام ده بقي كتير قوي
ينطبق علي نص الناس اللي بنقابلهم في الحياه
يبقي ليه اعتبروه موجه
الميل وصلك
صديقتى العزيزة
كما قلت انت من قبل
الاقنعة كذب سرعان ما ينفضح
خاصة مع اصحاب المشاعر الصادقة
لانهم يكشفون زيف ما امامهم بسهولة
تحياتى دوما
حتى وان كانت مجرد خاطرة في للاسف متكررة وبتحصل لكتير مننا اننا بنقع فريسة لزيف مشاعر الصداقة من قبل البعض
اجدتى التعبير وان كانت افضل انك تستبدلى كملة تتصنعين بكلمة تمثلين وجتودى نفس المعنى
حلوة أوى
:)
جئتِ إليّ باكية من الظلم المهين فأخذتكِ إلى عالمى لتستريحين فهل بهذه الدموع كنتِ تخدعين !!!!
و تنصبين لى المكيدة و لوقوعى تنتظرين ؟؟ فمن تكونين ؟؟؟
أنا حائرة الأن بين الشك و اليقين لا أعلم لماذا كنتِ تتوددين
____________
كلماتك رائعة فكم من الناس من يسببون الحيرة بين الشك واليقين
كلماتك جعلتنى اراها وكانها صورة امامى
سلمت يداكى
(:
جميلة ياجميله
حسيت اوى انك ساندة ايدك على راسك وقت بعد الغروب وماسكة ورقة وقلم وجواكى حزن راقى وبتكتبية زى ما حساة
كم هو جميل
مش فارقة رسالة ولا لا المهم انه بوست جامد جدا:))
والاقنعة مسيرها السقوط
تحياتى
خداع العدو لا يترك اثرا ويذهب لحاله فهو متوقع.....
اما خداع الاصدقاء فهو محفور فى الذاكرة
والقلب .. ولا ننساه ابدا....
وقاكى الله ووقانا شر هذا الخداع ...
وبصرف النظر عن كون هذا الكلام لاحد من عدمه فهو موزون ..وفيه الم وشجن
وتهديد ووعيد ....
احسنت ... والى اللقاء
ضــــد التيـــار
-----------------------
فاحذرى مع من تلعبين و لكِ أن تتأكدى مهما تكونين فأنا آخر من تخدعين .
----------------
الله يا قمر ايه الكلام الجامد ده . عارفة بجد ياما الواحد اتغش فى صحاب كتير وبرده مش بيتعلم . تفتكرى العيب بيطون فى مين ؟ احنا بنكون ساعتها طيبين والا هما لقناع الغش محترفيين . بصراحة يا ضد البوست ده رائع والكلام بتاعه جميل قوى
تسلم ايدك
تحيــــــاتى
انا من رأي بدل ما تحيري نفسك غوزيها في جمبها بمطوه وقوللها قبي بالللي معاكي واعترفي انتي مين (عدو ولا حبيب)؟
هههههههه
ايه الكلام الجامد ده يا ضد
لالا ماشاء الله عليكي ما عاش اللي حيرك ياجميل
تسلميلي
سمكمك
صعب جدا مقابلة الاحسان بالإساءه
وده يرجع لأصل الانسان وتربيته وبيئته قبل اي حاجه ... وعموما لو اننا عاملنا بعض بالند والمــِـثل ... لما صلح حال الدنيا ابدا ... علشان كده اعمل ما تعمل لوجه الله وانتظر من الله مقابل لا تنتظره من العبد
تحياتي
أكثر ما لفت نظري الوزن والموسيقي الجميلة
القافية الواحدة
والمعاني كلام جميلة جدا
بس فيه سؤال
يا تري إنت بتطرحي التساؤل علي نفسك؟؟؟
يعني كل الكلام ده حوار بين انتي والنفس؟
"من أنتِ"
نغيرها الى
من انت
ابن بلد اصيل
عاشق للضحى والليل
رامى برمشه بعيد
مستنى طول الليل
بيحب حب جميل
يتغنى فيه مواويل
كله امل وسرور
انى حبه يكون رسول
ليه ترانيم ومعانى
والمعنى زاى العسل
اصل حبه وصل
وفى ظل عينه نايم
وانسان عينه قايم
حارس حمى الحبيب
اسد فى الليل والمغيب
ان سئلتى من انت
سأسئل من انتى
انتى
حب وراء قناع
فاءى قناع اخترتى
قناع السعاده
قناع الحب
قناع البسمه
قناع الهمسه
قناع اللمسه
قناع العشق
قناع الروح
قناع الامل
قناع الحياه
قناع السكن
قناع الود
قناع الغد
قناع الشهد
قناع الحبور
قناع السرور
قناع الاحساس والشعور
عذرا" سيدتى
فهذه هى الاقنعة التى اريدها فى حياتى
غيرى وبدلى فيها وانزعى اقنعتك الاخرى
تحياتى
بجد كلماتك رائعة
وتشدك جدا لتكملتها
دمتى بخير
بس بجد حلوين قوى
تحياتى
معاني جميله وكتابات مبدعة
جمدة اوووووووووووى
توأمتى الغالية
انتى الان من اخرج ما بداخلى
انتى الان من احسست بمشاعرى
لم اكن اعرف ما تخفيه وما يختفى وراء
نظراتها كانت قسوة الزمن بيديها
رغم انها كانت زمنى وشريكة عمرى
اه مرير ذلك الجرح الأتى من جزء من
داخل القلب ولكن النهاية اتت
لكى يرى قلبى قناعها
ولكن بعدم ان تقبلت العزاء فى بقايا
قلبى المجروح منها ومنه
دمتى حبيبتى وتوأمت فكرى
smilyrose
روح الحب الصادق
واحد مخه لاسع شوية
----------
هو مش تحدى اكتر من انه عزة نفس وثقة بيها كمان
بالنسبة للسؤال
انا ضد التيار انا ضد التيار انا ضد التيار والله يا بيه ):
الحمد لله ان التنويه وصل بالسلامة
بس صحيح
من تكون؟
نورت ضد التيار ضد التيار ضد التيار (:
حـــــ الــجــنــة ـــــور
-----------
الحقيقة هى اول مرة لسه ماجتش
بس ده مايمنعش دموع الفرح عندى علشان انتى جيتى (:
كويس ان البوست عجبك
الله يعينك على ظروف شغلك
نورتى ضد التيار
كيارا
----------
عسسسسسسسسسسسسسسل يا كيارا
هو انتى يا بنتى نظرك ماجابش الملحوظة اللى كتبتها ولا ايه؟
مين بيلعب معايا؟ انا مابحبش اللعب انا
اعتزلته من زمان
وكمان فيوزات ايه وكهربة ايه؟ روحى روحى اغسلى وشك وتعالى
هنااااااااااااااا ضد التيار
فل يا بنتى انتى هتخوفينا؟
mohamed ghalia
--------------
اكيد كلامك سليم
لكن البوست عن واحدة هى حيرانة فيها
بس اكيد الايام بتبين
نورت ضد التيار
لورنس العرب
-----------
هو فعلا كتير اوى قبل كده افتكروا ان البوستات موجهة
نورت ضد التيار
آبى
-----
الناس وصلتلهم الفكرة انها حقيقة لانها واقع بنشوفه قدامنا
نورتى ضد التيار
احساس لسه حى
------------
الحيرة عموما موجودة فى جميع الاشخاص اللى بنقابلهم
والايام هى اللى بتظهرها هل ده كويس ولا وحش
يبقى مش من مجرد الحيرة نبعد عنهم
ولو عملنا زى ما بتقول يبقى هناخد الكويس مع الوحش
نورت ضد التيار
شمس النهار
----------
ما هو علشان هو بينطبق على نص الناس
بعض المدونين افتكروا انه حالة شخصية
مفيش حاجة وصلت )):
نورتى ضد التيار
الازهرى
---------
تمام ماختلفناش ان الاقنعة بتبان وبيظهر الوجه الحقيقى لصاحبها
وربنا يكفينا شرها
نورت ضد التيار
رئيس جمهورية نفسى
------------
للاسف هى فعلا مكررة وموجودة كتير
هى ممكن نستبدلها بس انا شايفة ان تتصنعين هى بتحمل المعنى الاقوى
نورت ضد التيار
mido
---------
مرورك الاحلى (:
لحظة تأمل
------------
للاسف هى فعلا صورة وموجودة كتير
نورتى ضد التيار
esraa
------------
مرورك هو الاجمل (:
صباح الصباح
-----------
اشكرك على احساسك
بس الصراحة هو ماكانش وقت بعد الغروب (:
نورت ضد التيار
princess
------------
الحمد لله انه عجبك
واكيد مسير الاقنعة السقوط
نورتى ضد التيار
وميض ابتسامة
------------
معاك حق فى كلامك ده
وقانا جميعا شر هذا الخداع
نورت ضد التيار
طائر الليل الحزين
-------------
اعتقد الاتنين اننا طيبين وهما لقناع الغش محترفين
نورتى ضد التيار يا قمر
سمكه وحده
----------
هههههههههههههههههههههههههه
يالهوى اغوزها؟ بس تصدقى فكرة جامدة موت
بس تفتكرى هيكون معاها كام؟
الموضوع يستاهل الغز يعنى؟ ولا هنغوز على الفاضى؟
ساعتها نقدر نقرر عدو ولا حبيب (وش شرير ع الاخر)
نورتى ضد يا سمكمك (:
☼♫♪ عمــاد الدين يــوسف ☼♫♪
-------------------
ليس المقصود المعاملة بالند او بالمثل
لكن مجرد معرفة ماهية الانسان علشان نقدر نحدد ان كان صديق او لا
واكيد كله لوجه الله
نورت ضد التيار
خواطر ليست عابرة
-----------
اكيد لاء ماكانش المقصود حوار بينى وبين نفسى
نورت ضد التيار
aboali
---------
والله انا قعدت اكتر من 10 دقايق قدام التعليق بتاعك ماعرفتش ارد اقول ايه
بس عموما الاقنعة اللى انت قلتها ممكن يتجمعوا فى قناع واحد بس
هو الصـــــــــــــــــــــــــدق
سيبك انت منور ضد التيار
شيماء طلعت
--------------
الحمد لله انها عجبتك
نورتى ضد التيار يا قمر
rania
------------
مرورك هو الاحلى (:
من غير عنوان
----------
شكرا ليك
نورت ضد التيار
the sniper
----------
شكرا ليك
منور ضد التيار
ضد التيار
لديك بذرة الشعر نميها تصبح شجرة بقراءة أصول الشعر العربي القديم
تعبير صادق واحساس مرهف
تحياتي
smilyrose
----------
صديقتى وتوأمتى الغالية
على الرغم من انى مبسوطة انى قدرت المس شئ جواكى
على قد ما انا حزينة لاحساسك ده
يا رب ماتكونى فيه تانى
ونصيحة ماتقدميش عزا لقلبك بالعكس لازم يكون اقوى
لانه اكتشف القناع
نورتى ضد التيار يا قمر
dalia
-----------
شكرا لنصيحتك وان شاء الله هعمل كده (:
نورتى ضد التيار
السلام عليكم
اولا انا اسف جدا على التأخير والله غصب عنى
انا لم اخدعك افلا تنظرين
اليس من الممكن خطأ ما تفسرين
او انكى رأيتى بعضى كما لا تحبين
فبالله عليكى انتظرى ولا تظلمين
بجد الخاطرة دى عجبتنى جدا ودة اللى خلانى ارد عليها بنفس القافية جميلة جدا دمتى مبدعة
احمد الشاعر
كلمات جميلة وأحساس أكثر من رائع
ومنقدرش نقول غير أنها بجد تحفه فنيه تجسد ما يحصل في هذا الزمان من خدر وخيانة أعز الأحباب
*****************
ما أصعب علي الإنسان أن يثق في شخص ويعطيه الأمان وفجأة يلاقيه شخص غير الذي يعرفه قبل ذلك ، والمشكله أن أحنا مش بنعرف العيوب في الشخص غير لما تحصل المشاكل ولما نكون محتجين له وفي الوقت ده بتكون الصدمة كبيرة قوي
تقبلي مروري
مجنووون
السلام عليكم ورحمة الله وبركاته
مصدر اي خاطرة صادقة منبعه احساس صادق بمشكلة سواء كانت تخص صحاب الخاطرة او مجرد تعايش مع مشكلة لا تخص الكاتب
ولكن تظل المشكلة منبع للفن
تحياتي
الي اللقاء
الخواطر دى من سيده لسيده ؟
أرجو التوضيح لأنى اٍتلخبطت بسبب كلمه
احمد الشاعر
-----------
وعليكم السلام ورحمة الله وبركاته
مفيش اسف ولا حاجة ربنا معاك
شكرا لتعليقك الجميل
و الحمد لله ان الخاطرة عجبتك
نورت ضد التيار
مجنووون
-------
حقيقى احساس صعب انك تكتشف ان اعز الناس واقربها ليك
هما اللى يجرحوك ويخدعوك
ويتخلوا عنك وقت الشدة وهى دى الصدمة الشديدة
نورت ضد التيار
kemet
----------
وعليكم السلام ورحمة الله وبركاته
الفنان منبعه احساسه
ومنبع الاحساس هو الحياة
والحياة هو مايدو من حولنا
نورتى ضد التيار
عمرو
---------
نعم هى من سيدة الى سيدة
بس يا ريت اعرف ايه الكلمة اللى لخبطتك (:
نورت ضد التيار
ضد لا والله ياجميله البوست ده واليى قبله موجه لحد واتنين واربع ده موجه للصديقه الخاينه والناس اليى متعوده على لبس الوشوش والاقنعه من روتين حياتهم العادى
اسكتى اسكتى اصلى مشويه على الفحم من الناس دى
بس وحشتينى وحشتينى يا جميله وشكرا على كلامك الحلو فى مدونتى والله يا ضد فرحتينى يا حبيبتى
ربنا يكرمك ويسعدك
وميوقعكيش الا فى الناس العدله
قولى امين
جميله قوي بجد تسلم ايدك
وانا لو هقولك لحدكده في حياتي
مش هلاقي حد يناسبه الكلام ده غير الدنيا
و لكِ أن تتأكدى مهما تكونين
فأنا آخر من تخدعين
وده الحمد لله يعني
تحياتي ياجميله ويسلم قلمك
صادق اوى احساسك على فكرة :)
بصى انا عندى قناعة بتعصب كل اللى يعرفونى بس هى بتريح اوى بجد
توقعى اى حاجة من اى حد فى اى وقت عشان ما تتصدميش فى ناس ما تستاهلش
دلوقتى اى حد ممكن يعمل اى حاجة..مهما كان قريب
سلمت اناملك يا ضد التيار
كلمات قوية ومعبرة
ربنا يوفقك
mahasen saber
--------------
انا اقصد ان البوست مش موجه لحد بعينه او شخصية معينة
لكن اكيد فى من الامثال دى كتير وده موجود فى الواقع اللى عايشينه
ربنا يصبرك بقى على الناس اللى من النوع ده
وانتى كمان وحشتينى وحشتينى وحشتينى
ماتشكرينيش دى اقل حاجة ممكن اقولها يا قمر
ربنا يسمع منك يارب
ااااااااااااااااااااامين
نورتى ضد التيار
mayada
------------
الحمد لله انها عجبتك
وممكن برضه نقولها للدنيا
نورتى ضد التيار يا قمر
انا حرة
----------
عندك حق والله كل حاجة جايز فى الزمن ده
نورتى ضد التيار
نهر الحب
------------
انا مبسوطة انها عجبتك
نورتى ضد التيار
السلام عليكم و رحمة الله و بركاته
رائعه بجد وتحفه كمان
ختمتي بتحدي في النهايه
واستفسارات طول سردك للكلمات
ووصفك لمن تحدثيها أيا كان انسان صفه ذم قناع قابلتيه
بجد حوار رائع على وزن وقافيه مظبوطة
تسلمي يا قمر عجني البوست ده كتيييييييير
في رعاية الله
mero-moory
------
و عليكم السلام و رحمه الله و بركاته
الحمدلله ياقمر ان البوست عجبك
نورتى ضد التيار (:
اذا كانت بالفعل هذه خواطرك فعلا اقول لقد ابحرتي في بحر الخواطر والي الأمام دائما يا عزيزتي الكريمة, انها كلمات معبره وكلها ذوق من فنانة تعي فعلا معني الكلمات الجميلة .
حمدي ابوالمعاطي
صاحب مدونة: اللحن الحزين
إرسال تعليق