- كش ملك ...مش قولتلك يابنى بلاش تلعب معايا أنا
- طب تعالى يافالح العب معايا و اهو أخرج من اللى أنا فيه
- تعالى ياسيدى شكلك أنت كمان ناوى تتغلب...ألا صحيح عملت ايه مع داليا؟
- ماكدبش عليك ياهيثم بحاول أرضيها بكل الطرق لكن مش عارف..الموضوع لسه مأثر
- ما أنا قولتلك يا وائل البنات كلهم واحد...تجاهلها شوية هتجرى وراك...بلاش تكون ضعيف كدا...أوباااااا من أولها كده... بقولك ايه انسحب أحسنلك لإنك مغلوب مغلوب هههههههههه
- ههههه لاااااااااااااا أنسى أنا بقاتل لآخر نفس
ـــــــــــــــــــــــ
- ريهام ازيك فينك يابنتى عاش من شافك
- ازيك ياداليا عاملة ايه؟
- الحمد لله...مالك كده شكلك حزين ..فى ايه..اتخانقتى مع هيثم تانى؟
- هيثم.... هيثم مصمم يتعامل معايا على إنى جماد مش إنسانه ليا إحساس ... بس خلاص... أنا بعتله آخر رسالة و لو فضل مصمم يبقى كدا هو اللى اختار
- لا ان شاء الله الميه هاترجع تانى....ما أنتم كل مرة بتزعلوا و ترجعوا تانى
- لا ياداليا .. المرة دى الريح شديدة و الأمواج عالية و البحر مستعد فى أى لحظة للانقلاب المميت
ـــــــــــــــــــــــــــــ
- ياهيثم اسمع الكلام ريهام مختلفة عن اللى أنت عرفتهم..نفسها عزيزة عليها و لو حست إن كبريائها و كرامتها اتهانوا... مش هتستنى معاك و هتخسرها
- ماحدش يعرفها غيرى...هى هاتزعلها كام يوم زى كل مرة و ترجع تانى..أنا اتعاملت مع كتير من بنات حوا و كلهم زى بعض... تهتم بيهم يبعدوا تسيبهم يقربوا
- و الله شكلك مش عارف حاجة و بتصرفاتك دى فعلا هتخسرها
- لا متخفش ياوائل على صاحبك ..أنا بعرف أتصرف فى الوقت المناسب
ــــــــــــــــــــــــــ
- ريهام موجودة لو سمحت
- أيوة فى مكتبها
- طيب يارولى هقفل دلوقتى و اكلمك بعدين
- من الواضح إن أنا بس اللى مابيتردش على اتصاله...التصرفات دى مابتعجبنيش و إنتى عارفة كويس..أنت عايزة ايه بالضبط ؟
- أولاً حمد لله على السلامة ده أنا افتكرتك هاجرت...عموماً بالنسبة لسؤالك...أعتقد إن رسالتى وصلت و طبعا كالعادة ولا كأنى قولت حاجة و الكلام بيدخل من ودن و يخرج من التانية..لكن خلاص بقى كفاية و دى كانت اخر فرصة ليك عندى..من هنا و رايح مالكش دعوة بأى تصرف أعمله .. كل واحد فينا من طريق
- ده آخر كلام عندك ؟!...ماشى ياريهام براحتك
__________
- ازيك داليا؟ ...ايه دا الجميل شكله فرحان..ايه الجديد؟
- اتكلمنا امبارح و صارحنى بكل حاجة و الحمد لله الأمور بدأت ترجع لطبيعتها
- كويس أنا بجد فرحانة .. و امتى الفرح بقى؟
- هو كان عايز يتفق على ميعاد الفرح امبارح مع بابا .. بس قولتله نصبر شويه لحد ماكل حاجه ترجع تانى زى ماكانت ..اللى حصل ماكنش سهل و الثقة اتهزت..لكن امبارح بدأنا أول خطوة فى رجوعها .. و هو قدّر دا و وافق ..المهم إنتى عملتى ايه ؟؟
- خلاص الموضوع انتهى نهائى
- مش معقول ازاى ؟؟!!!!!!!
ـــــــــــــــــــــــــ
- أنت فين ياراجل قلقتنى عليك... قافل التليفون و أجازة و منقطع عن الكل..مالك؟
- أنا و ريهام سيبنا بعض خلاص
- لاااا أقعد و قولى ايه اللى حصل
- بعد ماسيبتك المرة اللى فاتت كلمتها ماكانتش بترد نهائى..رحت لها على الشغل و شدينا مع بعض.. و قولت أسيبها تهدى زى كل مرة و بعدها نتكلم و مشيت...و لما روحت البيت لقيت سبقنى صندوق فيه الدبلة و صورى و كل حاجة تربطها بيا..و كارت مكتوب عليه " قدرت تنزع حبك من قلبى و أنت معايا...للأسف"
- بجد أنا حزين من اللى سمعته ده..قولتلك و حذرتك ماسمعتش كلامى
- بقولك ايه غير الموضوع..تعالى نكمل لعب
- تعالى........ كش ملك
- ايه!!! ازاى ؟؟!!!! دى عمرها ماحصلت و كمان الملك يموت بده ؟؟!!!! دا انا ياللى بيقولوا حريف شطرنج عمرى ماعملتها
- ماهو الشاطر فى اللى أشطر منه ياصاحبى..للأسف أنت دايماً فى اللعب بتعتمد على خبرتك و ذكائك بس و مابتحاولش تشوف دماغ اللى قدامك بتفكر فى ايه و بيلعب ازاى
- حتى اللعبة اللى دايماً بكسبها خسرت فيها !!!!
ــــــــــــــــــــــــــــــــــــــــــــــــــــــــــــــ
" الدنيا لعبة شطرنجية.. يوجد بها الكثير الذى يقبل بدور العسكرى و يوجد بها من يقبل بدور الملك و لكن يوجد ايضاً من لا يقبل إلا بدور الوزير ......فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة"
و دمتم سالمين
هناك 142 تعليقًا:
اول تعليق
علشان اقوووووووووول
عيد سعيد
اول تعليق
هيييييييييييييييه
العيد فرحة يا سلالالالالالالالام
واول تعليق كمان
دى احلى هدية
وعند مين توامتى
دى بجد احلى هدية
smilyrose
روح الحب الصادق
ثانى تعليق
الدينا ليست شطرنج
الدنيا تفاعل واحترام متبادل
فاءن لم يوجد
فعلى الاقل لا نسمى انفسنا انساااااااان
ممكن حاجة تانيه
الذى يحول الدينا لحياه شطرنجية
لم يفهم انه انسان
والحياه اسمها حياه
يعنى حيوية يعنى بناء يعنى تفكير
يعنى حب يعنى تعاون
لاءن الشطرنج فيه كش ملك
وحب الهيام اللى فيه الشباب حاليا
ده ينفع فى الافلام على الفضائيات
علشان كده الناظر الى ارتفاع معدلات الطلاق
سيدرك ان الحب المصنوع تحت الاشجار
وفى حدائق المعمورة والمدرجات الجامعية
لا يصلح
الا بمن كان عقله راجح مووووووووزن
يقدر مسئوليه الزواج الدينيه والدنيويه
وعكس ذلك مصيره فىىىىىىىى الصرف الصحى
وعجبىىىىىىىى
سيبك انتى
المدونه مكهربه والفولت عالى
واللحمة ريحتها فاحت
فاءلى لقاء ان شاء
ابتسمى
الدنيا لعبة شطرنجية.. يوجد بها كثيراً من يقبل بدور العسكرى و يوجد من يقبل بدور الملك و لكن يوجد ايضاً من لا يقبل إلا بدور الوزير ......فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة"
جملة فى منتهى الحكمة
كل سنة وحضرتك بخير
دمتى فى حفظ الله
ان لم تعرف قيمة الحياه
فلن تعرف قيمة نفسك
وان لم تعرف قيمة نفسك
فلن تعرف قيمة روحك
وان لم تعرف قيمة روحك
فلن تعرف قيمة انك انسان
فاءن لم تعرف قيمة انك انسان
فلن تعرف قيمة ربك
وان لم تعرف قيمة ربك
فلالالالالالالالالالالالالالالالالا تبالى
وافعل مااااااااااااااا
شئت
حبيبتى ضد التيار وتوأمت احساسى
لو كل فرد منا يدرك قيمة شريكة
ومن يحب ولا يحاول الاستهتار بمشاعره
ما عانى الكثير منا
ولكنها بالفعل لوحة شطرنج
وهناك من يحرك كل دميه كيفما يشاء
اه لو يدرك الطرف الآخر قيمة
الاحساس الصادق
قيمة الحب
ما كان ما اعانيه
وما يعانييه الاخرون
هى بالفعل لوحة شطرنج ولكن الخاسر
من يتلاعب بمن يحب
والفائز صاحب القلب الصادق
برغم كل الالام
تقبلى مرورى
عيد سعيد عليكى
smilyrose
روح الحب الصادق
اختى العزيزه كل عام وانت بالف خير وحقا الحياه لعبه واشبه ما تكون بالشطرنج يكون منتصر ومهزوم غالب ومغلوب اشخاص تظن انهم كلهم ذكاء ويخونهم ذكائهم ليجدوا من هم اذكى منهم فليتنى لا ندع ذكائنا يخدعنا ونظن ان ما لدينا من خبرات يغنينا عن تعلم الجديد او يعمينا عن رويه الحقائق دمتى بكل ود
اهو دا مقلب مش طلع اول تعلييييق
يالا بقى ملناش نصيب
هيييييييييييييه دنيا
ما علينا
فرصة تانية
smilyrose
روح الحب الصادق
ايه ده
انا عايزة اول تعليق مليش دعوة
كل سنة وانتى طيبة ياحبى
وكمان تعليق
علشان بجد
اقلك قد ايه البوست روعة
فعلا حوارات بتتكرر كل يوم تقريبا
ربنا يهدينا فعلا
بجد نصصيحة جامدة جدا اللى فى الاخر
فعلا اسلوبك بيعجبنى
تحياتى
ايمى
انتى عارفه يا ضد
انا حاسس ان فيه حاجات كتير اتغيرت فى حياتك
بقت فيه حكمه كبيره قوى الصراحه من غير زعل
انا حاسس ان تفكيرك بقى اكبر كتير من الاول
ودى حاجه جميله قوى
فيه ناس بتقبل باى دور
بس علشان تقدر تعيش
وكمان فيه ناس بتحب تتفرج بس على ايه اللى بيحصل للعسكرى
واللى بيحصل للملك
وفيه ناس مش بتحب تنلعب علشان بتخاف تتغلب
موضوع جميل يا ضد
كل سنه وانتى طيبه بقى
عشرة على عشرة
ايه يا بنتى البوست ده
بجد جامد مووووووووت
وفعلا تجاهل الاخر ده اول طريق السقوط
اخبار نص المية جنيه ايه؟ههههههه
تحياتى
انا قولت اجيب لك العيديه
اصل شكل العيديه اللى فاتت كانت منظوره
http://www.albaghdadia.com/news/images/two-dollar-bills.jpg
مساء الخير .. كل سنه و أنتى طيبه
الدنيا مش لعبة شطرنج .. الدنيا تفاعل بين الناس و علاقات متشابكه منها الاٍنسانيه الخالصه و منها الماديه البحته
الاٍنسان لا يختار ماذا يكون و لكنه بينفذ دوره المرسوم له فى الحياه و لو ذكى حينفذه صح و على الوجه الأكمل و لو غبى حينفذ برضو دوره و لكن حينفذه بغباء
تصرفات البشر هى من تجعلهم ملوك أو وزراء أو أفيال أو حتى عساكر
الشطرنج حرب بين مجموعتين كل منهمايحمل لون مختلف
لكننا جميعا فى دنيانا نحمل نفس اللون
وان اختلفت ميولنا للخير والشر
فلماذا نحيا فى حرب مستمرة
الم يخلقنا الله فى سلام؟
البوست يثير تساؤلات عديدة
لكنه رائع
دمتى بخير
العزيزة ضد التيار
الدنيا لعبة شطرنج يبحث اللاعب فيه اول ما يبحث ان يعرف من اصدقاؤه ومن اعداؤه وبعدها يبدأ اللعب
المشكلة فى من لا يعرف كيف يؤدى تلك الخطوة ويخونه ذكاؤه فى معرفة من معه ومن ضده
من يقاتل من اجله ومن يطعنه من خلفه
من يجب ان يهتم به لانه يحبه ومن يضحى به لانه لا اهمية له به
ومن يخسر تلك الخطوة غالبا ما يخسر اللعبة كلها على الرغم من وجود لا قطع جيدة على الرقعة
قدرت تنزع حبك من قلبى و إنت معايا
لانه لم يقدر مكانها بالنسبة اليه على رقعة اللعب
تحياتى
وخلى بالك من اميرة
كل عام و انتم الى الله اقرب
و على طاعته أدوم
كلام سليم
انا لى صياغة اخرى
الواحد لازم يكون لاعب أساسى فى الملعب
مش بس معلق رياضى
أو واحد بيلم الكورة من ورا الجون
كلها وظائف ... لكن اختر وظيفة رئيسية
و كمان لا نتجاهل الآخرين
أفكار سليمة
ربنا يكرمك
د.حماس
السلام عليكم ورحمة الله وبركاته
يا خساره انا مبلعبش شطرنج
انا حريف دومينو ياله مش مهم
نروح بقى للبوست الجميل ده
الثقه الزياده فى النفس بتولد الغرور
والغرور بيعمى الانسان
فى رعايه الله
joker
ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد
عشان العيد كيكيكيكييكيك
كل سنه وانتي طيبه ياقمر
*********
فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة"
ده المفيد واللي في الجووووووووووووون
الجميله الحبيبه ضد لو الحياه بين الاتنيين هتتقلب فى قالب الشطرنج تبقى قلتها وعدم وجودها احسن
اصلحها مش حياه للصراع وحرقة الدم
بس عشان ميبقاش فيه حياه مشطرنجه لازم ميبقاش فيه رجاله زى سى هيثم افندى وصاحبه
طبعا زمانك بتقولى خده الحكمه من افواه العاقلين طبعا هههههههههه
اه يا جميله
انا رحت القاهره وقت ما قلتلك ولسه راجعه من فتره مش قليله ومش كبيره
حليها بئه
يعنى مبيتش اهه
بس هتتعوض
سلام يا اجمل ضد فى عالم الرفض والقبول والاستسلام
سلام يا قمر
كل سنه وانتى طيبه ياقمر
عيد سعيد عليكى
تشبيه الحياه بلعبه الشطرنج عجبنى جدا
الشطرنج دى لعبة الاذكياء وللاسف انا مبعرفش العبها مش عشان انا غبيه ولا حاجة
انا ذكية اوى
ذكية جداا زكية زكريا
السلام عليكم ورحمه الله وبركاته
أنا بحب دائما ألعب دور الفيل
وده بجد مش هذار بس الدور ده بألعبه فى الحياه مش فى الشطرنج
ببساطه بحاول أستفيد من الآخرين بقدر ما أستطيع وكمان ما بحبش أمشى بشكل تقليدى دايما بحب أخرج عن النمطيه
وسلاااااااااااااااام
السلام عليكم
عيدك سعيد غاليتي وكل سنة وإنتي رطيبة
الدنيا لعبة سهلة مع الصعب وصعبة مع السهل لا يجب أن نثق فيها لان أدوارها متنقله مرة فوق مرة تحت والشاطر لي يعيش فيها برضا من غير مايتعشم فيها ولا بيها
أسلوب جميل وبوست قيم سلمت أناملك
دمتي بكل ود وسعادة
السلام عليكم ورحمة الله وبركاته
كل عيد وانت بخير
ماكتبتيه واقع لايحتاج الي تعليق
اسلوب حلو عار كأني بسمع مسلسل في الراديو بياخدني الكلام من مشهد للتاني
اديتيني فرصه للتخيل ورسم المشاهد بخيالي
تحياتي
الي اللقاء
ايه يا قمر كيفك وحشانى كتييييير
بجد البوست ده رائع
فعلا الناس بتكون مشكلة لروحها ادوار تلعبها
وكل واحد على حسب قدراته
بس الملك بيفضل ملك
وعمر العسكرى ما هيكون حاجة الا عسكرى
عشان بتكون كل امكانيته كده
وكتر الثقة حلوة اااااااه
بس ممكن فى لحظة تخلينا نخسر كل حاجة حلوة من حوالينا
بحيييييييييكى على الكلام الجاااااااااااااامد ده
ويارب نجاح كمان وكمان
تحياااااااااااااتى اايها التيار اللى ملوش اتجاه
بس له قواعد بيحب يتبعها
وكل عام وانتى بخير
السلام عليكم
ازيك ياجميل
عامله ايه
كل سنه وانتى طيبه
طبعا مينفعش الواحد يعتمد فقط على ذكائه
لان ممكن يكون فى اللعبه الى ادهى منه
فيكون فعلا الضحيه
والمثل قال
اذا كان عدوك نمله فى تنم له
يعنى لازم الواحد يقدر الى قدامه
حتى لو كان اقل منه
دمتى بحفظ الله
ضد التيار
أولا : كل سنة و أنتى طيبة
و يارب يكون عيد سعيد عليكى
ثانيا : فى ناس فعلا يا ضد مش بيقدروا المشاعر خاااااااااالص
وواخدين الدنيا كدا
اللى هما عاوزينه بس
و بتلاقيهم إن زعلوا ساعة و لا اتنين على انتهاء علاقة
فخلاص ماعدتش بيأثر معاهم
فى حين بيسيبوا جروح عميقة جدا فى نفوس الآخرين
دائما إبداع متميز فى توصيف الحقائق
دمت بكل خير
خالص تحياتى
غالبا ما يتعامل الاثنان مع بعضهما بطريقة الند للند
أو من ينتصر على الآخر
أو من يفرض رأيه على الآخر
ودي طريقه منتشره الايام دي بين أي مخطوبين أو حتى متزوجين
على كل حال ما حدث أفضل من أن يتزوجوا ويتطلقوا
ناس كتير مش فاهمين ان الحياه تعاون
واننا لسنا في حرب لكي يفرض فلان رأيه أو شخصيته على فلانه أو العكس
الموضوع مش محتاج كش ملك
الموضوع محتاج ان الناس -وخاصة الزوجين أو المخطوبين- ينسوا أنهم بيتعاملوا على أساس ان واحد فيهم المدير والتاني موظف بيشتغل تحت ايده
هو انا تعليقى مظهرش لييييييييييييه
عيد سعيد يا ضد التيار ، الحياه فعلا مثل الشطرنج قد نستطيع ان نتحرك بتهور ولكننا في نفس الوقت لا يمكن أن نتراجع فالخصم لا يسمح بذلك ولذلك علينا ان نتحقق جيدا من كل خطوة
و فيها من ياخذ دور لا يناسبه و ينجح فيه بالرغم من ذلك و فيها من ياخذ دور يناسبه و للاسف يسقط فيه
كل سنه و انتي طيبه
السلام عليكم
كل سنه وانتى طيبه
وبالنسبه للبوست فهو جميل جدا
بس الدنيا محتاجه صراحه ووضوح واحترام.
سلام.
عجبتنى اوى الفكرة
فكرتينى بجملة جميل راتب فى فيلم البداية بتاعت و هى الدنيا ايه غير ترابيزة قمار..كله عايز يكسب مش مهم ازاى المهم يوصل و خلاص
بطل الحكاية بتاعتك فى عز اعتزازه بنفسه خانه ذكاؤه
بصى انا بقيت مقتنعة بحاجة..دور الملك اللى الناس كلها عايزة تلعبه عشان يكون الضوء متسلط عليها ده دور ما يلزمش غير اللى ما عندوش حاجة يديها
و دور العسكرى اللى الكل بيهرب منه هو اللى محتاج تحدى رهيب عشان تثبتى نفسك فيه و انتى اللى تخلى الضوء يتحول و ييجى عليكى..هو ده الذكاء فى نظرى..مش انك تعاملى الاخر على انه غبى..لكن انك تستغبى وقت اللزوم لحد ما ذكائك يبان لوحده
فى مقولة بتقول الغبى هو من يرى كل الناس اغبياء..موضوعك مميز كالعادة
كل سنة وانت طيبة انت وشموسة ربنا يرجعها بالسلامة بأه
مودتي وبلغيها تحياتي وربنا يتقبل منها
عجبنى قوى انك عشان توصلى للكلام اللى فى الاخر حكيتى القصة ديه
فعلا معبرة جدا وفيها حاجات واقعية كتير
اما بالنسبة للدنيا فاتفق معك فيجب ان نراعى الاخرين ولا نرضى بدور العسكرى والا نتوقف عند دور معين
فيجب ان نفكر دائما ونفهم ما حولنا اكثر اذا اردنا الفوز
تحياتى
وكل سنة وانتى طيبة
فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة
ياااااااااااااه يا ضد
بجد انتي عندك حق في كلامك دا
بجد بوست وراه حكمه جميله اوي
انتي بجد فظيعه
مش عارفه اقولك ايه
تحياتي
واحدة بنوتة زى العسل تايهة يا اولاد الحلال
اللى يسمع عنها اى خبر
ويا رب يكون خبر كويس
يبلغنا فورا
اول زياره للمدونه وبجد مدونه رائعه
اما عن البوست فعلا الدنا ماهي الا لعبه سواء شطرنجيه ام اي لعبه اخري كلا منا له دور فيها سواء بارادته ام رغم عنه
بجد بوست جميل وتعبيرك عنه اجمل
بحيـــــــــكي عليه وتقبلي زيارتي مرات قادمه ان شاء الله
ـــــــــــــــــــــــــــــــــــــــــــــــــــــــــــــــــــــــــــــــــــــــــ
" الدنيا لعبة شطرنجية.. يوجد بها الكثير الذى يقبل بدور العسكرى و يوجد بها من يقبل بدور الملك و لكن يوجد ايضاً من لا يقبل إلا بدور الوزير ......فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة"
كل سنه وانتى طيبه
ABOALI
------------
وانت طيب
ومبروك عليك اوووووووووووووول تعليق بعد غيبة
smilyrose
----------
اوووووبس معلش بقى طلعت اوت
بس احلى هدية انك رديتى
ABOALI
-------
لفظ الدنيا يأتى من الدنو
اما التفاعل والاحترام المتبادل فهو بيكون بين اشخاص
والاشخاص دول فى منهم ملوك وفى وزراء وفى عساكر كله حسب دوره
يعنى لعبة الشطرنج مجرد تشبيه باللوحة نفسها
انا اتكلمت على الدنيا ككل
وليس جزئية واحدة وهو الطرف العاطفى
ووضحت ان هو خسر فى اللعب
ومش هختلف معاك فى رأيك لان فعلا لو الواحد ماعندوش تقدير للمسئولية
بالتالى هيكون غير صالح لهذه الحياة الزوجية
نورت ضد التيار
mohamed ghalia
--------------
وانت بالصحة والسلامة
نورت ضد التيار
ABOALI
---------
سلسلة الارتباطات اللى ذكرتها اسمحلى هعبرها مش مرتبطة ببعض
اه احس بقيمة انى انسان وان ربنا انعم عليا بنعم كتير
ومش معنى انى شايفة فى الدنيا او فى الحياة امثلة تشبه لعبة الشطرنج
او ان الحياة كلها تمثل اللعبة دى
ده مش معناه انى معرفش قيمة ربى وقيمة النعم اللى من بيها عليا
ده من ناحية
من ناحية تانية وجودنا فى الحياة وفى الدنيا دى اصلا مش بإيدينا
وكلنا فى الاساس مصيرين
يعنى مصيرين فى الوجود ولكن مخيرين فى الافعال
نورت ضد التيار
smilyrose
----------
صديقتى الغالية
عايزة بس اوضحلك نقطة مهمة
الموضوع شامل كل النواحى وليس الجانب العاطفى فقط
وانا معاكى ان فعلا لو الطرف الاخر ماعرفش قيمة شريك حياته
فبالتالى هو لا يستحقه وسيخسر فى النهاية
هى فعلا لوحة شطرنجية ولكن مفيش حد بيحركنا
احنا اللى بنتحرك بنفسنا وبنقرر
وكل سنة وانتى طيبة
نورتى ضد التيار
طوبة ذهب وطوبة فضة
-------------
وانتى بالف خير غاليتى
فعلا دايما الذكى هتلاقى اذكى منه
ومهما كان لدينا من خبرات فإننا طالما على وجه البسيطة
فإننا نتعلم ولازلنا نتعلم
نورتى ضد التيار
smilyrose
-----------
معلش بقى يا قمر
ان شاء الله المرة الجاية تكونى اول تعليق (:
EMMY BABY
-----------
وانتى طيبة يا قمر
وان شاء الله تنورينى بأول تعليق (:
انا مبسوطة ان البوست عجبك
واسلوبى بيعجبك
نورتى ضد التيار
رومانسى التفاؤل
-----------
اشكرك على وجهة نظرك فيا
بس الناس اللى بتقبل بأى دور علشان تعيش هما دول اللى قايمين بدور العسكرى
وكمان الناس اللى مابتحبش تلعب فهم خارج اللعبة نهائى
كل سنة وانت طيب وشكرا على العيدية التانية
نورت ضد التيار
princess
---------
الحمد لله ان البوست عجبك
اما عن النص المية بقى
انتى خليتى الازهرى ياخده منى
عااااااااااااااااااااااااااا
نورتى ضد التيار
عمرو
--------
مساء النور
وانت طيب يا عمرو
وعلى فكرة كلامك كله بيأكد ان فعلا الدنيا لعبة شطرنج
مش بينفيها
ولو لاحظت تحريك كل قطعة من الشطرنج فهى بتنفذ دورها
واكيد فى علاقة بينهم ولا انت ايه رأيك؟
نورت ضد التيار
شيماء طلعت
----------
اولا احنا مابنحملش نفس اللون
بالعكس فى الوان كتير
على الاقل الوان الشطرنج واضحة ابيض واسود
انما بره اللعبة هتلاقى كل الالوان وياريتها واضحة
ربنا خلق الناس سواسية ولكن ليس بعقلية واحدة
يعنى كل واحد ليه عقل يحدد بيه اختياره ودوره فى الحياة
نورتى ضد التيار بعد طول غياب
الازهرى
---------
فى لعبة الشطرنج كل واحد بيكون عارف من معاه ومين ضده
وممكن جدا تلاقى نفسك لازم تضحى بحد علشان تنقذ التانى
يعنى واحد من اتنين هنا بقى تفكر مين له الاهمية الكبرى
او نقول الاولوية فى الانقاذ
ومش من الاول نحدد هنضحى بمين
ووقتها فعلا لو ماقدرناش نحدد هنخسر اللعبة كلها
وبالفعل من لا يقدر من معه فهو بالطبع خاسر فى النهاية
ايوة ايوة ما انت اللى واخد منى نص المية
اخلى بالى منك انت بقى
نورت ضد التيار بتعليقك وتهدئة النفوس بعد غيبة (:
DR.HAMAS
-------------
اللهم امين وكل عام وانت بصحة وسلامة
حقيقى تشبيه وافى ايضا لمغزى الموضوع
اشكرك على تعليقك
نورت ضد التيار
joker
-----------
وعليكم السلام ورحمة الله وبركاته
شطرنج بقى دومينو
المهم ان المعنى وصل الحمد لله
نورت ضد التيار
مولان
------
امشى يا بت مش عايزاكى تعيدى عليا
عاااااااااااااااااااااااااااااااااااااااااااا
ايه كل الضدات دى؟ ليه يوم يا ظالمة
عااااااااااااااااااااااااااااااااااااااااااا
الحمد لله انه جه فى الجون ماطلعش اوت P-:
نورتى ضد التيار من غير ضد هه بس
mahasen saber
-------------
اكيد طبعا لو الحياة بين الاتنين فماينفعش تكون فى قالب شطرنج
بس انا بتكلم عن الدنيا عموما
مش عن علاقة عاطفية بين اتنين وبس
انا ركزت هنا على العلاقة العاطفية لإنه من المفروض ان علاقته
العاطفية تكون بشكل بعيد عن علاقاته الاخرى بين الناس
لكن تغلب شخصيته المغرورة وثقته الزائدة بنفسه خلته يتعامل بالشكل ده
حتى مع الطرف التانى اللى المفروض يكون بيحبه ويقدره ويحترمه
حمد الله على السلامة وان شاء الله تتعوض مرة تانية يا قمر
نورتى ضد التيار
ناعومى
------------
وانتى طيبة يا جميل
الحمد لله ان التشبيه عجبك
نورتى ضد التيار
اقصوصه
--------
وانتى بخير
نورتى ضد التيار
البت المشمشية حلوة بس شقية
----------------
هههههههههههههه
لالا طبعا هو حد يقدر يقول غير كده؟
نورتى ضد التيار
kh
-----------
وعليكم السلام ورحمة الله وبركاته
بس ازاى بس عايزة افهم
اولا الفيل مستفيد ايه فى اللعبة؟
وكمان مش فاهمة يعنى ايه اسلوبه تقليدى ويخرج عن النمطية؟
اللى انا اعرفه ان الفيل له اتجاهات معينة
يا ابيض يا اسود مالوش اى طريق غير تقليدى زى الطابية بالظبط
نورت ضد التيار
alqassam
----------
اهلا بيك فى زيارتك الاولى
وانت بخير يا رب
السعى مطلوب وهو مهمتنا كلنا
ولكن تسعى الى شئ معين او حتى هدف
وليس السعى لمجرد السعى
فإذا لم يكن امامك هدف وقتها يظهر التواكل
وتهبط عزيمة السعى من الاساس
عموما كل التيارات اللى انت ذكرتها انا ضدها
فيما عدا المتمسك بعقيدته
اما مدونة ضد التيار انا سميتها ليه كده؟
http://upstream2.blogspot.com/2008/09/blog-post.html
ادخل هنا فى اول بوست للمدونة وهتعرف انا سميتها ليه كده
نورت ضد التيار
حـــــ الــجــنــة ـــــور
------------
وعليكم السلام ورحمة اله وبركاته
وانتى طيبة يا قمر
ادوارنا فى الحياة ليست متنقلة
ولكن المواقف اللى بنقابلها هى اللى بتفرض علينا طريقة التعامل
يعنى فى لعبة الشطرنج تختلف الخطط لكن كل واحد عارف دوره كويس
نورتى ضد التيار
kemet
---------
وعليكم السلام ورحمة الله وبركاته
وانتى بخير
جميل ان الموضوع يكون ليه الصدى ده عندك
وفتح مجال للتخيل
نورتى ضد التيار
طـــائر الليــــل الحـــــزين
--------------
وانتى كمان واحشانى الكام ساعة دول (:
عايزة اقولك ان الملك بالعكس دوره اضعف من كتير فى اللعبة
ده بيعتمد على حماية الاخرين ليه
ومايقدرش يحمى نفسه الا بخطوة واحدة بس من قريب
يعنى فى ادوار تانية اقوى من الملك
بس زى ما انتى قلتى اللى امكانياته يكون ملك هيكون ملك
واللى امكانياته يفضل عسكرى هيفضل عسكرى
والثقة اكيد حلوة لكن لو زادت بتتقلب لغرور وساعتها
هنخسر كل حاجة حلوة
وانتى بخير يا قمر
نورتى ضد التيار
الرومـيصاء
---------
وعليكم السلام ورحمة الله وبركاته
انا بخير الحمد لله
وانتى طيبة يا قمر
طبعا لازم الواحد مهما كانت درجة ذكاؤه مايستهونش بذكاء اللى قدامه
بس الصراحة انا ماعرفتش اقرا المثل اللى انتى كتبتيه ده
انا فهمته بس ماعرفتش اقرا الجملة على بعضها
يعنى ايه تنم له؟
نورتى ضد التيار
Soul.o0o.Whisper
--------------
وانتى طيبة يا قمر
ربنا يكفينا شر الناس دى
ويقدرنا على اللعبة باللى فيها
نورتى ضد التيار
لورنس العرب
------------
اسمحلى مفيش راجل بيستحمل او حتى بيسكت
على ان زوجته او خطيبته تكون ند ليه
معلش يعنى دى انا ماقابلتهاش
ورغم ان الموضوع عمومى عن الدنيا ككل
الا ان الجزئية اللى انت اتكلمت عنها فى الموضوع اكيد انا متفقة معاك فيها
وهى اننا مش فى حرب وان الحياة تعاون ومشاركة بين اتنين
نورت ضد التيار
البت المشمشية حلوة بس شقية
-------------------
اهو ظهر يا قمر اسفة على التأخير فى النشر
dalia
----------
وانتى كمان يارب تكونى قضيتى عيد سعيد
لازم كل واحد يفكر قبل ما يخطو خطوة واحدة
لإن كل الخطوات محسوبة
نورتى ضد التيار
ذو النون المصري
-------------
من اختار دور لا يناسبه وينجح فيه فالنجاح لا يدوم فى كل مرة
اما من يختار دور مناسب ليه ويسقط فيه فإن سقط مرة
فإنه يستطيع النجاح فى مرات اخرى
وانت طيب يا رب
نورت ضد التيار
Butterfly
------------------
وعليكم السلام ورحمة الله وبركاته
وانتى طيبة يا رب
انا مبسوطة ان البوست عجبك
ونتمنى ان كلامك يتنفذ لكن مش بإيدينا للاسف
هى دى الدنيا
نورتى ضد التيار
انا حرة
-----------
انا معاكى فى كل كلامك
بس عندى نقطة صغيرة عايزة اوضحها وهى
دور العسكرى اه هو ممكن يكون اقوى فعلا من الملك
لكن علشان يوصل للنهاية لازم يكون بمساعدة آخرين
نورتى ضد التيار
كاتب مصري
-----------
وانت طيب يارب
وهى قالت هترجع الاسبوع اللى جاى ان شاء الله
وهعملكوا تحديث علشان اطمنكوا عليها
نورت ضد التيار
لحظة تأمل
---------
اكيد لازم نراعى الاخرين ونفكر فى اللى حوالينا
لكن كل واحد لازم يحدد دوره هو ايه بالظبط من البداية
يعنى اللى اختار دور العسكرى صعب يلعب دور وزير مثلا
ولا الوزير يقدر يكون طابية
وانتى طيبة يارب
نورتى ضد التيار
hager za3bal
-------------
ميرسى ليكى على كلامك
والحمد لله ان البوست نال اعجابك
نورتى ضد التيار
الازهرى
-------
انت ماقلتلناش اسمها ايه طيب
علشان نقولك لو سمعنا خبر عنها ولا حاجة :)
تائهه في بحر الحب
------------
اهلا بيكى بزيارتك الاولى وان شاء الله مش هتكون الاخيرة
نورتى يا قمر ضد التيار والحمد لله ان البوست عجبك
فارس القمر
----------
وانت طيب يا رب
نورت ضد التيار
الف سلامه عليها يا قمر
وربنا يتقبل منها ومن الجميع ووتيجى بالف سلامه
وحشتينى يا جميله
وتصبحى على الف خير
اسمها ضد اختفت يومين
ومحدش عارف عنها حاجة
مع ان ادنيا والعة عند مولان بسببها
تصفيق حاد على هذة المباررزة المواقفية
اعجبنى جدا جدا
واعجبنى اكثر اسلوب داليا فى معاملتة
نحن كرجال او شباب ايا كانت التسمية للاسف كثيرا ما نتهاون فى حق من منحونا الحب والرعاية ولا نفيق الا بعد ان الطوفان والغرق
تحياتى
فإذا اعتمدت على خبرتك و ذكائك فقط و تجاهلت الآخر
أكيد صح
قبول الآخر
موازنة الآراء
وحاجات كتير ممكن تخلي الدنيا لعبه ألذ شوية
أمنياتي
حلوه حلوه حلوه
تبادل الاحاديث عاجبنى
والمغزى كمان عاجبني اوي
جمييييييييله اوي
كلام جميل اوي من واحده جميله اوي
عزيزتى ضد التيار
دى اول زيارة لمدونتك
بس بجد البوست رائع
وبحييكى عليه
وان شاء الله هكررها
اكيد يعنى
على فكرة انا dreams
ارجوا زيارة مدونتى
بحييكى
ضد
وحشتنيى موووووووووت
طبعا انا عارفاكى هتقوللى
انتى علطول غايبه غايببه
قر فتنا
صح ولا........
والله انا بغيب غصب عنى
بتعب اوى وبعد ما اخف
بزهد الدنيا هههههههههههه
والله مكنتش بقدر حتى اقعد اكتب بوست
وبعد ما خفيت والحمد لله تومام تومام
راح الجهاز با يظ
نظرا لغيابى مين(شموسه......
انا ما متى بتحج هى كمانننننن
عقبالنا يارب
المهم
نرجع للفليم بتاعك
جميل جدااااااااااااااااا الحوار
عجبنى ودخل فى المخيخ
والمغزى منه ......
تسلم ايديكى يا احلى مؤلفه
دمتى سالمه
حنين
أولا كل سنه وانتي طيبة
ثانيا قصتك جميلة قوي وفيها فكر عالي
ولو ان أنا رأيي إن في مواضيع المشاعر والعواطف المفروض مايكنش فيه أي سياسات لأن الإحساس زي النهر بيمشي في الطريق بتاعه اللي غالبا بيكون على جنباته الورود حتى وإن كان في بعض الصخور لكن في النهاية هتلقيه بيعدي من جنبيها أو ساعات بيدوس عليها علشان يكمل سريانه
مش عارف ليه الناس بتحب تعقد المسائل مع إن كل حاجة في حياتنا المفروض إنها تبقى بسيطة علشان تساعدنا إننا نحياها بدون مشاكل
بس بجد بوست رائع كالعادة وعلى فكرة مستني أعرف الوش اللي سيبتهولي سببه ايه؟
خالص تحياتي
الدنيا لعبة شطرنجية.. يوجد بها الكثير الذى يقبل بدور العسكرى و يوجد بها من يقبل بدور الملك و لكن يوجد ايضاً من لا يقبل إلا بدور الوزير ......فإذا اعتمدت على خبرتك و ذكائك فقط و تجاهلت الآخر ..فكن على يقين أنك الخاسر الوحيد فى هذه اللعبة"
قولتي المفيد مفيش كلام تاني وعجبني الموضوع
السلام عليكم
بوست جميل وتحليل منطقي بجد الحيااااة لعبة وأمر لعبة بس العيب مش فيها العيب فينا إحنا لي ماسكين فيها وفكرين نفسنا حنخلد فتلاقي فينا الغدار والمكار والظالم والطماع والصبببر بقى موضه قديمه عند ناس وناس
بجد قد ماتكون فاهم في الدنيا قد ما تكتر خسارتك
تقبلي مروري عزيزي ضد
في امان الله وسلامي للشموسة
الله الله عليكي
بجد تحفه
جميل اوي اوي اسلوبك
اتشوقت اعرف باقي الحكايه
شيق جداااااااااااا اسلوبك
ربنا يحفظك حبيبتي
تقبلي مروري
mahasen saber
--------------
الله يسلمك يا قمر
اللهم امين
انتى اللى واحشااااااااااااااانى موت
وانتى من اهله ولو انها متأخر اوى ههههههههه
نورتى ضد التيار
الازهرى
----------
انا دخلت عند مولان كانت للاسف قافلة المدونة
ماشوفتش الحريقة انا عايزة اعرف انتوا قلتوا عليا ايه
عااااااااااااااااااااااااااااااااااااااااااااا
بدل ما اعملكوا انقلاب فى بلوجر كله
عااااااااااااااااااااااااااااااااااا
اعترف يا ازهرى (وش بيحذر)
صباح الصباح
----------
انا مبسوطة كتير ان البوست عجبك
انا معاك فى كلامك ان الانسان مابيفوقش الا بعد فوات الاوان
ولكن فى كل الامور ومش الحب بس
نورت ضد التيار
من غير عنوان
------------
اكيد معاك حق فى كلامك
نورت ضد التيار
صبرنى يارب
----------
الحمد لله يا قمر ان البوست عجبك
والمغزى وصلك كمان
نورتى ضد التيار
بعبعه
-------------
اشكرك على زيارتك الاولى
وان شاء ماتكونش الاخيرة
انتى اللى جميلة يا جميلة (:
نورتى ضد التيار
من هزمتها الايام
------------
اهلا بيكى بأول زيارة واللى اكيد مش هتكون الاخيرة
انا مبسوطة ان البوست عجبك كمان
عرفتك يا قمرايه طبعا (:
المدونة نورت بتعليقك
نورتى ضد التيار
حنين
-------------
صح
سلامتك من التعب يا قمرايه
طول عمرك مبختة كده يعنى يوم ماتخفى الجهاز يبوظ؟
هههههههههههههه
عموما وحشتينا وماتغيبيش علينا تانى
بالنسبة لشموسة هى صاحبة المدونة دى
http://shams-elnahar.blogspot.com/
وهى انسانة جميلة زيك كده يا قمر
وعقبالنا كلنا يارب لما نحج
اما بالنسبة للفيلم بقى
الحمد لله انه دخل فى المخيخ والمغزى وصل (:
نورتى ضد التيار بعد غيبة
ولد مصرررررررررررررررى
-----------------
وانت طيب متأخر (:
انا اتفق معاك فى رأيك
علشان كده انا ركزت على الجانب العاطفى
لان هو خارج نطاق اللعبة وخارج نطاق اى سياسات
لانه هو الجانب الخاص بالاحساس والعواطف والمشاعر
ولكن كما ذكرت فى البوست فى فئة من البشر من كتر ثقتهم وذكاؤهم بيتحول الى غرور
فيتعامل فى كل جوانب حياته من منطلق واحد لا غير
وانا سعيدة طبعا ان البوست عجبك
اما بخصوص الوش فخلاص بقى غيرناه وبقى ده (:
على فكره فى ضريبه تأخير عليك ماشى ؟
نورت ضد التيار
BAhMeD 3LaM
---------------
الحمد لله ان الموضوع عجبك
نورت ضد التيار
حـــــ الــجــنــة ـــــور
---------------
انا مش معاكى فى الجملة الاخيرة دى
ازاى على قد ما نفهم فى الدنيا على قد ما تكتر خسارتنا
المفروض اللى فاهم بياخد باله وخسارته بتكون اقل بكتير من اللى مش فاهم
الا اذا انقلب الفهم لغرور فى الحالة دى هيخسر كتير
نورتى ضد التيار
عاشقة الجنه
-------------
ميرسى لكلامك يا قمر
بس للاسف مفيش حكاية
هى كده الحكاية خلصت
اتمنى ان مغزاها يكون وصل (:
نورتى ضد التيار
يااااااااارب ترجع بالسلامه يارب
ويارب تكوني بخير يا ضد
:)
فى البداية الف حمد لله على سلامة شموسة الغالية وربنا يرجعها لنا بالف سلامة ويوعدنا جميعا ننول الخير اللى هناك ونلتقى كلنا على عرفات
واعتذارى عن متابعة الاحوال ولكن الوقت ضيق والمتطلبات كثيرة
اما بخصوص مولان وبدون عياط
اهى المدونة اتفتحت وشوفى موضوع العيد
مش لاقى كلام
البوست دا تعبنى بجد
تعبنى اوى
هلا ضد
ربناما يحرمنا منك و لا من وكالة الانباء اللى انتى عملاها دى
هههههههههههههههههههه
ربنا يطمنا على شموسة و يرجعها بالسلامة
و يا بختها ،
يارب يوم ما أروح الطيران يتعطل هو كمان
ههههههههههههههههههه
خالص تحياتى
بالله عليكي اول ماتصل تدخلي عليه في مدونه وتكلمني لان انا مش بدخل كثير تركي لي رساله بانها وصلت
مواضيعك دائما مهمة كما عهدناك دوما
دمتي رائعة!
hager za3bal
-------------
اللهم امين يا رب
وانا بخير الحمد لله تسلمى على سؤالك
نورتى ضد التيار
الازهرى
------------
الله يسلمك يا رب
ويارب ترجع بالسلامة قريب
ويارب جميعا ننولها كلنا ونتجمع على عرفات ان شاء الله
الاول الله يكون فى عونك
وبخصوص مولان ان شاء الله النت يتظبط ونشوف موضوع العيد
blue-wave
-----------
انا اعتذر عن التعب اللى اتسببت فيه
واتمنى انه يزول
نورت ضد التيار
Soul.o0o.Whisper
---------------
ههههههههههههههه
ربنا يخليكى يارب ولا يحرمنى منكوا ابدا
وان شاء الله شموسة ترجع بالسلامة قريب
نورتى ضد التيار
عاشقة القمر
----------
ان شاء الله هحاول اطمنك اول ما اعرف انها وصلت
نورتى ضد التيار
قطرات من شواطئ الحياة
--------------
ميرسى لكلامك الجميل يا قمر
نورتى ضد التيار
حبيبتى الغالية
الف سلامة على شموسة وحجة مقبولة
ويارب تكون بخير
وحشتينى ووحشنا وجودها معانا
smilyose
روح الحب الصادق
دى بقت مدونة شموسة بقى هههههههه
ربنا يخليكم لبعض يا رب
مستنى
السبحه
والطاقيه
حمد على سلامتها
البوست جميل بس الحب مش لعبه والاتنين خسروا صدقيني المشاعر عمرها ماتتخطت والا تتلعب دي احاسيس
المهم انا حبيت اشكرك وكمان اسلم عليكي
smilyrose
-----------
توأمتى الغالية
الحمد لله شموسة رجعت بالسلامة
ونورت بلوجر من تانى
وحشتنا كلنا
princess
---------
هههههههههههه
مدونة شموسة او مدونتى واحد (:
ربنا يخليها ليا ويخليكوا انتوا كمان
رومانسى التفاؤل
----------
الله يسلمك
السبحة والطاقية بقى عند شموسة
روح قولها (:
شمس النهار
----------
انا معاكى ان الحب كله مشاعر واحاسيس
وماينفعش يكون لعبة
لكن انا هنا قصدت الدنيا عامة
لا شكر على واجب يا شموستى ونورتى بلوجر من جديد (:
معذرة للتاخير او التقصير لكن جزيتم خيرا على موضوعكم الرائع
لازم فعلا الواحد يقدر الخصم او اللى قدامه عموما
فى موضوع الخريطة الذهنية على مدونتي اتشرف بذيارتكم واتمنى ان يفيدكم
حلم كبير
حمدلله على سلامة شموسة
و ربنا ما يحرمنى منك و لا من سؤالك يا جميل ...
خالص تحياتى
ضد
وحشاني والله
ليه بقيتي تتأخري في بوستاتك؟؟
متتأخريش كتير :)
قولي لشموسه حمدلله علي سلامتها
:)
ويارب تكونو بخير
تحياتي
ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد يا ضد
ليكي عندي تاج تعالي خديه بسرعة
مع غزة ... ولو باضعف الايمان
بسم الله الرحمن الرحيم
شارك
بدعاء واحد
فى
صلاة الفجر ليوم الاربعاء القادم
31-12-2008
وصيام الخميس تطوعا
1-1-2009
الدنيا لعبة شطرنج
لوحه كبيره ابيض واسود
كل انسان بيختار ارضه
وكل انسان بيختار دوره
الاحساس متخلقش جوانا عشان نوجهه اتخلق بس عشان يتحس ونشارك فيه اللي بنحبه
مش ممكن الانسان يتصرف علي اساس دماغ اللي قدامه
ما يمكن اصلا هو فاهمها غلط
اظن الصح الانسان يقول ويحس اللي جواه
يتعامل مع كل الناس بشفافيه وخصوصا مع اللي بيحبهم مش صح مقول انا كده هي كده الظروف والمواقف بتختلف والحب مش ممكن يفضل مع اللي بيستهتر بيه
استفزني الموضوع عقليا وقليل ما يحدث هذا
كل عام وانتي بألف خير واشكر الصدفه وسمايلي روز اللتان قاداتاني الي هنا
محمد عبد الباسط
------------
ولا يهمك على التأخير
فعلا كلامك سليم
واشكرك على الدعوة وان شاء الله البيها
نورت ضد التيار
Soul.o0o.Whisper
---------------
الله يسلمك
ده واجب يا قمر ويارب تكونى بخير
نورتى ضد التيار
hager za3bal
------------
وانتى كمان واحشانى يا قمر
وان شاء الله انزل الجديد قريب
ومش هتأخر تانى
يوصل سلامك لشموسه
نورتى ضد التيار
Manamino
------------
اشوف فيك يوم انت واللى نشرت فيروس ضد يا ضد خيارة هانم
واخدنا التاج وهنهد المدونة بتاعتك وبتاعتها بعون الله
ومفيش نورت علشان تقول ضد يا ضد تانى
هه بس
AhMeD RaDy
-------------
ربنا يفرج كربهم يا رب
وينصر الاسلام والمسلمين فى كل مكان
وان شاء الله هندعيلهم كلنا فى والصلاة والصوم
نورت ضد التيار
حنان الشافعي
------------
انا معاكى فى كلامك
واى نعم ان الانسان يقول ويحس اللى جواه ويتعامل بشفافيه
ولازم بردو الانسان يحترم دماغ اللى قدامه ومايستقلش بيها
وكل عام وانتى بصحة وسلامة
وانا كمان بشكر سمايلى روز اللى وصلتك لهنا
شكرا زيارتك الاولى واتمنى انها ماتكونش الاخيرة
نورتى ضد التيار
كل سنة وانتى طيبة
ودايما بخير وسلام
ايه يا قمر
انا جيت اقولك كل سنة وانتى طيبة
وعام هجرى وميلادى سعيد بأذن الله
ويارب السنة دى تقدرى تحققى كل اللى نفسك فيه
ويارب يديكى كل اللى بتتمنيه
تحيااااااااااتى يا قمر
العزيزة ضد
قد طال غيابك عنى
فإن يكن لخطأ ارتكبته فأعتذر
وان كان لانشغال بامر جلل
فادعوا الله تعالى ان يفرجه
تحياتى وخالص مودتى
انا جيت بس اقولك
وحشتيني اولا
وثانيا بقي
كووووووووول سنه وانتي طيبه وياااااااارب 2009 تبقي اجمل من 2008
وتحققي كوووووووول اللي بتتمنيه
تحياتي
ضد بوست جديد بئه يا شيكو كفايه كده
إرسال تعليق